[احمد بن سارح]

تضامنا مع الادب ومع المعتقل الادبي الشاعر محمد بن الذيب وتفاعلا مع صوت الضمير بداخلي
وحزنا على ماوصلنا اليه من محاربة الشعر وتكميم الافواه اللتي تعبر عمايدور بداخلها
انا لا اعرف محمد بن الذيب لامن قريب ولامن بعيد ولكن اعرف انه شاعر له الحق في التعبير عمايريد متى مايريد وكيف مايريد واعرف انه انسان كريم نقي وفي وصاحب وقفات مع كثير من الناس يستحق من الكل ان يقف معه ولو بالقليل وقد احزنني ضعف موقف الساحه وشعرائها مما حصل لاحد ابرز شعرائها
وانا لا املك ان اقدم للادب وللشعر وللضمير وللحق ولمحمد بن الذيب الا هذه القصيده
لعلها تصله فتكون دافعا ومواسيا له في معتقله الشريف
او لعلها تصل الى من كان خلف اعتقاله فتكون سببا في النظر له بعين الانصاف وعين الحريه وعين حق الانسان في ابداء رأيه دون ان يكون المعتقل بانتظاره

للشعر في مسمع التاريخ معزوفه=تصدح رغم أنف كاتبها وشاطبها
والوقت لوغرّب الابداع بظروفه=باقي شعاعه على وجنة مضاربها
البدر..ماحط قدره لحظة خسوفه=وكسوف شمس الضحى ماهو يعيـّبها
حضارة المغربي في شرقي الكوفه=مابيّضت وجه معطيها وجالبها
عينٍ تناظر والاخرى منه مكفوفه=شيٍ عجبها وشيٍ مابيعجبها
الوقت ينصف ولوطالت بك حسوفه=في الكون عينٍ تشاهد من مراقبها
اللي على النيل طالت ساعة وقوفه=عشنا وشفنا الغلابه كيف تغلبها
ازلام عاشت لذل الناس ملهوفه=واقدام ناشت بلاميعاد غاربها
يــ محمد الذيب واسمك نعرف وصوفه=والناس تفرق بعضها في مواهبها
ذيبٍ على اسمه ولايتهيّب حتوفه=لاهابت اللي مزاعمها تذيـّبها
يامركيٍ في الطوال وكلٍ يشوفه=منك الكراسي تراعد في مكاتبها
اللي بيوته على الآفاق معروفه=مايقدر الظلم بجنوده يغيّبها
ان كان حاكم يسل بوجهك سيوفه=خلفك شعوبٍ تبيّن لك مضاربها
منت بــ وحيدٍ ورى البيبان والطوفه=معك القلوب الوفيّه في مناقبها
معك الادب يدفع(التكميم)بكتوفه=بـ ابواب من شوّه الكلمه وحاجبها
الصوت صوتك لوالاسماع مصروفه=غصبٍ على الكل ياصلها ويرعبها
وش زعل العرش يوم اعضاه متلوفه=الا ضمير المشاعر يوم رتّبها
يمكن تمنـّى تقبـّل قسوة كفوفه=لكن قصدته ببيتينٍ ترطّبها
غرّه من الشامخ انّه شال مسلوفه=وانّه على روس خلق الله يطلبها
مايدري ان الشجاع يمثّل بخوفه=لاودّع المعركه ثم جاك كاسبها
يضحك على الروس لجل يوفـّي حلوفه=اللي عطاها لناسٍ ضيمها اتعبها
ياخذ من القصرمايبرد لهب جوفه=ويصبها في الكفوف اللي تجاذَبْها
ماحط منها بجيبه غير مصروفه=والنعم في لحية الغانم وشاربها
لاتذرفي دمعة الاحزان يانوفه=الدمع ماهو على العزّه وجايبها
شاعر يثور بقصايد غير مألوفه=ماخان الاوطان بافكارٍ يسّربها
لاشاف خلّه على قايدْه وصفوفه=في صوته المنبري جاهاوعاتبها
زفّي الزغاريد لامن تقتي لشوفه=هذا شهيد القوافي يوم صوّبها
للشعر في شرقنا الممقوت معزوفه=تبقى ولو حاول التزوير يشطبها
انسان عبـّر عن الاوجاع بحروفه=عبـّادة الجهل ساقت له كتايبها

احمد بن سارح

[محمود ال مخلص]

الله يفك أسره ويعجل في رجوعه الى بيته بأأسرع وقت
صح الله لساانك وجعله مااايعطب وبيض الله وجهك
قصيده واافيه وجزله تدل على اخلاق كاتبهاا ونقااء معدنه
وطيب أأأصله

لو تكلم لن استطيع السكوت لأعجاابي بالقصيده وشهاامة الشااعر
ولكن السكوت في حرم الجماال جماال
تقبل تقديري وشكري وامتنااني

[فارس الروقي]

الله يفك اسره والله لآيهينك على هذه المشآعر الطيبه ..
صح لسآنك ولآ هآن حرفك الجميل ..

[محمد مدران اليامى]

الله يبيض وجهك على موقفك الموفق ..وشاعريتك الجزله ..

وقصيدتك الصادقه..كنت السبْاق لهذا الموفق وتستاهله ..

صح لسانك وابن الذيب بيخارجه الله..

[سالم ال دواخ اليامي]

صح لسانك والله لايهينك على الجزله
وأسأل الله انه يفك أسره

[علي الخطيب]

احمد صح لسانك

موقف يسجّل لك , ومحمد بن الذيب ان شاء الله سيعود قريباً

تحياتي اخي

[محمد الدحيمي]

من اجمل ماقرأت من فتره يا احمد
وافي والله يفك اسر ابو راشد وحسبي الله عليهم