12-02-2007, 15:03 | #1 |
عيار مفهي
|
طز أح << قصة مؤثرة عن الشاب السبيكه
بسم الله الرحمن الرحيم بانت السيقان والقلب انكوى .. ياربي رباااااااه انا مدري ليه الرجل الفحل العاقل يخق مع الساق .. تتوقعون سيقان سميره توفيق هي السبب في ذالك ؟ الزبده انا قررت اتزوج ساق صغير اهم شي مافيه شعر وخالي من الموالح والمواد الحافظة للجلد ولا يبو !! انا قدر الله علي وصرت رجال وفي يوم وليله مبدوئش طعم النوم (( صورة فتاة متبرجه وترتدي الميني جوب وهز ياوز )) !! من يوم صرت رجال قصدي من يوم بلغت وانا احلم اني اسافر واصير زي عيال النعمه !! اذا دخلنا بعد الطابور اول يوم يسئلنا المدرس اين قضيت هذا الصيف ويمشي من اليمين لليسار من اللقافه يببي يعرف كل الطلاب وين راحو.!! فكان لمى يجي دوري اقولها وانا منزل راسي (( عند خوالي بالدمام )) !! <<< عاد على هالموقف صدق صاير .. ذكرة مدرس عندنا مسوي ولد نعمه ومعه التيما عنابيه على عزها وكان يسئلنا بعد الاجازه اول يوم دراسه !! ويوم جا دوري قال هاه وين رحتو <<< ركز انه قال رحتو ماقال رحت يدلك ان نيته خبيثه !! ويقولي واحد انه كان يشوفه بسوق الكباري يغازل الزبده قال وين رحتو ؟ جاوبته كالعادة وراسي تحت بس قلت خلني اغيره هالسنه بدال ما اقول عند خوالي بالشرقية بقول الدمام بس .. وقالي عندكم اقارب هناك؟؟ .. أنا وجهي صار كذا (( )) احسبه يقصد قارب حق البحر قلت كويس هذا ماخذ مقلب فيني خلني اخمه قلت " ايه عندنا اثنين واحد لابوي وواحد لماما " بس حق ابوي لستك عادي وحق امي كبير ابو بنزين وارثته من جدي .. ناظرني الاستاذ الفاضل البجيح وقال " والله من الطااط يا أهل ضرما " اقصد بالاقارب يعني ناس يقربون لكم زي خوالك اللي دايم تروحون لهم بالشرقية نزلت راسي اسفل سافلين وقلت الظاهر الشقى علي انا وخوالي مكتوب الى يوم الدين .!! صرت لازم كل شهر اروح لخوالي ويوميا اتصل عليهم وضايفهم كلهم عندي على الماسنجر وعلى البالتوك مسويلهم اد وصار بيننا عيش وملح غير طبيعي كبرت وصارت الدنيا تصف احزاننا بالدور كلن انشعل بهمه وبالاخر تشتتنا وصرت ماعاد اشوفهم الا بالسنه حسنه ومنول كانو هم شغلي الشاغل وفي يوم من الايام وانا منبطح على الاريكه وانغف باصبع رجلي واعربد باصبعيني السبابه والدوبي ويرنع هاتفي النقال من نوع اريكسون ابو انتل ولد خالك يتصل بك انا :- هلااا وغلااا بالدوبي هو :- هلابك يالسبهه انا :- وين الناس ياخي لاحس ولا خبر هو:- والله في هالدنيا تجيني للشرقيه ونطلع للبحرين انا وياك ؟ انا :- قدام يلعن ام الفقر والمعاش الردي طوطوطوط ولمت اغراضي وملابسي وفرشاة اسناني وكوتشاتي الوردية والتشي شيرت الرماني اللي مرسوم عليه بالاسود صورة برطم عبدة واخذت مزيل العرق ابو كوره maam ..!! وعصبة شنطتي وحطيتها فوق راسي واقلعت لمدينة الدمام حيث السبايك والعكف والدروج من كل مكان مجتمعين وقابلت ولد خالتي في الجسر ووقفت البنتلي حقتي وركبنا على التيرسل حقتة الزيتيه ودخلنا البحرين وتوجهنا الا احد الفنادق القذرة اللتي تحمل جنسيات عديدة ويوجد بهار ديسكو وبار ومرقص عربي ومرقص اثيوبي <<< لزوم المساج ورحنا ورقصنا واكلنا تفاح وشربنا شاهي مغشوش واكلنا ولعبنا بالماء وطافشنا واككلنا ولعبنا ولعبنا وانبسطنا واخذنا حمام دافء سوية لنعيد ماضينا الاسود بحكم اننا خارج نطاق الخدمة كل ابابينا انا وياه ورقصنا مصري وخليجي وغربي وقعدو العالم يضحكون على ولد خالي ويقولون وش هالدينصور المستنزل ..!؟ وانا اصرف الموضوع واقول بلا استهبال ياخوي وور العالم رقصك خلهم ينهبلون وهو يتحمس زود وكل ماله وسعابيله تتقاطر ويفق خشته مع الحماس ومع الحراره !! والناس تظحك وبعض الفتيات الرشيقات يضحكن باستحياء وبعض المربربات كعوها ضحك بوجهه وولد خالي مازال متحمس ويرقص راب وهو فاقن كشرته وبرطمه طايح ويقول شف حركة مايكل شف شف والله انها زيها !! وانا واقف بعيد وكلي حياء وخجل واتذكر الفرق بين صيفنا ايام الطفوله وصيفنا ايام مهيب طفوله كبرنا ودشرنا وصرنا نتفاخر بالمعاصي يالله انك تعفو عنا * ايام الطفوله وحنا صغار كان قمة الوناسة جلستنا في بيت خوالي وراس مالنا كمبيوتر صخر وشريط رامبو يوميا نشرب ببسي الشرقية ونلعب في رامبو ونوصل مراحل تشغل ذاكرتنا شوي * يوم كبرنا صرنا ندور الملهيات الاكبر اللي تماشي وقتنا وبرستيجنا اللي مدري من وين طلع لنا صرنا نحتسي النبيذ ونقول ساقية بكره ماتلاقيه واخرتها نطرش * وحنا صغار كننا كلنا مع بعض ويجمعنا سقف واحد ولا نخلي احد لحاله ولو واحد مهوب معنا ضاقت صدورنا وقعدنا نحبحب ابوه وامه عشان يرقد عندنا ونقوله جلعك بالجنه ووالديك ونتدحوس ونصيح عشان يوافق * يوم كبرنا صرنا نصرف اللي مامعه جواز ولا اللي زلابه ولايعرف حركات الزقرت * وحنا صغار كننا * يوم صرنا كبار صرنا "صار همنا طز أح " سبْحانَك اللَّهُمّ وبحَمْدكَ أشْهدُ أنْ لا إله إلا أنْت أسْتغْفِركَ وَأتَوبُ إليْك إنتهى |
12-02-2007, 15:20 | #2 |
عيار مفهي
|
رد : طز أح << قصة مؤثرة عن الشاب السبيكه
موضوع من الارشيف |
14-02-2007, 01:11 | #3 | |
بقـايا حُلـم
|
رد : طز أح << قصة مؤثرة عن الشاب السبيكه
إقتباس:
قديم ياقريح وش شارع الكباري اخبره وانا بزر اجل كم عمرك وقتها وانت تغازل اكيد شايب اللحين |
|
16-02-2007, 05:20 | #4 | |
مدري
|
رد : طز أح << قصة مؤثرة عن الشاب السبيكه
إقتباس:
موضوع سبق وقريناه ياقريح نبي شي جديد يامال الصلاح |
|
16-02-2007, 11:33 | #5 |
شاعـرة
|
رد : طز أح << قصة مؤثرة عن الشاب السبيكه
سأتابع مواضيع بانشغاف أيها المفهي الجميل ... احس اني حبيتك من اول موضوع مع وجهك ... اكيد حب اخوي برئ لا تفهمني غلط |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|