صحيفة بوابة الأنباء الإلكترونية

آخر 10 مشاركات
ثـقـوب (الكاتـب : كبرياء دمعة - - الوقت: 00:39 - التاريخ: 19-04-2014)           »          بوح مشاعر وهذيان ....... (الكاتـب : مها ال عمران - - الوقت: 22:15 - التاريخ: 18-04-2014)           »          علوم الليالي (الكاتـب : أحمدعلي الويمني - - الوقت: 14:46 - التاريخ: 17-04-2014)           »          لحظتك الآن .. بكل صدق (الكاتـب : محمد الدحيمي - المشاركة الأخيرة : أحمدعلي الويمني - - الوقت: 12:04 - التاريخ: 17-04-2014)           »          دمعه وسالت من محجر العين (الكاتـب : مسعود القحطاني - المشاركة الأخيرة : حروف السعيّد - - الوقت: 04:14 - التاريخ: 16-04-2014)           »          طــابــت الــنــيّــه ... (الكاتـب : ماجد بن شايخ - المشاركة الأخيرة : حروف السعيّد - - الوقت: 04:09 - التاريخ: 16-04-2014)           »          ماهمني من قال فيني وبي كلن حسب قوله يجني حصيده (الكاتـب : حروف السعيّد - - الوقت: 03:55 - التاريخ: 16-04-2014)           »          روح وغالي .. (الكاتـب : حروف السعيّد - - الوقت: 03:39 - التاريخ: 16-04-2014)           »          مساءات ..! (الكاتـب : سرحان الزهراني - - الوقت: 21:05 - التاريخ: 11-04-2014)           »          [يسقيش يا نجران] (الكاتـب : عبدالرحمن ال مغني - - الوقت: 23:31 - التاريخ: 08-04-2014)


 
العودة   شعبيات > > قوافي البوح
تحديث هذه الصفحة ملف شاعرمضر / ناصرالفراعنة
 
إضافة رد
 
أدوات الموضوع
قديم 30-07-2002, 10:26   #1
نادره
العضوية الماسية للموقع
 

ملف شاعرمضر / ناصرالفراعنة

[c]
اليتيمة

1


الالـف اولـف ان دائــي دوائــي
يامـن شحذتـم مـن فنائـي بقائـي

لـو مائكـم مائـي بكيـتـم بكـائـي
وما كان لمتونـي بمـا كـان سويـت

عزي لمن اضحـى صباحـه مسائـه
مستخلص من محـض دائـه دوائـه

يغيـب مـع غيبـة سنـاءه ستائـه
طاغـوت بـدو قولتـه الطواغـيـت

والبـا ببلبـل مـن بـلاد المـغـارب
حبل علـى الغـارب تعقـده عقـارب

لابوك شارب مـن عـذي المشـارب
ما دسم الشارب ولو كـاس شربيـت

مـن كـل عـذاب معـذب مـعـذب
عامين واكثـر بيـن صـدق وكـذب

قلبي علـى الطفـل المهـذب تهـذب
ما لف ساق سـاق وسـط الحوانيـت

والتـا توابيـت المحبـيـن شـتـى
يا ليت لي تابـوت حـوت بـن متـى

من في الشتا صيف وفي الصيف شتى
دليلتـه مـا بيـن رميـو وجوليـت

خلونـي آشقـق جيوبـي واصــوت
فاتتنـي آخـر فرصـة مـا تـفـوت

حسبي على اهل الحسد ويـش سـوت
مارج لهبها يسرجـه عـود كبريـت

والثـا ثـلاث مـن ثـلاث لنـا ورث
مثل اللبن يخرج مـن الـدم والفـرث

يا من حرث له مع بني حارث حـرث
يجيـك يـوم نـوم عينـك شفاليـت

يا من بمولـى مـن مراكـش تشبـث
كفـك بسحـر اقـلام بربـرتخبـث

هـو ليـه بقليـب اليتيمـة تعـبـث
تبـت يـدا العبـد النميـري وتبيـت

والجيم جينا بـك رمكـة بـلا سـرج
واهتز من دولـة بنـي هاشـم بـرج

اهجد وقر اسجد وخر اقطـع الهـرج
عليـك باسـم الله يملعـون سميـت

يا تاقـش بيـدك خضـاب الفرنجـة
يـا مبـدل السبـع المثانـي كمنجـة

عن الحـرم لقيـت وجهـك لطنجـة
وبـدم كـل عـذرا يتيمـة توضيـت

والحا حلمت اني من الواد ابو سـرح
شرشوح جنة واتركوا باقـي الشـرح

ما الضرب والقسمة كما الجمع والطرح
اقبلت فـي قبـة وفـي قبـة اقفيـت

انا من اللـي مـا خـذت دينهاالحـى
عفرا وهي فـي سابـع العـدملحـا

ما ياصل العبسي وهـو فـوق فلحـا
آصلـه وانـا جالـس مـا تعـديـت

والخـلا خـلا كازيـة توهـا فـرخ
عن كل هيفا قيل عن حسنهـا شـرخ

ارخ الرسن يا قلب عابـر سبيـل ارخ
لاابو ملـوك الجـن مـارد وعفريـت

اخ اخ يالقلـب العـديـم الـعـدوا
ختنـاوخـت فـيـه السـرايـاونـوخ

من خوف مشعـوف المجـوخ تـدوخ
كوخ وبـر راسـه وخـوخ بحلتيـت

الـدال دفونـي كـلا عظمـي البـرد
باشقر تمشقر سرد مرد اشوس جرد

باشقر زمرد اجرد زبرد المها الشـرد
يشحذ عنب صنعا ورا سـورتكريـت

راس علـى روس الحـزوم يتسـنـد
باحـدب مهنـد قـد تزنـد وعـنـد

وشاف الخديـوي لابـس لـه مجنـد
حدر ولا سند علـى ليـت يـا ليـت

والـذا ذليـل النفـس ممـا يـتـأذى
دامـه علـى ديـد الهـوان يتغـذى

سبـو علـى سلـم الاذلـة تـمـذى
يا مـا علـى جلمـد رقبتـه توطيـت

لا خالـق منفـذ ولا هــوب نـافـذ
يضيـع بيـن ابوابـهـا والنـوافـذ

قنـفـذ ولا يستلـحـق الا القنـافـذ
بيـاع بـن عمـه بصالـة وموكيـت

والرا رشا من دونهـا تـاج كسـرى
من دونهـا الاحـرار اشبـاه أسـرى

بصحيبها لا عسعـس الليـل يسـرى
لا طق يمنى فوق يسرى نضب زيـت

هي حبها ناصر وهـي حـب ناصـر
مثـل البناصـر والخناصـر تقاصـر

من دونها صيـور مـا طـال قاصـر
يـا دافـن بيـن الاواصـر دناميـت

والـزا زمانـي سالفـة فـرد حمـزة
مـا غمـزة الا ويعقبـهـا بلـمـزة

من ذكرك تكتب على الحـرف همـزة
يا ناسـي الموضـوع كلـه بباكيـت

لابـوك وقـت مـع عـدوي مخـاوز
وقت يـراوز كـل معـرض مـراوز

وقت عن اصحـاب الكبايـر تجـاوز
وملبـس عـوب المذاهـب يواقيـت

والسا سلام الله علـى نـادر الخمـس
حر شهر كن بمهـلا حاجبـه شمـس

عنده سراير خمس من صيد قبل امس
من طيب فعله لـه بكـل ديـرة بيـت

سعد ولـد ناصـر اذا الليـل حنـدس
الكوكـب الـدري الهزبـر العرنـدس

من الشرف كاسيـه جلبـاب سنـدس
من شذرة الغلبا وله منتهـى الصيـت

والشين شبـل اسـود مـا تنتهـاوش
كظامـة لا مـدح ابوهـا تـشـاوش

للبازغـات اسـد يديـهـا تـنـاوش
وعزومه آشد قسـوة مـن الجرانيـت

وليا اشتبك قـرن الليالـي وعكـرش
له في سنـام المجـد تـاج مزكـرش

بالجود غيث فـي سمـا بعلبـك رش
من منبـت طاهـر طهـور المنابيـت

والصاد صمصام من الماص مفـراص
حوت بغبـة مـاه مـا واحـد غـاص

فـص مفـص للعويصـات مخـلاص
عنتوت مـن نقـوة رجـال عناتيـت

مقـص مـا ينقـص منـه يتقصـص
صم الحصـا بالمعجـزات متخصـص

يوم الردي فـي مـا يبيـه يتغصـص
ذو همـة تعجـز رجـال مناعـيـت

والضـاد ضرغـام اذا مـا تغـيـض
ذيب ضليـع ضلـوع يـوم يتهيـض

بحر الندى طاش على الجـال فيـض
سعد سعد عينك من الهم الـى جيـت

ابن الذي في شرعه المرجلـة فـرض
عود شـذا ذكـره نشمـه بكـل ارض

دوج طباق الارض من طول من عرض
جعل الوسم يسقـي عظامـه تفاويـت

والطا طمر عنـي مقـام علـى بسـط
يوم احتمت بلواي من ضامر الوسـط

وان شلت هم شال قسط وانـا قسـط
الله يحفظـه مـن عيـون النواحيـت

لجلـي علـى روس الافاعـي توطـى
يوم ان بعض ابنـا العمومـة تغطـى

فض يتخطـى صـوب اهلـه يتمطـى
وانا الـذي مـا مـرة عنـه فضيـت

والعين عـام وعـام فرعـا وقرعـا
درعا عنا ترعى لهـا القلـب مرعـى

وقت يخلـي خيـرة القـوم صرعـى
واودع سـلا تيـح الرخـوم اتيكيـت

وقت علينـا احمـر ضنـاه متـوزع
بيديـن مـن مثلـي ورقـه يتمـزع

يـا كثـر مـا فـزع بيـوت وجـزع
قلـوب وقلـوب تـهـزع ترنـزيـت

والغيـن غاغانـي زمانـي مغـاغـى
كن حـدر سرجوفـي جنـون تناغـى

قهـر الدهـر خلـى الذيابـة تثاغـى
وفحج الحرار اضنت بسبعـة كتاكيـت

وقـت دبـل كبـدي بكثـرالمـراوغ
في القلب منـه اربـع حيايـا تـزاوغ

مـا نيـب لمحثـرب لبنـه متسـاوغ
لا شك غصب مـن لبنـه استمزيـت

والفا فـلان مـا لقـى اليـوم ملفـى
من عود حلفـا سـن رمـح وشلفـا

لا اشعـة البيتـا ولا اشـعـة الـفـا
تكشف خفا روح ورا الصـدر كنيـت

لولا ثنيـن مالهـم بالعـرب وصـف
ان كان قد همي قصف غاربي قصـف

لولا ابو تركي شال نصف وسعد نصف
امداني مـن الهـم الاقشـر توفيـت

والقـاف قـوم قيـفـت بالبـنـادق
بنـادق تشبـه عـروق القـنـا دق

وقوم تربـص لـي بوسـط الخنـادق
قلته وانا صادق وروحوا لهـل هيـت

وقت سقاني مـن شقـا مـا تشقـى
للي سواي من العـرب ويـش بقـى

لـو منـه واقـي كـان كـل توقـى
وقـت تلقـى ربعـنـا بالشلالـيـت

والكاف كل في فلـك مـا سلـك فلـك
سواك ياذا الملك مااحـد ملـك ملـك

لو كان بيده دارت ابـرة علـى سلـك
صيور كل من فوق وجه الثرى ميـت

وقـت بمجـرد كـل حـر تـسـوك
لا قلت بسـك يـا زمـن قـال تـوك

زوليتـه حمـرا فرشـهـا مـشـوك
يا وقتنـا يـا حـظ فيـك الهلافيـت

والـلام لـه يـوم يجـيـك يتـدلـى
عابـد حــذاء الفاتـنـة سـنـدرلا

الحـظ فرصـة واحــدة لـيـس الا
يـا مـن بجثمـان اليتيمـةتعشيـت

يا صرخـة مـن كـل حابـل بنابـل
يهتـز منهـا سـور صنعـا وبابـل

ويلقح لها مـن مـرود العيـن وابـل
قطر ومطر ليـن اخطـر ولا اطريـت

والميم مرمى بندقي في اربـع اسمـا
من كل معنى سامـي الغايـة اسمـى

من كوثـر حالـي جمـا بلتمـس مـا
بيـد رسـول الله ليامـت واحيـيـت

تمسحـت بالركـن اليمانـي وزمـزم
يالله ولا لـي غيـرك اليـوم محـزم

مـن عابـد المـرزم وحـوت يقلـزم
تردلـي حقـي يمـن بـك توقـيـت

والنون نـاري منـه قامـت تلسـن
يالله وأنـت القائـل السـن بالـسـن

انزل عليه من الغضـب مـا توسـن
عبرة لمـن لا يعتبـر كيـت ماكيـت

وبما دعا ذا النون في ظلمـة النـون
ان تهلكه باللي هلـك منـه فرعـون

ولا بريـح صرصـر كونهـا كــون
تفجعه في ظلمـة سحـر دون توقيـت

والها هـوى دونـه دهتنـي دواهـي
ان ترجعه لي شرع لا هـو ولا هـي

يا من حبل حلمك على الخلـق راهـي
سبحانـك اللهم حامـي حمـى البيـت

طالبك اشوف آثـار سوطـك بوجهـه
ليت يغدي في الخلق سبهـة وشبهـة

من دون وجهه كـل برهـه بشرهـه
يا من لوجهك صمت شهري وصليـت

والـواو وره عاقبـة مــا تـبـوى
بقوتـك ندعـي علـى مـن تقـوى

يالله جـزا مـاحـط فـيـه وســوا
تفجعـه فجعـة مخلفيـن المواقـيـت

وان تفجعـه فـي كـل يـوم ببلـوة
ليـن يحفـر قبـره بسلـوه وشلـوه

والقاه فـي صلـوه وغلـوه بخلـوه
ويضيع فـي غبـة دشيـر سرابيـت

واليـا يــرازق زكـريـا بيحـيـى
يا من قضـى للعمـر مـوت ومحيـى

يا ناشر الموتـى بعـد مـوت احيـا
اجبر عزاي انـي تصبـرت وازريـت

وبازكى صـلاة طاهـرة مـع تحايـا
صلـوا علـى جامـع قلـوب البرايـا

ما اودعـت حـوض المنايـا سبايـا
وما لامجت عـوج المطايـا سباريـت


الشاعر:نـاصـر الفراعـنـة

______________

2

قلت ايه ايه ايه ايه


احسبني قبل اشوفك واحد تشره عليه
واثبتت شوفتك اني كنت سيد العاقلين

ما عرفت ال(لو)وال(ليت)و(متى)و(آه)و(ليه)
لين شفتك خاضب الحنا على ترف اليدين

يوم شفتك تنقض المرجود قلت ايه ايه
ايه هذا اللي لشوفه ما يزين الا يشين

لعنبو من لاتقمص فيك شخصية سفيه
مثل ما هو لعنبو من لا عشق مثلك ظنين

من سببك الموت يا موت يموت الموت فيه
طيا نحيف الخصر ابو دابين والمقعد سمين

لو مع الشيطان من ساير جنوده شبيه
ما بقى حي يبي ال... عشانك يا حسين

ابك لولاك انت ما حي ابد صفق يديه
ولا فرقنا روشن السلطان من سرداب طين

ياجمال خيزرانه ما يطق الا الوجيه
تربته من قحويان وماه ورد الياسمين

من يشوفك بس لو لمحة يبي نومه يجيه
مثل من يبغى لبن عصفور يالله يا معين

جعل عين شافتك حلو الكرى غضت تبيه
نومة اهل الكهف وسط الكهف آلاف السنين

من يشوفك نزوة الدجال الاكبر ترتديه
ولو تشوفك حامل في خمسها طاح الجنين

ومن يشوف ضاع في عز الضحى لوهو نبيه
مرة يحذف يسار ومرة يحذف يمين


شاعرمضر ناصرالفراعنة

______________

3

كل مولود على الفطرة


يامل قلب ورا سرجوفه مشطر
كنه على سرج بنت عبية(ن) شطرة

كن حس نبضه ليا خاوى الخلا مضطر
عبد سمع حس عود وجاته البطرة

عليك ياللي عليك مزاعل الخطر
على وفا حبك الارواح منفطرة

عينك بها ذايب الموت الحمر قطر
من شافها مات ما في عوينته قطرة

وبيت تطبه ولو ما هوب بمعطر
الفين عام(ن) يفوح ولا قضى عطره

وثغر على ملتي ملفوف ومسطر
حظ من بسنه من يخط اسمه على سطره

ونهد من الشوق لا جيت ....مطر
يمطر وهو توه صغير على المطرة

كن فزته من حرارة ثوبه المنطر
فزة وريع(ن) لمس له حاجة خطرة

وكن رزة الورك من خلفه ليا وطر
رزة ملوك(ن) بسرد بشوتها تطره

يا زين لو فيك صام المبتلى وافطر
مولود(ن)وكل مولود(ن) على الفطرة

يازين نذر(ن) على رقبتي عشر فطر
ما صد عنك وناصر ما قضى وطره


شاعرمضر ناصرالفراعنة

______________

4


قصيدة الخطيب وابليس


واكبدي اللي على المجمول منحطبـة
حطبة غضـا وادي حافـوه حطابـة

الراس جاه العطب والروح منعطبـة
لو بين الاخوان كني من سكن غبـة

كني قريص حدر قشـع تخبـط بـه
مع مخة السـاق داب ذوقـه نابـه

لابو شفايا صفار الكاس تخلـط بـه
لولاه ما قلت من حلو الشعـر جابـة

وعيون مشطوب ابو حي تبي شطبه
عيون حر يفـوع الطيـب مخلابـه

بايمن عيونه وريـع يلعـب النطبـة
وبايسر عيونه طليب شـاف طلابـه

ونهود كالبردقان وروسهـن رطبـة
قلبي عليهن يبن عمار يسـرى بـه

بايمن نهوده خطيب اوجـز الخطبـة
وبايسر نهوده بليـس لابـس كابـه

وورك يتل اهيف الوسط ويمرمط بـه
تلة كريم يـدا ضيـف علـى بابـه

كن بحة الصوت يوم اوحيه يشحط به
ترتيل شيخ تهجـد وسـط محرابـه


شاعرمضر ناصرالفراعنة
______________

5

لا تفوتكم

اخذقلبي يالغضي والهديةماترد
وانت ياسيدالهوى هات قلبك وازهله

لاتغرك وقفةالساق لو دونك صمد
والله ان الزلزلة في عظامه منزلة

من يقول الطرف لا طالعك جاه الرمد
والله ياغير العمى مايغرز بأكحله

جيت اغني لك وعد يا بعد عمري وعد
ويوم شفتك ارتبكت وقريت البسملة

يابعدروحي وش اللي بقى منكم بعد
ما ذبحنا بآخره وش نوصف بأوله

من تمره وانت لا برق ولاانت برعد
من يلومه لو تحلحل عليكم حلحلة

من يلومه لو رمى ضافي الثوب وسجد
او بعد حتى طلع له على الراس نخلة

لو تواصيف الحلا فيك يحصيها العدد
كان ابكتب من تهامة الى شعب جبلة

من تعامى عن سنا نوركم ولا جحد
كل نجم بان يلفي عليه ويسأله

سحر بابل في حناياك صاحي ما رقد
سلسلة من سلسلة سلسلة في سلسلة

طب وسط الملعبة طب يا فال السعد
حط بقلوب الصبايا سهوم مرسلة

كل عين ما تسمي بأسم واحد أحد
لا تهمك مثلك الله خلقه ويكفله

احمد الله واشكره يوم ما انت بلي ولد
ولا كان تشوفني في .... ....

يرجع الماخوذ لو عنكم بساعة يلد
يمكن انك نجمة الجدي وانا بوصلة

كل حسن غيركم عندي ما قام وقعد
ما جذبني حلو ريقه ودافي محملة

أنت ايه انت انت يا بوح من قال وقصد
بالحروف المعجمة والحروف المهملة

من يطولك عن مراعاة زولك ما يصد
لو تفجر في محاني ضلوعه قنبلة

بس لا تزعل اذا قلت لك ملعون جد
عادتي لا شفت حلو الجمال العن هله


شاعرمضر ناصرالفراعنة

______________

6

تقول خير


تقول خير منين بالله يجي خير
وانا معك قضيت عمري بلاشي

اصبحت مثل اللي مراده لبن طير
وانا مرادي بوسة وانت ماشي

عنك ارفع الكفين حشمة وتقدير
شيمة حرار ما ترب العشاشي

ولا فانا المجنون حكمة وتدبير
وقبلك جلابيب الرعابيب شاشي

لو ودي افعل ما فعل سالم الزير
والله لاخيط من جديلك فراشي

لا شك ابيها منك فزعة مناعير
ووصل الاحبة ما يجي بالهواشي

فكان المراد انساك ياصاحبي طير
والله لاموت وعلتك وسط جاشي

كل شي الا نسيتك يمكن يصير
لو جابت الناقة ثلاثين حاشي

لولا دموعي فيك ما ترجع البير
وللغيث ما ينشي على نجد ناشي

بالله كيف انسى هذيك النواوير
وسود العيون المسكرات الغواشي

ولا ثنين قطعن الازارير
ومن الحرير يصيبهن ارتعاشي

ولا ثنين مثل بيض القوارير
شفت ازرق الما بينهن يوم طاشي

ولا ثنين يفضحن الحمارير
حمر الطعوس اليا صبغها الرشاشي

ادخل على الله مانت مضبوط يصغير
ولا فكيف انساك وانته معاشي

وان لمتني يا وش بقى عاد للغير
الغير واجد والملامة بلاشي


شاعرمضر ناصرالفراعنة
______________

7

الى رئيس السلطة الفلسطينيةياسر عرفات


علموا ياسر بسلم كذيا لا يحلم
ماخبرنا صار سلم بلا حرب ودام

من متى والسلم يوخذ بتوقيعة قلم
يا دعاة السلم شدوا محازمكم شمام

كل سلام جا بقرطاس لذة محتلم
والسلام اللي كذا اسمه سلام اية كلام

مثل من هو يطرده مثل من يطرد وهم
مثل من قرب سحلته يبي حلب الحمام

من يبي سلم بلا حرب بيبطي عظم
السلام بحربة الرمح الاشهب والحسام

سبحانك اللهم محيي بن آدم من عدم
نطفة ثم مضغة باللحم تكسي العظام

صرخة يهتز من هولها سور الحرم
صوت الركن اليماني وجاوبه المقام

العذارى تغتصب والعفايف تتهم
لعنبونا اللي ولا واحد شمر وقام

كم وكم عذرا علا صوتها (وامعتصم)
بس ما كل معتصم معتصم ولا عصام

معتصم آخر زمن معتصم بس بالاسم
لقبوه المعتصم بس لكثرة لاعتصام

امة شفنا بها الروس توطى بالجزم
سالفتها عودت سالفة بنت الحرام

امة من سور صنعا الى باب العجم
مجدها يعيده لها طفل في سن الفطام

امة تعدادها فاق تعداد الامم
وللاسف في وزنها ما تجي واحد جرام

كونوا من مجلس الامن للعالم صنم
فاتخذناه(و)الاه(ن)فحل الانتقام

يا عرب آخر زمن يا حواس بلا جسم
من عذر كل توطاكم اطيبكم خمام

يا شعوب ميسم الذل واسمها وسم
في شعوب ابنائهادقت الذلة وشام

شكلها واحد تبي من خلاف او قدم
قرب راس من ذنب قرب خف من سنام

لعنبوه الذل خلى من السادة خدم
العمام هم العبيد العبيد هم العمام

هيه يا مهدي هل القدس معزوفة نغم
منه جايبنا ورا الاانت واشكالك حرام

لا تقل (نحن العرب) قل (اجل نحن الجلم)
واثنها (نحن البهم) لجل اقلك يا سلام

كنت افول الذيب لا يمكن ان يرعى الغنم
لين شفت الطفل (ياسر) بحضن (اسحاق)نام


شاعرمضر ناصرالفراعنة
______________

8



علـى الالــف اولــف بخـلـي مـولـف
افــرق بـهـا اقــوام واقــوام اولـــف

اديــب شـعـوا لـيـن العـظـم والـلــف
الـفـه عـلـى حــرف حــرف ابجـديـه

عـلـى الـبـا بغلـبـا وصـبـيـان غلـبـا
بــلا مــا بــلا القـلـب مـبـروم غلـبـا

بـلا سـبـق طـيـر بــلا وســق غلـبـا
بـنـيــه ونــيـــه ســواتـــي مـطــيــه

عـلـى الـتـا تــرى مابـتـاتـي بـتـاتـي
تـبــي مـاتـبـي ثـبــت بـــت بتـاتــي

تـجـي بـامـر مــن ينـبـت المنبتـاتـي
تـجــي فـــت لـــو فـــت فـتــا فـتـيـه

عـلــى ثـــا ثـلاثــا نــهــار الـثـلاثــا
ثــــلاث الـغـضــي قـطـعـنـي ثــلاثــا

ثــــلاث طــــلاق عــلــي بـالـثـلاثــا
ثـــلاث فـــلا مثـلـهـا فـــي الـبـريــه

على الجيم جـم ادعـج اغنـج مسـرج
جديـلـه سبـيـب الحـصـان الـمـسـرج

جنـا الـخـد جلـيـا الـسـراج المـسـرج
جـــلا دج دوج الـدجــا الخـرمـسـيـه

علـى الحاحلـو لـيـس لــه بالمـلاحـي
حـلــي مـحـالـي او مـلـيـح مــلاحــي

حــلا مايحـالـيـه بـيــن الـمــلا حـــي
حـــلا فـــي حـــلا مـايـحــلا حـلـيــه

على الخا خـلا ماعلـى القلـب اناخـي
خليـل خــلا بــي خــلا عــن بنـاخـي

خــلاوي لـمـرخـي ولانـيــب نـاخــي
خــلا فــي خــلا خـالـي اخـلـو خلـيـه

علـى الـدا دوا الـدا مـن الـدا ياباالـدا
دوا الــدا مــن الــدا هــو الــدا يـبـدا

دوافـــي سـهــود الـنـهــود الـمـبــدا
ودوا فــي مـهـود الـخـدود iiضحـويـه

عــلـــى ذا ذوا ذا وهـــــذا كـــهـــذا
ذكــــرت بــهـــذا نـســيــت بــهـــذا

ذبـحـنــي ذبـحـنــي لــمــاذا يـاهــذا
ذبحـنـي ومــاذا عـسـى فـــي يـديــه

عـلـى الــرا رمـانـي بـســرا مـســرا
رمــانــي بــســرا شــمــرا مــســرا

رمـانـي وانــا بـيــن ضـــرا وســـرا
رمـاهــا ولا رامـــي ارمـــى رمـيــه

عـلـى الــزا زبـنـت الـمــذل الـمـعـزا
زبـن مـن زبـن لـه عـزا مــن تـعـزا

زهـمـتـه فــــي الازلام لات وعــــزا
زمـــــان تـــــوزا ولـــــزا خــزيـــه

على السـا سمـا الحسـن جنـا وانسـا
سمـا الحـسـن حسناوجنـسـا وانـسـا

سما اللي ان احسن صنيعا وان ساء
ســوى مـثـلـه فـــلا ولـدتــه ادمـيــه

علـى الشـا شنـاح بشوفـه تـشـاوش
شغـامـيـم شـيـخـان قـــوم تـشــاوش

شعرهـا شليـل اشقـح مـن تـشـاوش
شـماليه وله حــقــو سـاحـلـيــه

على الصا صفا مسجد البيت الاقصى
صفا صدره النهـد الادنـى والاقصـى

صفاتي هياكـل مـن الشـرق الاقصـى
صـلاتــي عـلــى الـقـبـه الهاشـمـيـه

على الضا ضوى الخد ضـو لضاضـا
ضوى لال والا سنـا مـن لظـى ضـاء

ضبيب نحـره غـض وبـه اغلضاضـا
ضـبـيــب ذهــبــة نــضــة بابـلـيه

عـلـى الـطـا طلبـتـه مقـاطـم حمـاطـه
طلبـتـه بلـيـل عــن الصـبـح امـاطــه

طلبتـه طلـق مـا طـلا الشـيـح مـاطـه
طلـبـتـه مـطــارق جـديـلــه عطـيــه

عـلــى الـظــا ظـــلام ونـــار تـلـظـى
ظـلـمـتـه ظـلـيـمـة ظـلــيــم بلـظــى

ظرمتـه وظليـت يالـضـا عـلى الـظـا
ظميـتـه ظـمـى ظــم ظـمـظـم ظـمـيـه

عـلــى الـعـاعـدا مـاعــدا بـالـبـراقـع
عــوا عــاوي يـــوم رد الـبــرا قـــع

عـلــى ماعلـيـتـه رقـعـنــي بــراقــع
عـلــى مـاعـلانــي رقـعـتــه بـزيــه

علـى الغيـن غليـون غلـو المـلاغـي
غـوانـي بـلاغـي مــن الـهـم الاغــي

غـوى يغـدي الشيـخ سيـد مـلا غـي
غــوى وابـــدل الفـاتـحـه سامـريـه

على الفا في سيفي ورمحـي وهيفـي
في شوفي ونفنـوف صوفـي وهيفـي

فـلا فـي وليفـي اشيـا الا وهــي فــي
فــكـــن مـاكــتــب هـــــم الاعـلــيــه

على القا قـال السـاق مسفـوع راقـي
قــرو فـوقـه اقــرا ومنـقـوع راقـــي

قــلانــي بـعـرقــا سـبـيــل عــراقــي
قـعـدنــا وقـمـنــا ولا هـــــي هــيـــه

علـى الكـا كبـا مـن لعـب لعـب راكـي
كبـا ثـم شكـا ثـم بـكـا ماانـبـرى كــي

كـلانــا كــمــا شــبــك راك بـراكــي
كـــكـــم بـــكـــم وكـــيــــه بـكــيـــه

عـلـى الـــلا لـوالـيـه بـعـضـا وكـــلا
لاقــــــال اه لالا وكــــــل الــمــكـــلا

لــــه قــلــت لا لا وحــاشــا وكـــــلا
لــك الله ابــوك انـــت مـنــي وفـيــه

عـلـى مــا مــلام بـلامــا عـلــى مـــا
مـــلام بــلامــا هــــدت روع لاامــــا

مــلام بـدمــع ذرف مـــا عـلــى مـــا
مـحــاه الـولــي فـلـمـا الـلــوم لــيــه

عـلـى الـنـون نــون بـنـون لاادنــدن
نضـا منـه دن لاحـدرن وسـنـدن دن

نــضــا لـلـمـدنـدن لادنــــدن دن دن
نـغـنـه مـنـاغــا الـحـجــل راعـبـيــه

علـى الهـا هــل جـاهـل مــن جهلـهـا
هــل الـشـال الادهــم ديابـيـج اهلـهـا

هـل اهــلا لـهـم دانــة الـمـوج هلـهـا
هـم ابخـص بمهـمـه هـمـل مهمهـيـه

علـى الـوا وا وي مـهـاوي هــواوي
ولــنــي بـــــلاوي ولاويـــــه واوي

ووي يــــوم واو حــــدر واو وا وي
وســـاد تــوســد نــهــد غشـمـريـه

علـى الـيـا يـقـول ابــن حــي يحـيـي
يـاربــي يـاحـيــي بـمـيـتـي وحــيــي

يـاربـي تصـلـي عـلـى احـمـد نـبـيـي
تــســوق الـتـحـايـا تـحـيــه تـحـيــه


شاعرمضر ناصرالفراعنة
______________

9


العيون مسكته

العيـون مسكتـه والخـدود مسكتـه
ياسلام الياكشف وان تغطـى ياحـرام

لا بغيت اوصفه جـت لسانـي عكتـه
كل عضو من حبيبي يقول اسكت ونام

من يشوفه مات جن الهوى ما فكتـه
كيف اجل لوهو يشوف اربع حدر اللثام

جادل لا شلـح الثـوب داخـل دكتـه
ما بقى جدار من البيت ما صلى وصام

فتنته من ضحكته,الـف عـام بكتـه
اقطع من السيف وآرق من ريش النعام

من توصت فيه روس الاسنـة وكتـه
وش عليها شيخ ولا بعد تـوه غـلام

من عذر ثوبه على الردف جود ضكته
شاه اللي ما بعد شاهده لو في الحـلام

دوب بس الساق لحظة يمـر بسكتـه
والله ما يمديه يركض قبل يوم القيـام

اشهد انـي مكتـه ان بغانـي مكتـه
واشهد اني بيته من الحجر حتى المقام

يا حبيب فيه كل الوصـوف مسكتـه
فيك قلبي ميت وضربك الميـت حـرام


شاعرمضر ناصرالفراعنة
______________


10


من يشوفك ضيع الطاسة ضحى

قال عيب وقلت مـا جيـت ارتجيـك
لعنبـوي ان حدنـي دونـك سحـى

خلفـك العشـاق ديـك شـاف ديـك
ومن يشوفك ضيـع الطاسـة ضحـى

ويل ويلـي منـك يـا ويلـي عليـك
انـت مجنـون وانـا جانـي وحـى

يالصغيـر جعـل مـا جانـي يجيـك
لبن تعطينـي مـن الروضـة ضحـى

قـال مـيـلاد المليـكـة للملـيـك
والحـلا واجـد لـو الماحـي محـى

قلـت الا فـي ذمتـي منـك واليـك
ينتهـي سـر الجـمـال الاصبـحـا

من يذوقك صـد عـن هـذي وذيـك
وان هجرتـه جـب ثوبـه والتحـى

ومن تسوقه كاسـة الخمـري يديـك
يتبع العـام الـف عـام مـا صحـى

لوتخـرع برقعـك عـن وجنتـيـك
ما بلش في عتمـة المسـرى جحـا

منك مبـدى النـور واالمنهـاه فيـك
لو نحى من صوبـك لصوبـك نحـى

اخذنـي مـولاي فـي ضفـك مليـك
حبّ من عندي ومن عندك رحى.


شاعرمضر ناصرالفراعنة
______________


11
يوم ابو متعب

يوم ابو متعب قِبَسْها ,معمّر كبّها
ارغم الليبيّ يركع وهو ملعون ابو
صَبّها من فوق قُلّة معمّر صَبّها
من لهبها كلّ خمّة طرابلْسٍ حبوا
خمّة من ليبيا ما عرفنا ربّها
ولا يجي من ليبيا كود كلْ سبوٍ جِبٌو
شيخنا في لحيتك يا معمّر شبّها
انكس انكس يا معمّر وكندس يا سبو
ذبّها يا خُلْفة الشرق الاوسط ذبّها
في قفا علباك رمحٍ وفي قلبك ربو
نار ابو متعب يعضّ اصبعه من طبّها
شيخنا ذروة هرم نجد ومعمّر قبو
العدا نلعن ثواها ونطحن حبّها
في ضحى وضح النقا والعدو ملعون ابو

الشاعر:نـاصـر الفراعـنـة

______________

12



هل تسمحين لي أن أحبّ ؟

ان قلت سولف يسولف لي بتسبيلة
وان قلت بالله يقسم لي بسلهامة
يا ويل حيٍّ تولّع فيه يا ويله
كم من شهر مرّ لا صامه ولا قامه
حيٍّ يشوفه وشاف الرمش يومي له
ادخل على الله كيف تشيله عظامه؟
من ناعس الطرف ذبّاح العرب غِيلة
كم واحدٍ صافح الموت اوّل ايّامه
خلّى بياضه بياضي عبد عزّي له
بسْ ما عليّه حلاة الخدّ بالشامة
طفلٍ وتوّه صغير السنّ ياحليله
يا ميْت! يا ميْت! من يلقاه قدّامه
توّّّّه يسالم على الترويض باقي له
في عالم الحبّ زرفاله ودرهامة
يمكن بعد ليلتين ويمكن الليلة
بسّ آتأكّد!واشوفه شقّ هندامه
يا وش يهمّه وانا ما نيب من جيله
من عام الاوّل وهو ريمٍ وانا رامة
حياة من لا عشق شرواه,وش هي له؟
لا وا خسارة ياْ ليلٍ مرّ ما نامه
عليه كفّي يحَفر القبر ويهيله
واخالط الناس بسّ عْقال وعمامه
لو بين مزّة وتعميرة وتعسيلة
يا وين انا والورَق والنرْد والدامة؟
سيد العذارى يوصّي لي واوصّي له
وقبلي خواله عليه توصّي اعمامه
وان ذبت انا فيه قبلي ذاب منديله
ولو ذاب حتّى عليه الثوب من لامه؟
ومن يفتتن به ترى مااحدٍ يراعي له
فتنة هل السبت من قامه ومن هامه
مفتون في طفل توّه ما لِبَس شيلة
اجل وشَ يْصير بي لو كمّل اعوامه؟


الشاعر:نـاصـر الفراعـنـة

______________
-

-

13

حطّ راسك بس !!!


حطّ راسك يا أطرق العود أنا ماني رسول
عادتي لا شفت غصنٍ يميل آمايله
في جمالك وش عسى كلّ ما نكتب يقول؟
وانت من شافك خطيرٍ يضيع القايلة
فتنتك ما حاشها فوق وجه الأرض زول
هايلة وبكلّ معنىً نقوله هايلة!
لعنبو قلبٍ يحبّك ولا صار مْهبول
يا منسّيني انتمائي لذيك العايلة
حسنكم ما يفتن ألاّ مكبّرة العقول
والاّْ راع النقص ما احدٍ عليكم سايله
ما تشوف شلون شمسك ولا مرّةْ تزول
والشموس اللي سواها لو ابْطت زايلة
لو تطبّ بديرةٍ يابسةْ قشراً محول
لا تعجّب لو تشوف اوديَتْها سايلة
من يشوفك تظلم الساق بقْصار الحجول
كيف له ما شاف برق الربيع وخايله؟!
من ثلاثك يالغضي ودّي اركب لي رحول
لين اشوف الحايلي ممسيٍ في حايله
غير سبعٍ فوق سبعٍ ولولٍ عضّ لول
خابرٍ لي شيٍّ اعظم ولاني قايله!
خصرك اللي يوم هز السما عرضٍ وطول
مثل طفلٍ لا تزيعل عليّ آحايله
من لبن من خيزران الوكاد إنّه يهول
بْرغم ما فيه سوّاه غيره شايله
أهيفٍ من طيبته ما عرف ذولا وذول
والاّْ كيف يشيل ردف بثقله غايله
لو تطبّ الملعبة من تهامة للفضول
حرّمت تلعب على القاع شقر آصايله
كلّ غصنٍ يا اطرق العود لو حتّى يطول
أنت منه اطول وعادتك راع الطايلة

الشاعر:نـاصـر الفراعـنـة

______________

14

خبر (إنَّ) مرفوع بالضمّة الظاهرة على آخره

غروٍ نطحني يجرّ الغيّ ويل أمّه
مثل أمّي أنّه عذاب الروح مثل أمّي
عليه لبّسني إبليس الهوى عِمّة
وابليس من قبل بن خالي وابن عمّي
يا ليت من هو تليّن في طرف كمّه
اليا تمدّد طرف كمّه على كمّي
غروٍ ذبحني وانا من لحمه ودمّه
وش بقّىْ للي مهو من لحمي ودمّي
لا جيت اخمّه وقلت الخمّه الخمّة
قال :ابتعد يا ولد بدري على خمّي
ما يدري انّه خبر (إنَّ) وأنا ضمّة
يا حلو حلو الخبر مرفوع بالضمّي
يوم انكشف لي نحَرْه وبانت الزِّمّة
قامت شياطين بقعا تزمّني زمّي
يا عين شيهانةٍ في عالي القمّة
قمّت بريشٍ وريش البُرْق ما قمّي
لو في بريقعْه رحمة كاشف الغمّة
ما كان زوّد سواد بريقعه غمّي
الزين إلى جاء لزينٍ ناقصٍ تمّه
والله لولاه حسن البيض ما تمّي
زينٍ عليّه تغيّر وانعَسَر صمّه
نسى ثلاثة ليالٍ عسْرها صمّي
ومن صار لي في الرخا عبدٍ وانا عمّه
لا جاء القسا صرت له عبدٍ وهو عمّي
سقى الولي يوم انا دلوٍ وهو جمّة
واللهْ ماْيسقيني ألا صافي الجمّي
يا لعنبوه انْ مدحته كنّي آذمّه
وغيره تمنّاني اقصد به ولو ذمّي
مدري على اسم القمر سمّوه يا يُمّه
والا على اسم الغضي وجه القمر سِمّي


الشاعر:نـاصـر الفراعـنـة

______________

15

أتمنّى من جميع الشباب الرومنسيين قرائتها للأهميّة

وش بلا دمعتك سالت يمال الذهاب
ضاع كدك كذا يا مال شين النصيب
ديرة عمّروها مْبلّمين الكلاب
لا يشهّيك مقطان عليها خصيب
القط اللي تهيّا وانت فوق الركاب
لا تنوّخ وهي بين الصعب والصعيب
قبلك مربّع في الروض حيّه وداب
الخضر مات والأصفر ليانه ذهيب
لا يجي الشيب راسك وانت توّك شباب
والله انّ الخنا ينبت على الراس شيب
لا تصدّق ابه حبّ ترى هو سراب
ماه لو طال عدوك ما يخضّر جديب
الهوى راح مع من راح مخلب وناب
مابقى في ثمايل جمّه الا السريب
احذر اللي مع الأسواق مثل الدوابّ
قاصرات المشالح موميات السبيب
بندق العود الاعمى ما تجدّد صواب
لو فشقها حمر ما طاح منها صويب
ولا يعوض السلَم عن باترات الحراب
لا وربّ فرق بين العدو والصحيب
وان تبدّلت صارمها بسلك الرباب
والله انك خبيث لابس ثوب طيب
شم عن اللي طرفها داير ما يغاب
كلّ زول تلفّت له بنظرة حبيب
لا تجي مثل سالفة الغبي والغراب
يوم وثق به العروة غدا في القليب
لابن برمان طيره في الهدد ويش جاب
يالمبلّم تعلّم من يودّي يجيب
والهوى ما يطهّر للعذارى جراب
ومن يرى غير هذا عدّ ملعون صيب
عرضهن مثل مصقول القزازة مُهاب
بصمة الأصبع الطاهر عليها تعيب
حطّ للوقت شلفا مثل شلفا (ذياب)
درْ على من نسبهم ما يفشّل نسيب
ليث غاب يدوّر لبوته وسط غاب
لا يغّرك شروق هو بداية مغيب
در على بنت حرّ شان حظّك وخاب
في ولدها ليا جاء هقوتك ما تخيب
ابنة اللاش لو تسقيك حلو الرضاب
ورعها يجيك مثله مثل غصن رطيب
لا يقضّي لزوم ولا يوقّر جناب
ولا يقوّي عزوم ولا يدوّر طليب
انتبه لا يجي عقب الثبات اضطراب
وانتبه لا (خبيب) المشي يرجع (دبيب)
من بعد ذا على نيّة وفا وانتصاب
ذروة الشاهق الحر العلا يوم هيب
يا هل السمحة الفجّا النحر من عراب
والبطاين مثل جوخ الملوك السليب
من ركايب ركايب من ركاب ركاب
من نجايب نجايب كلْ نجيب نجيب
ما هي مْن الذي ذبّوا عليها المطابّ
لين عوّد نحرها في ظهرها حطيب
من عطايا الولي ملحا تشقّ الرغاب
ما رعوها مسبّرة السلق في الحديب
كنّها عيطموس لابسه بشت كاب
هزّت الخصر في سوق الهوى من قريب
مثل من رقصوها جنب (عمرو دياب)
يوم ترمي الحيا تحت اسم (فديو كليب)
ذا لها اربع سنين ما تحق الضراب
حايل كنّ اذانيها مفاريد ذيب
النواظر مجامر سمر والا شهاب
نظرة مْحنشل دون الجهامة عزيب
والخشيم ادغم كنه طليعة عقاب
ويتنفّس تنفّاس الشجاع العريب
من فريد الوحش فيها الوصايف عْذاب
مدمع ومسمع وفزّ وكزّ وجذيب
حايل كنّ اسافلها معامد خراب
وكنّ اعالي قراها سرحة في شعيب
والله انّ البطن لولا عيوني جْذاب
ما لمحته وهو بين الحقب والحقيب
شوف دقّ ابرة الخيّاط تحت الثياب
عندي اسهل ترى من شوفته يا صهيب
الحقب يوم مسوا به على البطن شاب
البطاين طباين والمحاقيب شيب
ملتوي كنّه القوس القزح في السحاب
يوم خيّل على وجه السما مستنيب
والشعف لا رهَف واسْفت عليه المهابّ
قرن عمهوجة شقرا غدا له لهيب
طبّت الملعبة ما من جسدها لذاب
غير كتف وردف في الملاعب لعيب
جادل في مخيّم رقّصوها شباب
واطربتها أغنية (رهيب والله رهيب)
العبَس يوم حزّب في شعفها وراب
دبْس هجريّة في حُقّها يوم ريب
كنّ لجّة سفايفها لنارت تسابّ
خفّها في متين الرمل ينحب نحيب
كنّها يوم تلْد الصوت تلقي خطاب
وان قصر صوتها اسمع دقّة العندليب
حلو الايقاع ترقص له قرون الهضاب
لو سمعه الجبل في الحال يقنب قنيب
ما علو كُورها الا فارعين الرقاب
وما علوها على حرد الشدادي ؟
ولا نقلنا لها جردا العصا من الزهاب
دوب نرجع عليها الصوت تهذب هذيب
روّحت كنّها البرق الختالى رْعاب
هازها مخلب اشقرْ في المهامة عطيب
يوم تدبح مع الطلعات شيّ عجاب
ويوم تسبح مع النزلات شيّ عجيب
في السهل كنّها يخت يشقّ الغباب
الهبايب هدنّ ومايج البحر اديب
وفي الوعر لا ثنت بالحيل خفّ يلابّ
كنّها السيل ما قدمه يحطّه حزيب
ولاادبرت كنّها عن دينها تستتاب
ناحرت دار الاسلام المسمّى منيب
ولا اقبلت كنّها الشامان يوم المقابّ
ورّدوه الطنايا في النهار العصيب
لا ركبها غبار الدرب مثل الخضاب
في جديل اسمر الخدّين عين القضيب
دوب اخلّص كلامي والحق الباب باب
لهْي قد جت بردّه دون شكّ وريب
لا ولا جنّي سْليمانٍ لْها ينابّ
لا ولا اللي كشف له ربّ الارباب غيب
أنت ما تسمع الله في ايات الكتاب
يوم يهدي على البل كلّ قلب لبيب
لا لفح وجه راكبها من الشوق هابّ
مثل فايح دخان في سراج ضبيب
يا بدر يا سلايل محتمين المرابّ
يوم تسمع لجيش الفارسية طريب
نصّها صوب ولد العمّ وافي الحساب
للمعكلي نبي ثرّ الذهب يا حسيب
من صلايب مدفّنة الركب في المذابّ
شمّر اليا كسر حلقة حريب حريب
قل لتركي ليا منّ اشقر البن طاب
السبيعي على خيط المهالك مثيب
من ثوابه عذاب ومن عذابه ثواب
يالله اني دخيلك يوم يخطي يصيب
في عيوني سيوف من سطرها تقابّ
وفي خفوقي يصيح (مهلهل) يا (كليب)
صابني من بعض فعل الرجال اكتئاب
خاطري من ردى فعلة رفيقي كئيب
الرواسي تعلّى فوقهنّه ذباب
بهذلتنا ليالينا وانا اخّو( شبيب)
يا عزيزي زمانك بشّ نوره وغاب
مقفي مثل منزوع البلَح من عسيب
لو نقصّر يدينا اغتصبنا اغتصاب
ولو نطوّل يدينا قطّنا بكل عيب
يا عزيزي زمانك في سؤاله جواب
يسأل وهو فـ نفس الوقت عنا يجيب
في إيابه ذهاب وفي ذهابه إياب
يا مدوّر ورا الزلة دْوَرْة الذهيب
الليالي دول وايامهنّه ضباب
تصبح الصبح (قصر)وتمسي الليل (سيب)
لو تزخرف على وجه الحقايق نقاب
الحقيقة لها وجه قفو ما يغيب
سلّة السيف ما تومن بليّا نصاب
وشذرة الحدّ ما تمسك بليّا قضيب
يا عزيزي زمانك لو دمث لك جناب
جرّته ما تخلّص وافي من هليب
قبلك (العود ابو مخطر) كلاه الهباب
رضّعته المنايا من ثمرها حليب
ثبّت الزيف في ثوب من الانقلاب
فوق وجناته الاربع (هلال) و(صليب)
ولو عن اللي قسمه الربّ الاعلى حجاب
ما مشى حيّ الا وعن يمينه طبيب
لا سقى الله زمان يرتقبنا ارتقاب
صار كلّ على كلّ عتيد رقيب
ويا سقى الله زمان يوم حنا اتحابّ
يوم انا جندي ويوم انّ غيري نقيب
بسّ والله ولو ذقنا كريه الشراب
ما نبيّن لعشّ البوم منا حضيب
من تكلم حثينا في فمه بالتراب
لين ينقصّ حبل من غروره قطيب
من نباح الكلاب ايش بيضر السحاب؟
الثوابت ثوابت والذهيب الذهيب
ومن يبي العز ينزل فوق روس القباب
ما يبي الطيب نشدة شيخ والا خطيب
يا زمان الخدم ومصلّحين الكباب
ما نبي منك غير الستر ولا تستجيب



الشاعر:نـاصـر الفراعـنـة

______________

16

العلوج

يا خلوج جاوبت في حشا قلبي خلوج
ليت ما فيّْ فيك حتى تِعَرْفين الخلاج
في حشاي اربع مِيَةْ طفل أدّوا (مانلوج)
أو شريْطيّةْ عقارٍ تلاحوا في حراج
وش له استغرب ؟ وهذي هي الدنيا زروج
لأجل خاطر كلبها عَقّبت ليث الزراج
الصقور اللي اذكروها تسوج الروس سوج
يا كثر ما خدّها امسٍ لكلْ رِجْلٍ مَساج
يا حمد حتّيش لو في سما الجوزاء تدوج
والله اني خابرٍ يوم هيّ امسٍ دجاج
ناس لولا مالها امست معاورها فروج
ويا حمد ما كان أكلنا رطب غلبا خماج
يا مكثّرْة الحكي والفعايل عوج هوج
ما يِحَذْف الناس من كان بيته من زجاج
يا حمد طيرٍ جناحه وراء صدري يروج
ويش اسوّي ؟ كانه افلت من ضْلوعي وراج
في جنوب افريقيا البيض ياطون الزنوج
وفي شمال افريقيا البيض ما ترفع حجاج
لا تعجّب من (علوجٍ) توطّتها (علوج)
والله انّ الشرّ للشرّ أحياناً علاج
يا حمد ما يدفع الكَرْب ترديد الهروج
كان مالك من ربوعك على الدنيا سياج
العدل يبقى عَدِل والدروب العُوْج عُوْج
والعمى من لا معَه من فِعِل كفّه سراج
والدهر بابٍ دخوله من الداخل خروج
واللهْ لا زبّن دخيلٍ ولا دبّر خراج
ولو من الموت تْحمينا طويلات البروج
أمدىْ منْه مْلوك مِصْر احتموا في بْروج عاج
خُذْ حَذَرْك من الليالي ولو صارت مُرُوج
كمْ وَ كمْ عذبٍ فُرات انقلب ملحاً أُجاج
المطالب يا حمد دونها ضرب الفجوج
دونها شُربك قراحٍ مثل شربك هماج
ولولاْ قولة (والنعِمْ) ما اعتلوا فوق السروج
أٌمّةٌ قبلك خبَرْ حيَّها في الأرض داج
لَحْج شرهتها على من سكنها من اللحوج
كان هو قدّامهم جفّل الذيب النِعَاج
أحمد الله يوم لي من خلال الموج موج
اركبه لا هاج سِيْف البحَر تحتي وماج
ادلجوا لي كلّ ذي طيلسٍ روميْ دُلُوج
وادّلَج بي كلّ ذي أخنس الأنف ادّلاج
مأتمٌ في وادِ عبقر بعد سبع مْحجوج
صائح الموتى على جانبٍ منه استهاج
ما تصفّحنا الليالي تصفّح (كاتلوج)
لين مع كُلْ حادثٍ ذي حَدَث عشنا مِزاج
بدويٍّ سِبْت رِجْلي يبوج القاع بوج
ما تْعَقَّب وقفتي في اعتدالٍ واعْوِجاج
امتطي من عظم ساقي إلى ما قمت غوج
وافترش من عظم كفّي إلى ما نمت صاج
ما لعيني كحلِ ألاّ لُجَج ليلٍ يلوج
ولا لخدّي دهْنٍ ألاّ وضوئي والعجاج
وما لثوبي عطرٍ ألاّ حطَب سمْرٍ ينوج
وما لراسي مشطٍ ألاّ شجر سدْرٍ تَلاجّ
مثل من به في السما ديدب الجنّ مْعَروج
يوم تلعب شوشتي والهوى صلْفٍ هجَاج
يا حمد مسيار ربعي عليّه فوج فوج
غايتي يوم الردي غايته نجمة و تاج
ظبْيِةٍ رشّوا لها زعفران الخلدروج
من ملوك النحل خمسٍ بِمَبْسَمْها تِمَاجّ
ساقي النشوى لها من خروجٍ في وُلُوج
كم أنا للصحو منها شديد الإحتياج
زوجةٍ ما شاقها من قياصر نجد زوج
غير ناصر ما تبي مْنَ اْيّ اْبِنْ أمّه زواج
سمّرت بيض الشوارب على سود الدروج
وفي العَجَم بين الأُمَم قرْطِسَتهم زاج زاج
يالله يا مرهي عقب طايلة قيضٍ ثلوج
جاعلٍ بين الثنين انعزالٍ واندماج
طالبك فيها العَوَض عندلٍ هيفاً غنوج
حتّىْ في عزّ الزّعل في الزعَل منها غناج
عيْطَلٍ(5) من راس جدّي لعُوجٍ لا زعوج
بنت قرمٍ لا غدا لأحمر الدمّ انْزعاج
مُهرةٍ في حْجاج عيني إلى صالت بُلُوج
في حجاج المِحتِظر من مْلاعبها انبلاج
من ورا الهضب المناحر رعت خضر المروج
حيرة الرجل ادخلت دونها عاجٍ بساج

الشاعر:نـاصـر الفراعـنـة

______________

17

3×1=3÷1=سبيع+الدواسر+الهواجر=من إرشيف الغزل.

سلّمي يا روح ما من حبّ حلوات البناجر
غير قطعة خام غيرك ياليتيمة ما وجدها
آه ما أكبرها فضيحة عجزت أطراف الخناجر
لا تموّتني ومتّ بنظرةٍ واهيٍ جهَدْها
العيون اللي تسوّي في القلوب سْوات فاجر
يحلفون أن الدواهي هي وأنا أقول إنها أدهى
من سحايه لا جلست قْبال ساجيْة المحاجر
ما دريت أنا صغير اخوانها والا ولدها؟!
الهنوف اللي تلملم غيّها في ثوب هاجر
وين روحي في هواها يا عرب ربي قرَدْها؟
يوم أجيها ضلوع سرجوفي من الغيرة تشاجر
كلّ ضلعٍ ما يبي شوف الهنوف الا وحَدْها
اتعب رْضاها سبيعٍ والدواسر والهواجر
الولد منهم ولدها والبلد كله بلَدْها
لا مِشَت من عذرها الأرواح تاقف في الحناجر
كنّ عود الخيزرانة يقطعونه من جِسَدْها
وان عدَت يدجر بروحي من عبير الطيب داجر
كنّ دهن المسك لا عَرْقَتْ يِقَطّر من نهدها
لو تشوف البيض من حسنٍ على (هاجر) تناجر
مْعَذوراتْ ,أُمّها وهْي أقرب الناس تْحَسِدْها
شيب عيني كان أنا ماني على صبري مواجر
ويل ويلي والله اللي رحت يا خالد بيَدْها
والله اللي قام يسجرني من الخفرات ساجر
ويش عذري في عيونٍ من عمل يدْها رمَدها
هاجرٍ عن ما سواها حاجرٍ للعين حاجر
عيشتي والله ما تسوى ربع قرشٍ بعَدْها
ما حسَدْته نزلته قصرٍ من الياقوت تاجر
لا نزلت الفيضة اللي نقّضت فيها جعَدْها
ولّ يا بنتٍ على الطرْيا تجرّ اقصى الحشا جرّ
فتنة المفتون فيها من مهَدْها اليا لحَدْها

الشاعر:نـاصـر الفراعـنـة

______________

18

تسعين من الإنس,وتسعين من الجنّ,وتسعين من الشياطين

يقول ناصر علامك يناصر صار ناصر واحد ثاني
اهيف بناصر دقيّق خناصر مدرِ كيف اهله يشوفونه
قلت انت لا هنت ويش انت لو هو جاك يالعذال ما جاني
ما لمت من كان عشره ثمان وبان للعدوان مكنونه
انا طواني هوى من لقاني قبل عام وروع اخواني
بو مبسم احمر تلالا بروق الصيف ساعة شيف بسنونه
وثمان كالطشّ والرشّ بشّ هشّ من لولو ومرجاني
ترياقها كاس اصهب على سفرة ملوك الليل يثنونه
وعين كما بيض هند وقدحة زند سند عند غلماني
وسيف مسجّر ورمح مشجّر هجّر وفجّر ومسنونه
والخد جمرة كريم لهبها سامر بأسناف ديواني
او لون ياقوت احمر على اسمر من بلاد الشرق يجنونه
والكف تابوت موت ولو انه من حرير ازرق وكتاني
ما سر فرخ الحمامة منامه حدر فية غصن زيتونه
وجديل ذيل الاصيل الطويل اعقب شليل الخيل فسقاني
اشقر محجّّل ثلاث مبجّل عند حكام يلزونه
ما دام عيني عليها رواق عن حسن غيره وصيواني
حتّيش لو وقفوا في طريقي تسعة وتسعين مزيونه
يا سهيل ماانته سهيل سهيل اسم الغضي مياس الارداني
ما انته بحوله لواسمك على اسمه هلك صاروا يسمونه
سهيل اسم من لبيّن تعيّن للنفل شعب وودياني
في كل ربع وغب وخبت وجب وكل قاع اشهب وتلقونه
ليه العجب يوم ادور بروض ارض وطاها نبت ريحاني
لا بيّن سهيل ما يامنون السيل اهل برّ يخيلونه
غرو ليا بان نجمه تغيب نجوم كل البيض من داني
له قونس الراس للكاس يوم الطاس لأهل الطاس يدنونه
غرو شكمني وحبه حكمني حكم بن مقرن وابن ثاني
عليه اكبّر واحبّر واعبّر يوم اشبّر مضرب طعونه
ياحول حال لحال استحال ومات ما لفّوه بأكفاني
وعزي لمن شاف الاجواد في موته وهو حيّ يعزّونه
ويلاه ما كن ربي خلق في الارض همّ الا على شاني
اشوف ما همّ الا واذوقه قبل خلق الله يذوقونه
ولو باهقى من ورا جرتي للصوت مصلوح قد امداني
شقيت ثوبي وجريت لي صوت قطين الشام يوحونه
يا طول بالي اجامل على جرحي وانا الموت الحمر جاني
حولي خوالي وكني لحالي واثرها الاشواق ملعونه
يا شيب شيبي ويا طرّ جيبي ليت لي ريش وجنحاني
لأزور خلي جهار نهار وتالي الاعمار مدفونه
يا ويل ويلي ويا قطع حيلي ويا خسارة كل ما كاني
ما باقي الا انا والهوى عميا تمشط شعر مجنونه
يا راس راسي على قوّ باسي ازرت تشيل ثيابي امتاني
وخوفي على الراس لا يجيه يوم تعتذر عن شيله متونه
ويا خوف خوفي ويا صرم جوفي يوم شوفي ما تعداني
احط في وجه الايام الايام والايام بالايام مقرونه
ويا جرح قلبي على ما فعل بي حبي السلبي وش اعطاني
ووش في يدي يا يدي والهوى يومي على قلبي بحجّونه
ويا ثلم سيفي هو الحب من كيفي عقب خفه توطاني
وانا ضنا لابة سيفهم من دم عبد وعم يسقونه
ويا جرح جرحي هـ(جمعي وطرحي)ايجازي وشرحي وتبياني
عن ما نشا في حشا ثم مشا بيردّ مظنون لمظنونه؟
ويا شر شري انا وين اسرّي عظم ساقي صوب جيراني
الدار من دار عنها سمي النار غار تلعب جنونه
ويا لوم لومي من الزين لومي ويش قومي تقل سكراني
للحب سكرة وللبعد سكرة والهوى ما هو على هونه
ويا كبر همي ويا فجعة امي بين ابوي وبين عماني
في ساحة البيت لا حيّ فيرجونه ولا ميت فينسونه
ويا روح روحي ما احد يسمع ولا احد بيوحي صوتي الفاني
مثل المدوّه بنجد وذوده من ورا نجران يطرونه
ويا ويح ويحي يبوج الوضيحي دون خلي تسع الاوطاني
من دونه العاوي الطاوي الضاوي وحوض الموت يردونه
ويا وجد وجدي وش اللي بيجدي من عقب مدعوج الاعياني
يا كود ضربه بكف كف وصف دمعه صف بعيونه
ويا عوب عوبي ويا شق ثوبي وين غض العود خلاني
غرّ غرير ضرير قرير ليّن بيّن كونه
ويا جور جوري على شوف نوري طاح من راسي حميداني
ويا خف خفي ويا بعد شفي كن وسط الصدر بالونه
ويا شق شقي عقب سرق حقي وجلّي ودقّي تناساني
نسى نهار امس يوم(...)اسفل شفته وامزّ غليونه
في ذمتي لوّ من بيني وبينه زعل عبس وذبياني
امداه يرضى انا لا ذبحت اهله ولا خالفت قانونه
ويا غبن غبني على صاحبي يجذبني ادنى خيط سبهاني
ويا غلّ غلّي وانا اشوف خلي دونه الملّي يعدونه
فيا وين اشوفه واحوفه والوفه والنوى دونه تقصّاني
تغيب دونه ديار وتبين ديار تلو ديار من دونه
تسعين انسي وتسعين جني زدتهم تسعين شيطاني
وتسعين عفرا وتسعين صفرا زدتهن تسعين مدهونه
راجن وماجن وساجن وداجن كل فج خالي قاني
وعن الغضي يوم جن ما خبر جابن ولا يدرن وش لونه
الصاحب اللي على غير عيني ما ظهر زوله ولا باني
اسمه كتمته عن اقرب هلي خل عاد ناس مالها مونه
ومن غيرتي حالف ما يشوف الزين غيري واحد ثاني
ولو هي على الكيف حتى ملايكة المقابر ما يشوفونه

الشاعر:نـاصـر الفراعـنـة

______________

19

قصيدة وصف الذلول (الناقة)

راكب اللي ما غذيناها عبث
بنت هرش ملحته خمسٍ ورث
كنّها تنتل من الرقّة جثث
لا عطت مع صيهدٍ عقب الرغاب
صيعرية كن مرافضها دماث
كن حدر خفافها مثل الحثاث
دقّها الميسم ثلاثٍ مع ثلاث
جوس ترعى في الدِّيَر نوع اغتصاب
سمحةٍ لمصارع الفرجة لهوث
لو تبي سبتك قبل يوم الثلوث
جابته ما عن هوى الطرقي نكوث
لو يريد من اشهب الضيحة سحاب
صيعرية لا رثيث ولا غثيث
من على عاشر بطن مابه خبيث
حثّة الرجلين والممشى حثيث
كنّها الجاوي على سلك الرباب
لا مشت شفت ادهم الرقّه شلَح
والحصا صفقه مثل صفق المَلَح
خطْر ينبت في قرى الجرة بلح
تظهر الما اللي ثمان سنين غاب
كنها من تحت تنهش بالرماح
سابق تسبق هماريق السحاح
هقوتي لو هي عطاها الله جناح
ان تسابق للفضا جن التراب
كم وكم روحٍ بغت منها تروح
يوم طقّت خدها مثل الطموح
او كما طير خفق من راس صوح
من وحم ظلّه على الكدري عذاب
كن ردن اوبارها خْزام وشيح
وكن حدر عرقوبها قرم يصيح
موخرٍ مملوح واقْبالٍ مليح
مثل من دقّوا على كفّه خضاب
لا مشت ما ناشت الرجل الصِبَخ
مثل قولة علّ ما في الأرض فخ
اشهد انك يا ذلول الشط مخ
يوم هبتي من غليظ القاع هاب
صيعرية لا عطت بأرض دخاخ
كنّها تطرد عن المزهب جخاخ
من غنجها كبّر الراكب وشاخ
فوق غاربها تقل يلقي خطاب
كن وبرها لأنزَعج ريش الفروخ
وكن حمرا عينها جمرة شيوخ
وكن اعاليها ملبّسةٍ بجوخ
او هنوفٍ لبّسوها بشت كاب
في ثناياها الرسن جاله صريخ
مثل صيخٍ صيّخوا به فوق صيخ
مقدم العثنون تقْل اقْبال شيخ
كبّر الله دون بيت الله وتاب
صيعرية كن اذانيها رزز
او طواقي عسكر يوم اللزز
وكن بين دفوفها جحارة خزز
والروادف كنها روس الهضاب
تقل يا زيد مخلوقة من قزاز
يوم تبدي مع ظهر حزم نكاز
او كما روس المآذن في الحجاز
كنها فوق السهل لولب دُلاب
زينة الممشى بلا مطرق تنوز
لا مشت كنها مركّبةٍ قزوز
تسبق اللي من غثا الضولة يحوز
خشف ريم جاه من لا صاب صاب
لأدبرت مثل النعام المستحيز
ولأقبلت تشبه جنود الإنقليز
الحقَب ملزوز والمحْقب لزيز
كنّها لا عقّب الراكب عقاب
رعيها بين الزباير والهشش
من عروق سبيع للأرض المِشَش
ما تغاذوها مطرْبلة العِشَش
كود مطعمة القلل روس الحراب
صيعرية ما رعيناها بلاش
لين صلّع نيّها واطْلع وشاش
كود نبغاها على الطرقة هشاش
لين يقنع من خبر نوت عقاب
الثفان مقوّسة مثل القروش
او كفوف البيض حانية النقوش
من بنات الريح لا شاشن تشوش
لين ما تفرق ذهاب من إياب
وقفة الغارب ولا وقفة شويش
ما تقول الا احد سادة قريش
او كما اللي شاف فوق الراس ريش
وان تمايل مثل من يقرا الكتاب
عينها لا حملقتها عين لص
او على خاتم ملوك الدار فص
او كما حصٍّ لمع من فوق حص
من تحته مولّعينٍ سمر غاب
لا عدت تسبق مطاليق الرصاص
كنّها اللي فضّ محكومٍ قصاص
لا بلاد ولا ملاذ ولا مناص
طقّ له مع رقّةٍ ما هي هزاب
المناكب كنّها طرقات خوص
والشعَف كنّه مداهيل اللصوص
بترة الفخذين والساقين عوص
كنّ بين الزور والكوع الف باب
لا طرقها الوابل الغربي تميص
كنّها بنت تبي فصخ القميص
حالها لأرخى الرسن حال القريص
يوم ناظر من تحت رجليه داب
تقْل يحْداها على الطُرقة شِطَط
لا عطت خطٍّ بلا سابق خِطَط
مثل سيل أودع الوادي غطَط
وكنّها من جورها تطرد سراب
كن سنام الصيعرية يوم شاط
قبّة القصر الأميري في الرباط
والخفاف تْقِلْ كسرٍّ من بلاط
والسفايف لأخفقت كنْها تسابّ
بنت نونيٍّ تموط القاع موط
وكن اسافلها مقطّعةٍ بسوط
وان توحّت صوت راكبها رخوط
كنّها اللي شاف ديّانه ولاب
عندها قطع الديار امرٍ بسيط
والله يا لولا الرسن ساعة تشيط
ان تروح من الفزع روحة مقيط
مير هيّدها رسنها لين شاب
يا نديبي سر كما حرٍّ شلع
فوق حرّة من بطن جيشٍ طلع
مثل بنتٍ ذبّت الشيلة دلع
يوم تطوي خرجها والكيف طاب
سر وملفاك الشجاع بن الشجاع
ابن حامين المهنّد واليراع
نجد لا عدّوا طويلين الذراع
من سلايل روس مرذين الركاب
قل لنجدٍ من قبل صرم الفروع
ابو فارس ما قزاه النوم جوع
بس موحي بالإذن شيٍّ يروع
عن قليب فيه داب بدون ناب
ما للغزك حلّ يالقرم الشجيع
غير شيٍّ عجْز يلعب به رضيع
كل ما دقّوا حنك يقرع قريع
من ورا المقفي تقل هابيه هابّ
كم ولد هيسٍ من اسبابه نبغ
ونجم بن لاش من اسبابه بزغ
وكم ولد حرٍّ من اسبابه ولغ
صافحه شيبه وهو توّه شباب
يوم قلّبته بمنظور الدماغ
انقلب راسي وطشّيت الشماغ
وراغ دولاب الضلوع العوج راغ
قلت هذا هو ولا احسّب حساب
(اللسان) اليا نبغ قبل النبوغ
عزّةٍ للي يصوغ القول صوغ
وذلّةٍ للي يبي طقّ الصدوغ
يمسي بقلبه ثلاث مْيَة صواب
(اللسان) اليا عسفت ابلغ بليغ
وان تركته يا ابن روق افدغ فديغ
هو حلول اللغز واللقمة تسيغ
يوم تلحقها بجغمة من شراب
والصلاة اعداد همّال النصوب
وعدّ ما هبّت ذعاذيع الهبوب
من حشا قلبي على الحر القضوب
احمد المختار محشوم الجناب

الشاعر:نـاصـر الفراعـنـة

______________


20


قصيدة التوجد

(الرجل الذي قتل أمّه ليلة العيد)

كل ما فاضت عيوني نجر ابن حربان دنّا
في ضلوعي يسمع اللي من ورا بغداد دنّه
يوم ابن مدعث لنا سنّ الوجود الحقّ سنّا
وا فوادي كنّ دود الارض يرعى في مسنّه
وا فوادي لو تضنّى يابن مدعث ما تضنّى
كنّّه المجدور عقب الجور مرميٍٍّ بعنّه
اشعل التنباك من خلقته ما شبّه و كنّا
مير كنّّه من عجاج فاح من صدره يكنّّه
وا وجودي وجد منهو عضّ بابهامه وحنّّا
واحدٍٍ شاف الثلاث البيض سودٍ مستجنّه
شاف قدّام الخيام خشيف ريمٍ مرجهنّا
وثوّر البندق يبي صيده وراغ الخشف عنّه
اطلق اربع عقبها اربع ثم سمع صوتٍ يونّا
واثرها امّه صابها طلقه و طار العقل منّه
واتهموه بذبحة امّه ليلة العيد و تجنّا
اتهمته الناس و صدوف المقادير اتهمنّه
قالوا اخوانه ترى منّا بمنك ولا انت منّا
يفرق الله بيننا و بينك عسى مالك مظنّه
لك ثلاث ايام من ذلحين و ارحل من وطنّا
عقبها تخطر على راسك مضاريب الاسنّه
ودّع مريته وتوْ بنته صغيره ما تحنّى
توّها ام اربع شهور و في لحَمها زود لنّه
ركْب غوجه و انقلب قبله بليلٍ ما تونّى
والحمايا من خلافه ارخوا حْبال الاعنّه
المطايا و السبايا من خلافه عمدنّا
والمنايا سجّدٍ قدّام عينه يحترنّه
كل ما عنّز على قومٍ وطنّ الراس طنّا
قالوا اذلف ذابح امّه لعنبونا لو نحنّه
ذابح امّه لو زبنّا عدّه انّه ما زبنّا
لعنبوك بْيوت قومٍ ذابح امّه زبننّه
الجمالة ما تجمّل في ولد حرٍّ تدنّى
مير دوّرغيرنا وانحش بقلبك لا ندنّه
وانقلب من عندهم كنّه على محماس بنّا
يمّة اهل الغوص عجلات الركايب وجّهنّه
ركْب بابور البحر و دموع عينه يذرفنّا
فوق خدّه كنّهنّ اذواد بدوٍ مرثعنّه
يوم حلّ الليل اشرعة السفينه دودلنّا
و الهبايب ما يخلّنْ محبلٍ ما دودلنّه
قام ربّان السفينه قال يا ناس امتحنّا
قوموا ادعوا ربّكم علاّم ما وسط الاجنّه
قال شيخٍ منهم الا عندي الراي المطنّا
ضحّوا بواحد عسى الله ينقذ ايدينٍ رجنّه
و طاحت القرعه على اللي ذابح امّه ما تتنّى
ثم رموا به في ظلمات البحور المستكنّه
و ادبحوا عنّه وهو في غبّة الموج يتثنّى
ثم عرض له من وحوش القرش جرجورٍ و صنّه
عضّ جرجور البحر ساقه و صايح و استجنّا
ابك لولا الله كلاه القرش ما يسلم مطنّه
وفي ديارٍ من بلاد الهند بين انسٍ و جنّا
من فضل ربي عليه اطراف الامواج احذفنّه
ومثل ما قبل امس متهومٍ بذبح امّه معنّى
اتهموه بذبح سلطان البلاد المطمئنّه
و في السجون المظلمه خمسة عشر عامٍ قضنّا
مع ثلاث ما قضنّ الا عقب حاله قضنّه
لا سمع ورقاً تغنّي جرّ مسحوبه و غنّى
وكلّ مغنىً يزعجه غصبٍ يجي تاليه ونّه
ولا طرته بْيوت قومٍ في الخلايا يرفعنّا
دار دولاب الدبا الدالوب دولابه و زنّه
وكل ما برقٍ سرى شرقٍ صدوق الغيث شنّا
كن قلبه فوق سبق طيور برٍّ شطرنّه
عقب مدّه جاه من داره نذيرٍ مرثعنّا
قال انا جيتك بعلمٍ والله انّه والله انّه
حرمتك ماتت لها عشر سنواتٍ قد مضنّا
و البنيّه معمسٍ تقرع عليك قراع شنّه
عمّها عزّر بها في وسط بيته ما تهنّى
خادمة نسوانه الثنتين و اللي ضيفنّه
ثم زوّجها لبو سبعين عامٍ ما انقصنّا
شايبٍ يطرب خفوقه لا سمع للقرش رنّه
يوم سمْع هْروجهم فاضت عيونه و ازحرنّا
وسط سجنه كنّّه اللي ساكنٍ له في مجنّه
قال يا ربعي افزعوا لي من سجونٍ غيضنّا
و قبر قلبي الدمدم آغادي يديكم يظهرنّه
قالوا انّا وش لنا انّا والله انّا ما شحنّا
غير بنتك والاّ مثلك ما قربه بقرب جنّه
وانتحوا وعيون قايدهم جنوبٍ خايلنّا
وهو ورا سجنه عيونه كلّ نجمٍ خايلنّه
وعقب عامٍ من مجيْ ربعه و سنٍّ عضّ سنّا
اعفوا الكفّار عنّه من عقب سودٍ دهنّه
يوم فكّوا قيد رجله وانطلق خاطرْه منّا
و انفلت يبغى ديارٍ من ورا نجد اشحننّه
حثّ ساقه ما يشوف الا بنيته يوم قنّا
من عقب عشرين عامٍ في وطن قومٍ مصنّه
ومن ردى حظه نهار اغضنْ عيونه و ارقدنّا
فزّ من نومه عقب عضّه حنش دابٍ بسنّه
ومن اثر سم الحنش يونس ضلوعه يطبخنّا
و طاح عزّي لواحدٍ سود الافاعي طيحنّه
يوم هو فكّر والى فوقه نجومٍ يبرقنّا
وشاف بكية بنته اللي جا يبيها بينهنّه
قال يا نجوم السما تكفين روحي صوب اهلنا
علّمي بنتي عن اللي صاب ابوها واستسنّه
اشهد انّا ما بحلنا في الليالي اشهد انّا
مير حظي خانني ثمْ مات ما به من يقنّه
ذاك وجده وجد حالي في وطنّا من عطنّا
من هنوفٍ خدرها بيض الهنادي يحتمنّه

الشاعر:نـاصـر الفراعـنـة

______________

21

قال..قلت...!!!


قال:حي ايامنا,قلت:لا تنسى الليال
يوم كل صحوته من سقم تخديرته
قال:تذكر,قلت:هو ذي بعد فيها سؤال
والله انك خطوة الساق وانك حيرته
قال:تذكر عدنا,قلت ورشيّ المحال
قال:تذكر جمنا,قلت:وانته خيرته
قال:تذكر حكينا,قلت:من قيل وقال
يوم امير الغي ياخذ علوم اميرته
قال:تذكر درهمي,قلت:يوم اني ريال
والغبار يموت والموت من تطييرته
قال:تذكر ماضي عهودنا,قلت:احتمال
يوم جار الجار ما شككوا في جيرته
قال:تذكر ناعسي,قلت:روح اسأل بلال
يوم صفر ما سمعنا صدى تصفيرته
قال:تذكر مبسمي,قلت:ملعون الخوال
يوم بين الناس هزت عظامي بيرته
قال:تذكر مغزلي,قلت:وان هبت شمال
يوم يدراني عن البرد في تحديرته
قال:تذكر ما على الصدر,قلت:اخو العيال
يوم اولع من حمر جمرتي تعميرته
قال:تذكر ناهدي,قلت,يوم السيل سال
يوم تستسقي كفوفي سما تدويرته
قال:تذكر يوم جو,قلت:من عم وخال
كل واحد وده بذبحتي من غيرته
وكل زعيم ما تعرض لحادث اغتيال
من عدوه عده اللي دنع في ديرته
وانت لي دار وديرة ولي ركن وجال
مسجد فيه المصلي رفع تكبيرته
قال:احبك,قلت:والحب,قال:اعرف وصال
حبنا تغلب على الحق باطل سيرته
مدها لابو محب قصرها واستحال
كل ذا وش مقصد الرب من تصويرته
انت رجال وفي وانا بنت الرجال
بس غصن ينحني ودنا بتكسيرته
كل ما عندي حرام وهو عندك حلال
جعله افدا من تصبر وانا تصبيرته
يا حبيب ما سترني سوى كفيه (شال)
ولا فضحني في العرب غير نشوة بيرته

الشاعر:نـاصـر الفراعـنـة

______________

22

الصبيّة بنت هاشم وبنات الجانّ



سقيفة معبدٍ في أرض فارس
سقيفة صدر ابو فارس يفارس
على كتفي نقلت اليوم حتفي
ولي بالجنة العليا هجارس
بخدّ صَبيّةٍ من نسل هاشم
ورسني من بنات الجانّ وارس
ألا يا عيطموس الجانّ صيحي
ودقّي لي على صوت المهارس
وطيري بي لسبعٍ بعد سبعٍ
بأجنِحَةٍ كأجنحة النوارس
هجوسٍ يوم اهوجسها تشادي
رباعيّات رهبانٍ تجارس
انا العبد الذي صَبَأواإليهِ
ذوي الملك الجبابرة الغطارس
أنا العبد الذي صلّوا عليهِ
بقفرٍ دمدم الآثار دارس
بعشرينٍ رأى ما لا رأى من
بني التسعين من دارسْ ومارس
لصيحَتِهِ تزلزل قصر مارد
ودهمٍ من بني بكرٍ تكارس
سبيعيّ وذو معنى ومبنى
صناديد الوغى الأسد العتارس
زيازيمٍ شغاميمٍ أشاوس
زحازيحٍ طحاطيحٍ أشارس
سلاطينٍ شياطينٍ صوارم
وإن حمي الوغى عُمْيٌ أخارس
ورثنا قيصراً في عرش روما
ومن كسرى ورثنا ملك فارس
تسلطنّا بنجد ألف عامٍ
وفي التاريخ تذكيرٌ لدارس
أقمنا دولةً في إثْر دولة
على مضَضِ وبرد الدهر قارس
جلينا ظلمة الأتراك حتّى
تصوّف ربّهم في شهر مارس
كسرنا شوكة الباشا محمّد
ضراب الترك أولاد البطارس
جعلناهم شعوبا في العراق
وفي مصر يلمّون السبارس
عسفنا كلّ عربيدٍ مدجّج
فما من ضربنا انجته المتارس
ندلّه إبلنا جوساً وقسرا
وترعى عنوةً عشب العضارس
تدرّسنا على روس الرماحِ
وليس سوى الحروب لنا مدارس
لنا في صفحة التاريخ مسهم
بأمّات الكتب ذات الفهارس
ولنا في الأنجم العليا مصلّى
وفي أقصى بلاد الأرض غارس
بعبدتنا سبينا ألف حرّة
وعبلة عشق عنترة الفوارس
فمنّا من تلاعب بالأسنّة
ومنّا من تلاعب بالأدارس
ومنّا حربةٌ في كل هيجا
ومنّا ضربةٌ في كل فارس
فإن كانوا كما كنّا وكنّا
كما كانوا فما للدهر حارس
ومن يستبدل الآيه بآيه
عليه انياب كلْ لاشٍ تضارس
رمانا الدهر في يد كل واطي
قلال الأصل أبناء الهدارس
زمانٍ به مماليك العبيدِ
بلحم أسيادها قامت تفارس
زمانٍ به سراحين الذيابة
خضاب كفوفها الداء النقارس
انا العبد الذي صبأوا إليهِ
ذوي الملك الجبابرة الغطارس


الشاعر:نـاصـر الفراعـنـة

______________

23

في مثل هذه الأيام من كل عام أناجي قبْرها


على قبر اليتيمه نوت ثوبي بالخلا شقّيت
ذكرت الله وشبّت في ضلوعي حربٍ أهليّة
عقب وِتْر السبع والخمس والتسبيح والتسميت
طيور الما على سلمى تغنّي (طاق طاقيّة)
على باقي عرَق ساقي زجاجة كاهنٍ شمّيت
على قِرْنة حجاجه نجمة السِبْط اليهوديّة
على الجنب التهامي لبّسوني خرقةٍ في زيت
تلالى مثل واري جمرةٍ في حوض صفريّة
على ساقة ملوكٍ من بلاد الرافدين أضحيت
أركّب سنّ واقلع سنّ لو ماله ولا ليّه
وفي ريشة جناحٍ من حمام الأخشبين ادويت
امّذْرِع شان واقرع شنّ وآبرقع نصيريّة
وعلى ظهر النعامة سافروا بي سبعةٍ من هيت
إلى أعتى شعوب الأرض الادنيّه والاقصيّة
ذبحت العبد الادريسي ونِجْل الطاغية:حِبْرِيت
بأرض المغرب الأقصى طبخت من اللحم نيّة
على تابوت نوت احيا واموت افنيت ما ابقيت
ضربت الطار واجتاحت عبيد الزار كونيّة
على قبر اليتيمة نوت أجدّد حسرتي لا جيت
وأقبّل ضاحكات الموت تحتيّة وفوقيّة
على شانك ينوت اعميت خطلان البشوت اعميت
أقارع كل ذو سِدْنٍ وذو خِدْنٍ وكوفيّة
على شانك ينوت ادميت روس الخاينين ادميت
أسرّج مِرْج أمرّج سِرْج علويّة وسفليّة
على شانك ينوت اضرب بحدّ مْصقّلٍ إصليت
وكدنا ننتهي لولا خيانة عيد الألفيّة
خبيثٍ من بني قومي سقاني حامض الكبريت
قرَت وسطه عجوزٍ من ذوي حضرم ظفاريّة
وبسم اللي لهول اسمه تزلزل منبر السوفيت
نحَرها اعلى ظهرها جُبّةٍ بالسمّ مطليّة
ثلاث دهور اصارع نافثات الزرو ما ذلّيت
أغيّب شمس وادفن رمْس والأصنام مرميّة
ثلاث ازمان أداقش مسرجات الجانّ في تكريت
ثلاث ازمان تمْرخ لي ملوك الجانّ رجليّة
ثلاث سنين اعافر نافخات الطين ماولّيت
ثلاث سنين أكفّن قاريات التين بيديّه
وثلاث شهور ألاعي نازلات الطور ما ملّيت
اجاوب جنب خيمة ضاربات الطنب طبليّة
وثلاث ايّام تنعاني سرايا يام لين اصغيت
أقدّم كوع اوخّر كوع يا بيّي ويا بيّه
لذي الفيروز سادن معبد النيروز ما لبّيت
لغير الواحد المعبود ما أبديت ما فيّه
بوادي برْك طارت بي حراير تُرْك يوم امسيت
أعاشر ليل عاشر كل ذي حمراً نميريّة
طباين سبْك تدبْك دبّك ساع اقبلت ساع اقفيت
لسرْدٍ شرْد جرْد مرْد اصيّح كل قيسيّة
ببطن القِرْش اعشّي حايمات العرش ماغدّيت
وحرْش الطرْش اورّدها قليب الهرش عصريّة
بوجه الحوت جلّ اللي خلقني ضيغمٌ صنتيت
هِزَبْرٍ ما تحرّك منه ساكن ألف سكنيّة
ورب البيت ما خلّيت منهم بيت ما هدّيت
أهدّم دور وابني دور والآيات متليّة
هل المزمار عبّادة لسان النار والباكيت
بني الإفْرَنْج قومٌ من فروج الزنْج مبليّة
بكى سابور ذو الأكتاف في قصر الملك بلْهيت
على نَيْكل سقيفة عابد الهيكل ضحاويّة
تغطرس بِطرس النقرس وجينا له على التوقيت
من ارض الفرس وارض الروم جبنا القوم منهيّة
بعمّا والنبا والخمس من سورة سبأ شدّيت
بقوّة ما تواتر في الليال العشْر مكيّة
أقمنا دولة الأيتام من حِلّي إلى حِلّيت
وآخر عهدنا ما أورَدَتْ ليلى الأخيليّة
وانا ما هاضني فيما على بيض الورَق خطّيت
شجاعٍ لقّبوه :أحمد.وله شلفا وشبريّة
أعرف أحمد إلى جاء جاء وانا لا شلت ما حطّيت
تحامينا على وضح النقا والأرض محميّة

الشاعر:نـاصـر الفراعـنـة

______________



[/c]


اخر تعديل كان بواسطة » نادره في يوم » 14-07-2003 عند الساعة » 18:49.
نادره غير متواجد حالياً   اضافة رد مع اقتباس
قديم 30-07-2002, 10:53   #2
ابونوت
شـــــاعــــــر
 

يعطيك العافيه يا نادره

نادره عضو في شعبيات يشرف شعبيات ان تكون اول المكرمين فيها والمسأله مسألة وقت فقط

وهي تستحق اكثر ومجهوداتها لا يختلف عليها اثنان


واشاعر الغالي ناصر الفراعنه السبيعي شاعر مضر لا نختلف على شاعريته وانفراده

وله العيون ومحاجر العيون

وهذا تثبيت عشرة ايام اكراما لشاعرنا ناصر واختنا نادره وهذه الدرر الجميله

تحياتي وتقديري بعد استئذاني من المشرفين بوح القوافي وعبير بنت احمد

ابونوت غير متواجد حالياً   اضافة رد مع اقتباس
قديم 30-07-2002, 14:37   #3
جزا
عضو شعبيات
 

فعلا نادرة

شكرا يانادرة على هذا التميز والشكر مووووصول لشعبيات التي اتاحت لنا الفرصة لمشاهدة ابداعاتك .


ناصر الفراعنه غني عن التعريف ويستاهل والله الطيبه


عشره ايام بس يابو نوت ؟؟؟ اقول الموضوع بيثبت نفسه بنفسه وبعد عشرين ليله تشوف

جزا غير متواجد حالياً   اضافة رد مع اقتباس
قديم 30-07-2002, 16:09   #4
خالد الذيابى
شــاعـر
 
الصورة الرمزية الخاصة بـ خالد الذيابى
 

الاخت : نادره



ليس غريب عليك الوفاء لهذا الصرح




فشكرا لكٍ




أخى الغالى : ناصر




أنا فداك



كما عهدتك شاعر جزل




لايعوقك عائق



أتمنى مواجهتك قريبا




لك تحياتى

التوقيع: تدرين ويش الموت يا مياسه
..................... شىٍ يخلي عاشقك فى حوسه

عطرك ليا نسنس شذا نسناسه
.................... أعيش حالة ثانيه منكوسه
khh555@hotmail.com
أقلط لقصائد ملغمه
خالد الذيابى غير متواجد حالياً   اضافة رد مع اقتباس
قديم 30-07-2002, 17:20   #5
فهد بن غرير
عضو شعبيات
 

الرائعة الرائعة:نادرة

[poet font="Simplified Arabic,7,black,bold,italic" bkcolor="transparent" bkimage="backgrounds/5.gif" border="none,4,gray" type=0 line=200% align=center use=ex length=0 char="" num="0,black" filter=""]
انتي نادرة

فعلا

انتي نادرة

ايها المبدعة

ايها الرائعة

وربي

انتي نادرة


الاخت الغالية


نادرة كما قال

الشاعر المبدع

خالد الذيابي


ليس غريبا عليك


ابدا الوفاء


لهذا الصرح الشامخ


الشاعر الكبير


الشاعر الكبير:


ناصر الفراعنة


ولقد سبقنا الاخ


العزيز:ابو نوت


وعادته سباقا بالطيب


عندما قال انك اول


المكرمين وعندما


قام بتثبيت الموضوع


انا اشهد انه يستحق


التثبيت

ريحتيني الله يجعل


والديك في الجنة


من التنقل في المنتديات


باحثا عن قصائد هذا



الصرح الشامخ


تقبلي تحياتي


اخوك:فهدضيدان السبيعي

(معشي الشجر)
[/poet]

التوقيع: جمالها سر اعجز معجـــــــــــــزات الحلول‌‌@@كل مالقيناله اجابــــه تجدد ســـــــــــــؤال
زين فتن قبلي اللي يلبســـــــــــــــن الحجول@@ وش عاد بيقول فيـــــــــه منكسين العقـال
للشاعر:ناصر الفراعنة
فهد بن غرير غير متواجد حالياً   اضافة رد مع اقتباس
قديم 30-07-2002, 18:46   #6
ناصر الفراعنة
شـــاعر مضر
 
الصورة الرمزية الخاصة بـ ناصر الفراعنة
 

الاخت العزيزة نادرة

يا هلالالالالالالالالالا

وغلالالالالالالالالالا

اختي العزيزة والرائعة:نادرة

يمين بالله ما ادري ويش اقول

تعجز الكلمات عن اظهار امتناني لك

فقد سبقتيني بطيبك ويمين بالله يانادرة

انك عندي بمقام الاخت ليس مجاملة

بل حقيقة.وليس من الان لا ورب البيت

بل من قديم وفرضت احترامك على الجميع

ولا ادري بما ارد عليك الا لن اقول اعتبريني

اخوك الذي لم تلده امك

ولك مني اختي الغالية هذه الثلاث ابيات المتواضعة

وانتظري القصيدة كاملة في وقت لاحق

وهي اقل ما اقدمه لك يا اختي

ولي الشرف ان اقول هذه الكلمة نعم اختي اختي اختي


اما بانسبة للاخ ابو نوت:فهو اخي وتعلمت الطيب على يديه ولي معه رجعة انتظروها[poet font="Simplified Arabic,4,white,bold,italic" bkcolor="transparent" bkimage="backgrounds/10.gif" border="none,4,gray" type=0 line=200% align=center use=ex length=0 char="" num="0,black" filter=""]
بعض البنات تعوضك بألف رجال"="وبعض العيال الله يعافيه لا(شي)

واقرب مثل شف (نادرة) بنت الاشبال"="بنت وتسوى الف (باشا) و(باشي)

بنت الشيوخ اهل المراجل والافعال"="اليا غشاهم من سما الحرب غاشي

الباشي:قائد الحرب
قديما عند الترك

اخوك:ناصر الفراعنة
شاعر مضر(بفتح الضاد)
[/poet]

ناصر الفراعنة غير متواجد حالياً   اضافة رد مع اقتباس
قديم 30-07-2002, 18:50   #7
عبدالله مران
شـــاعــر
 

النادره نادره


صح اختيارك لهذا الشاعر الاسطورة ..
وهو ليس شاعر بقدر ماهو ظاهرة في هذا القرن
ناصر الفراعنة الذي تعرفه البلاد من جنوبها الى شمالها
ومن شرقها الى قربها .. حتى ظهرت عنه القصص الخرافية
وكأنه عنتر بن شداد وحكايات من حكايا الأساطير الأولى ..

لك الشكر بهذا التفنن بالطرح والاختيار والذي يدل عن حس
راقي لدى شاعرتنا التي لا تكتب الشاعر نادره ..

سؤال يا النادره : وين الغيبة الطويلة ؟؟؟ الا تعلمين بأننا نفتقدك هنا
ولماذا كل هذا الغياب الطويل يا نادرة وانتي التي كان مرحب
بك من كل الموجودين .. فلا تغيبين أبداً يا نادره ..



معشي الشجر :

شكراً لتوضيح الامور !!!!!!!!!!!!!!

راجع صندوق البريد ...


تسلمون جميع ,,,,,,,,,,,,,


أخوكم / عبدالله مرّان

التوقيع:

ان كان في زلة حديثي اشفايه
............ أكيد نفسك يا رفيقي بها غل

من زود حبي ما تركتك ورايه
............ ولاني من اللي يضرب الناس فـ الظل

تبقى صديقي رغم قبح الهدايه
............ وأبقى صديقك كان عندك بقى حل


عبدالله مرّان


عبدالله مران غير متواجد حالياً   اضافة رد مع اقتباس
قديم 30-07-2002, 20:50   #8
نادره
العضوية الماسية للموقع
 

ابونوت
الله يعافيك يا طويل العمر
أسأل الله ان يثبتك على القول الثابت
والشاعر الكبيرررررر ناصر يستاهل هذا واكثر
الف شكر لا عدمنك يا مشرفنا الكريم0

نادره غير متواجد حالياً   اضافة رد مع اقتباس
قديم 30-07-2002, 20:55   #9
نادره
العضوية الماسية للموقع
 

جزا
يا خوي / اشكرك على كل حرف كتبته
انا من اكون لو ما انتم
مشاركاتكم تدفعني ان ابحث
عن المبدعين مثلك وشروك
لاهنت 0

نادره غير متواجد حالياً   اضافة رد مع اقتباس
قديم 30-07-2002, 21:02   #10
عبير بنت أحمد
العضوية الماسية للموقع
 

ليس في مثله استئذان يا أبا نوت ...

بداية ً ...

شكر و تقدير للنادره الرائعة و هذا أقل ما يُقال في حقك سيدتي ...


للشاعر ناصر أهنئك عليك ... و أهنئ الشعر بك ...

و أهنئ شعبيات بكما ...


.
.
.

هنا موروث ٌ أبدعت نادره في جمعه

وأبدع شاعر مضر في سبكه ...

شكراً لكل الجهود المبذولة هنا ...

تحياتي لك يا شعر ...

ــــ.. .

التوقيع: إيه أنا بنتٍ ولا بي نقْص منها أو خساره
.................. دامني بنتٍ لأحمد ، بأفتخِر بإنِّي بنيّه
عبير بنت أحمد غير متواجد حالياً   اضافة رد مع اقتباس
قديم 30-07-2002, 21:04   #11
نادره
العضوية الماسية للموقع
 

معشي الشجر
لا املك سوى ان اقول الله يسلمك ويطول عمرك والف شكر على تواصلك الدائم
وما يستغرب عليك الكلام الزين 00 زان فالك
تحياتي وتقدير 0

نادره غير متواجد حالياً   اضافة رد مع اقتباس
قديم 30-07-2002, 21:49   #12
نادره
العضوية الماسية للموقع
 

[c]
بسم الله الرحمن الرحيم

الاخ الشاعر الكبير / ناصر الفراعنه

السلام عليكم ورحمة الله وبركاته

يسرني ان اتقدم بخالص شكري وتقديري مع اعتذاري اني تاخرت بجمع هذه الدرر

مـع ان هذا

الملف مصدر فخرلي واعتزاز لي

اخـــــــــي واســـــــــتاذي

اسعدني ان ينال هذا الملف فارع الطول قبولك ورضاك

انااشهد لله ان كل حرف عن 100 قصيده

اكيد ماتحتاج الشهادتي لان الشعر يتباها بك يا شعر

( مضر )

اما عن الابيت هذا وسام وتاج على راسي

اعــــتز وافخـــر برايك فيني

لك الشكر - لك الشكر - الك الشكر - لك الشكر
لك الشكر - لك الشكر - الك الشكر - لك الشكر
لك الشكر - لك الشكر - الك الشكر - لك الشكر
لك الشكر - لك الشكر - الك الشكر - لك الشكر
لك الشكر - لك الشكر - الك الشكر - لك الشكر
لك الشكر - لك الشكر - الك الشكر - لك الشكر
لك الشكر - لك الشكر - الك الشكر - لك الشكر
لك الشكر - لك الشكر - الك الشكر - لك الشكر
لك الشكر - لك الشكر - الك الشكر - لك الشكر
لك الشكر - لك الشكر - الك الشكر - لك الشكر
لك الشكر - لك الشكر - الك الشكر - لك الشكر
لك الشكر - لك الشكر - الك الشكر - لك الشكر
لك الشكر - لك الشكر - الك الشكر - لك الشكر
لك الشكر - لك الشكر - الك الشكر - لك الشكر
لك الشكر - لك الشكر - الك الشكر - لك الشكر
لك الشكر - لك الشكر - الك الشكر - لك الشكر
لك الشكر - لك الشكر - الك الشكر - لك الشكر
لك الشكر - لك الشكر - الك الشكر - لك الشكر
لك الشكر - لك الشكر - الك الشكر - لك الشكر
لك الشكر - لك الشكر - الك الشكر - لك الشكر
لك الشكر - لك الشكر - الك الشكر - لك الشكر
لك الشكر - لك الشكر - الك الشكر - لك الشكر
لك الشكر - لك الشكر - الك الشكر - لك الشكر
لك الشكر - لك الشكر - الك الشكر - لك الشكر
لك الشكر - لك الشكر - الك الشكر - لك الشكر
لك الشكر - لك الشكر - الك الشكر - لك الشكر
لك الشكر - لك الشكر - الك الشكر - لك الشكر
لك الشكر - لك الشكر - الك الشكر - لك الشكر
لك الشكر - لك الشكر - الك الشكر - لك الشكر
لك الشكر - لك الشكر - الك الشكر - لك الشكر
لك الشكر - لك الشكر - الك الشكر - لك الشكر
لك الشكر - لك الشكر - الك الشكر - لك الشكر

مليار شكر






[/c]

نادره غير متواجد حالياً   اضافة رد مع اقتباس
قديم 31-07-2002, 06:05   #13
سامي الجارالله
عضو شعبيات
 

هديه قيّمه و رائعه ..

صباحك ورد ..


أختي العزيزه .. نادره
مجهود لم يذهب هباءً .. بل بالعكس ..
أفاد الجاهلين أمثالي عن معرفة هذا الراااااائع المغرق شعراً ( شاعر مضر ) ناصر الفراعنه ..
لك انتِ أجمل التحايا ..
ولهذا الشاعر ألف شكر على كل حرفٍ كتبه وعليه هو ..
عذراً لتأخري .. خسرت من الوقت ما فيه الكفايه ولكن .. مكسبي الآن يفوق كل شيء ..
لك خالص تقديري شاعرنا الجميل .. وشكراً لك أبو نوت على تثبيت هذا الموضوع ..



أخوكم ..


ســـامــي

التوقيع:

.

مو دايم الغايب معه عذره !

.

seeen_jeeem@hotmail.com
سامي الجارالله غير متواجد حالياً   اضافة رد مع اقتباس
قديم 31-07-2002, 06:32   #14
نادره
العضوية الماسية للموقع
 

عبدالله مران

طاب يومك بكل خير :
كلامك صحيح عن شاعر القمه شاعر مضر له كل التقدير
اسعدني اطرائك
هذا شرف وتاج على راسي اعجابك بهذا الملف لك الشكر
اما عن غيبتي
كنت خارج الرياض لكن مع هذا متابعه لكل حرف يكتب في شعبيات
الله يوفقكم جميعا
تحياتي وتقدير 0

نادره غير متواجد حالياً   اضافة رد مع اقتباس
قديم 31-07-2002, 06:42   #15
نادره
العضوية الماسية للموقع
 

[c]
شاعرتنا الغاليه عبير بنت أحمد

اسعدني ان ينال هذا الملف قبولك ورضاك



اكيد ان الشاعر ابداعاته فوق الوصف



وقصيده يكتب بماء الذهب



وانا فخوره فيه وفي قصيده



الله يطول لنا بعمرك وعمره يا مشرفتنا



تحياتي لا عدمتك 0


[/c]


نادره غير متواجد حالياً   اضافة رد مع اقتباس
إضافة رد


عدد المتواجدون في هذا الموضوع » 1 , عدد الأعضاء » 0 , عدد الزوار » 1
 
أدوات الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح

الإنتقال السريع