16-01-2002, 23:36
|
#1 |
|
عضو شعبيات
|
تخاريف كاتب على الشعراء عاتب
لحظة انتظار اعزائي القراء بعد السلاوم والتحية ( كيف الحال بس ) كثرت هالايام بربسة الشعراء والمستشعرين وحادوا عن الطريق الصحيح ( مسكوا الردميه ) واستباحوا في الشعر كل ماهو مسئ له فجعلوه متنفساً لردئ الالفاظ فجعلوا لهم مسار سموه بالحداثة وهذه الحداثة قصمت ظهر الشعر ومن هولاء الشعراء من جعل الفاظه في الاكل !! وبعضهم في الحيوانات !! وبعضهم في الديكورات !! تابعوي معي بقية الموضوع بس بعد الفاصل الاعلاني =================== عصاير قرقش وفرفش احلى العصاير لزيزة حتى آخر جغمه =================== هلا فيكم بعد هالفاصل المتعوب عليه اول شي الموضوع مقسم الى 3 اقسام حسب عدد الشعراء الي ابستلمهم في المقال ذا والبقية جايه لاتستعجلون اول ضحاياك يا عزيز نفس الشاعر فهد عافت المشكلة ان فهد عافت شاعر ما يختلف عليه اثنين لكن للاسف في الفترة الاخيرة انحدر مستوى شعره بشكل يروع هو ليه يافهد هو ليه  ومن القصائد التي كتبت هذا المقال علشانه قصيدة اسمها الفراولة!! جتني تطلبني حبة فراولة عطيتها سلة فواكه طيب الحين وش دخل القصيدة بالفراولة يعني خلصت الالفاظ وما لقيت الاالفراوله يقول جتني تطلبني منهي عسى مهيب بنت جيرانكم الصغيرة حبة فروالة !! ابوك يعطي النياق وانتي تعطي حبة فراولة ؟؟ والادهى يقول عطيتها سلة فواكه شيبانا ماتوا ماشافوا الفواكه ........ الله يهديك بس الشاعر الثاني هو سليمان المانع او عاشق روز كما صرح سابقاً هذي سلة أوجاعي !! شكل الاوجاع والآلام وجروح الحبيب تشترى من السوبر ماركت !! مادرينا والله يا سليمان بس محد راح يشتري اوجاعه من السوبر ماركت بس شكلك فاتح سوبر ماركت وتبيع على الناس من جروحك كان الاولى من شاعرنا ان يستعيض بغير هذه الكلمة فرغم جمال القصيدة الا انه لم يوفق بهذه الكلمة كيف الحال ! الشاعر الثالث صاحب قصيدة البوفيه وشاهي الليبتون عبد المجيد الزهراني معلقه سكر كبيره حبه ليبتون كاس من أردى الورق كان ما غيره في البوفيه لاحظوا معي ملعقة كبيرة يعني مزاج صعيدي انما ايه ولا وحبة ليبتون يعني ما يشرب الشاهي الا خفيف خايف على دمه يصير ثقيل وكاس من اردى الورق يعني بزعمك ايش بيعطونك كاس كريستال كان مافيه غيره بالبوفيه طبعاً خصوصاً انها بوفيه مشهورة بالسويدي طبعاً حدك الجوع عليها بس ولا يهمك فطورك عندي القابله قل تم انا افدى هالنخر قل تم وصل به الابداع الى هذه الدرجه ولا يفهم الابداع الا صاحبنا فقط والبقيه ما تفهم فيه ابد واخر القصيدة يقول هات الحساب نصيحتي لك حط رجلك ولا يردك شي =========== هذه نماذج للاسف شوهت ملامح شعرنا واصبحت نقطة سوداء في تاريخ تراثنا الاصيل انا لا اشكك بشاعرية هؤلاء ولكن هذه نقاط سوداء تحسب عليهم ========= لحظة صمت ======== هذا الجزء الاول من الشعراء انتظروا الجزء الثاني من الشعراء الاخرون ومن سار على نهج هؤلاء وانا وراكم وراكم لو تكتبون شعر فرنسي ............. مخرب عليكم يعني مخرب |
|
|
|
17-01-2002, 03:38
|
#2 |
|
شـــــاعــــــر
|
اخي العزيز (عزيز النفس) السلام عليكم اهلا بك اخا كريما وزميلا جديدا وكم تمنيت ان يكون مشرفنا الغالي حاضرا ليرحب بكم انت واخي الأصيل ولكن نحن جسد واحد . اهلا بك وعلى العين والرأس ومرحبا بنقدك واسلوبك الذي اخترته . اخي شعرؤئنا يبقون في نظرنا شعرائنا ونقدهم الهادف هو مطلبهم ومطلبنا . احييك مرة اخرى راجيا ان تكون موضوعيتك الجميله لاتحمل الأسماء قدر المستطاع . ويكفي ذكر البيت . لسبب بسيط هو ان ذكر الأسماء يوحي بأن الناقد يقصدهم . هم بذاتهم في حالة موضوع مثل موضوعك هذا . اما اذا كان الموضوع قصيدة معينه لشاعر معين . لن يكون هناك مضايقة له . لأن الموضوع برمته( القصيده) يخصه هو . اخي اعجابي كبير بما تكتب وبأسلوبك الجميل اللاذع . تحياتي وتقديري لشخصك الكريم . اخوك ابو نوت اخي بفارغ الصبر نتشوق للإطلاع على بقية المواضيع آمل الإستمرار [ يناير 16, 2002: تم تعديل الموضوع بواسطة : ابونوت ] |
|
|
|
|
17-01-2002, 04:11
|
#3 |
|
عضو شعبيات
|
هلا اخوي العزيز ابو نوت الله مير يحييك ويسلمك وردك علي هو اكبر شرف لي بس صدقني وجود المشرف مهو من صالحي والله يمحط موضوعي للمحذوفات لانتهاء تاريخها  وانا اسف اني ذكرت اسامي لكن فيه بعض القصايد مهيب معروفه بس تدري عشان عين تكرم عين حولاء  وعشانك ابو نوت موضوعي القادم مافيش اسامي بس تلميح يعني تسنها تسنها ولا هيب تسنها (1) شاكر لك تواجدك معي وردك علي وترحيبك مره اخرى وانتظر موضوعي الجاي ابمخمخ عليه الليله وانزله وانشاءالله يعجبك تقبل خالص مودتي =========== الحاشيه <<< مادري شلون جت فكرتها 1- تسنها = بالقصيمي ومعناها كنها للي ما يفهمون فصحى  |
|
|
|
|
17-01-2002, 20:55
|
#4 |
|
عضو شعبيات
|
اسمح لي ارحب بك عزيز النفس وبكتابتك وموضوعك اللي طرحته عن هفوات الشعراء والجميع لهم هفوات وانا اتفق في امور واختلف معك بأخرى الشعراء اللي ذكرت صحيح شعراء لهم وضعهم بالساحه وشاعريتهم الجميله ولكن لهم مثل الذي عليهم واذا كان يوجد قصائد عموما لهم او لغيرهم عليها ماخذ من اي ناحيه سواء الفاظ ذكروها او معاني تافهه او اساليب (مبربسه) فالوسيله التي نشرتها تتحمل جزء من المسؤليه لان الشاعر يمكن تكون له ترنيمات ودندنات شعريه يعني ماتصلح ان تظهر للاعلام لكن المشكله ان وسائل النشر بالذات المجلات الشعبيه الكثيره تركض وراء الاسماء اللامعه حتى تتمتلئ صفحاتها بغض النظر عن المضمون ومن جهه ثانيه الشاعر نفسه حتى لو ماكان عنده شي صالح للنشر يرسل قصيده من اجل رئيس التحرير او طرف من المجله وترحيبي مره ثانيه فيك واتمنياتي بالاستمرار في طرح المواضيع اللي نفتقدها |
|
|
|
|
18-01-2002, 19:59
|
#5 |
|
عضو شعبيات
|
يا سيدي الفاضل كلامك والله في محل او في مكانه الصحيح وانا انتفق معك قلبا وقالبا ومن ناحية ذكر الاسماء فانا لا اعترض عليها صحيح خذ اول مشاركه بس عادي نمون على الشباب اشاعر ماقال القصيده الا ونشرها وبعد نشرها ما عادي عليه من نقد المهم شد حيلك على الحداثه ولو الود ودي كان غيرة اسمها لاسم ثاني ($$$$$$$) والسلام خير ختام |
|
|
|
|
21-01-2002, 19:59
|
#6 |
|
شـــاعــر
|
بيض الله وجهك بس تدري وش المشكلة . المشكلة لو ان هذا البيت قاله شاعر ما هو معروف كان صارت الهوايل لكن فهد عافت ون هم على شاكلته يكون الرد ابداع ابداع ابداع ويمكن الجمهور يرمي الشماغ والعقال من زود التأثر وعساك على القوه .....وواصل |
|
|
|
|
25-01-2002, 10:48
|
#7 |
|
عضو شعبيات
|
اخواني الافاضل كلي اسف على الاطالة في عدم الرد لكن عزيز نفس لشم ريحة البر يروح فيها <<< يلمح انا شاكر لكل من شارك في الرد سو ابو نوت او جمر الاهات او السكري او عبد الله مران بس بصراحه ارائكم اتفقت على شي واحد واختلفت في عرض الاسامي فانا اقول طقوا قرعة بينكم والي يكسبها اخذ رايه انتظروا الموضوع القادم ضربة قوية فمان الله |
|
|
|
 |
| عدد المتواجدون في هذا الموضوع » 4 , عدد الأعضاء » 0 , عدد الزوار » 4 | |
|
|
|
|
