[متعب الخامسي]

الرسالة الأصلية كتبت بواسطة عكاشه

(دها الجزيره) علم جضت له الروح =منه الجزيره كنها ديرة اشباح
(دها الجزيره) هم واحزان وجروح = منه النفوس امست على حزن واجراح
رحيل ابو فيصل تعدى مدى البوح=ماهوب حده كل مانايحٍ ناح
لو المدى بالدمع . يا دمع مسموح=مسموح يا دمعٍ ذخرناه ماطاح
ولو المدى بالحزن . يومين ويروح= لكن مداه امعانقٍ بيض الارواح
ارواح فيها الطيب شيد له اصروح =ولاهزها التيار مع هوج الارياح
على الخصال الطيبه جالها ضوح=ماهيب تدرق من تحت بشت الاصلاح
والزمره اللي وضعها صار مفضوح=ما احدٍ بباكيها وهي سم ذباح
ولو ياخذ الانسان عمر النبي نوح = العمر صيوره كما زرع فلاح
واللي حصاده مايجي فيه مصلوح = لاهوب ماجورٍ ولاهوب مرتاح
وإلا الفهد شوحه بعيدٍ عن الشوح= له موقفٍ ثابت على العز ما انزاح
رقابنا مجده على راس لحلوح=وقوافله داست على كل نباح
من صفحة التاريخ ماهوب ممسوح = ويبقى غلاه بمهجة الشعب ماراح
عسى جوانب قبر ابو فيصل اتفوح=بمسكٍ يعم القبر رحمه ليا فاح
ما قدر الباري على العبد باللوح=ترضاه نفسٍ حطت ايمانها اسلاح
جضت عليك إسهابة الفكر بالنوح =يا خادم البيتين مرحوم وإمباح
مرحوم ياشيخٍ وطا كل ساموح = ياقايد الشعب السعودي للافراح
لو جيت ابا اصف حالة الشعب والروح=(دها الجزيره) مثل نزاع الارواح

سلمت يمينك يامبدع من روائع الرثاء في فقيد الامه


صح لسانك مليار


وعظم الله أجرك وأجرنا جميعاً

اللهم أرحم ملكنا برحمتك

ويجعل مثواه الفردوس الأعلى من الجنه


جزاك الله خير يا سيف

[خالد العنزي]

""

كبيرنا الذي ,, علمنا الشعر
صح لسانك
وغفر للفقيد ,, وتقبله في فسيح جناته

لاعدمتك اخي الكريم

[نمرالعتيبي]

سيف السيف
صح قلبك ولله درك من رااااااااااااقي
والله مبدع وشاعر جزل يا عساك على القوه

والله يرحم ابو فيصل ويغفرله ويسكنه فسيح جناته


اخوك نمر العتيبي

[فوزي المطرفي]

مشاعر الفقد تعبّر بلسان الشعر عمّا يختلج في قلوبنا جميعاً . رحم الله خادم الخرمين الشريفين, وأسكنه فسيح جنّاته .


*

عكاشه


كلّنا نجتمع هنا!

[سعود بادي]

المبدع عكاشه

.
.

الله يرحم ملكنا ويغفر له
ويجعل مثواه الفردوس الأعلى من الجنه


كفيت ووفيت بهذا الحضووور يارااقي

.
.

[نوف الثنيان]

(دها الجزيره) علم جضت له الـروح
منه الجزيـره كنهـا ديـرة اشبـاح

(دها الجزيره) هم واحزان وجـروح
منه النفوس امست على حزن واجراح

الأخ العزيز / عكاشه ..

أبلغ رسالة صادقة وفاء للملك فهد رحمة الله عليه وأحباءه .. ..

نعزي أنفسنا وأعزيك بهذا المصاب الجلل

بوفاة المغفور له إن شاء الله خادم الحرمين الشريفين الملك فهد ..

لا نجد أمام هذا .. الاّ التسليم بقضاء الله وقدره

وأن ندعو تعالى أن يتغمد الفقيد برحمته الواسعة وأن يسكنه فسيح جنانه

وأن يلهم أحباءه الصبر والسلوان

دمت بخير ..

[شاهر الشاهر]

رحم الله ابا فيصل


واسكنه فسيح جناته

امين


صح لسانك يالغالي

من زمان عن قصايدك


تقبل تحيااااااااااااااتي

[لــمــى بنت مــاجــد]

عسى جوانب قبر ابو فيصـل اتفـوح ........بمسكٍ يعم القبـر رحمـه ليـا فـاح


اللهم امييييييييييييييييين

صح لسانك..


دمت بود


لمى

[مبارك ابو ظهير]

ياسلام ياسلام الله عليك ..




القلب ..




عكاشه ..




ألف صح فكرك وقلبك .. وربي من اجمل المراثي وأقواها ..




قصيده كتبت بحس جدا صادق ..




رحم الله الفهد .. واسكنه فسيح جناته ..





ياكبر غلااااه عندنا ياهل الكويت .. وياعظم فقده علينا .. لاحول ولاقوة إلا بالله .





كتبتنا والله ياسيف .




تحياتي لك .. وزايد غلااااااااااااااااااااي





مبارك .،،،،،،،،،،،،،،،،،،،،،ن

[عكاشه]

سلطان الحجّاج

أحمد الديهان

وحش

الريــم

خالد العنقري

بنت شمّر

منصور العبدالله

نـوره العجمي

زرفيل ابوخطمه

عبيد البديري

عبدالله البكر

عبدالرحمن الربيّع

سلطان الخامسي

جود الرياض

متعب الخامسي

خالد العنزي

نمرالعتيبي

فوزي المطرفي

سعود بادي

نجـديه

شاهر الشاهر

لمى بنت ماجد

مبارك ابو ظهير

الاخوان والاخوات / الكرام

تقبل الله دعواتكم .. وعظم الله اجركم


واحسن عزانا جميعاً في فقيد الامه العربيه والاسلاميه

واسكنه فسيح جناته.


وبارك لنا في خادم الحرمين الشريفين الملك/ عبدالله بن عبدالعزيز ال سعود

وولي عهده الامين صاحب السمو الملكي الامير/ سلطان بن عبدالعزيز ال سعود

ووفقهم الله لما يحبه ويرضاه .. وسدد خطاهم على طريق الحق دوماً ..



(سبق ان جمعنا الحزن على فقيد الامه)

فلا غرابه ان اجتمعنا هنا .



ولعلها اخر الاحزان ان شاءالله



كونوا بخير جميعاً

.

[القناع]

سيف الشعر

انت . كما أنت .. شاعر حقيقي
تكتب ما نحس به وما نتألمه من مواقف.

رحيله كان قاسي علينا ..
رحمه الله واسكنه فسيح جناته



صحح لسانك والبقاء براسك

تحياتي