[نورة العجمي]

لي صاحبٍ قبل الزعل يطلب رضاي
........يبكي وانا اللي صافي الدمع ليه
غنيت له رايح وغنيت له جاي
...........وياما عزفته بين روحه وجيه



الجديد تفوح منه رائحة الشعر زكية والقديم أزكى
غاية الجزالة والجمال ياناصر
لاعدمنا هالحضور الغير
ومرحبا بكل ماتحمله من شعر

[نوف الثنيان]

ان رحت قال الصبر هذاك مرساي
.................وان جيت اعود فاض صبري عليه

توليفة مترفة بالشعر ..
صح نبضك ..
أسعدتنا طلّتك ياناصر ..

مودة ..

[ناصر المطيري]

ذيبان

حضورك محل التقدير

شكرا على اطراءك

لك احترامي

[ناصر المطيري]

الصديق

بندر العبد الكريم

اهلا وسهلا بك

شكرا لذوقك الرفيع

لك اطيب تحيه

[ناصر المطيري]

سالم بن جلعان

وسرني مرورك من هنا

دمت بخير حال

لك احترامي

[عبيد البديري]

الرسالة الأصلية كتبت بواسطة ناصر المطيري

عسى ان تروق لكم

من قديم البوح

لي صاحبٍ قبل الزعل يطلب رضاي
....................يبكي وانا اللي صافي الدمع ليه
غنيت له رايح وغنيت له جاي
......................وياما عزفته بين روحه وجيه
اسمٍ نطقته قبل احرك شفاياي
........................يوم الشفايا غافله عن سميه
له نبرةٍ من عقبها يسكت الناي
....................نبره على بعض الحناجر عصيه
ان رحت قال الصبر هذاك مرساي
.................وان جيت اعود فاض صبري عليه
وان قلت ابسكت ماتحملت بلواي
...................وان قلت مخطي ليت كلي خطيه
وان كان عندي راي مدري وش الراي
..........................مابين دقات الخفوق ويديه
علمي بقلبي يوم شالته يمناي
.....................والله مدري ويش منه الهديه
يامقفيٍ تقفي لك اليوم ذكراي

..................عل السعه لاضاقت الارض فيه

الله الله يابو بدر وش خليت من الأبداع
سلم فكرك ونبضك يابو بدر

[محسن العضيله]

لي صاحبٍ قبل الزعل يطلب رضاي
يبكي وانا اللي صافي الدمع ليه

استاذي القدير
من هنا عوده للشعر الذي لم اقرائه منذ
زمن طويل
لله درك يابوبدر على كل حرف حط رحاله
في الوجدان
اتطلع الى جديدك
لك وحشه ياغالي

وكل عام وانت بخير