17-01-2002, 06:50 | #1 |
عضو شعبيات
|
سلسبيل(ن) عذب من تحت اللثام **** يارحيق(ن) ذاب في جوف النديم
الله الله كل مانــــاح الحمــــام زاد وجـدانـي من الشــوق الحميـم لك سـلام(ن) عذب من أزكى ســلام عـد ماذعـذع من الغربـــي نســـيم شـف غـلاك اليوم في صـدري وسـام لايهمــك لـو عــزف عـبد الحليــم إتـرك اللي زاد غبنـه من شمـام وإســفه الشـيطان وإبليس الرجيـم من بــلادة راي تــرديد الكــلام ذي فعـايل صـاحـب العقل السقيـم الحلـوم علـوم تاتـي في المنـام والشــرارة نـار في العود الهشــيم وانت متمركـز على راس الســنام بالمحبـة صـرت في عينــي عظيـــم جتني أشـواقـك وشــديت الحـزام بالأمانــي قلـت ياللـه ياكــريم شـفت كل الوجـد يسعـى للأمــام دمعـة الأحـــزان فـي خـد اليتيم ثم شــع النـور في عتـم الظلام راح كل الهـــم والحـزن الأليــم جيـت كلـي شــوق يابدر التمام جعـل قلـب(ن) جـاك يسـعد بالنعيم سـلسبيل(ن) عذب من تحت اللثام يارحـيق(ن) ذاب في جـوف النديـم الخـدود ورود تسـقى بإهتـمام والعيون السـود نظـرة عين( ريـم) بالشـكل والـذوق عندك إلتئام فـي عيونـي أنت ماغـيـرك وســيم في غلاي تقـول باصـم بالبهـام وفـي غـلاك أقـول قلبــي مستهـيم أنت في دنيـاي ماغـيرك وئـام الله اللــي حـط حبــك في الصميـم نشـوة الأشـواق في وقت الزحام لاتـذبذب بيـن ســين وبيـن جيــم التواضـع مجـد والكذبـه حرام ولا عـبـر للشـــط إنسـان(ن) لئيم والتحيـة بالغـلا مسـك الختام دامت الأشـــــواق وإفهـم يافهيـم وســــلامتكم ؛؛؛؛؛؛؛؛ أخوكــم / مهنا بن شليـّــه |
17-01-2002, 06:57 | #2 |
رحمة الله عليه
|
وانت متمركـز على راس الســنام بالمحبـة صـرت في عينــي عظيـــم صح والله لسانك وبيض الله وجهك يامهنا لك اسلوب شيق وانت مبدع ومتمكن لاهنت اخوك / عبدالهادي |
17-01-2002, 07:58 | #3 |
عضو شعبيات
|
هكذا يكون الاباع قصيدة رائعة........ فقط تأملوا في غلاي تقـول باصـم بالبهـام وفـي غـلاك أقـول قلبــي مستهـيم أنت في دنيـاي ماغـيرك وئـام الله اللــي حـط حبــك في الصميـم نشـوة الأشـواق في وقت الزحام لاتـذبذب بيـن ســين وبيـن جيــم اخوي اتمنى لك التوفيق معيض |
17-01-2002, 10:18 | #4 |
عضو شعبيات
|
السلام عليكم أخوي ذيب الغداري أحسنت أخوي ، ما شاء الله عليك ، كل كلمه في قصيدتك تنبأ عن شاعر يمتلك زمام قصيدته ويروض مفرداتها بجزاله: جيـت كلـي شــوق يابدر التمام جعـل قلـب(ن) جـاك يسـعد بالنعيم سـلسبيل(ن) عذب من تحت اللثام يارحـيق(ن) ذاب في جـوف النديـم سلمت يمينك وصح لسانك. تحياتي/علي الحارثي |
17-01-2002, 21:54 | #5 |
رحمة الله عليه
|
أخوي:مهنا بن شليه......صح لسانك وبيض الله وجهك ياخوي ماشاء الله عليك قصيده طيبه من وجهٍ طيب راح كل الهـــم والحـزن الأليــم جيـت كلـي شــوق يابدر التمام جعـل قلـب(ن) جـاك يسـعد بالنعيم سـلسبيل(ن) عذب من تحت اللثام يارحـيق(ن) ذاب في جـوف النديـم الخـدود ورود تسـقى بإهتـمام والعيون السـود نظـرة عين( ريـم) بالشـكل والـذوق عندك إلتئام مبدع يامهنا بالوصف اللي يسلب العقل ويهيم,, أنشهد يابعدي ,,,تسلم والله يحييك ولاتقاطعنا يابعدي تراك فقيده والله ,,,وياهلا والله ومسهلا بك.. |
18-01-2002, 03:03 | #6 |
عضو شعبيات
|
ذيب الغداري.. و روعة متناهيه كما عودتنا دائما.. كل بيت له جماله الخاص .. وفي رايي هذا هو احلى ابيات القصيده.. سـلسبيل(ن) عذب من تحت اللثام يارحـيق(ن) ذاب في جـوف النديـم وانت دائما هكذا متواضع ووفي التواضـع مجـد والكذبـه حرام ولا عـبـر للشـــط إنسـان(ن) لئيم مشكوور ويعطيك الف عافيه.. |
18-01-2002, 09:37 | #7 |
عضو شعبيات
|
ذيب الغداري ... مهنا قصيده اخذت من الابداع والجمال الشي الكثير. التواضـع مجـد والكذبـه حرام ولا عـبـر للشـــط إنسـان(ن) لئيم صح لسانك ياالذيب اخوك.... *** الطارق *** |
18-01-2002, 10:07 | #8 |
العضوية الماسية للموقع
|
الشاعر الذيب ... لقصائدك نهجٌ خاص ... المتعة كل المتعة في التنقل بين أبياتها بحق ... سلسة .. متناغمة .. رائعة ... " إتـرك اللي زاد غبنـه من شمـام وإســفه الشـيطان وإبليس الرجيـم " صح لسانك ... ــــ.. . |
18-01-2002, 13:06 | #9 |
موقوف
|
في غلاي تقـول باصـم بالبهـام ........... وفـي غـلاك أقـول قلبــي مستهـيم أنت في دنيـاي ماغـيرك وئـام ........... الله اللــي حـط حبــك في الصميـم نشـوة الأشـواق في وقت الزحام ........... لاتـذبذب بيـن ســين وبيـن جيــم مهنا بن شليه.. تسلم يمينك يا الذيب كعادتك دوما .. تنثر لنا الابداع مع كل حرف تكتبه في أسلوب متميز وألفاظ رااائعه صح لسانك ملايين يامبدعنا ولاعدمنا هالحضور الرائع لك اعذب تحياتي عطر الخزامى |
19-01-2002, 21:43 | #10 |
شاعر
|
الشاعر: مهنا بن شليـّــه قصيدة اكثر من رائعة صح لسانك وسلمت يداك وانت متمركـز على راس الســنام بالمحبـة صـرت في عينــي عظيـــم جتني أشـواقـك وشــديت الحـزام بالأمانــي قلـت ياللـه ياكــريم شـفت كل الوجـد يسعـى للأمــام دمعـة الأحـــزان فـي خـد اليتيم دمعـة الأحـــزان فـي خـد اليتيم دمعـة الأحـــزان فـي خـد اليتيم دمعـة الأحـــزان فـي خـد اليتيم لاهنت اخوك داهم العصيمي |
20-01-2002, 02:48 | #11 |
عضو شعبيات
|
ياسلام عليك يا مهنا شاعر ومبدع ومتمكن صح الله لسااانك مليوووووووووون ولاهنت |
20-01-2002, 03:34 | #12 |
عضو شعبيات
|
الحلـوم علـوم تاتـي في المنـام والشــرارة نـار في العود الهشــيم وانت متمركـز على راس الســنام بالمحبـة صـرت في عينــي عظيـــم **************** أخوي / ذيب الغداري (( مهنا بن شليه )) صح لسانك وتسلم يالمبدع والله انها قصيدة شاعر متمكن وتستحق الاشاده بها ويكفي ان شاعرها مهنا بن شليه ذيبان صحت يمينك والله يزيدك وتمنياتي لك بالتوفيق والمزيد من التالق والابداع . أخـــــوك : احمـــــد آل حــــــــــارث. |
21-01-2002, 03:41 | #13 |
عضو شعبيات
|
أخوي / عبدالهادي تسسسلم تسسسلم يالغالي وشكرا على شــعورك الطيب وصح الله بــدنك لك مني اجمل تحية وتقدير أخوك/ مهنا بن شليـّـه |
21-01-2002, 04:37 | #14 |
شـــاعر
|
صح لسسانك يا ذيب الغداري على هالقصيده |
21-01-2002, 20:26 | #15 |
عضو شعبيات
|
أخـوي / معيض أتمنى دائما أن أكتب مايسعـد الجميـع صح الله بـدنك وتسـلم يالغالي أخوك/ مهنا بن شليـّـه |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|