08-04-2010, 12:04
|
#1 |
|
شاعـرة
|
إلى كل سعودي مكتوب في بطاقة أحواله ذكر
صباح الخير .. قبل لا تقرأوا أحب أقول لكم شي عشان ما أتصفق .. هذا إيميل وصلني وعجبني ونقلته مثل ما هو يعني لا حد من الرجال يجي ويسوي علي هجوم.. أنا ما ليش دعوه .. << وحده خوافه .. وبعدين عندها حق الي كتبت هالكلام بس كلامها ما ينطبق ع الجميع .. لا للتعميم .. فوتوكوا بعافية .. أرجو لكم الاستمتاع بالقراءة وعدم ارتفاع الضغط .. << للرجال طبعا .. ,,,,,,,,,,,,,,,,,,,,,,,,,,,,,,,,,, هذي رسالة كاتبتها فتاة سعودية.. موجهتها للرجال السعوديين ,,, اقرأها للآخر ,,,, تحس كلامها طالع من القلب الى كل انسان سعودي مكتوب في بطاقة احواله ذكر اولا : بلغ السيل الزبى ..وهزُلت..كل يوم والثاني يوصلني ايميل او مسج ع الجوال يحتوي على مقارنة السوريات وغيرهم بالسعوديات ثانيا: قال تعالى:{فَمَنْ اِعْتَدَى عَلَيْكُمْ فَاعْتَدُوا عَلَيْهِ بِمِثْلِ مَا اِعْتَدَى عَلَيْكُمْ} وقال سبحانه: :{وَجَزَاءُ سَيِّئَةٍ سَيِّئَةٌ مِثْلُهَا } وقال جل في علاه: قال تعالى:{وَإِنْ عَاقَبْتُمْ فَعَاقِبُوا بِمِثْلِ مَا عُوقِبْتُمْ بِهِ } والمسلم مخير بين رد الاساءة بنفس الدرجة او العفو او الاحسان والثانية والثالثة ماتبين في الرجل السعودي فما راح استخدمها الى كل انسان سعودي مكتوب في بطاقة احواله ذكر هالمرأة المحافظة الملتزمة المحتشمة العفيفة الطاهرة الغافلة عن الدنايا .. المرأة السعودية هي جدتك وامك وعمتك وخالتك واختك وزوجتك وبنتك كلامك عن السورية لايدل الا على ماضيك الاغبر والا وش عرفك عن السورية وتعاملها وكلامها وجسمها يعني سترك الله بس ودك تفضح نفسك وجاي تبرر سفرياتك المتتالية لسوريا ..!! وتبرر زواجك من الرقاصة الفلانية في الكازينو الفلاني..!! تبرر علاقاتك الغير كويسة وتعطيها اعذار ..! بعدين من وين جات السعودية مثلا..!؟ موالمرأة هي التي تُخلق من الرجل يعني الجينات اللي تحملها ماهي الا جينات اباها وجدها يعني انتو الوباء والبلاء ولو تزوجت ياسعودي روسية تلمع بناتك بتطلع ركبهم سود..على ابوهم ولو تتزوج بروفسورة المانية بتطلع عقليات بناتك صغيرة..على ابوهم ولو تتزوج شاعرة تركية بتطلع ألسنت بناتك سم..على ابوهم يعني الحل هو التخلص منكم عشان ماتتكاثر جيناتكم المروحة ولو يعطوني صلاحيات لمدة يومين  على طول انفيكم للربع الخالي واجيب الصينيين يسوون لكم مثل سورهم العظيم على اطراف المنطقة بس يخلونه مكهرب لين تنقرضون وافتح باب الزواج من الخارج للبنات تحت شعار :فلنحمي مستقبل بناتنا  بعدين لحظة وش عندكم عالمحشي والخضروات هاليومين..!؟ السوري لازم ياكل خضروات ومحشي وسفرة اشكال والوان عشان يحافظ على لون خدوده الوردي بس السعودي على اساس ياكل خضار..؟! انتم اقصى طموحكم كبسة ضب او تيس مندي .. واذا واحد سوت له زوجته ايدام بوز كفراته وطلع ركض عالمطعم البخاري ياخذ رز 4 انفار ويغمز للرفيق يقول: كثر وياقلب لاتحزن  ...صبراً جميل أيتها الفتاة السعودية والله المستعان على مايصفونوللاسف مايكفي السعودي الجينات المروحة اللي مورثها لبناته ويكمل بالتربية الفاشلة ويعبي بناته عقد بالدرزن ويربي اولاده على نفس الاساليب عشان لومات يضمن بقاء هالعقد عند البنت ومع هذا تكافح هالبريئة وتصارع هالظروف وتتثقف نفسها وتتطور وتستعد لبناء حياة زوجية سليمة وتصبر نفسها وتقول اكيد بس ابوي واخواني اللي كذا ماتدري مسكينة ان مصيرها تفطر على بصلة وش عرفني انا؟ لان هذا الموجود واذا جاء هالفارس المتلطم  راحت السوق وشرت اي شي عليه حرفهوبدت المغدورة تسمع قصائد وترسم قلوب  وتدخل هالعلاقة المقدسة وهي مصفية النية وتبدى رحلة العنا مع هالسعودي المتوحش ويشتغل عليها تحطيم وكررش لين ترمي اخر سلسلة عليها حرفه مع الطاقة ويجي بكل بساطة يقول ..السعودية بس بداية الزواج تكون رومانسية بعدين تقلب والمفروض يقول:السعودية قدرت تقاوم بثارتي 3 شهور اما موضوع المهر وما مهر فمو ذنبها هذي قوانين وضعتوها انتم يالرجال والله ماسووا السعوديات مؤتمر وطلعوا بتوصيات احداها كم يدفع الخاطب مهر..!؟ وبعد هالمهر اللي طلعه من قلبه مو من جيبه ماعاد تشوف منه شي الا كيس دجاج وكيس رز لكرشته ومرتين فحياتها هديه وغير مغلفة والسعر عليها مايشيله ويمكن يزيد صفر جنبه<<هاذا اذا عطاها هديه والله مايعرف لكم الا السورية تخليكم تكدون على حارتها كلها ومافي مانع ترسل لاقاربها المغتربين وشي طبيعي انها تسايركم لانها مومعشمه فيكم اصلا وتعرفون نظرة الاجانب للسعوديين فتدخل وهي معشمه في حسابه فقط مومثل السعودية المسكينة اللي حاطه كل العشم في هالسعودي  فتعمل لكل كلمة وفعل منه الف حساب ولوركزت شوي في الواقع كان عطتكم الحجم اللي اعطتكم اياه الاجنبية ولو جمعنا مايصرفه السعودي على سفرياته للبحرين وسوريا والمغرب وغيرها ومايدفعه في مراقصها ومايكده على بناتها والمصروفات اللي يدفعها على عشيقاته ومن ضمنها بطائق الشحن للجوال والمهايطات والمظاهر الكذابة لبلغ اضعااف اضعاف تكاليف الزواج من 4 سعوديات وليس واحده  لكن يجلس يلعب بذيله مايقارب العشرين سنه لين يتطمن انه ماخلى مرقص ولابنت ولاخنبقة الا جربها وصار مطفر ومديون وكله امراض ونفسيته مريضة قال: المهور غالية ومافي سعوديات حلوات سبحان من رفعهم عنك  لا نسينا موضوع اللسان اقرى احيانا( الاجنبية اسلوبها لطيف وراقي)..؟! طيب هي ابوها واخوها يكلمونها بهالطريقة ويشجعونها عليها اما السعودي: يابنت تكلمي زين.. وش فيك تتدلعين بصوتك بلا قلة حيا من وين جبتي كلمة عمري! ايش الحركات المايعة هذي اجلسي زي الناس..امسحي المكياج عييييب.. وهلم جرا السعودي وضعين ينعدل لسانه فيها ..وهو يغازل .. وفي هالحالة مايستغني عن مجلة فواصل لازم تكون في حضنه او في أول مكالمة مع خطيبته..واذا بغى يسوي جنتل معاها قال:وش صار لك يوم شفتيني ؟ وش تتوقع يعني..اكيد ارتطمت بالواقع  وندمت انها قد شافت تليفزيون..رضينا بالهم والهم مارضا فينا اقول ماتلاحظون الشباب السعودي ياواحد عنده رهاب اجتماعي  ياواحد بجـــح حتى كلامه له ريحه !؟  : عاد انتم طلعوا اللي بقلوببببكم لايردكم االا الكيبورد  اخيرا طلعت الي في خاطري صحيح موكله لا والي يقهر شاب يحوم الكبد وداقه الفقر دق ويتشرط ويقول ابي وحدة بيضه وزينه وطويله وحلوة وعيونها م ادري وشفيها على ايش تتشرط ...من زينك عاد والا اذا اعرس عليها يهددها بعرس عليك  يابن اللذين ما لمك الاهي *واعتذر من كل سعودي محترم يعرف قيمة المرأة السعودية وما يخنبق بهالكلام التافه متأكده اعتذاري ماراح يوصل أحد . |
|
|
|
08-04-2010, 15:39
|
#2 |
|
متنبي الشعر الشعبي
|
رد : إلى كل سعودي مكتوب في بطاقة أحواله ذكر
هههههههههههههههههههههههههههههههههههههههه خربتها منتهى اصلاً انا مابأرد عليك بأنوب فيصل الخالد يرد ياحبكن للتلزلق بالشوام بس الله اللي عرف لكن  |
|
|
|
|
09-04-2010, 07:24
|
#3 |
|
عضو متميز
|
رد : إلى كل سعودي مكتوب في بطاقة أحواله ذكر
منتهى صحيح مو إنتِ الي كاتبه الموضوع بس أحس إنك معصبه هههههههههه . . هدي اللعب شوي ياشيخه الدنيا ماتسوى  <<----- يقال لها تطيب الخاطر. . شوفي أنا أحس بإن المرأة هي المرأة سواء كانت سورية أو سعودية في النهايه حرمه مسكينه وأكره التمييز يعني الفرق بين السعوديه والمغربيه الفرق بين السعوديه والسوريه الفرق بين السعووديه والنيجيريه ! . . وش ذا ؟ . . نبي نرقى بحوواراتنا شوي .. . . كل إمرأة تحتاج لرجل يحبها ويعطف عليها ويقدرها .. . . بغض النظر عن جنسيتها .. . . والرجل الله حلل له يتزوج أربع هذا الشرع مانقدر نعارضه ..لذلك خلينا ساكتين أحسن  . . أما عن الرجال فهم مخابر وكل رجل ذكر والعكس غير صحيح ! . . منتهى قريش منوره الديوانية ياشيخه وموضوعك رفع ضغطي شوي وبعدين هونت هههههههههههه . . مرحبا بك ألف  |
|
|
|
|
09-04-2010, 13:14
|
#4 |
|
شاعـرة
|
رد : إلى كل سعودي مكتوب في بطاقة أحواله ذكر
 إقتباس  الرسالة الأصلية كتبت بواسطة محمد الدحيمي  هههههههههههههههههههههههههههههههههههههههه خربتها منتهى اصلاً انا مابأرد عليك بأنوب فيصل الخالد يرد ياحبكن للتلزلق بالشوام بس الله اللي عرف لكن   محمد أنا اشدخلني .. أنا نقلت الموضوع مثل ما وصلني مو شغلي .. وبعدين اسمها التلزق مو التلزلق الا اذا كانت تلزلق مصطلح ما نعرفه .. (صورة فيس بريء) |
|
|
|
|
09-04-2010, 13:17
|
#5 |
|
شاعـرة
|
رد : إلى كل سعودي مكتوب في بطاقة أحواله ذكر
سما خير خليكِ محضر خير على اسمك .. قلنا منقول .. الي كاتبه الموضوع هي الي معصبه .. أنا شوفيني ها رايقة وأضحك .. وبعدين تبينا نرقى بحواراتنا هاتي سلم عشان نرقى عليه .. وانتبهي لضغطك المفروض الرجال هم الي يرتفع ضغطهم بما إنهم المعنيين بالموضوع .. شكرا لحضورك الغير .. النور نورك .. (صورة يد حاملة وردة تهديها لسما) |
|
|
|
|
09-04-2010, 21:22
|
#6 |
|
شاعر
|
رد : إلى كل سعودي مكتوب في بطاقة أحواله ذكر
انتم اقصى طموحكم كبسة ضب او تيس مندي .. هههههههههههههههههههههههههههههههه حسبي الله ونعم الوكيل حسيت بقهر المسكينه بيطلع من المتصفح الله يعينها ويعين من مر باللي مرت فيه ؛ |
|
|
|
|
15-04-2010, 19:12
|
#7 |
|
عضو شعبيات
|
رد : إلى كل سعودي مكتوب في بطاقة أحواله ذكر
هههههههههههههههههههههههههههههههههههههه حلوووووووووووووه اصلا ياخّيه من بعد مسلسل مهند ويحي طاح سوووقهم شبابنا انا بدي واحد اشقر وعيونه خضر وجسمه وطوله متل جسم مهند يخزي العين وشواربه ورجولته متل يحي يالبييييييييييه بس |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
