13-03-2003, 17:07
|
#1 |
|
العضوية الماسية للموقع
|
( ملف / الشاعر / راعــــي العنـــــود )
[c] ( 1 ) ( الرثائيه الثانيه ) 0 0 دمــعـي تنـاثر واتعـب الكـفّ لمّـه ..... وتَعـبت يديـني من وراهـا بتـمســيح هــمٍ يالـو هـو بالجبـال الأصــمّـه ..... طـارت هـشــيمٍٍ طـيروهـا الفـلاليـح لـو كـل واحـد ماشكـى اللي يغمّــه ..... ولا حصــل له يشـــفي القـلب ويصـيح والله تطـــير قلـوبنا مـن مـزمّـه ..... وشــهار مـلجـا للـقـلوب المجـاريح بشـويـش ياللـي وسـط قـبره تدمّــه ..... سـو القـبر في داخــله بالـتبـاريح عـليك وجــدي للـيتيّـم علـى امّــه ..... مـن فرقتـه يبـكي وهـو واقــف يطيح أصبـح وحيــدٍ دون خـالـه وعـمّـــه ..... دمـعه رسـم له فـوق خـــدّه مسـاليح لا جـا على بيتــه ثيـابـه يشـمّــه ..... يـطّـوح الـونـات مـايقـــدر يـريـح وباللـيـل عنـده هالمـخـدّه يضـمّـه ..... دنيـاه صـارت في عيــونه تمــاسيـح والله يالـولا انـي أخــاف المـذمّه ..... ومـن قبلـها آخـاف ربـي ولا ازيـــح لا قـول قـولٍ تفـتـكـر به هـالامّــه ..... واخـلّــي السـمّــار تلعــب مـلاويـح يـالله ياللـي نوجّــه الوجــه يمّه ..... يامـن مـلك خـزاينـه بالمفــاتيــح يامنـقـذٍ يوسـف علـى جــال جــمّـه ..... تجــعـل لهـا في جـنتـك بيتٍ مـريـح والخــاتمه صــلوا على سيــد الامّه ..... محــمد الــهادي لطريق المفـاليــح الشاعر / راعـــي العــــــنـود عبدالرحمن بن صالح البطي ============================= ( 2 ) ( أبـــــجـد هــــــوز ) 0 0 يفـز قلبـــي لك حبيبي ويهتــز ..... وتهتـز باسبابه محاني ضــلوعي ذكــرت منــهي حبها قـلبي بعـز ..... والقلب لايرضــى ولاهــو قنـوعي حـبك سكن وسـط المحاني وركـــز ..... فيها معاني حبك اللي بطـــوعي أحســـها بين المحاني لها غــز ..... واصـبر واداوي علتي بالدمـوعي هــمـوم قلبي لـزتن للشعر لــز ..... حطــيت شـعري لي دوا كل جـوعي درّســتها حبي على ابجـــد هـوز ..... وسقيتها طــعم الهوى كل نـوعي يالصاحــب اللي في جمالك ممـيز ..... من مفرق الهامــه جمال ٍيروعي مانيب أفاخـــربالشـعر واتبروز ..... أرجــع واحسّب خطوتي في رجـوعي مانيب منهو في حياته تـحــــيز ..... الفرق واضح بين سبت اوربــوعي الشاعر / راعـــي العــــــنـود عبدالرحمن بن صالح البطي ============================= ( 3 ) ( شبـابٍ رابـطٍ وسـطي ) 0 0 إلا قــــــالوا لك الدنيـــــــــا تجــــــيب أيـــامهــــا ربـــــــطي تذكـر قدرة اللي عالمٍ بالكون وآحـاطــي علـــــــى كــــــــفّ القـــــــــدر جــــــابنـــّـه الأيّام مـايبــــطي يجيبــنّه يجيبـنّه ولو هـو ألـف محـتاطي ســـــــــلام الله علــــى خــــــــلٍ ربطـــــني بالهـــــوى ربـــــــطي سـلام العاشـق الولهان ويرجي رحمة العاطي يهــــــزّن والحــــــــيا شــــــــوقٍ لهــــــا الخفّــــــاق الانـــــطي تصافقه الضلوع اللي بهـاالحايك مع الناطي نظـــــــمنا لك ولعيـــــــــــونـــــك من اشـــــــعار الــعرب نبـــطي من البحـرين غصنـاها وجبنا درّة الشـــاطي أنا ون كــــــان حبـــــــــك فــــــــارط ٍقلـــــــب العنـا فـــــرطي طـوال الليل وهمـومه مع هــمومك علي غاطي علـــــــى أمــــــــرك أنا حــــــــاضــــر من اللــي يقــدر اويســـطي يـردّ امـرك وانا للي قبلها واقـف ومحتاطي أبو قــــــــف لك ولعيـــــــونك شــــــــــبـاب ٍرابـــــطٍ وســـــــطي أنا قـلبي الا منّـه سـمـع طـاريك يشـتـاطي أنا العـــــــــريان بالـــــــدنيــــا وهـــــو بلحــافــــه متغــــطي أسـوق الـرجل بالدنيا تودّيـني رشـا مقاطي أنا صــــــــابـر وراضـــــــــــي باللـــــذي قـــــدّر لـي المعـــــطي تقــلّبني يمـين يسار ومـن اعـلا ألى واطـي تعلّـمـنا وشـــــــــرع الله طــــــــريـق هــــــــدايـة المـخـــــــطي ومن ضـيّع طريق الخـير طريقه والله الخاطي الشاعر / راعـــي العــــــنـود عبدالرحمن بن صالح البطي ============================= ( 4 ) ( تـــعـــا لـــــي ) 0 0 على صـفحة هـوى قلبي كتبت الشـعر لك يازين ..... بحــبر ٍ ترســم همـومـي حــروفه مـا يحســنّه تـعالي يابعـد عمـري تعالي عـجّـلي هالحـين ..... تـعــالي شـوفي الفرقى طـوتني طـوية الشـــنّه تعالي شـوفي الدنيا حـدتني بعـد عام الفين ..... تـنـام النـاس في ليلـه وليـلي كـلّه بــــونّه سـواد الليـل يرهـبني ياويله سـواد العـين ..... يـمـوتن بالكرا مـير انهـن ماهـن يـــذوقــنّه تـعالي ودّي اشـوفـك ابشـرح لك همـومي زيـن ..... الا مـن باح سـدّي لك عـسى مـاحــــد درى عـنّـه فـراق عـندك بسـاعه يجـي في حسـبتي بسـنين ..... هـموم القـلب والهـوجـــاس في قـلـبي يـهـدنه أنـشـهد باللذي أرسـل محـمد واسـتقر الدين ..... بأن اللي مـلك قلـبك يعـيش العــــمر في جـنّه فـراق الروح وفراقـك ترا واحـد وهـن اثنين ..... عشـانك أنت روح الـروح حـياتي مابــــها مـنّه الشاعر / راعـــي العــــــنـود عبدالرحمن بن صالح البطي ============================= ( 5 ) ( شــوفـك يـبـلّ الـــريـــق ) 0 0 شـوفــك يبـلّ الريق لايابعـد حـــي ..... أرحـم عليل ٍتسـوى ميته وحــــيّه وانشــــهد ان حبـك رسـم بالحشاكي ..... ماحـد يعـشق كــوية حشـاه الخفيّه إلاّ أنا عشـــــــقتـها لاجـلـهاهـي ..... واللـي عـشق روحـه فـراقـه جنـيّه والله انا اللي بحبـــها عي بن عي ..... مـاهمـني هـرجـــة عـذول ووشــيّه والنفـس عــــيّت تشــتهي ذي ولا ذي ..... ودّي بشـوفـك قبـــل يـوم المنـيّه أبكي على فــــرقاك أي والله ابكي ..... ومن حـرّ مافيني أفـــــرّك بيـديّه دنياً بلاشـوفـــك تراهــــاماهي شي ..... نعـيشهـاولاّ نمــــوتـــه ســـويّه لاصــرت أنالك ودّي انتــــي بعـدلي ..... قــــولي عـسـا دنيـاك يابنت ليّه الشاعر / راعـــي العــــــنـود عبدالرحمن بن صالح البطي ============================= ( 6 ) ( لـعلّــه لاقبــل عـذري ) 0 0 أجــــــــــرّ الآه بعــــــــــــد الآه واحـــــــس بضـــيق ٍ بصـــــدري وصرت آنادي عيوني دخيلك هاتي دمـــوعي تقــــــول العـــــين يامســــــــــكين هـــــــذا مقـــدر اوتـــــدري تعبت اوجفّـت دمـوعي ولكن مانت مســـموعي رجــــــــعت اوقـلــــــــت ياعـــــــــــــيوني دخــــيلك مانفـذصـبري أبا احاول وابااحاول الين انه يجي بطوعي أبا آحــــــــــاول وابشــــــــــرح لـــه لعلــــــّه لاقبــل عــــــذري تعــود أيامنا الحلوه تزين ايامي وطبوعي الشاعر / راعـــي العــــــنـود عبدالرحمن بن صالح البطي ============================= ( 7 ) ( تـــحـمّـل خـبر فرقـاي ) 0 0 تـحمّل خـبر فرقـاي ياناكـر المــعروف 00000 تصـبّر مثل صــبر ٍجرى لي على فـرقاك أنا مـاصـرفني عنك عـاذل ولا ملـــقوف 00000 ولـكن حدتـني عـزّة النفس عن شــــرواك أحاول وصـالك واتعب الرجل وانت تشـوف 00000 وادوس المخاطر وافـــدي النفس مايهناك وجـيتك وانا قلبي على شــوفتك ملـهوف 00000 بـحـط الهـموم اللي بقـلبي على يمنـاك واشوف المسايل تالي الوقت جاها صـدوف 00000 تـغـير بها طبـع النـذل والردي الأفّـاك أجـي لك على أمـرك واحوف المسايل حوف 00000 واغصـب القـدم تمشي على ماتبي لرضــاك أنا ادري لو احج بك واحطك على الكتوف 00000 طــواف وسـعي ياثوبي ويـش اللذي يرفاك ولاينفـع بعـينك ســواتي على المكـشوف 00000 ولا بالخفـا ينفـع دخيـلك وش اللي جـاك قضـينا قضـينا قلبك اللي أبي مقـطـوف 00000 تكـفّي ســواتك بـي ولا عــادني أبغــاك أنا اقول هذا واللذي أطـلـبه مـعـروف 00000 فـراقـك وبعـدك مع مـرور الزمن اســلاك تجمّل مـعي في مـطلبي خلّ عـيني تـشـوف 00000 حــياة ٍ هـنيـه مـاخــبرتـه أنا وياك الشاعر / راعـــي العــــــنـود عبدالرحمن بن صالح البطي ============================= ( 8 ) ( مجنــــــــــــونك ) 0 0 لاتحـسـبيـني بهـا البسـاطه ابنـسـاك 00000 لا ولّـذي نـــزّل تبـارك والانعـــام فـرقـى الجـسـد ياصـاحـبي ولا فرقـاك 00000 شـعـوري لايـمكـن يخـطّـنّـه اقـــلام لـولاك مـا كـتبت انا القـــاف لـولاك 00000 ماهـوب يطـري لي ولو هـو بالاحــلام يامـا علـى شـانك مشـينا بالاشـــواك 00000 والرجـل مجنـونه تسـوقـن بالالغـام قللـي وش اللـي غـيرك قللي وش جــاك 00000 وين الرفيـق اللي خبرته من العـام وشـلـون ابنـسى ضحـكـةٍ فـي ثنـايـاك 00000 يمـكـن الا منّـي نسـيت كـل الارقـام ويمـكـن بعـد لامـنّ عـاشــن الاسمــاك 00000 وسـط الفيـافي والصحـاري والاثمـام ذالمستـحيـل ممـكـن ويمـكن ابنـسـاك 00000 لامـن فقـدت الذاكـره بعـد الاعـدام أهــواك اي بالله انا قلـبي يـهـواك 00000 والقـلب من عـقبـك لزم حـدّه وصـام الشاعر / راعـــي العــــــنـود عبدالرحمن بن صالح البطي ============================= ( 9 ) ( هــذا مـطــلبي 100×100 ) 0 0 بعـد المسافه وطـــول الوقت لو جَـنّي 00000 كل واحـــد عنده ارقام ٍقيـاسيه بعـدالمســـافه ماتبعد صـــورتك عنّي 00000 وطول الزمن ماينسّي العالم الحيه ســـر ياقلم وارسـم حـروف تجــي منّي 00000 وارسـم حروف الهجاءفي لوحه فنيه للصاحـــب اللـــي عليه القلب الاحنّي 00000 أقنب كما الذيب في أرض ٍ خـلاويه حاولت أخفــي جــــروح القلب ولـكنّي 00000 صـــــويبِ ريم الفلا بنت ٍحياويه اللي هــواهـــــا ذبح قـلبي وجـنّنّي 00000 وخــلا همـومي مـع افكاري خياليه اللي جـماله على مطلــــوبي وظـــنّي 00000 هـي مطلبي ياهـلي مـيه على ميـه أما حـياة الرخـــا معها بلا مَــــنّي 00000 ولاّحـياتي ومـــوتي زيـــها زيـه الشاعر / راعـــي العــــــنـود عبدالرحمن بن صالح البطي ============================= ( 10 ) ( أبشــــــر من عــــــيوني ) 0 0 شــفتك ولا يمـــديك تعدل بلاوضــــاع 00000 قالوها من قبلي ياغافل لك الله لاواحســــافـــه كيف ضاع الحياضــاع 00000 ضـايــع وضيـعته بــدقه وجــله وشــلون ابوصـــف فعلتك وابدع ابداع 00000 وشـلون ابشرح خاطري لك وافــله أردهـــــاصــاعين لا جــاني منك صاع 00000 أشيـل مـن راسـي واحــطك محـله حاصـــل على كــــاس الـرديه بلاجماع 00000 كان الرديـه له أهل فانت هـلله عندي لك أنواع الشــــقا عشـرةانواع 00000 في كل نـوع به ثمـ80ـانين عـله أهـــلا .. هــــلا مانيب شامـت وطماع 00000أبشـر مـن عيـوني بغـبن اومـذله الشاعر / راعـــي العــــــنـود عبدالرحمن بن صالح البطي ============================= ( 11 ) ( هــدية بنت مــزيونه ؟؟؟ ) 0 0 يقول اللي لعب به صاحــبه لعب الورق بالصن 00000 من اسبابه لذيذ النوم عيا يعرف عيونه 00000 يحــن القلب لايامن مـضت لي مــع صفير السن 00000 حنين أم القعود اللي ولدهاراح من دونه 00000 صحيح اني بليا شــعور هرجـت اوقلت له ياهن 00000 وهي تنظر بنظراته سهام الموت مدفونه ولا ذاك السـهم مقبل يشيله واحــدن من جــن 00000 طـعني قال:هـذي لك هـدية بنت مزيونه ألا يافـتنة العـشـــاق قـولي لي حبيبك مـن 00000 على شان ارسل العشاق من عندي يهنونه ذبحـتينــي وانا مانيب لا مذنب ولا محســــن 00000 هم اهل الحب من عاداتهم للضيف يهينونه الشاعر / راعـــي العــــــنـود عبدالرحمن بن صالح البطي ============================= ( 12 ) ( ا ي و ا للـه ابـكي ) 0 0 أي والله ابكي والبكاءعادتن لي 00000 ذي حيلة اللي قاصراتن يدينه على اللذي باقصى الضمايرمفلّي 00000 ديني مطابق ياجـماعه لدينه يالجادل المجمول بالله قل لي 00000 ويش اللي من فعلك معي تحصدينه وشوله ياترف القدم هالتغلّي 00000 حبل الوصل تكفين لاتعقدينه شوفة عيوني ماحـدن قايل لي 00000 مادري قصدتي مادري ماتقصدينه مادمت انا جيتك بروحي وكلّي 00000 شاريك بالحاضر ولابيك دينه ارحم شباب اللي عيونه تهلّي 00000 عبراتها وانتي لهاتجحدينه يفـداك قلب ٍبس يرحب ويهلّي 00000 دامه معك فانامن مأيّدينه أوصفك.?مدري ويش ابذكرواخلّي 00000 والقاف من قبلك ترامحددينه عن حبكم مانزاح اناربع ملّي 00000 ثابت كما تثبت جبال المدينه غصب ٍعلي ماهوب انا جايز ٍلي 00000 لوهي بيديني من زمن فاصدينه اللي حصل له بالهوي ماحصل لي 00000 لوشق ثوبه اشهد ان ماتدينه الشاعر / راعـــي العــــــنـود عبدالرحمن بن صالح البطي ============================= ( 13 ) جـــوزي عـــن التنـكـيـد جوزي عن التنكيد يابنـت جـوزي خلّك علـى مانتـي بعـز اومعـزه كل هالسوايـا ويـش منهاتحـوزي مانيب انا اللـي كـل شـيٍ يهـزه كان انتي بيديك العصى به تهـوزي بيدينـي اللـي كـل راس ٍيجـزه الملعبـه كـان انتـي ودك تفـوزي والفايزاللـي بيـرق الـصـد رزه جيتك وانا مأكـد عليهـا حجـوزي جاهز لها بسلاحي فـي كـل حـزه يكفـي أبيّـن لـك خفايـا كنـوزي بحروفـي اللـي كـل شـي ٍ تقـزه مانيب أفاخر بـه وابيّـن بـروزي ياكـود همـي بالمحـانـي يـلـزه روزي الأمور بعقلـك اليـوم روزي مـانــي بهالدنياالوحيدالـمـنـزه ماهو كـذا يحـرَق بقايـا فيـوزي ماهـو كـذا لاقالـوا احرقـت رزه هرجي وصل لك وافهمي من رموزي مانـي مـدوّّر واحـد ٍلـك أكــزه كان الهجر في شرعك انتي يجوزي عندي ترى اهون من زقـاره أمـزه الشاعر / راعـــي العــــــنـود عبدالرحمن بن صالح البطي ============================= ( 14 ) ( جيتك حبيب الروح ) جيتك حبيب الروح بالصـبح زاير ياروح روحي يابعـد كل مخـلوق اللي تصـبّح بك صبـاحه بشاير أنشهد ان حظه طـلع به على فوق راح ا و تعـدّى ناطحات العماير طـاير يهـزّه لحظة الحب والشوق جذبني الهاجـوس و الشوق طاير واصبحت انا في غفلتي عنك مسروق جيتك ابشكي لك من الوقت جاير حيث ان قلبي من عنى الوقت محروق أشـكي هموم ٍخلخلت بالضماير خلت خـوافي خافقي منك مشقوق متى عـلى الله لـو تدور الـدواير يرتاح فيـها كل لاحـق وملحوق اللي يشـوفك مايعـرف الخساير حتى ولو باع او شرى داخل السوق لولا اختلاف الراي مع الناس صاير كان البضـايع ما تغـيّر به الذوق الا أنت من بغداد الى اقصى الجزاير أصبحت رمز لكل عاشق و معشوق - - الشاعر / راعـــي العــــــنـود عبدالرحمن بن صالح البطي ============================= ( 15) ( أرفع الرايه ) على صوت المطر و السيل..صوت الرعـد..لمـع بروق وليلٍ اســودٍ يخلف صليب الراي عن رايه طرى لي هاجـسي أسري بليلي والحشى محروق مدام ان عادة العشاق بالأشواق سرايه سريت بليلي الاظــلم أبي وجــه الشـفق وشــروق أبي لي ســاعةٍ من وقتنا في دنيا ذرايه معــك يا للي سكـنت القـلب قبل الــروح دون فـروق مدام إن حبك الساحر غــدى للحال برايه برا حــالي يا عـــزالي بقى جــلد و عــظم و عــروق أثر بعض الظــروف لحالة العشــاق عرايه ركـبت أمـــــواج تفــكيري لزمــت اللحــن والطـــاروق وخطــيت الحـروف اللي لها الأحباب قرايه علـــى ذكـــراه و اخــباره يهــــزّن خـــافقي واروق واسجل له خضوعي وانهزامي وارفع الرايه - - الشاعر / راعـــي العــــــنـود عبدالرحمن بن صالح البطي ============================= ( 16 ) ( أنتي…أنتي…أنتي ) أنا اشـوفك كنّك الجـدي وسهيل وانتي تشـوفيني عـلى ماتشـوفي انتي عيـوني كحـلها و انتي الميل وانتي ولاغـيرك كمـل بالوصوفي انتي همـوم الوقت ما جابها الليل وانتي الوحيد اللي يجمّـع صفوفي انتي عـذابي يا عـذاب المقـابيل وانتي السعـاده و الهنا بك تحوفي انتي الضمى وانتى الوله وانتي الويل وانتي العذاب اللي مكن وسط جوفي انتي الكرم فيك الكـرم كنه السيل وانتي المعـاني لك تجـي في حروفي انتي سـند روحي الا جـالها ميل وانتي بعد عمـري بعد وانتي شوفي انتي مزاجي ماهـو الكيف والهيل و انتي الأمان بدنيتي و انتي خـوفي وانتي لحـالك كامـله مثل ماقيل والكامـل اللي عالمٍ وش تشـوفي - - الشاعر / راعـــي العــــــنـود عبدالرحمن بن صالح البطي ============================= ( 17 ) ( تكفين ,,تكفين ) قالت على شـان عيني ويش تاتسوى لو طالت الطـايله و اطلبك مطلوبي قلت ألتفت للظـروف00 اقولها قوي كل المشاكل ما تاصـل حد عرقوبي أدوس درب المخـاطر موقـدٍ ضوي لعـيونك الناعسة و الرجل مركوبي وامر على الرجل تمشي لك ولا تلوي تمـشي وهي تفتخر دام انت محبوبي أجيب مطـلوبك من الصين واطوي طول المسافات اغني لك على اسلوبي مادمت وحدك خيال الشعر في جوي زان الشـعر فيك..زانت باقي طروبي مادامـت ان القـوافي منك تحلوي تكفـين تكـفين قولي هـذا مطلوبي - - الشاعر / راعـــي العــــــنـود عبدالرحمن بن صالح البطي ============================= ( 18 ) ( حسبي الله ) حسبي الله على عـذرا ً تجر القلوب ياردا الحـظ يا للي طـاح بيدينهـا و المصيبه لا صارت مع جماله لعوب من غـروره,,ولا حـد ماليٍ عينهـا زينها ما غطاها لبسـها لبس ثوب ما درى انه اخـذ من زينهـا زينهـا والشَعر يشتكي نسمة بقايا الهبوب طـيّرت ظافي الردفـين مـن بينهـا هرجته لا نطَقتها في لسانه تذوب تهمـسه باطـرف شفاتـه و لاتهينها من يشوفه يضيّع ما بقي من دروب من حـلاهـا تتل القلـب بيمينهـا السحاب الذي حدر تجاه الجنوب جعـل غض النهـد يمشي على طينها الهوى به حقيقه ماخبرته كذوب يارضـا الله على من جاب والدينهـا آه يا شمـسي اللي قربت للغروب قربت للغـروب اللي يجـي بحـينها لو تتوب الخـلايق كلها مااتوب دامـها طابقـت ديني على دينهـا يا إلهي طلبتك يا غفـورالذنوب تغفـر ذنوب من هـو مات بيدينهـا - - الشاعر / راعـــي العــــــنـود عبدالرحمن بن صالح البطي ============================= ( 19 ) ( خيوط من الأمل ) هدَّي جبال الهم باقصى الحشى. هــد هــدّيه يا بنت الاجـاويد هــدي قلـبي صحـاري ظامـيه و انتي له سـدّ أسقيه من وصلك شـرابٍ يهـدي جــاله ظــمى. جـاله عوامـل تجـدد جـت له سنين ٍ ظالمه ما تقــدي مـع ظـيم خـلاّنه مـع الوقـت والصـد اصـبح يعيش بحيرته وش يبدي تراكــمت و الوقــت فيــها يتهــدد صـارت جبـالٍ راسخـه ماتصدي تحــدّني واحــد انا الشــعر له حـــد واسهر واسامر دمعتي فوق خدي وارسم خيــوط من الأمــل ما لها عــد واكتب عليـها يا ظـروفي تحـدي والليل يمـــضي و الخـــلايق تمــــدد واصبح وراسي شــايله فـوق يدي - - الشاعر / راعـــي العــــــنـود عبدالرحمن بن صالح البطي ============================= (20 ) ( المريخ وعطارد ) بالســـلام أبدا كـــلامي يا سـلام و المعــــاني يا جمــــاعه وارده ما أخــــاف اللــوم لو جــاني ملام جــبتـها يوم المعــاني ســارده دامـــها تـــارد تبـــي زين الكــــلام حاضــره عندي ولا هي شارده مــا كسـبته بالدراســـه والعــــلام وارثه مـن جــدي اللـي فــارده أكـتب المعــــنى و اجــنبـه الثــلام واجـتهد له واحشــره واطــارده و اتخــيّر بالســمــينه عـــن هـــلام و اخــذ الجــزلـه بدال البـارده ماهـــنتني عيــشتي وسـط الظلام و لا عـلى المــريخ ولاعطـــارده الأمــــاني مـــا تحـــقق بالحـــــلام كيــف و الدنيــا علـــينا جــــارده مـا شكــيت مـن الزمــن مـــع الآلام ولا شـكيت حظي مع اللي قارده ســقــتها و القـــافــــيه مـــا بين لام بصــــدرهــا والعــجـــز يلــزم آرده - - الشاعر / راعـــي العــــــنـود عبدالرحمن بن صالح البطي ============================= ( 21 ) ( الودااع ) الوداع اللي حصل يوم الـوداع دق ناقوس الخـــواطر يقرعه جـاوبت وناتها عـوي السبـاع وابحـرت من بعد فل الأشـرعه للضياع اللي يـودي للضيـاع للدروب اللي تجـيني مسـرعه للمحــاني بينها الخـافق يلاع للحـناجر غصّـة ٍ ما تكـرعه للتشـرّد للعـنا درب الوسـاع لين يلقى كـل هايم مصــرعه للهـبـوط المعــنوي للإرتفاع لانخـفاس الأرض تحته تجـرعه لانعكاس الضوء في وجه الشعاع للظلام الدامس اللي يخرعه للجنـون فنون ما ادري ابتداع للقوافي جــاهـزٍ با لأدرعه هاجت اشواقي تريد الاستماع والخواطر وزّعـت له أفـرعه واشتكى قافي ولـوّ انه شجـاع ماشتكى زرع ٍ هو اللي يزرعه يا مطـاع فـ عالم اللا مستطاع جل من هـو صوّرك ماابرعه - - الشاعر / راعـــي العــــــنـود عبدالرحمن بن صالح البطي ============================= ( 22 ) ( بحــور الشقى ) من بحـور الشقى والهـم والبهذله في محيطات فكـري يوم وقتي قسى أقبلـت بي صفـوفه كنها سلسله كل منها على شاطي غـرامي رسى جبت منـها معـاناتي لهـا زلزله يا عسى تنفرج لي ضيـقتي يا عسى فرقـتنا الليالي ,,,,طـالت المسأله مادَرَت بعدها وش صابني من أسى يا عنـود ٍ لهـا في خـافقي منزله ماتفارق خيـالي في صباح او مساء ما خـلق لاوربي مثلـها مُكْمـَلَه من بلاد الحجاز الى جـنوب الحساء الفضاء ضاق بي والزين كيف اوصله واكبر مصـيبتي ان كان خللي نسى \جيت لدروب وصـله كلـها مقفله ماهوى القلب غيره من جميع النساء أرحمي حـالة اللي ميّت من الـوله عـاف زينة حياته زادها والكسى - - الشاعر / راعـــي العــــــنـود عبدالرحمن بن صالح البطي ============================= ( 23 ) ( دانة العشق ) ياهـل الهـوى والمحبـه وينه الوافي وين اللي من بد خلق الله لهانوفـي الصاحب اللي ظروفه صعب ينشافي ياخوفي من فرقته يا نـاس يا خوفي ابوجديل اشقرٍ من فـوق الاكتافي والعين في ظـل رمشٍ فوقه وقوفـي أنشهد ان البني مـن عقبه تعافـي لو احترق من سببها داخل الجوفي يادانة العشق في بحر الهوى الضافي من دونك الموج لافن يالغضي لوفي أصارع امواجها من دون مجدافـي واداري امواجهافي مجمـع كفوفـي ياسيّد البيض وضعي ماهب الخافي أنتي تعرفين وش هي كامل ظروفي ياغايتي بالهوى يابنت الاشرافي هذي همومي تشيله عنـي حروفـي - - الشاعر / راعـــي العــــــنـود عبدالرحمن بن صالح البطي ============================= ( 24 ) ( شاشة التفكير ) الهمـوم الشوارد جتني تسعى وتطوف من على شاشة التفكير مايختفن راصــد امــواجها اللي هــادره يالهنوف هــم غـاطي علي وهــم يتلحفن الهــمـــوم لو يخـــوفها لمــيع السـيوف كان طاعـن كــلامي يومـها وقفـن و سـألتني عــلام الترف زين الوصـــوف جـــاوبنّه ضــلوع الصــدر له يهتفن وارتبكــت بمكــاني يوم طــال الوقـــوف لا جـزاء الله همـومي خير يومٍ لفن كيف اداري همــوم ٍأقبـلت لي صفـوف يالله انـي دخيـلك شـي مـايوصـفن وابكي الحـال واصفق بالكفـوف الكفوف وادري ان الليالي عمـرهن مانصفن - - الشاعر / راعـــي العــــــنـود عبدالرحمن بن صالح البطي ============================= ( 25 ) (جــيــتــك مــنــتـهـي ) ايـه أنـا جيتك بروحي رافع يديني سواء تـعرفين شلون جيتك ..يعني جيتك منتهي خالص ٍ بالحيل خالص مالي الا انت ِ دواء بـس حـبك فـي خفوقي مستبد وعنجهي سـاطي ٍ بأقصى المحاني بالمعاليق ألتوى مـاخبرته لـو دقـيقه عـن هواكم ملتهي احـسب انـي قبلك اقدر للمفارق والنوى واحسب اني مانثني لك وأثري أول مرتهي مـاكفاك ان الـمعنى فـي محبتك انكوى تـآمريني والـمحبه مـابها أمـرونـهي فـلي العشره وخلي جرحي اللي مانطوى أنـشدي قـلبك وش الـلي بالمحبه يشتهي كـل قـلب ٍ مـايخير صاحبه لامن هوى والـهوى كـانه خطاي فعاتبيني وأشرهي - - الشاعر / راعـــي العــــــنـود عبدالرحمن بن صالح البطي ============================= ( 26 ) ( علمـيني ) علمـيني ويش اجاوب لا نشدنّي ساريات الليل عنك يالحبيبه لو سألت النجم عنك صـد عنّي حار في مسراه عن سكة مغيبه لوسـألت سهـيل في مجراه حنّي صفق كفوف الندامة يلتوي به لو نشـدت الليل ما نمت متهني آخـذٍ من حالـتي باقي نصيبه اجـذب الونات و اهيجن واغني واسكب العبرات وجروحي عطيبه واسـهر عيوني على دنيا التـمنى وادري انك عـلتي وأنتي طبيبه علمـيني هاجـسي اخلف بظني المشاعر تسـحبن يـمك غصـيبه - - الشاعر / راعـــي العــــــنـود عبدالرحمن بن صالح البطي ============================= ( 27 ) ( قلّة الخاتمه ) هـكذا يا ليالي هـكذا يا سـنين هكـذا بيّني لي قـلة الخـاتمه عاش راس الليالي تكشف المستكين أبيض القلب صارت صورته عاتمه ليش هذي النهايه خابر انك أمين ليش هالحقد هذا بالحشى كاتمه كل مانتب تريده حاضر ٍ لك بحين مغـرمٍ مامشى في سـيرةٍ قاتمه واضحٍ لك وضوح الشمس لكن!!تبين لافركت اصبع ايدك تاجدن خاتمه لا حـبيبي تراهـا لعــبة الطيبين من سعـى له يعجل يبني في ماتمه مادري انتي سمعتي ماادري ماتسمعين ما دري الحـظ وقتي لاعنه شاتمه - - الشاعر / راعـــي العــــــنـود عبدالرحمن بن صالح البطي ============================= ( 28 ) ( وين انتي ؟؟؟ ) يا من عــذل قلبه المغــرم و لا طـاعه ما كنه الا عشـق من وقتـــه اللوعه كم مــرة ٍ عن همـومه حــاول إقناعه كم مـرة ٍ ينصـحه ما يصغي سموعه عــليه جار الزمـــان و غـيّر ا طــباعه من فعل سـود الليــالي صـابته روعه اسـتوحـش الـدار ما يبغى بها طماعه واستعذب الليل يسهر مَسنده كوعه مــا كــنه ا لا بدار ٍ كـــثرة ســـباعه جــاها جفـــاف ٍ شــــديدٍ زوّد بجوعه قلبي رضى بالشقى يستـوطن بقاعه يحيــطـها بالجـهـــات الأربع ضـــلوعه قلـــبي يحــن وحنـينه زوّد أو جـــاعه مــا كنــه الا عــــزف للحـزن مقطوعة كنه غـرير ٍ بكــاء مــن فقـــد رضـــاعه توّه صغــير ٍ و لا كمّــل به اســبوعه وين انتي ياللي بك الأشــواق ملتاعه وين انتي ياللي بوسط القلب مزروعه وين انتي ياللي عيــوني منك دمّــاعه هو انتي عن شـوفتي يابنت ممنوعه والنيّــة الطــيبة ما هـــيب منــّـــاعه عن نيـة ٍ سـيّئه بالـناس مطـبوعه ذي قصتي مع خفوقي ساعه بساعه وش حيلة اللي خرج قلبه على طوعه - - الشاعر / راعـــي العــــــنـود عبدالرحمن بن صالح البطي ============================= ( 28 ) ( يابنت خافي من الله ) يابنت خافي من الله واعرفي خوفـه من خـاف ربه سـلم يا بنت الأجوادي اللي من أسباب حبك أنحرق جوفـه هـايم على سكّـته مـاشي وهو غادي حَبك وهـو يوم حَبك طاحت سيوفـه أعـلن بهـا طاعـة ٍ عـمياء و تنقادي ضـاعت حياته ولا حد قدّر ظروفـه وانتي بتـالي ظـروفه وانتـي البادي حتى الزمن بالفرح يضرب له دفوفه ما دري شمـاته او ان الشـي ذا عـادي من سبّتك والقصيد أنجنّـت حروفـه ضاعت حروف الهجاءفي حرف الابجادي يابنت ياللي بزينه خضّب كفوفـه خافي من الله مدامـك شـربي و زادي تعالي نعزف سواء للحب معزوفـه تطـرد هموم الهوى من داخل فوادي - - الشاعر / راعـــي العــــــنـود عبدالرحمن بن صالح البطي ============================= ( 29 ) ( ياعذاب العاشقين ) لو كتبت اشـواق قلبي فوق قرطـاس احترق تشتــعـل نار المــولـــع في بيـاض اوراقها لو نطقها لسان حلقي من ردى حظي شرق تنتــزع روح المشقّـــى من صــميم اعمـــاقها لـو شكــيته لليّــالي غـــاب نجـمــه ما طــرق مــن ســواد الحــزن فــيها حــزّنوا عشـــاقها عاشـوا هــموم الليـــالي حــزن تفـــكير وأرق كــل منهــم عــايش ٍ في عيـــشةٍ ماطـــاقها شلـتها باقصــى المــحاني يوم جافاها الورق واستـقــــرّت بالضمـــــاير ما قــــدرت فــــراقها مــن جهل فـن السباحه شي طبيعي لو غرق دام هــو يجهل وش اللي في طريقــه ساقها جــتني ماهــي مثــل كل الخلق..لااا.ربي فرق جـــادلٍ غـــض النهــــد ما دوّجـــت باســــواقها مـــا تريد الا النـــــوادر والنــــــوادر لـــــه ترق تخضــع ابيــات القـــوافي لاجــل سـود احداقها جـــلّ من هــو صـــوّرك ياناعـس الطـرف الأرق ياعــــذاب العاشقـــين وسـحـــرها واشــــواقها - - الشاعر / راعـــي العــــــنـود عبدالرحمن بن صالح البطي ============================= ( 30 ) ( آمريني لوسمحتي ) آمريني لوسمحتي وش تبين حاضرٍ باللي تبينه يابعدي والله انك لوبغيتيني رهين لاقطع القلب الشقاوي بيدي والله ان القاسي لعيونك يلين والله ان الصعب أرض ٍجرهدي جربيني كان ودك تعرفين أنقضي حبل الأماني واعقدي ماخلق مثلي بدنياالعاشقين أصعدي فوق الثريا اصعدي ذا مكانك لابغيتي تسكنين أوبغيتي بالمحاني أقعدي غاليه يالغاليه مالك ثمين غير قلب ٍبالهوى جاك يعدي جربيني يالحبيبه واطلبين ماني راعيهالو اخلف اوعدي - - الشاعر / راعـــي العــــــنـود عبدالرحمن بن صالح البطي ============================= ( 31 ) ( يفـــزلك قلبي) يفــز لك قلــــبي حــبيبي ويهــتز تهتز باســبابه محـــاني ضلوعي لا مـن ذكرت ايامنااللي على عز أحن مثل أم القــعود الجـــزوعي يالصـاحب اللي في جمالك ممــيز من مفرق الهامه جمال ٍيروعي حبك سكن وســـط المحاني وركز فيها معـــاني حبك اللي بطوعي أحســـها بين المحــــاني لهــا غـز واصبرواداوي علتي بالدموعي درّســـتها بالحـــب ابجــــد وهــوّز سقيتها طعم الهــوى كل نوعي أنا همــومي لــزتن للشعـر لـز حطيت في شعري دواء كل جوعي مـانيب من هو في حياته تحيز الفرق واضح بين سبت اوربوعي مانيب أفاخر بالشعـرواتـبروز أرجع واحسّب خطوتي في رجوعي أسلى والا مني ذكرته فانا افـز واهـز باســبابه محـــاني ضـلوعي - - الشاعر / راعـــي العــــــنـود عبدالرحمن بن صالح البطي ============================= ( 32 ) ( يالمشاعر وافيه ) دوري افـكار الـقصايدواقطفي مـن بـساتين المعاني قافيه وانـقشي فـي كف خلّي أحرفي ماأبي قولت عطاك العافيه أفـرضي رأيـك عليهاواعسفي مهرة الشاعر تجي له حافيه عـلّميها بـالقوافي مـاخفي واتـركي مااسفت عليه السافيه غوصي بحور القوافي واكشفي عن جواهر من منابع صافيه لـين مـحبوبي يـنادي أوقـفي هذي والله المعاني الشافيه أجـبريهاتلتفت لـي واكـتفي وادري انك يالمشاعر وافيه - - الشاعر / راعـــي العــــــنـود عبدالرحمن بن صالح البطي ============================= ( 33 ) ( قــبـل عـــدّك عــشـر ) احسب الوقت واحسب طول بعد المسافه والله انـي لا اجـي لك قبل عدّك عشر بـس تـكرّم عـلى ان كان مابه كلافه والله انـي لا جـنن كـل هـذا البشر قل رضيناعلى من جاء يسوق اعترافه بـالخطا والـقوافي عـن طريقه نشر قـل رضـينا أبنزع عنّ ثوب الكسافه والـبس ثـياب وصلك قبل يوم الحشر نـعنبو قـلب مـا يرحم ولا به روافه نـعنبو حـظي اللي ضاع من او دشر مـادريتي وش الـلي صابني ياحسافه مـن فـراقك احس الجوف يقشر قشر شـاعرٍ يـلعن الـيوم اللي عرفه قافه يـوم سـيد الـمها وشـر براسه وشر جـاوبيني تـرا مـاعندي أيّـة إضافه جـاوبيني ويالله أبـدي عـدّ الـعشر - - الشاعر / راعـــي العــــــنـود عبدالرحمن بن صالح البطي ============================= ( 34 ) (يــالـلـي تـراعـيـنـي ) لا تـمنعين الظل عن شوفة الشمس دام الـهدب قـبل الـخجل قد منعها درب الخجل خليه يمضي مع الأمس يـافـتنة الـعشاق ربـي جـمعها لا تـحجبين الـزين بالكف والخمس لا تـجرحين قـلوب زيـنك ملعها دامـك مـنعتيني من القرب واللمس لاتـمنعين الـشوف يـابنت مـعها يـاللي تـراعيني بـعينك بلا همس لا لا تـزيدي فـي جروحي وجعها في بحر نظراتك غمسن الهوى غمس واجــر ونـاتـي وكـل ٍسـمعها خـللي شعاع النور يجلي بي العمس خـليه يـجلي ضـيقة ٍبـي وضعها ياللي حسن ذاتك حمس خافقي حمس مـالـومهانفسي جـمـالك فـجعها - - الشاعر / راعـــي العــــــنـود عبدالرحمن بن صالح البطي ============================= ( 35 ) ( 1000 عبره ) كان انتي عني تنشدين الليالي انا نشـدت الكـون كـله بكبره لا تحسـبيني عنك داله وسـالي القلب ياترف القدم طال صبره والله يالوتدرين باللي جرى لي صارت يديني مابهااليوم دبره دنياً تصـفقني على كـل جـالي من ضوقهاصارت مثل جب الابره لا واهني اللي من الحب خالي ماصار مثلي للعـشاشيق عبره يابنت من يعشق حسين الدلالي مثلك فهو يحفر بيمناه قبره ماهمني غربي ولا ابغى شمالي ولا جنوبه ماأبي فيه شـبره إلااشـرقت شـمسك على هـملالي ينزاح عن قلب العنى كل غبره أنتي لحالك يابعد كل حالي وش القلم لولا تعابير حبره محتاج لك حاجة يتيم ٍلوالي تكسرت في خاطره الف عبره اسقيني من وصلك شراب ٍزلالي ذاك الشراب اللي خفوقي يخبره يكفي من التعذيب وقت ٍمضى لي ماكل قلب ٍلا انكسـر فاد جبره - - الشاعر / راعـــي العــــــنـود عبدالرحمن بن صالح البطي ============================= ( 36 ) ( الفاعل والمفعول به ) الفاعـل اللي غـرّته رفع ضمه كله على شانه عمل له عمايل والناس ترفـع قيمـته ماتذمه مادامت الضمه تشيل الهوايل هوالحبيب ان صارت الدار لامـه لوهـو موريهم نجوم القوايل واللي عليه الفعل مهدور دمه مفعول به منصوب والحال مايل زودٍ على نصب الفعل زاد غـمه يوم أنتصب واقف لوافي الخصايل بشرع النحو مافيه عدلٍ وذمه و لا بشـرع منســفات الجدايل اللي فـعايلهن هـلاك اومطمه ماعاد ينفع به جميع الوسايل سيدالعذارى و الرمامين زمه من فوق صـدره بيضـتين ٍبدايل اللي ثمانه شعشعن وسط فمه لا مـن تبـسم يعمـلن العمايل يجري بوسط القلب سحره وسمه وتقضي على المفعول بنت الأصايل,, - - الشاعر / راعـــي العــــــنـود عبدالرحمن بن صالح البطي ============================= ( 37 ) ( مهـــرة القــــــــاف ) عشت فيك الامل يوم الأمل مستحيل كيف مااعيشها وامالها بارقه جيت لك في يميني شايل اكبردليل القوافي من هموم الحشاحارقه وادري انه بحقك ياحياتي قليل كودزين القوافي لك تجي خارقه كودزين القوافي كنها السلسبيل لاجلك انتي الوحيده بالبشرفارقه مهرة القاف دايم من سلايل اصيل تستـحق المعاني طـارقه طـارقه لاجلهااطرق انواع القوافي هبيل و اترك افكار بالي بالفضا زارقه ثم اهل القوافي هلها من هميل وابتدي بغربها لين اوصله شارقه كلها لاجل عينك والقوافي تسيل لين اشوفك بوسط بحورها غارقه قولي مهما تقولي مايضر النخيل الشجـر تحتها باغصـانها وارقه - - الشاعر / راعـــي العــــــنـود عبدالرحمن بن صالح البطي ============================= [/c] اخر تعديل كان بواسطة » نادره في يوم » 15-03-2003 عند الساعة » 18:19. |
|
|
|
13-03-2003, 17:18
|
#2 |
|
مترجمة لغة المطر
|
رائعة شعبيات نادرة النادرة بارك الله جهودك لك كل الحب ولشاعرنا القدير راعي العنود كل التقدير والإكبار تحياتي لكما |
|
|
|
|
13-03-2003, 17:48
|
#3 |
|
شـــاعر مضر
|
رااااااااااااااااااااااااااااعي العنووووووووووود ملف يحتوي على نفائس الشعر الثمينة رااااااااااااااااااااااااااعي العنود ايها الاخ والصديق والمبدع صح لسانك الى ما لا نهاية أما أنتي يا نادرة ووش نقول يا بعدي عنك ؟ ما اقول الا ما قلته قديما ومثل ما قالوا قديمك نديمك [poet font="Arial,5,black,bold,italic" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""] بعض البنات تعوضك بألف رجال"="وبعض العيال الله يعافيه لا(شي) واقرب مثل شف (نادرة) بنت الاشبال"="بنت وتسوى الف (باشا) و(باشي) بنت الشيوخ اهل المراجل والافعال"="اليا غشاهم من سما الحرب غاشي [/poet] |
|
|
|
|
13-03-2003, 22:05
|
#4 |
|
شــاعرة
|
غاليتي نادره شكرا لقلبك وتسلم يمينك شاعرنا الرائع ابو صالح شهادتي فيك مجروحه يا خال  صح قلبك ويعطيك العافيه تحياتي وتقديري للجميع |
|
|
|
|
14-03-2003, 09:45
|
#5 |
|
شــاعــر
|
الاخت نادره مجهود رااائع تشكرين عليه وماهو الا امتداد لعملك الشاق في جمع ملفات الشعراء المميزن فتقبلي تحياتي اما فارسنا اليوم........... فلا املك الا ان اقول له صح لساااااانك يابو صالح شاعر جزل استفدنا منه في كل شيء اخلاق .... تواضع...... جزاله...... بالعربي....... شهادتي فيك مجروحه يابو صالح وتقبل تحياتي |
|
|
|
|
14-03-2003, 16:55
|
#6 |
|
شــاعـر
|
اختي نادره النادره في حضورهاا والمبدعه في مجهوداتها الله يعطيك الف الف الف الف الف الف الف الف الف عــــــــــــــــافــــــــــــــــــيــــــــــــ ــــــــه على هالمجهود الجميل والحضور المميز وترى راعي العنود والله يستاهل مشكروه اختي النادره والله يجعلك على القوه لك مني اعذب وارق تحيه اخوك نمر العتيبي |
|
|
|
|
15-03-2003, 01:54
|
#7 |
|
رحمة الله عليه
|
السلام عليكم :............ اختي الغاليه ونادرة شعبيات النادرة :نادرة ..................................الله يحفظك أختي ويوفقك يابعدي ,,, مجهود تشكرين عليه يالغاليه وهذي عاداتك طال عمرك ماهو في شعبيات فقط فأنت شعلة الإقلاع المضيئه قبل إفتتاح شعبيات ومن مؤسسي شعبيات وكبار شخصياته التي تفتخر بهم شعبيات ,,, جهودك لاينكرها إلا مغالط. الله يضفي عليك ثوب ستره... إنتظريني أرسل لك روابط القصائد الجديده الله يحفظك لأجل لا أكلف عليك الله يسعد أيامك ,, شاكراً ومقدرا لك سيدتي مجهوداتك ,,, دمتي بخير سيدتي ,,,, وتسلمين. سأعود للرد على كل واحد منكم لاحرمني الله قلوبكم الطاهره,,, ووقوفاً عند رغبة أختنا الغاليه : الجازي يشرفني أن أضع إسمي ... أخوكم . عبدالرحمن بن صالح البطي . راعي العنــــــــــــود مع تحيا1111111111111تي .. اخر تعديل كان بواسطة » راعي العنود في يوم » 15-03-2003 عند الساعة » 02:01. |
|
|
|
|
15-03-2003, 04:45
|
#8 |
|
شــاعر
|
النادره
السلام عليكم ورحمة الله وبركاته " " شكرا لك على ماقدمتيه " " وشكرا لك على هذا العمل الدؤوب " " باقه من قصائد الشاعر الجميل راعي العنود " " ويالها من باقه " " سلمت يمناك ولاعدمناك ايتها النادره " " وصح لسان ابو صالح |
|
|
|
|
15-03-2003, 06:58
|
#9 |
|
شـاعـر
|
الف شكر للرائعه ... للنادره .. وابوصالح ... مدرسة شعر نتعلم منه الكثير ... ايضاً .. هذه قصيده لـ عبدالرحمن البطي ... واحببت ان اضيفها ... ياللي شبكتيني بدرب الهوى شبك ### شبك القنص لاجودو في سلوكـه عشتك وانا محتار مااقدر ولا اقربك### تغيّرت كل الوجيه الضحوكـه والله فلاادري يالغضي ويش مكسبك### الصد عني حط بالقلب شوكـه مالاع قلبك راعبيه ولا اطربك ### ماركّبك قلب الشقـى فـي مكوكـه وانا اللذي لا ناحت الورق أكتبك ### قصيدة ٍ فوق الضلـوع محبوكـه مادري متى يصفي لي الجو واشربك### والقلب يشفى من جروح ٍ تلوكه مادامت انك معجبتني وانا اعجبك### وش فايده كـل ٍ يزيـد بشكوكـه ------------ شكراً لك .. ولراعي العنود ... تحياتي .. |
|
|
|
|
15-03-2003, 07:21
|
#10 |
|
العضوية الماسية للموقع
|
اختي الحبيبه / قهر يزيد تسلم أناملك يالغاليه يعطيك العافيه الله لا يعدمني وجودك |
|
|
|
|
15-03-2003, 07:24
|
#11 |
|
العضوية الماسية للموقع
|
الاخ ناصر الفراعنه تشرفت بردك الله يشرف قدرك ويطول عمرك للشعر والابدع لك مني كل التقدير والاحترام 0 |
|
|
|
|
15-03-2003, 07:27
|
#12 |
|
العضوية الماسية للموقع
|
اختي الغاليه / الغريبة الف شكر الله يشرف قدرك ارجو لك دوام الصحه والسعاده |
|
|
|
|
15-03-2003, 07:31
|
#13 |
|
العضوية الماسية للموقع
|
الجازي وانتي تستاهلين كل التقدير والاحترام من ناحيه الاسم الحقيقي لشاعرنا ســــــــــــــــــــــــــــــــــــمي انشاءالله بعد اضافه القصايد الجديده احط اسمه الحقيق لك الف شكر على التنبيه |
|
|
|
|
15-03-2003, 08:19
|
#14 |
|
العضوية الماسية للموقع
|
الاخ / خالد الشايع انا لي الشرف ان اجمع قصيد المبدعين واعتبر هذا وسام لي انا 0 وما هناك مشقه لجل شعبيات لو اكتب الليل مع النهار احس اني مقصره لان الانسان يجد نفسه في هذه الساحه أتمنى لكل القايمن على الموقع دوام التوفيق والنجاح انا دائما في خدمة شعبياتناالحبيبه وخدمة جميع الاعضاء لك مليار شكر 0 |
|
|
|
|
15-03-2003, 08:23
|
#15 |
|
العضوية الماسية للموقع
|
الاخ / نمرالعتيبي لك مني الف شكر الله لا يعدمنا وجودك ارجو من الله أن أقدم ما يليق بكم0 |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
