01-11-2003, 19:43
|
#1 |
|
رفيــق الحــزن
|
لو لم يكن فكيف يكون.. يمتنع الالقاب !
اخواني واخواتي.. صبحكم الله بالخير ويالله انك تحييهم  من المعروف ان افضل الاسماء ما عبّد وحمدّ .... والحقيقة طرت على فكره وودي تشاركوني فيها .. وهو سؤال هل انت راضي عن اسمك الحالي اقصد الحقيقي طبعاً ومن اللي سماك و من انت مسمى عليه ولم حبيت تغير اسمك وش الاسم اللي بتختاره .. واببدى بنفسي وقصه تسميتي عبدالرحمن هو فالاساس انا سماني الوالد الله يغفر له أحمد وبعد ما جا عمي ( عبدالرحمن ) من الحج قال وش سميتوه قال الوالد احمد قال وش احمد ما فيه واحد من أخوانك اسمه احمد يارجال سمه علي عبدالرحمن على اسمي وما جاك علي وبالفعل ذبح عمي ذبيحة وتم تغيير اسمي لعبدالرحمن  وانا بالنسبه لي ما تفرق احمد او عبدالرحمن لأن مثل ما قلت فالبدايه افضل الاسماء ما عبّد وحمّد ولا عندي نيه اختار غيره بس حسبي الله على دبان اللي غيره وصار ابو عيوووووون :white: يالله عاد نبغى نشوف مشاركاتكم الله يعطيكم العافية .. مع تحياتي احمد سابقاً وعبدالرحمن حالياً وابو عيووون عيارتاً  |
|
|
|
01-11-2003, 19:54
|
#2 |
|
شاعرة
|
موضوع أكثر من رائع أخي عبدالرحمن أتوقع نجاح كبير للموضوع ومشاركات مذهله ان شاء الله بس ماأدري مسموح للبنات  |
|
|
|
|
01-11-2003, 20:03
|
#3 |
|
رفيــق الحــزن
|
منار التميمي صباح الخير ... الله يسلمك اختي وهذا من ذوقك بس ... بالمناسبة للتوضيح الموضوع مطروح للجميع شباب وشابات وبس اللي اسمه مستعار بينفضح المسكين هههههههههه وشمس تطلع وخبر يبان ... تحياتي . |
|
|
|
|
01-11-2003, 20:09
|
#4 |
|
شـــاعــر
|
الله يصبحك ويربحك يا بو رياض ومبروك عليك الشهر ... من وين جايب هالفكره ... تبي الفضايح هااه  بس تدري عاد سبحان الله انا قصة تسميتي نفس قصتك يا بو رياض يعني كان اسمي عبدالرحمن ويوم جا عمي احمد وسأل الوالد وش سميتوه قال عبدالرحمن قال ..... ( نفس اللي قلته ) <<---- نصااااااااب درجه اولى :white: :white: لا لا الجد سموني احمد على اسم عمي ... ولله الحمد راضي على الأسم ولا ابي اغيره مثل ما ذكرت يا بو عيون قصدي يا بو رياض خير الأسامي ما حُمّد وعُبّد .....!! الله يعطيك العافيه على هالموضوع يا بو رياض ... !! وبأنتظار با قي الأعضاء خاصه الأسماء المستعاره ههههههههههههههههههههه تحياااااااااااتي للجميع احمد بن ديهان . |
|
|
|
|
01-11-2003, 20:20
|
#5 |
|
عضو شعبيات
|
في الباديه احب اشكر الزميل عبدالرحمن الربيع فهو يستحق الشكر على موضوعه المعطر بالورد انا يا اخي الكريم كان اسمي ياسر ولكن حال دون الضب ارنب مثل ما يقلون وطلبت الوالده من الوالد ان يغير اسمي الى مصلح الماثل امامكم وذالك رغبةٍ منها بهذ الاسم الذي يعني لها الشي الكثير هذ ما لدي تحيات مصلح ابو شنب |
|
|
|
|
01-11-2003, 22:13
|
#6 |
|
شــاعــر
|
هلا بابو عيون وتراني زعلان عليك .. دقيت عليك ليله رمضان ولا رديت علي <<<----كنك تقول وش يبي هالنشبه بس الله يعينك على ابو مران تراني دقيت عليه وحطيت فيك اللي ينحط واللي ماينحط ومن ناحيه الحديث اللي يقول خير الاسماء ماعبّد وحمّد تراه حديث ضعيف والحديث الصحيح يقول خير الاسماء عبدالله وعبدالرحمن او كما قال صلى الله عليه وسلم اما انا فأهلي احتاروا وش يسمونني جدي يقول ابسميه فرانسوا (لان ثقافة جدي الله يرحمه فرنسيه وكان متاثر بثقافتهم ويقدر الدجاج الفرنسي ومقاط دجاج الوطنيه) المهم مالك ومال الطويلات بس بالمعسكر الاخر وهو معسكر المحافضين كانت جدتي الله يعطيها طوله العمر تقول ما اسميه الا ضرباح ولاتسألني وش معناه المهم قالوا مالنا الا قرعه وطبعا اتفق العرب على الا يتفقوا لان بعد القرعه طلع جدي وجدتي للصحافه يقولون صار فيه تلاعب بالنتائج وطلبوا تدخل الامم المتحده لكن امريكا استخدمت الفيتو ضد استصدار مثل هذا القرار المهم هذي سوالف واحد يبي يصوم بعد شوي خذ الجد يقول الوالد انه كان معروف بأسم ابو عادل ولا ينادونه الناس الا بهالاسم وقبل ما اجي بكم سنه سمّى واحد من اخويا ابوي ولده عادل وكشّت نفس ابوي من هالاسم وسماني خالد ولو ماكان اسمي خالد تمنيت اسمي جعفر... وش هالسؤال مايبيلها اشوى ان اسمي خالد تحياتي |
|
|
|
|
02-11-2003, 06:30
|
#7 |
|
رفيــق الحــزن
|
احمد الديهان يالله حي اخوي احمد وكل عام وانت بخير .. شكلك مقهور انهم غيروا سمي من احمد لدحيم هههههههه انا والله ودي تغير اسمك الى حوحو على شان يمشي مع الشماغ هههههههه تسلم يابعدي ويعطيك العافية .. تحياتي . |
|
|
|
|
02-11-2003, 06:33
|
#8 |
|
رفيــق الحــزن
|
مصلح ابو شنب هلا بك اخوي ومساك الله بالخير ... الف شكر يالغالي وكللك ذوقك يالحبيب ... والله ياسر اخف شوي بس مادامه رغبة الوالده لا تزعلها وتحمل مصلح ههههه تسلم والله يعطيك العافية ... تحياتي . |
|
|
|
|
02-11-2003, 06:42
|
#9 |
|
رفيــق الحــزن
|
عادل الشايع هههههههه ليه ليه وش دعوة ياخوي عادل اقصد خالد والله لا يجيب الزعل بيني وبينك ...وان زعلت ارضيك انا ....احم .....احم .... ياعادل الشايع ههههه والله ياخوي خالد اني ماشفت رقمك الا متاخر ولا بغيت ازعجك بالاتصال ... ومسالة اني ما ارد عليك هذي ماهي من عوايدي وانت من الناس العزيزين على القلب وابشر بالحق وما يلحق كلش الا زعلك طال عمرك ....... الا وش تبي داق علي يالنشبة هههههههههههههههههههههههههههههههههههههههههههههههههه ههههههه ابو مران مقدور عليه بس اشوفه واتفاهم معه ... مشكور ياعادل وهذا من طيبك وكلهن زينات عدّول وخلّود ... تحياتي . |
|
|
|
|
02-11-2003, 06:49
|
#10 |
|
الـحـــرّاب
|
اما انا يا طوال الاعمار و الشوارب او الجدايل( عشان ما يزعلون البنات) اول مولود جابته امي بنت و كشت نفس جدي الله يرحمه يوم حملت الوالده الله يحفظها بي قال جدي : ان كانه ولد تراه محمد و ان كانه بنت فهي لكم.. طبعا ترى جدي يحب البنات.. بس ذيك الحين كان كبير و لا عمي التسبير ما سمى عليه و ضاق صدره الله يرحمه و بالتاكيد راضي على اسمي لا هنت يا ابو رياض على الموضوع الحلو |
|
|
|
|
02-11-2003, 11:01
|
#11 |
|
Guest
|
حبيب قلبي ابو عيون موضوعك صراحه حلو انا كان أسمي خالد وذاك اليوم جا ابونوت وكنت وقتها توني مولود وطلب ابوي الله يرحمه ان يغير اسمي من خالد الى هديان والوالد الله يغفرله ما عنده مشكله سموحي .. عاد بذمتكم موهوب اسم خالد احسن من هديان الله يسامحك يابو نوت تسببت علي . |
|
|
|
03-11-2003, 09:56
|
#12 | |
|
شــاعر
|
Re: لو لم يكن فكيف يكون.. يمتنع الالقاب !
إقتباس:
احمد سابقا اجل طيب يابو عيون انا بعلمكم سالفة اسمي بس قبلها اسمحوا لي ابارك لكم بالشهر ولو انها جت متاخره ولكن الظروف الله يسهلها عموما ابوي كان عربي ثائر الله يرحمه ويغفر له لانه جاب اخوي الكبير على ايام جمال عبدالناصر وحربه مع اسرائيل فسمى اخوي جمال على جمال عبدالناصر ويوم قبصت بين السعوديه ومصر جيت انا وسماني فيصل على الملك فيصل الله يرحمه وطرد اخوي جمال من البيت الله يرحمك يابو عبدالله اشوى بس ما سميت حدى اخواني صدام والا كان ورطنا فيه الحين وين نخبيه عاد وكيف نصرفها اللهم اني صائم ابوعيون تراني مشتاق لكم ومشتاق لجمعتنا وترانا ننتظر يزين الجو ونحط مخيم ونجتمع كلنا باذن الله ولا تنسون الشايع حبيبي واي احد يعز علينا والفيلسوف العمري يعني اي احد بالرياض والدوادمي مسئوليتك اما عرابجةالشرقيه وعرابجة رحيمه والخفجي مسئوليتي اجمعهم نفس حجم المخيم الكبييرررررررررررررر حق العام الي 3 في 4 هههههههههههههههههههه يعني يادددددوب يكفي خدودي وعيونك وباقي الشباب في سطح المخيم يعني بالدور الثاني " الدور اثاني = يرى الخميه ام ربع عامود خخخخخخخخخخخخخخخخخخخخ " طيب ؟ اخر تعديل كان بواسطة » فيصل الخالد في يوم » 03-11-2003 عند الساعة » 10:01. |
|
|
|
|
|
03-11-2003, 10:54
|
#13 |
|
رفيــق الحــزن
|
محمد الحراب هلا بك ياخوي محمد يالله حيه .. الله يعطيك العافية ... حلووووووه طوال الجدايل هههههههه تحياتي . |
|
|
|
|
03-11-2003, 15:03
|
#14 |
|
عضو شعبيات
|
انا هنا حبيت اشكرك اخوي عبدالرحمن الربيّع على هذا الموضوع الرائع والحقيقه كنت ابي اعترف بس امي حلفت علي عيب اكسر حلفها لا قدرت ادفع الكفاره عنها جيت وعلمتكم قصة اسمي أختكم رهف حالين ورهوفي زمان يوم كانو يدلعونا  |
|
|
|
|
03-11-2003, 21:09
|
#15 |
|
رفيــق الحــزن
|
الحلو هديانوه صباح الخير يالغالي ... وش دخل ابو نوت فيك اظاهر هالشايب لاحقن على الحملة الفرنسية ههههههههه تسلم ياهدهد او خلودي ... تحياتي . |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
