[نوف الثنيان]

.



أهواه؟!:كلمـه خيالـيـه وفَضفـاضَـه
لكـنّـي اهــواه.. صدقيَّه,ومعقـولـه


جانـي باحاسـيـس ورديّه,وفيّـاضـه
وروَّح وخلّـى لـي الاشـواق والتولَـه




صح نبضك ..

جميلة بعبقها النافذ.. وبقدر حبنا للرياض ..

تحية وتقدير .




.

[سابك ذهب]

هلابك يامحمد مدران اليامي



وكل الشكر لعبق مرورك


تحياتىىىىىىى لك

[شيخة الغيد]

سابك ذهب..
وقد اخترت لنفسك اسمايناسب ماتقدمه لنا!!!
من أروع ماقرأت وهي حقيقة لامجامله (اهواه كلمه خياليه وفضفاضه# لكني اهواه صدقيه ومعقوله!!!
صح لسانك ملايين وعساك سالم

[نادره]

ياسلام عليك انا اشهددددددددددد انك سابك ذهب
ابداع واحساس مرهف خصوصا انها بعاصمة العز
الرياض الحب الابدي
كلماتك جعلتني ابحر في بحر العذوبة
صح لسانك ملاييييييييييين


لك كل التقدير والاحترام

[عبدالرحمن المرخان]

الرسالة الأصلية كتبت بواسطة ســـابـك ذهـــب

أسعَد الله جميع أوقات الجميع:

نَص كُتِب ذات ربيعٍ إحتضنتهُ العاصمه

عَـلَّهُ يجِد بعض من قبول:

اليوم شمس البلد! خَجلَى ومغتاضه=من حسن جوّ الرياض وكل ماحوله
واليوم! رايع وانا لايمكن اعتاضه=كسبت فيه: المطر, والزين,..والتَولَه
ياهاجس الشعر, ياطرياه,واَعراضه=هَبَّت على خاطري..واخْذَت لها جوله
وتمكّنَت من جبال الفكر,وإفياضه=إستحوذَت له وصارت عَنْه مسئولَه
وتمخّضت عَن غَزيرِه,واجمل اغراضه=وبحر الشعر! جبت ياقوته مَعا لوله
أعرف شِتاءِه,كذلك عارفٍ قاضِه=واقراه,واقرا عَنه,واهواه,وآقوله
وآصخّره لاجل منهو هاجسي هاضه=هيَّض شجوني بحكيِه,هيَبته,طوله
جاني,وجيته بشوقٍ بان مركاضه=في ساعةٍ كانت الاحزان مقتوله
وتفَتَّق إحساس خفّاقي بعد خاضه=برموش عينه,وبخدوده,ومعسوله
عالَج بوصله جروح القلب,وامراضه=وحَرَّك شرايين كانت شبه مشلوله
كريم..لو يبتعد ويطوِّل إعراضه!=ومهما ظروفه قسَن! لابُدّ مايَولَه
إليا تذكَّر عدود الشوق وإحياضه=ومنه المعاليق معلوله ومذهوله!
يجي ويَارد بنزعة شوق فيّاضه=ويروي خفوقه,..وقلبٍ ذاب من هوَله
أهواه؟!:كلمه خياليه وفَضفاضَه=لكنّي اهواه.. صدقيَّه,ومعقوله
ويْارْياض صرتي رياضي,واجمل إرياضِه=إثنيننا لاحدٍ حولي ولا حولِه
جاني باحاسيس ورديّه,وفيّاضه=وروَّح وخلّى لي الاشواق والتولَه

وسلامة الجميع

سابك ذهب

الرياض

الله عليك اشهد انك جزل ولا تجيب غير الجزل والابداع منك واليك يالغالي صح لسانك مليااااار

تحياتي واعجابي وتقديري 00

[سابك ذهب]

مرحبابك ياعلي الأسمري


وكل الشكر لمرورك المَطَر



تحياتىىىىىىى لك

[يزيد بن غشيّان]

يا لبى والله الرياض انا اشهد

سابك صح لسانك اخوي ولك تحيه وحبة خشم

[سابك ذهب]

هلابك اُنثى الضجيج


ووردك وعطرك


تحياتىىىىىى لك

[سابك ذهب]

هلابك يانوره العجمي...ومرورك الأول المُشرِق


تحياتىىىىىى لك

[جبران]

ساااااااااااااابك هذا النص الثالث الي اقراه لك ومن خلاله تثبت لي ان خطيييييير

كل شي يخص الرياض احبه حتى هنووودها هههههه


قصيده عذبه شفافه تهبط في القلب لاسواااااااااااااااااااااااااااه ..

والحذيه من التووووووووووله لاتنسى ..

[سابك ذهب]

هلابك يانايف سعود

وشكراً للكرم في مرورك


تحياتىىىىىى لك

[سابك ذهب]

هلابك ياخالد الحربي
وشكراً لجميل مرورك

تحياتىىىىىى لك

[عبدالله الراشد]

سابك ذهب ،، فعلا
ياخي لاسلوبك لذة وشعر واختصارات يعيدة عن التكلف المعتاد علية

قصائدك قريبة من النفس

[سابك ذهب]

هلابك يابدر القبيان

وشكراً لمرورك النور


تحياتىىىىىى لك

[سابك ذهب]

هلابك ياخالد المنصور


وشكراً لمرورك


تحياتىىىىىى لك