22-01-2011, 07:48
|
#1 |
|
شـــاعر
|
يالله ياللـي تبـدي الخلـق وتعـيـد
يالله ياللـي تبـدي الخلـق وتعـيـد=يارافـعٍ سـبـعٍ وسـبـعٍ مَهَـدْهـا رحْمَتْك وسْعَـت للسمـاوات والبيـد=أرحـم مـن الأم العطـوف لولـدهـا تَفْرج علـى قلـبٍ يِكـضّ اللواهيـد=كضّ الصنـوع اللـي تلاطـم زِبدهـا الهـمّ يضـوي لِـه مـرار وتراديـد=إنكان مـا صَبّـح هجوسـي هّجدهـا غاية منـاي اللـي تِسِـجّ السراهيـد=بِمْكَـرر البنزيـن ينـفـث رعـدهـا هبوطـهـا وِاقلاعـهـا بالمواعـيـد=بالثانـيـه لاقبـلـهـا لابـعـدهـا مِيد إنجلند أَكْرِم بها الميـد مـن ميـد=عراقـةٍ بالصنـع مِرْمِـس عهـدهـا طيارهـا مـن نشـوة الليـل عِرْبِيـد=ساعـات تدريبِـه تِكامـل عـددهـا تِطير بي مـن دون وجهـه وتحديـد=إلـى رِكِبـتْ ايحلهـا اللـي عَقَدهـا أهـم شـي أروق وافـوق واهِـيِـد=بـي ضِيِقِـةٍ مِسْتَلْزِمَتـنـي بِيَـدهـا لِلْه أنـا مـن حيـرةٍ يَااتْلَـع الجيـد=أقسى مِـن الحِرمـان وامـرّ وادهـى حَفَـرت فـي تربـة ثـراه الأخاديـد=وواريـت كـم إجْنَـازِةٍ فـي لحدهـا بعض الغموض إيزِيدِك اوضوح ِويْفَيد=ويجلي عن العيـن الرميـده رمدهـا من شآن خاطر عمرو . ملعون أبو زيد=لا والله إلا ذا جـــوابٍ سِـدَدْهــا على هواك ومـا يبـا القلـب ويْرِيـد=مانيـب خـلاّق القلـوب أعْتِبِـدْهـا يا الذّ سِلْطـانٍ تَسَلْطَـن مـن الغِيِـد=تَحْكُـم برمـش العيـن علـى بَلَدْهـا أنا عصَـاك اللـي مـن الإيـد للإيـد=تُومِين بي فـوق العصِـي واجْتِلِدهـا شرّعْتْ لِك في وسط جوفـي مواريـد=مـواردٍ ماغِـيـرِك أحْــدٍ وِرِدهــا واغْليتِك أكثر من غِـلا حِلْـوِة الديـد=اللـي عليـك إتْـدِرّ ضَـرّة نَهَـدْهـا ونظمت فِيك مـن البيـوت البواليـد=كم شاعرٍ يِبْطـي وهـو مـا قِصَدهـا إسلـوب راقـي وابتكـارٍ وتجـديـد=ماتضْعَف الكلمه وانـا فـي صَدَدْهـا لو لا انّ مدح الروح عيـب ومناقيـد=لقـول ماجـا فوقـهـا الا حَمَـدْهـا ماهو غرور . إلا ثِقَة نفـس صِنْدِيـد=نفسٍ على الطـولات تَرْكِـز عمدهـا من غير قاصر في رِجال الوفا الصِيِـد=من قال أنـا خَيـر الرجـال إلْتِكَدْهـا |
|
|
|
22-01-2011, 09:55
|
#2 |
|
شــاعر
|
رد : يالله ياللـي تبـدي الخلـق وتعـيـد
الله عليك يا حمد صح لسانك على الجزاله نص وافي وجزل وغزل جميل سرني مروري تحياتي اخيك سالم |
|
|
|
|
31-01-2011, 22:22
|
#3 | |
|
شـــاعر
|
رد : يالله ياللـي تبـدي الخلـق وتعـيـد
إقتباس:
سالم بن جلعان صح بدنك وسلمت ولا هنت هلابك وبمرورك تقبل تحيتي  |
|
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
