07-12-2001, 09:10 | #16 |
شـــاعــر
|
استلم ياعكاشه الله واكبر يامقادير الزمان .... لاكبرت الدعوى على العاقل تهون .... ان كان في بطنك خبر هات اليقين .... واللي عقد روس الحبال يحلها دامك تعرف اشناب سق يابو ليان .... بس انتبه لاتقف للي يشرون .... اثرك على خط حلبان تساق زين .... واللي عقد روس الحبال يحلها |
07-12-2001, 09:46 | #17 |
سيـــف الســـيــف
|
استلم يالمبدع بدري على عشرين من شكلك كمان **لاتسري بقافي سرت فيك الجنون$$$ سرح بك التفكير ياذيب البطيّـن** واللي عقد روس روس الحبال ايحلها0 تبشر بامان الله وتبشر بالطمان ** واذا قلطت الجرح عندي له دهون $$$ واللي هدر عوّد يهجرع بالحنين** واللي عقد روس الحبال ايحلها0 ========================================= صح لسانك يالمبدع وبيض الله وجهك شاعر بمعنى الكلمه والشاعر اللي يلعب معك لابد وان يخرج بشي جديد ومفيد في فن المحاوره اهنئك على هالمستوى واهني المنتدى بتولي شاعر بحجمك مهام ادارة اشرافه اتمنى لك التوفيق ولك تحياتي |
07-12-2001, 10:22 | #18 |
شـــاعــر
|
سعاده المشرف المتقاعد عكاشه .. صح بدنك والله لايهينك والله ودي انك واصلت شوي .. بس ماقصرت لك مستقبل ان شاء الله اما بالنسبه للكلمه اللي سرت .. تراك سريت كلمه زبون وانا لي الحق انبهك عندها او اعيد انا كلمه غيرها .. للاحاطه صح لسانك وبيض الله وجهك .. تحياتي |
07-12-2001, 10:49 | #19 |
سيـــف الســـيــف
|
اخوي/ المبدع شكرا على تعقيبك بس حبيت الفت انتباهك لكلمة زبون في الموقفين اللي انا قلتهن فيها تراها مره تعني زبون السلعه وووحده تعني زبون بمعنى ملاذ يعني مثل قولتنا باللهجه العاميه مايزبن وفيه بيت اذكره يمكن يكون يوضح اكثر خوفوني وانا ماخاف 000 واحسب الضلع يزبني وبالنسبه لقولك انك ودك انها استمرت 00 انا اشوف انها اخذت حقها كامل ولا عاد باقي فيها الا تريد هرج وهذا ماهوب لك ولاهوب لي انشالله 00 والليالي وانا اخوك واجد وعسى الله يديم المعزه والاخوه 00 لك تحياتي الان وفي المستقبل |
07-12-2001, 11:15 | #20 |
شـــاعــر
|
مااخذ بيوت الناس لو كانت سمان** تذكر رشيد؟ اللي لقيتك له زبون** سلعته جت للمنتدى والمنتدين** واللي عقد روس الحبال ايحلها0 اليا وصلت الشرع قلي وان وان**بعض الدوادي مالها عندي زبون**حيل الله اقوى كيف ماهم مستحين ** واللي عقد روس الحبال ايحلها0 لاتعليق |
07-12-2001, 13:25 | #21 |
سيـــف الســـيــف
|
مشكوور يالمبدع قصرت العنوه من ناحية نسخ ولصق والتعليق ازهله وانا اخوك (((((تذكر رشيد؟ اللي لقيتك له زبون))))) {{{{{بعض الدوادي مالها عندي زبون}}}}} ابا احط لك تعليق واحد واعتبره للاوله والا لا الثانيه 000 كله ماشي ياباشا ان بغيت تقول انك تزبن رشيد اذا ورطت وتاخذ من بيوته وان بغينا قلنا الدوادي مالها عندي زبون يعني ما ازبنها ولا لها محل عندي اذا اخترت احد المعنيين لاي وحده خذ للثانيه زبون السلعه 00 وهذي تراها بسيطه مايضيق الشاعر فيها ولا منها واذا هي مضايقتك اعتبرني انا غلطان بس الغلط مايتبع بغلط اتمنى اننا نكتفي بها الحد لا يتطور الموضوع ويصبح من نوع المهاترات اللي حذرت منها انت في بداية كلامك ياسعادة المشرف المستجد بالعدد واحد 0 لكم تحيات المشرف المتقاعد والعضو الكسلان او المتسحب واسالوا عنها ابو مهنا ههههه |
08-12-2001, 05:25 | #22 |
شـــاعــر
|
ياعكاشه .. شف وانا اخوك .. الناس لها عيون مثلك وتفهم .. انا حطيت البيتين عشان يقرون كلامك ويحكمون ماكان فيه داعي انك تبرر وتزيد في الكلام .. اعتقد ان الوضع كذا واضح ولايحتاج لشرح اكثر ... تحياتي |
08-12-2001, 06:27 | #23 |
عضو شعبيات
|
اخوي المبدع ، اخوي عكاشه ، صحيح ان مالي دخل في اللي حاصل ، لكن اعتقد ان المحاوره متى طرحت امام الناس فهي حق مشاع ، لنا الحق نستفيد منها ولنا الحق نقول راينا ....... الي اعرفه ان كلمه (( زبون)) اصلها (( زبن)) وزبن يعني (( طلب)) نقدر نقول طلب اللجوء والحمايه (( زبن فلان )) ونقـدر نقول زبون بمعنى طالب الشراء او طلب شراء السلعه .... يعني في الاصل لها معنى واحد ، مثل (( اكل )) ان قلنا اكل خبز مثل لو نقول اكل لحم .... وما اقول الا مثل ماقال ضيدان : هذا حسب نظرة افكاري وتعريفي *** والناس كلن نظر عينـه يقديـها تحياتي للجميع ، ومهما يكون من امر صح لسان المبدع وعكاشه ، محاوره جزله وكلهم شعار .. |
08-12-2001, 07:34 | #24 |
سيـــف الســـيــف
|
يالمبدع انا احسبك تبيني اعلق يوم تقول لاتعليق 00 حبيت اخدمك مادريت انك بتزعل 00 على العموم انا اسف اسف اسف وترانا تونا بالحمد طال عمرك ان بغيتني اخليها لك تراني متنازل000 بس بالصلاحيات ياكودها حاكم مشكووووور طال عمرك توضيحك دليل وعيك بس ليتك تراجع صندوق رسايلك الخاص لاهنت لك تحياتي |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|