13-12-2006, 23:46
|
#1 |
|
عيار
|
أنا رايح على " مكّه " .. وياقلب لاتحزن !
سلخير جميع أنا داري أن بعض المشرفين أوّل مايشوف أسمي في المنتدى ويلقاني ( منزّل ) موضوع .. تلقاه يدخل براسه ويدحلب عيونه ويبدى يدقّقّ في كل حرف ويرفع كل كلمه يمكن يلقى تحتها بلوى ومصيبه .. أو ورقه صغيّره كاتب عليها رقمي وحاط أسمي ( نوّاف ) <<< والله انك شين يامُدمن لو تحط أسمك أحلى أسم !  عاد هالموضوع ( رومانسي ) ويمشي على كعب ويمتخطر في مشيته ولابس كمان ضيّق .. الله يضيّق عليك ياصدام يوم أنك زرقت على الكويت وروّعت اهلها .. آمين خلونا في المهم .. وبلاش سياسه وطحينيه  الموضوع فيه طاري زواج .. وياشين مواضيعك يامُدمن خاصّه لما تكون مشفّره وتحتاج ( بروكسي ) ! صراحه نويت والله ( اعتمر ) واروح لمكه .. واعبد ربي زي الأوادم .. أروح أدعي ربي عشان أتزوج ويصير معي دفتر عائله وعقد نكاح لونه أخضر فيه أربعة تواقيع .. توقيعي وتوقيع أبو المدام وتوقيع الشهود ومكتوب تحت اسم ( القمر ) << ما أتوقع أنه بيكون قمر أدامك أنت المُدمن ! .. وأدلّي أحوم على الشقق المفروشه وأقول عندكم شقه لـ ( شخصين ) ؟  بروح لمكه وادعي ربي أنه يرزقني بزوجه طيّبه وقلبها أبيض وراعية صلاة وتعيني على الخير .. بدعي ربي أنه يرزقني بوحده راعيه طبخ ونفخ .. تضبط تصليح المقلقل والتوست المقمّر .. بدعي ربي أنه يرزقني بوحده تدلّك رجلي لين بغيت أنوم .. وتهمّزني لين أروح في سابع نومه ! بدعي ربي أنه يرزقني بوحده تدلي تضحك معي طول اليوم .. ماتكشّر في وجهي لين دخلت ... وتفرح لين شافتني داخل .. واشوف ( خشّتها ) متر في متر من الابتسامه ولو كانت ( صفرا ) !  بدعي ربي أنه يرزقني بوحده تصلّح لي القهوه والشاهي اذا شافتني قاعد في الصاله .. وتدلّي تعطيني الكلام الحلو بدال القرقه الزايده .. بدعي ربي أنه يرزقني بوحده تخلي عنها التميلح الزايد .. وتسولف علي بالسوالف الزينه .. وماتجيب لي طاري خواتها .. ولاتشغلني كل يوم تقول ودني للسوق والا صديقتي عازمتني وابيك تنطقّ في الشارع تحتريني !  بدعي ربي أنه يرزقني بوحده تخلي عنها الموضه والتقليد .. اذا شافت صديقتها معها جوال ابو كميره قالت عطني أبو كمرتين وتراهم يسمونه الشيطان .. والله ماعاد عرفنا من الشيطان أنتي والا أبو كمرتين ! بدعي ربي أنه يرزقني بوحده مدرسه تعاوني على أجار البيت ... وتخليني أجمع راتبي عشان أعرس عليها بالثانيه .. اذا شفتها حملت وجابت لي كم ( طبّه ) !  بدعي ربي أنه يرزقني بوحده شقرا صفرا حمرا .. اذا قابلتني تصير كنّها ( بردقانه ) واذا قفّت كنّها ( ليمونه مابعد استوت ) .. بدعي ربي أنه يرزقني بوحده لسانها قصير وشعرها طويل بدعي ربي أنه يرزقني بوحده أخوانها واجد عشان يدلّون يودونها للسوق عني .. ويجيبونها من العزيمه بدال ما أروح أجيبها ! tsh7 بدعي ربي أنه يرزقني بوحده تحب قناة المجد .. عشانها أرخص من قنوات ( الأوربت ) المشفشفشفشفره ! بدعي ربي أنه يرزقني بوحده تحب الشيون وتتحمّلهم .. عشان تعيش معي أطول فتره ! بدعي ربي أنه يرزقني بوحده ماتحب تولد في المستشفيات الأهليه ... وتحب المستشيفات الحكوميه .. عشان توفّر علي دراهمي ! بدعي ربي في سطح الحرم أنه يرزقني بوحده عصلا مصلا ... تكره رز أبو كاس .. وتحب الأندومي .. أوفر لراتبي ودراهمي !  بدعي ربي أنه يرزقني بوحده بيت أهلها قريب من بيتي .. عشان أفتكّ منها اذا بغيت أسهر مع ربعي ! بدعي ربي أنه يرزقني بوحده ( ملحا قرحا ) .. دمها خفيف وعقلها أخف ! بدعي ربي أنه يرزقني بوحده تحب تاكل ( علك بالنعناع ) عشان أفتكّ من ريحة ثمها ! بدعي ربي ... بدعيييييييه أنه يخليني أشوفها في أقرب وقت .. عشان أسافر أنا واياها للشرقيه ونركب ( لنش ) وأدفها في البحر اذا حانت الفرصه المناسبه ، ونجلس ناكل أنا واياها سمك على البحر وأقهر ( دحيّم ) ومرته الخبلا - بنت بن رويسان الأجرب - يارب ترزقني ... يارب عن أذنكم بروح أولّم حرامي حق العمره وآخذ معي مشط عشان كشّتي .. وصابونه وليفه وحلّاقة شعر << والله الوسخ اللي مايستحي .. وباخذ حصاة سودا خشنه عشان تقشرات رجلي اليمنى ... وباخذ معي مصحف صغيّر عشان أقرا في مصابيح الحرم وكتاب أذكار الصباح والمساء .. وكتاب ( عالم الحياة الزوجيه ! ) وبقفّل جوّالي وبحاول أنسى رقمه عشان أفتكّ من زملاي ورفقتي .. !  خلاص أنا آلحين لازم أعرس .. زملاي كلها أعرسوا وانا قاعد زي الثور بين اخواني وخواتي .. بروح أدعي ربي .. وعسى الله يحقق أمنيتي ودعاي !  سلامو |
|
|
|
14-12-2006, 03:23
|
#2 |
|
بقـايا حُلـم
|
رد : أنا رايح على " مكّه " .. وياقلب لاتحزن !
انت يبيلك اربع زوجات حتى تجمع الصفات فيهم مدمن حنا ادمنّا مواضيعك لا تطول علينا  |
|
|
|
|
16-12-2006, 17:15
|
#3 | |
|
شـــاعرة
|
رد : أنا رايح على " مكّه " .. وياقلب لاتحزن !
إقتباس:
اجل ادعي ربك يامدمن وكثر الدعاء لأنك اذا اعتمدت على مقومات جمالك فمالله موفقك الله يعطيك على قد نيتك |
|
|
|
|
|
18-12-2006, 00:36
|
#4 | ||||
|
|
رد : أنا رايح على " مكّه " .. وياقلب لاتحزن !
إقتباس:
إقتباس:
إقتباس:
إقتباس:
|
||||
|
|
|
|
10-01-2007, 02:37
|
#5 |
|
|
رد : أنا رايح على " مكّه " .. وياقلب لاتحزن !
هاه وش الاخبار بشرنا ماهنا دعاء استجيب لك بعد الحج خخخخخخخخخخخخخ |
|
|
|
|
17-02-2007, 02:28
|
#6 | |
|
عضو شعبيات
|
رد : أنا رايح على " مكّه " .. وياقلب لاتحزن !
إقتباس:
وربي مت على الجمله ذي8 حلو الواحد يتمنى بس مو كذا الله يهديك |
|
|
|
|
|
20-02-2007, 13:24
|
#7 |
|
عضو شعبيات
|
رد : أنا رايح على " مكّه " .. وياقلب لاتحزن !
ياليت عند مدمن شاي 4 ملايين ,,,,,,,,,,,,,, واربع فلل كلبوهن بالعليا و 4 بنات كلبوهن مزايين ,,,,,,,,,,,,,,,,,,, ارداهن اللي مثل نجم الثريا من شان لا صار الليل ليلين,,,,,,,,,,,,,,,,,, كلن تقول مدموني عندي اهنيا انت تدعي ربي يرزقك بوحده وانا ادعي ان الله يرزقك 4 |
|
|
|
|
21-02-2007, 01:46
|
#8 |
|
عضو شعبيات
|
رد : أنا رايح على " مكّه " .. وياقلب لاتحزن !
يااخى مابقى شئ الا وانت طالبه،، من وين راح تلقى بها المواصفات هذى يبى لها طلبيه خاصه ،، الله يرزقك بالحرمه السنعه،، |
|
|
|
|
21-02-2007, 23:25
|
#9 | |
|
عيار
|
رد : أنا رايح على " مكّه " .. وياقلب لاتحزن !
إقتباس:
سعيــــــــــد بمرورك الغالي |
|
|
|
|
|
22-02-2007, 06:07
|
#10 |
|
عيار مفهي
|
رد : أنا رايح على " مكّه " .. وياقلب لاتحزن !
الواحد أذا أرتفعت حرارته ينقلب راسه ويدلي يهذري همن يمسك خط مع الهواجيس >> خذلك حبتين فيفادول وحتبقى زي الحصان وتقول الله يقطع الحريم واللي يبيهم مدمن ماأروعك في ترتيب الكلام وفصاحة اللسان |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
