07-10-2014, 08:17 | #1 |
شـــاعــر
|
معذور لا ضقت
السلام عليكم ورحمة الله وبركاته في البداية كل عام وانتم بخير وعيدكم مبارك وكلمات بعد غياب علها أن تشفع ذلك الغياب . . . اشتاق لبلادي وانا في يديها=وشلون لا غربت عنها وشرقت يمكن تسيل دموع عيني عليها=يوم الاكيد اني من اعماقي اشتقت غارب ليا صار الحزن مرتديها=وان حطت الاحزان ملبوسها اشرقت متساقط الاوراق لحدٍ يبيها:=بالحيف.. وليا عوّد ادراجه اورقت اضيق لو في الحلم باسٍ يجيها=في الحلم هي بالذات معذور لا ضقت عهدين لا فديها ولا فدي ذويها=وللعهد جعل الله يعاقبني ان بقت بالجل ماهو بالقليل افتديها=والله لو تامر على الراس دنقت احبها والحب منها واليها=غرامها بحرٍ غزيرٍ به غْرقت مالي عقل يبغى النجاة ويعيها=الضيق بي وان مت في بحرها رقت واثمل بها واغفي بها كل ابيها=وانا اشهد ان عذري قبيحٍ ليا فقت وان تقتها وآنا على منكبيها=عذري كبر عزّان وطويق لا تقت يا كم شكيت وسقمها محتويها=ياكم على رجوى شفاها تصدقت ديرة هل العوجا عسى الله ايحميها=من شر اعاديها ومن ظلمة الوقت ومدحور من قال ونوى السوّ فيها=دارٍ تقهوى الودّ.. وتعقّب المقت |
08-10-2014, 23:12 | #2 |
عضو شعبيات
|
رد : معذور لا ضقت
صح لسانك مدد الله يحمي دارنا و ديار المسلمين من كل السوء والفتن |
16-11-2014, 02:06 | #3 |
شـــاعرة
|
رد : معذور لا ضقت
ديرة هل العوجا عسى الله ياحميها مـــن شــــر اعـاديـهــا ومــــن ظـلـمــة الــوقــت صح لسانك لاعدمنا وطننا ولا عدمنا الشاعر |
19-11-2014, 01:49 | #4 |
شـــاعــر
|
رد : معذور لا ضقت
صح بدنك اخوي صالح ولاهنت على تواجدك كل التقدير |
19-11-2014, 01:54 | #5 |
شـــاعــر
|
رد : معذور لا ضقت
صح بدنك اختي نورة ولا هنتي على المرور وياليت تعدلين الشطر الى ديرة هل العوجا عسى الله ايحميها تنبهت لسقوط كلمة عسى سهوا عند ردك تقديري |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
أدوات الموضوع | |
|
|
|