07-08-2003, 07:01
|
#1 |
|
شــاعــر
|
الجنازة وسعدون الاشقر..!!
صبحتوا بالخير جميعا قصتنا اليوم يالربع تقول ان ناس من اهل حايل حدروا قاصدين العراق يوم الدنيا دنيا وكانت العراق هكا الوقت زي امريكا محد له غناة عنه والمنطقه اللي هم قاصدينه كانت تحكمه قبيله السعدون واميرهم هكا الوقت سعدون الاشقر اللي يوم سمع ان ناس من اهل حايل جايين ردههم وارسل معهم رساله لعبدالعزيز الرشيد يقول انه يبي يزور حايل قريب المهم القوم رجعوا لحايل ودخلوا على الجنازه وقالوا له السالف قال والله مايخسى الا هو تجهزوا نبي نغزيهم وبالفعل غزاهم وكسر جيش السعدون حتى انه اسر اميرهم سعدون الاشقر وقال شاعر تبيناوي ولا ادري هل هو مبيريك والا غيره وقال [poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""] سعدون جاك الضاري الي حكابك 0=0 وافي الوعيد ليا هرج قايل ( شين ) من يوم سرتوا طاحنين زهابك 0=0 وا ويل يا سعدون من نطلبه دين يا أشقر جاك أشقر ما يهابك 0=0 لا تنهضم هذا صعوط المجانين يا تايه الآشار هذا عــقــابك 0=0 مدم المخالب مودع الخرج كدعين يا محد وش لك بالميادين تكابك 0=0 قبل تنايحون الضياغم سلاطين بنا تمحرش يوم قرب خرابك 0=0 و ياما زعلنا و أول الحين من حين ناتي بزيزوم الطنايا لإرعابك 0=0 يا شفت أبو متعب تخلي السوادين مير أنت خبلٍ ينزع الله شبابك 0=0 قبلك لعينين المخاليق مطنين دونك حصاة بس عضه بنابك 0=0 ياللي تقول محيف حب شاهين [/poet] حب شاهين/ هو رز كان يباع بالعراق وكانت نجد تستورده منهم تحياتي |
|
|
|
07-08-2003, 13:25
|
#2 |
|
عضو شعبيات
|
يأسلأم يأسلأم صح الله لسااانك ياخالد الشايع ولسان شاعرها ولأهنت تسلم يمينك على القصه والقصيده الطيبه وكيف لأتصبح طيبه مدام بها اسم الجنااازه انشهد انه جنازه رمز للشجاعه والكرم والفروسيه ولأتحرمنا من جديدك ياخالد والقصص الطيبه تقبل تحياتي الخويطري |
|
|
|
|
10-08-2003, 15:04
|
#3 |
|
عضو شعبيات
|
الاخ / خالد الشايع السلاام عليكم الله لايهينك يالقرم على ادراج القصة والقصيده الرائعة تسلم يمناك تحياااتي لك صقر الطنايا |
|
|
|
|
13-08-2003, 06:02
|
#4 |
|
شــــاعـــر
|
تسلم يمينك يابو شايع ولاهنت يالغالي القصيده لمبيريك التبيناوي . . والجنازه غني عن التعريف... الله لايحرمنا منك ومن سوالفك ياخالد |
|
|
|
|
22-09-2003, 00:13
|
#5 |
|
شــاعــر
|
الاخ العزيز /الخويطري كل املي انها حازت على رضاك واشكرك على مرورك الطيب تحياتي لك |
|
|
|
|
22-09-2003, 00:14
|
#6 |
|
شــاعــر
|
الفاضل/ صقر الطنايا وعليك السلام تشجيعك يحفزنا على تقديم المزيد اشكرك كل الشكر تحياتي |
|
|
|
|
22-09-2003, 00:15
|
#7 |
|
شــاعــر
|
القريب الى القلب / نواف الشمري اشكرك على التوضيح ومالنا غناة يالعزوه تحياتي لك |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
