12-03-2019, 23:36
|
#1 |
|
شــاعر
|
جبل الأجرد
السلام عليكم ورحمة الله وبركاته جعل الله كل اوقاتكم سعادة وطاب فضائكم يأهل شعبيات العشق وعسى ان تكونوا بخير دائما ًً قصيدة بعنوان جبل الاجرد عسى أن تلامس شئ من ذائقتكم https://youtu.be/AjbxL-fYwb4 🌹🌹🌹🌹 |
|
|
|
20-09-2019, 04:19
|
#2 |
|
شـــاعرة
|
رد : جبل الأجرد
وطابت ايامك اخوي خالد ياليت تكتب القصيدة توثيق لك هنا ولسهولة قراءتها والتعليق عليها |
|
|
|
|
08-02-2020, 12:12
|
#3 | |
|
شــاعر
|
رد : جبل الأجرد
إقتباس:
وشكراً كثير لك وهذه كلمات القصيدة ---------------------------------------------- مع آخر نجوم الليل تعلن رحيل الليل توادع على عودة مسامره مشتاقه تخايل صباحا ما احترى شمعة القنديل مع أول ظهور النور يبدأ بمشراقه يلوح بنوره قبل يرمي له المنديل ويكتب تحياته على الرجم واشواقه يهلي بضلعاً كم شهد جيل بعده جيل وبينه وبين الطيب ميثاق وعلاقه شماريخ وسهول وجبال وسنود وميل هضاب وشعاب وناب سبحان خلاقه ولو هو بعيداً دايم الروح. فيه تخيل دروبه ومرقوبه محانيه وطراقه هزيز الرياح يمني النفس بالتعليل تزاحم على ملس الصفا تاخذ ذواقه يطاول من شموخه مدارات نجم سهيل كما انه سهيل يميل لملامس افاقه شموخه جبر كلتا كفوف الزمان تكيل علم و افحم التاريخ واوشك على اغراقه منازل رجالا ما احتموا في سواد الليل بوضح النقا للمجد والعز تواقه يجودون ما هو جود للفخر والتمثيل يهلون بالضيفان لو هم على فاقه عساه المزون اللي غزير الحقاق تشيل تلامع مشاريفه على ضو براقه عليه الرعد كنه ليا ارجف خبيب الخيل تجاوب شواهيقه قبل يبدي اشراقه دويه يسوق الريح سوقة طواع الحيل ولو مع دوافع موجه الريح مشتاقه ويصبح ويمسي لين كل الديار تسيل وتبقى نجوله طول الايام منساقه يعم الربيع ومن ليان الغصون تميل وتظهر نواويره تزاحم مع أوراقه سلامي على الاجرد شهد جيل بعده جيل مع أول طلوع الشمس تبدأ بمشراقه خالد العروي |
|
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
