16-10-2002, 21:26 | #1 |
عضو شعبيات
|
الساعة الثانية ألأ ربع اللي يحب يعرف شمسهرني؟يتفضل يقلط "بشرى"
هلا وغلا باالجميع والله حبيت ابشركم بس ان اللي مسهرني هو.. بعد شوي هاالحين ابقول لاتزعلون علي من طول المسافة اللي مسهرني هو حس شتوقعون....؟! وين اهل المغاتير.......................؟ والله اللي مسهرني قاعد اتسمع لصوت حلو كلكم تحبونه لا وبعد تمنونه اليوم قبل بكرى وتصلون على شان يجيكم عرفتوه ........................!! أو... اقول .. انا .. لا اقول احسن قاعد اسمع صوت الرعد الحمد الله ياربي من المغرب الى الحين وهي ترعد لا وبعد تبرق وتمطر واللي مزينها ان اليوم الأربعاء يعني بكرى مافيه مدارس . اوووووووووووه الله يعين طلاب الجامعات اللي مالحقوا على الرحلة -------------------- يالله تجيب الربيع الديرتي " حايل" يمكن يزين الحض ونشوف بعض احبابنا اللي في المنتدى يتمشون في حايل ياالله تجيب هااليوم وحنا والجميع بصحة وامن وايمان. احبتي عسى ماكون طولت عليكم وازعجتكم تالي هاالليل. بس حبيت ابشركم وعسى الله يرزق المسلمين كلن بداره .................... تقبلوا تحياتي هبووووووووووووب الشمالِ. ياالله اخر تعديل كان بواسطة » هبوب الشمال في يوم » 16-10-2002 عند الساعة » 21:37. |
16-10-2002, 21:59 | #2 |
عاشقة شعبيات
|
.... .......... مشاء الله .. تبارك الله .. .... ياحظكم مشاء الله .. .... يااااااااوه ياهنيكم .. ..... عقبالنا يارب .. ... والله من الحر عندنا والمكيفات اللي صجت روسنا .. .. الله يبشرك بالخير . يارب .. ... تحياتي وتسلم على هالبشاره .. ... اختك . سروووووبه .. |
16-10-2002, 23:46 | #3 |
شاعر
|
اللـــــــــه يبشرك بالخير ....... والله يهنيك بالمطر ..... وترى ماهي عدله يالشمالي ..... يعني عشان عندي دوام بالشرقية ولا أقدر أروح ديرتي يعني ..... لا من جد شكلك تبي تقهرني ........ الله لا يهينك هبوب بغيت منك خدمة لوسمحت..... (( ممكن تعبيلي شوي ببادية )) |
17-10-2002, 01:31 | #4 |
عضو شعبيات
|
عز والله ...... ماشاء الله تبارك الرحمن ..... حايل الخير ...... عسى دوم على هالحال .... هبوب الشمال ..... شوقتنا والله لحايل ..... وعقبالنا يارب .... متنا من الحر فطسنا بس ياشيخ مهوب كنك تبغى تقهرنا بس وإلا الأخ من شعبة الأرصاد الجويه ما ألومك لو تقضيها صباحي ... دام الدعوه رعد وبرق ومطر وخير .... الله يهنيكم يارب .... تحياتي لك ،، الريــــــــــم |
17-10-2002, 02:28 | #5 |
شـــــاعــــــر
|
الله يبشرك بالخير
اخوي هبوب الشمال شكرا على هالبشرى وشكرا على الاخبار الزينه وعلى فكره انت خليتني افكر في موضوع حلو يعطينا اخبار المطر اولا باول 00 تحياتي لك اخي العزيز والله يبارك فيك بس لعلك تدخل الموضوع الي ابي اكتبه الحين وتحدد مكان المطر تقريبا قدر المستطاع وتحدد قوته سيل او اقل من ذلك او رش فقط طبعا الاوصاف الثانيه مثل شاهد وقشع وشاهد حديد وخلافه لن يعرفها الاكثريّه 00 شكرا للجميع تحيات اخوك ابونوت |
17-10-2002, 03:17 | #6 |
..
|
هبوب الشمال الله يبشرك بالخير اسعد خبر سمعته اليوم الله يجيب الخير و يطرح فيه البركه الله يهنيكم يااهل حائل الف شكر لك على الخبر السعيد تسلم لا عدمناك |
18-10-2002, 19:56 | #7 |
عضو شعبيات
|
اختي // سراب الليل مشكوره ياعزيزتي وعسى الله مايحرمنا وياكم رحمته. وللحين انتم تشغلون المكيفات .الله يعينكم . اليوم العصر انا لابس كوتي لا وفيه ناس لابسين فراء وناس لابسين بشوت بس هذا باالبر, الشتاء جانا الله يحييه ويكفينا شر نزلاته " الخشه" تقبلي تحياتي هبوب الشمال |
18-10-2002, 19:59 | #8 |
عضو شعبيات
|
اخوي // ابو ضبيه ماعاش من يقهرك ياالغالي بس ماعطيتني صندوق البريد على شان ارسل لك البادية الف شكر على الزيارة تقبل تحياتي هبوب الشمال |
18-10-2002, 20:01 | #9 |
عضو شعبيات
|
اختي الريم الله يعزك بطاعته عسى تشتاق لك العافية ----------------------- هبوب الشمال ..... شوقتنا والله لحايل ..... وعقبالنا يارب .... ----------------- ( روحي بحايل ماتفارق جبلها ## حبي لها عيا على كل الأوصاف) ( افرش حصاها واتوسد سهلها## وارقد بحضن جبال سلمى ولااخاف) ( اسمح واراضيهاوداري زعلها## واشتاق له شوف الطنايالاللأضياف) الشاعر المغترب // احمد العريفي ---------------------------- الله لايحرمنا وياكم رحمته تقبلي تحياتي هبوب الشمال |
18-10-2002, 20:02 | #10 |
عضو شعبيات
|
اخي العزيز// ابو نوت الله لايهينك تسلم على مشاركتك معي ولك ماطلبت بإذن الله سوف اوافيك بخبار المطر اولاً بإول. |
18-10-2002, 20:03 | #11 |
عضو شعبيات
|
اخي العزيز // عبد الرحمن اليحيى الله يسعد ايامك ومشكور على هذه الكلمات والدعوات الجميلة تقبل تحياتي هبوب الشمال |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|