[فيصل المريسي]

متى بالله يابنت الناس حسبتي للغـــياب حساب=ومــتى كـنتي تحـــسي بي وكان يهمــك غــيابي
انا كلي معك ســـاكن وروحـي خلف هذا الـبـاب=وجرحك يسكن اعماقي وعـــقلي عند اصـحابي
اصـارع ثورة انفــاسك واغــــازلها بكل اعجاب=عــسى مــرة تحسي بي او تحـــسي باعجـابي
ولكــنك مع غيري تعيشي في هــوا كــــذاااااب=تعيشي في وهم, مدري تعيشينه على حـسابي
صحيح اني عشقت اسمك وفضلتك على الاحباب=ولكـــن غلطــتي اني حــســـبتك غــير احـــبابي
وعــزيتك وقـــدرتك وبعـــتيني بـدون اســـباب=ولا حتى شرحتي لي وقلتي هـــذي اسبـــــابي
كبيرة صدمــتي منك والاكــــبر ان قلـبي ذاااب=وانا صابر ومتحمل ورغـم اني على اعـصابي
كبيرة ما تخــيل يوم انا وانتي نعــيش اغـراب=والاعـظم كيف انا بنسى وعطـرك يسكن ثيابي
ومشطك والصور والشال والخاتم وباقي ثـياب=وروحك تسكن انفاسي وعينك تحضن اهـدابي
نعم كنتي قمر ليلي وانا ادري هالقمر ماغــاب=ولكني فقــدت اسمك وشكلك وانتهى اعجـابي
وصرتي وهـم مدري حلم عشته وانتهى بغياب=نهــيته وانتهـــى فجـــئة وانا واقف على بابي
المـلم مابقى فيني من اسمـي او بقــايا شــاب=وادون رحلة انفـاسي,,,وباقـي العـمـر بـكتابي
وارتبني مع طفــلٍ يســـلي دنيتـــة باللعــاب=يلملمهـا بيــدينه ويصــرخ هـــذي العــااااابي
اطالـع ضحكــته ,,لكن اطالـــعها بأستغرااااب=لانه مابعـــد يدري زمــاني كيف ســــوااااابي
قسـم بالله لو يـــدري وتــوه ماظهـــر له نـاب=لقـــال المــوت افضــل لي’ وهالـدنيا انا مـأبي

[نمرالعتيبي]

المريسي



الله يمسيييك بالخيير والسعااده ولله درك على هالابدااااااااااااع
فيصل والله راااااااااااااااااااااااااقي وووين ماتكون لله درك وعسااك على القووووه

[سعيد المري]

ولكنك مع غيري تعيشي فـي هـوا كـذاااااب
تعيشي في وهم, مدري تعيشينه على حسابـي

.
.

المريسي

صح نبضك وبوحك ... تقبل مروري المتواضع

[سالم بن جلعان]

فيصل المريسي ...

شاعر جميييل جدا ً ونص ولا اجمل ..

الخيانه مره للغايه ومن الصعب التكيف معها الا ...

بالنسيان .. ولكن ان حال دون النسيان حائل فكان الله فالعن ..

كبيرة صدمتي منـك والاكبـر ان قلبـي ذاااب
وانا صابر ومتحمل ورغم اني علـى اعصابـي

كبيرة ما تخيل يوم انا وانتـي نعيـش اغـراب
والاعظم كيف انا بنسى وعطرك يسكن ثيابـي


سلمت وصح لسانك يا المريسي ..

تحياتي


اخيك


سالم