[ذيبان]

ياالله حي فهد وتكفا نبي نكملها الليله لأني بكرا طالع محل قريب وجاي الاربعاء ان سمح الله الأمر واستلم لا هنت :

بخيص مورس وأطمس العنوان=واقرا الفلق لا جيت مع عُوره
والا وصلت لسورة الرحمن=فالله أحد في مجمل السوره

[فهد اليامي]

ارحب ياذيبان

ولا عندي مشكله

طال عمرك

وانا ارسلت رساله خاصه ارجوا انك تقراها قبل ماتمشي

وتروح وترجع بالسلامه

كل البلا من زهره الريحان=من شمها مايضمن اشعوره
ماتثبت الحجه بلا برهان=مادام نجمك ماطلع نوره

[ذيبان]

ارررحب يا فهد وانا معك الليله الين يامرنا الله

واستلم لا هنت :

الا البلا ساسه من العربان=واللي خبز ما شب تنوره
وأقول المدعي علي خسران=كانه ظهر لي بكشف قصوره

[فهد اليامي]

دام الرعيه مالها رعيان=الذيب فيها يعلن الثوره
مافيه نارٍ مالها دخان=ياصاحبي رايتك مكسوره

[ذيبان]

اللي يطاول هرجة التعبان=يتعب ولا يرتاح دكتوره
ولو الصهيبي مثل ابن برمان=ما شيف والرايات منشوره

[فهد اليامي]

ذيبان صح لسانك

وبيض الله وجهك

والله انه شرف لي اني العب معك طال عمرك

تقبل تحياتي

[متعب الخامسي]

محاورة قوية وجزله من بدايتها.. يعطيكم العافيه ولاهنتو أمتعتونا .

أستفدنا من هالمحاورة حاجتين الأوله إن ذيبان شاعرجزل ولادرينا عنه والله يبارك في فهد اللي خلنا نشوف ابياته
والحاجه الثانيه إن فهد شاعر جزل من زمان والحين معه واسطه معاد نقدر نتعرضه عاد هو اقشر بدون شي وشلون بعد لعبه مع المدير


ذيبان وفهد شعار كبار ومبدعين مشكروين على إمتعنا بأبياتكم الجزلة لاعدمناكم ..

[صالح العجلاني]

صح الله لسان الشعار