28-12-2003, 17:24 | #1 |
شـــاعر العثمــانيـــات
|
عذق البلح
[poet font="Simplified Arabic,4,white,normal,normal" bkcolor="darkred" bkimage="" border="none,4,gray" type=0 line=200% align=center use=ex length=0 char="" num="0,black" filter=""] كلمـا ابعد حصاةٍ عن طريقي تعوق = تنتخي في البقيّه يقفـلنّ الطريق وكلمـا شفت حظّي خادرٍ ما يفوق = قلت له لو تنبّه قال نومي عميق وكلما قلت ابنخى صاحبٍ لي صدوق = جاوبنّ الدراهم ما بقى لك صديق لو شقيقك عطاك امن السعه بعد موق= لو تجي مرّه اخرى قال ماني شقيق ولـو تطـالب بحقٍّ من أقلّ الحقوق = دون عضدٍ يشيلك تنكتم يالرقيق في زمان الحضاره كل حرف مخنوق = غير كذب ونفاق وغيرها ما يليق يركض الدرب ياصل بالتسلق سبوق = ومن يقول الحقيقة ما يلاقى رفيق صار درب المفالي للحصاني شفوق = ما يبي الحرّ الاشقر في سماها طليق لين شامت نفوسٍ بالقهـر والعقـوق = وإنعمت في طريقٍ كلمـا له يضيق لو سحابٍ على راسي برعد وبروق = ويش ابي به مدام إنّ المطر بالحريق يا زمـان ربح به فـاسقٍ او سروق = وش بقى من نجومك مخفيٍ للبريق لـو ابوقد شموعٍ في ظـلام الخفوق = ينطفي الشمع كله ما لقيت الطريق صرت مثل الذي يسبح بغبّ العموق = خاف يغرق .. تمسّك في بقايا غريق من ظلام ابظلامٍ ما لشمسك شروق = يا غبارٍ حرمنا من زفير وشهيق غير نمشي بدربه مثـل طفلٍ معوق = جاهـلٍ وين يمشي والمسافه تعيق وان تأخر يخاف امن البلح والعذوق = تدفنه في لحـودٍ ما يشمّ الرحيق حسبي الله عليهـا كم وكم من فتوق = غيمة القهـر زلّي للزمان السحيق [/poet] |
28-12-2003, 18:39 | #2 |
شــاعـر
|
عثمان العبد الله صدقت صدقت صدقت وأبدعت لله درك من شاعر تنهل من العذب كى تبل عطشنا للشعر دمت للابداع لك تحياتى |
28-12-2003, 20:37 | #3 |
شــاعـر
|
الطاير المهاجر الله يسعد صباحك والله رووووووووووووعه وابداع دايماً لله درك وصح لسانك من شاعر للعثمانيات وللروايع وللجزاله وللعذوبه والله يجعلك على القوه ولك من اخوك نمر العتيبي صادق الود والاحترام |
29-12-2003, 12:00 | #4 |
شــاعر
|
عثمان العبدالله صح لسانك ايها الشاعر الرائع فانت تكتب الكلمات التي بحق تؤثر في القلوب تكتب لتشكي احوال الناس وكيف تغيرت افكار الناس في هذا الزمان الله يعدلها يا ابوعبدالله صار درب المفالي للحصاني شفوق ما يبي الحرّ الاشقر في سماها طليق لين شامت نفوسٍ بالقهـر والعقـوق وإنعمت في طريقٍ كلما لـه يضيـق الله يوسع الطريق ويرجع الناس الى جادة الصواب تحياتي لك ايها الشاعر المختلف لاهنت |
29-12-2003, 19:53 | #5 |
العضوية الماسية للموقع
|
عثمان العبدالله قصيده في غاية الجمال والروعه تسلم 0 |
31-12-2003, 03:13 | #6 |
شــاعر
|
[c] عثمان العبدالله شاعر يغرق الشعر في حضرته في جمال اخااااااااااااااااااااااذ قصيده لا يمكن ان تمر مرور الكرام لي مرور اخر صح لساانك مليون ولا يكفوون اخيك سالم بن جلعان [/c] |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|