20-02-2007, 13:33
|
#1 |
|
عضو شعبيات
|
اخر مشاركه -- جحش في مهب الريح !
السلام عليكم .. أولا .. ارحب فيكم وفيني عنكم بالنيابه , برعاية المحامي سعد الاشول << ولد عم سعد القوي ترى ! .. واحب اقدم لكم باروكة انتاجي للعام المنصرم وقالو قديما المقدمات هي البلشات !! وقالو ايضاء .. جاك الذيب جاك وليده << مال امه سنع وانا بأكسر ذا القاعده من بلاعيمها واخش دوووغري بالسولافه اكشن 12345699100 جوووو يحكى ان فيه واحد سكرجي , راعي خطوط وسواق تريلا , (( للمواليد الخدج , زي اللي يوصلون البيتزاء , لكنه معه سيارة طويله )) الموهم انه بالعادة اذا جات العصريه لبق على جنب الطريق وفل قشه وحجاجه جميع .. وبااحدى وقفاته على ضفاف استراحة طريق , وقبل فل القش والحجاج شاف له غبرة مقبله من بعيد !! وماقدر يميز ويش تكون ..!! فيقول .. دخلني الماء والزيت جميع ,,, و قلت هذا فارس ؟؟؟ لااااا مو وقت فوارس , لاااا ذا مايحتاج ثور منطلق , يمكن !!! هاه !!!!! لا اظنها بعير مغلوووث ., ولامذنب قاضين بنزينه ...الموفيد طار السنير حق امس من الروعه والنفاظه اللي صابت رفيدزنا واللي ذبحه انه ماقدر يقطع عليه .. وف اخر لحظه قرر انه ينقز للصندوق ويزبن عمره ,, وما امداه ينط على الصندوق الا ويسمع دب دردب طاااخ طوخ ططاع ,, الى درجه ان التريله اهتزت وغبرت لها شوي من قوة الضربه الوقائيه ,, وعقب ما راحت الغبرة وانجلى الوضع ,, حاول رفيدزنا انه يستطلع الامر عن كثب ,, وما شالته عظامه وبينما هو يفكر سمع صوت همهمه (هم هاااام همممم ااااف نخاااا ) ومن ها الهرج ,, وهي تخونه ذاكرته بمعرفة نوع هذا الصوت قال اكيد انه .. اسد !!!! لا نمر ولا ضبعه !!!! ماهيب الطويله ,,, يومه استأمن وطل من فوق ولا يشوف اذان جحش ويدقق واذ جحش دالع لسانه ,, ناظرة وسمى بالله وقال هذولا اهل الارض وبعد ماقراء المعوذات وتفل على روحه له شوي ,, واق ( طالع للخدج ) .. واذ الوضع على ماهو عليه ,, تأكد انه جحش من بني جنسه ,, اقصد جحش صدقي نزل وهو يلعن سنسفيل جدينا اهل الجحش اللي مطلقينه اهله يروع بالبشريه نزل الارض وهو يهوجس وشلون يعاقب ذا الجحش المطيور عقاب يليق بالخرعه اللي مرت عليه ,, الجحش لازال دالع لسانه الضعيف من العطش ,, وقاعد يلحس اثار الماء بالزفلت ,, قام رفيدزنا وجاب سطل , وفرغ فيه جرة عرق سنير وصب عليه شويه ماء ,, وقدمه للجحيش ,, والجحيش من الضماء قب السطل كله وهو مغمض ,, ومأخذ دقيقه الا ضارب بالارض ورافع رجوله فوق , في حالة تيبس غريبه ,, يقول رفيقنا على طول طرى في بالي موت الفجأة وذكرت الله ,, وترحمت له ,, وقلت اكيد انه مسويلة بلا , وحط الله موتته على يدي ,, قام رفيقنا وكمل باقي جلسته وشب الدافور وقام يكشن بالعشاء وفي نيته انه قبل يروح يسحب الحمار ويبعده عن المكان وبينما هو حاط ايديه على شواتسله وعاض طرف شماغه وقاعد يحرك الكشنه ,, والزقارة على جنب عالتسها ويمز ويغني ...!! كأنه سمع طيحه ,,,,,,,,,,,,طررررررررب (يسمع بالدراما ) وهو يتلفت واذا الغبرة ثايرة حول الحمار ,,, ويدقق فيه ولا ان الرجال مامات ,,,,,,,,,,!!!! وشوي ويبدا الحمار ينفض راسه ويطقطق اذونه وشوي ويقوس ظهره ويبدا يلف ذيله !!! وماكمل الا صاقع الارض على خشته ,,, ومن قوة الطيحه طفى الدافور لكن برضه في راسه حب مانطحن ,, وباين انه ماهو معديها على خيررر لانه قام ولاكن صار شيء ,, حس بالقلق الشديد صاحبنا , وعرف انه ورط نفسه فيذا الجحش وبينما هو يقلب الافكار والحلول ,, ويقوم الجحش يترنح , وبعد كم من المحاولات , قدر يمشي بتجاه نهايه الاستراحه , وفجأه وقف ! وبدا ينفض راسه ويطقطق اذونه , ويمغط رجوله وفجأة واذا الجحش مقبل عليه باقصى سرعه ,, بتجاه القدر تحديدا ويالله يمتسن روحه ويزبن الكفر ,, ويمر الحمار بسرعه البرق من جنب القدر ,, ويفكه الله ,,, ويستمر على نفس سرعته الين اخر الموقف وعلى الخط الاصفر تمام ,, وقف ثابت ولاعسكري مراسم استقبال وبسرعه خاطفه افتر لم اتجاه القدر وتعال بنفس السررررعه قلت راح العشاء مايبيلها كلام ,, بس عسى الدافور ياخذ حقي ويقب فيه وبقدرة قادر ويمر من عند القدر بسلام ....!!! ويمر من عند نفس النقطة اللي مر من عندها قبل شووي بالتمام ..!! والدليل انه حف لي الغاز مرتين بدون أي ارتجاج باللي حق الغاز استمر الوضع على ماهو عليه حول الربع ساعه وخوينا مزبن عمره بين كفرات التريلا ,, ويوم شاف الوضع طول ,, والجحش جازت له السالفه وبدا يطور شوية حركات وهو مستمر على نفس الوزنه استامن رفيدزنا من جهة الحمار وعرف ان ماعليه خلاف منه ومامداه يجمع له هاجوس .. الا وشاف الكشنه بدت تحترق وازرق خوينا .. القدر واذا الحمار سابقه ,, لكن مع نفس دربه , وحف لي الغاز كالعادة ,, يقول سحبت القدر وكملت الطبخه والحمار على ماهو عليه جالد روحه ويمشي بنفس المسار ويوقف عند نفس النقطه كل مرة الموهم يقول حطيت العشاء ودبجت والدينها لين قلت العيد باتسر والحمار على ماهو عليه ..!! ويوم خلصت من ضفضفه الحوسه واشغل الموتر وانا عيني على الجحش ..!! واشوف الجحش مار بسرعه خياليه ......!! اكثر من سرعته الاوله ,, وراسه كان شوي ولا يحك ايديه تقول لاعب غشيم مجنح والكورة متعديته واستغرب من وضعه وانزل من الموتر .. واحط ايديني على شواتسلي واقعد اتفرج ..!! ويومنه وصل للخط الاصفر بنهاية الموقف ,,,, ويبي الفرامل .... يحسبه على العادة ,, ولا ماعاد يمديه وامسك الفرامل على طرف الردميه واول مايطب الارض جبهته ويزلق حوالي 10 متر على وجهه ويوم راحت الغبرة , واشوف بياض الارض طالع , تقول ممسوح بدركتر وادقق بالجحش .. ولا انه هاجد ,, ومايقوى يشيل راسه وكل شبر فيه ضربه غائرة , تقول راميه واحد بردان برشاش المفيد ضفيت عفشي , ومشيت وهو على ذيك الطيحه ,, الله يجبر بخاطر اهله ,, ولا ماظنه فقيده , باين فيه الفساد من بدري << نعبو بليسك انت اللي مدشره |
|
|
|
20-02-2007, 18:05
|
#2 |
|
عيار مفهي
|
رد : اخر مشاركه -- جحش في مهب الريح !
طيب بعدين وش صار  شكلك ماخذ كم جغمه مع الجحش  |
|
|
|
|
21-02-2007, 01:38
|
#3 |
|
عضو شعبيات
|
رد : اخر مشاركه -- جحش في مهب الريح !
خخخخخخخخخخ الله يرجك من ولد ،، شكلك مثل ماقالوا ماخذ لك كم خغمه مع الجحش،، الله يعطيك العافيه ،، |
|
|
|
|
26-02-2007, 16:38
|
#4 |
|
شـاعر
|
رد : اخر مشاركه -- جحش في مهب الريح !
^ ^ ^ نستنتج من الردين الموجوده اعلاه ان الجنس الاخر يقذف اخونا وهم و يتهمونه بالمنكر تحت مظلة " شكلك " ! و من هذا المنطلق. ياخي انتو ما ينقال لكم شي . حتى لو الواحد بيلمح في موضوع تحجرون له ؟ <<<< منقهر خخخخ وهم . موضوعك راجع له و باحجر لك و باقذفك زيهم بس خل يطلقون سراح يوزري النسائي  |
|
|
|
|
26-02-2007, 21:58
|
#5 |
|
عضو شعبيات
|
رد : اخر مشاركه -- جحش في مهب الريح !
كرزه .. ولابعدين ولاائبلين !!! كل ذا القرق , وتقولين بعدين !!! << توه طاف بعلامة التعجب وبالنسبه للجغمه مع الجحش , فأظن مافيها شيء !!! من باب الرفق بالحيوان والدينموقراطيه مرورك ودورياتك على راسي !!! شابورة احم اقصد طبشورة .. هلاوين وتسع سهلين مثل ماقالوا ماحبها !!! << رجعنا على طير ياللي افضل يقولون وبدون شحم اقصد سكر الله يعافيك وسفره دايمه << مخربط عنده برنامج الردود يزيد ال نهيان .. سوري ال غشيان << جاب العيد ياخوي ذا الحررريم محنب مفتكين منهم ولا بالمنديات !!! << لازال يعيش جو مع علامات التعجب تحلف ان الهيئه دازينهم يتجسسون علينا !!! لكن درء للشكوك بعترف واقول انا ســـــــواق الـــتريلا !!! يالله ارتحتو << باعها بتسلب سرق هله بنتظار رجعتك يابطل !!! عذرا للتأخير .. كنت بالسجن <<< مولم العصابه قبل الفلقه |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
