10-09-2012, 07:41 | #1 |
عبداللطيف العمري / شاعر
|
يارب ..
الله يصبحكم بالخير .. ويجعل اقدااركم دووم للخير قصيده .. ولكم وتقبلوا التحيه .. يارب مدري وش اللي بعد خافٍ لي لكنّي آمنت والخطوات مكتوبه ضاقت بعيني وسيعاتٍ وهي ملّلي بالخلق والخلق ماكنها بمحسوبه حسبي عليه اتكل وأدعيه وآصلي يجلي هموم الحزين ويفرج كروبه يا خوي شاللي حداك لما حصل قلّي وآنا حسبتك دفنت العايب بثوبه يا كثرها الأسئله اللي بإيش اللي ماتت براسٍ بحد الفأس مضروبه تعبت اقديك وانت بطيبك مولّي ياآآ طيبك اللي خذلك بـ آخر دروبه خلاص .. عبره .. ويا وجدي ويا غلّي على رجالٍ غدت بالطيب منكوبه في بعض الأحيان مبغى الهزل في ظلي وإليا بغيته اجيده واحبك اسلوبه لكنّ ماني بهزلي دوم متسلّي وانا ادري ان القمم بالجد مطلوبه كم واحدٍ منطقه بالسعد متحلّي ويدس في منطقه خبثه ومطلوبه ليت الكذب في جبينه دووم متجلّي من شان يعرف لكل الناس عذروبه جعله فدا من بوجهه طيبه يهلّي لو كان ما هو بيسوى اكبر عيوبه ضاقت بعيني الوسيعه يالله تجلّي همي وتغفر ذنوبي واقبل التوبه .. . . اخر تعديل كان بواسطة » سالم بن جلعان في يوم » 10-09-2012 عند الساعة » 11:35. |
10-09-2012, 11:37 | #2 |
شــاعر
|
رد : يارب ..
هلا يالعمري وصح لسانك على الحضور حضورك جميل ونصك جميل سرني مروري اخيك سالم |
10-09-2012, 19:41 | #3 |
عبداللطيف العمري / شاعر
|
رد : يارب ..
الله يبقيك يالشيخ انا السعيد والله بمروورك واعتذر للجميع عن هذا التنسيق الظاهر عندي فيروس بالجهاااز مصر إلا تطلع نصوصي بهالشكل .. ولكم كل التقدير |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|