13-11-2002, 09:35 | #1 |
شــاعر
|
امسة الشاعر / نواف الدبيخي والدعوه عامه ومفتوحه
[poet font="Simplified Arabic,5,white,bold,normal" bkcolor="transparent" bkimage="backgrounds/15.gif" border="none,4,gray" type=3 line=350% align=center use=ex length=0 char="" num="0,black" filter=""] يقيم الشاعر \ نواف الدبيخي امسيته الشعريه يوم الخميس القادم بتاريخ 9 – 9 – 1423 هـ الموافق 14 – 11 – 2002 م في تمام الساعه التاسعه والنصف مساءا في فندق السفير – حي النسيم بمدينة الرياض شارع احمد ابن حنبل المتفرع من شارع عبدالرحمن ابن عوف المتفرع من طريق خريص مخرج 28 والدعوه عامه ومفتوحه للرجال فقط [/poet] تحياتي فيصل بن خالد |
13-11-2002, 09:54 | #2 |
شــاعر
|
اقول الرسميات انتهت الحين بعد ما حطيت الدعوه ترى نواف داق علي ياجماعه وانا والله مقصر بحقه وكانك بتشوف هالموضوع ياابو نهار فمنك السموحه بس والله اني سعيت لاجل احضر لكن والله اني انشغلت ومن مثلك يقدر الظروف المهم تراه ملزم والله ان كل اخوانه الغالين في شعبيات يحضرون وقلت له انا ابشر ترى بيجك وفد من شعبيات المهم الي يبي يجلس باول صف يقوله انا اعرف فيصل بن خالد والا اقولكم لا تقولون له لاني تذكرت اني متسلف منه 25 ريال وما رجعتها الى الان تحياتي اخوكم فيصل بن خالد |
13-11-2002, 09:57 | #3 |
شـــــاعــــــر
|
مشكور اخوي فيصل
شكرا لشاعرنا الكبير نواف على دعوته الكريمه وان شاء الله تكون امسية ناجحة ويؤسفني الارتباط المسبق ولكن أملي في امسيات لاحقة شكرا لك اخي فيصل على توصيل دعوة العضو الشاعر نواف الدبيخي وتثبيت لعيون شاعرنا الغالي وحبيبنا فيصل بن خالد تحيات اخوكم ابونوت |
13-11-2002, 10:03 | #4 |
شــاعر
|
تسلم ياابو نوت وفيك الخير والله بيض الله وجهك والف شكر على التثبيت اخوك فيصل |
13-11-2002, 10:41 | #5 |
..
|
اخوي فيصل مساء الخير شكرآعلى الدعوه فيصل قبل كل شي فيه سحور و الا ان كان نواف الدبيخي يبي يسولف علنا ولافيه سحور الحكي مالين منه في بيوتنا اخوي فيصل فيه ضرب مفاطيح ابشر بسعدك اول من يجي اخوي فيصل تسلم لا عدمناك وبالتوفيق ان شاء الله لنواف الدبيخي تحياتي لك يامن تقول انه تطور و اشترا سيكل العتب مرفوع والزعل ممنوع |
13-11-2002, 10:53 | #6 |
شــاعر
|
هلا والله ابو داحص والله مادري بس شف اما اني ادق عليك واتاكد واعلمك او اذا ما مداني بعد الامسيه اذا ما فبيه مفاطيح رح البيت مع نواف ههههههههههههه قله فيصل بن خالد قال لنا فيه عشى ما علينا منك عشنا واذا عشاكم تغدوا عنده ثاني يوم ولا تسرون خلكم عنده لين ما اجيكم ونتواجه بيتهم مسكين يا نواف هههههههههههههههههههه ولا يهمك تمون يا ابو داحص علي وعليه |
13-11-2002, 14:08 | #7 |
شاعر
|
مساكم الله بالخير بييض الله وجهك يابوخالد ويعطيك العافية على هالدعوة وأنا أتمنى من كل قلبي إني أحضر أمسية لشاعر كبير مثل نواف الدبيخي لكن الدوام ماخذ كل وقتي والله فأتمنى إن إعتذاري وصل للأخ نواف الدبيخي مع تمنياتي له بالتوفيق بالامسيه اللي معروووف نجاحها أخوك عبدالله التميمي ============================================== هذه الرسميات وخلصنا منها الحين نرجع لموضوع من اللي كاتب الموضوع فيصلووووووووه مسوي دعاية على بالي بتقط مع mbc يعطيك العافيه على موضوعك اللي جمله انه عن نواف <== مافي امل يمدحك زين بعد ماحطيت لي : (( سنعود بعد قليل )) (( عدنا )) ماقول الا مالت على حظييييييييييييييييييييي الفيصل واالله يوفق الدبيخي بامسيته انشاء الله |
13-11-2002, 15:52 | #8 |
شـاعـر
|
[poet font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=2 line=200% align=center use=sp length=0 char="" num="0,black" filter=""] مابقى الا البرد يلمس فيك شعره = والله اني لااحرقه من نار شوقي ياحبيبي .. يابعد كوني بكبره = لاتخاف البرد مادمت مْعشوقي هج صدري وانت تلقى القلب جمره = خذ دفاها واترك البرد لـْعروقي!! [/poet] [poet font="Simplified Arabic,4,crimson,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""] حـنــا ولِـدنــا فـي عـَـفـَـــاف المـضــارب .. = واليــوم .. حـنــا فـي المــدايــن عــــرايـا !! صـارت خــطــايــانــا تـسـمـى تجـــارب ..= وصـارت تـجــاربــكــم تـسـمـى خــطــايـا !! [/poet] نواف الدبيخي .. شاعر حضوره ليس كاي حضور ... سجلني من الحضور يافيصل ... " ان قالها الله " تحياتي ... اخوك ... خالد التميمي اخر تعديل كان بواسطة » خالد التميمي في يوم » 13-11-2002 عند الساعة » 16:05. |
13-11-2002, 18:01 | #9 |
شـــاعــر
|
فيصل بن خالد .. سجلني ضمن القائمة بعد خالد التميمي على طول .. وسلم لي على شاعرنا نواف وقله فيه واحد اطخم لابس نظارات من لينا روما بيجلس في الصف الأول ومعه واحد جبهته طويله عشان يرحب فينا اذا جينا خله يقول حيالله ( العيال ) عشان يعني كنا اخوياه ... والا ترى بنقوم نصفّر انا وخالد ونخرب الأمسية ( تخيّل خالد يصفّر والعرق اللي في جبهته ناقز من الحماس )) ******************************************* خلصنا من الهذره ونجي للجد ********************* انا بصراحة حضرت للدبيخي امسيته الأخيرة في الجنادرية واشهد بالله انه متمكن وانا اعرفه من قبل شاعر متمكن ولكن القاءه زاد من تمكنه .. يشرفني الحضور يابوخالد ( وسلم لي عليه ) .. تحياتي على فكرة ترى يمكن اطلب قصيدة ( خاينة بيت اهلها امس ) قله يجيبها معه لسببين : الأول انها قصيدة جميلة الثاني اني تشرفت بالنشر معه في نفس العدد من فواصل .. تحياتي ( وياكثر هذرتي ) |
13-11-2002, 18:34 | #10 |
شـاعـر
|
يالله انك لاتشمـّـت بي حسودٍ وعذال .....
لو تشوف الشـــامه على خــــدي ........................................ كــــــان انهبلت وصـــــابتك جنيـّـه !!!!! الوعد اول صف .. لاطــاح سوقك !!! |
13-11-2002, 20:41 | #11 |
شــاعر
|
عبيص التميمي يعني لا انت بحاظر وبعد تتفلسف اقوللللللللللللللللللللللل ترا اعلم ؟؟؟؟؟؟؟؟؟؟؟ مادري ايش باعلم بس الصيدات الي عليك كثيره وبالقط لي اقرب واحده واعلم يالله اشوف رح بلا داوم بلا هم ومر اقرب خطاط الله لا يهينك وسوي لوحه دعايه لشعبيات اكتب عليهم شعبيات الراعي الرسمي لنواف الدبيخي ههههههههههههههههههه |
13-11-2002, 20:43 | #12 |
شــاعر
|
خالد التميمي تسلم يا او خلود بس شف تكفى انتبه لا يجي النور على جبهتك وينعكس على نواف تراه ممكن يوقف الامسيه ويحرجك قدام الله وخلقه ويقول لك جهبتك يا ابو الشباب جهرتنا ههههههههههههههههههههههههههههه تسلم يا بعدي بس لا تودي معك فصفص وتقعد تفصفص خابرك وخابر حركاتك هههههههههههههههههههه |
13-11-2002, 20:45 | #13 |
شــاعر
|
ابو علي هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه والله انك قطعت بطني من الضحك الله يرج سموك هههههههههههههه ابشر بعزك بادق عليه واقوله عن القصيده بس شف تكفى اذا ما قال قصيدة عاقد حجاج اكتب له على ورقه بيدوس ببطنك الدب وهو بيفهم ههههههههههه والمعنى في كرش دبان يعني لا تسالني ليه ولو انا منك انتبه من التميمي لا تمشي معه كثير ياخي انت اطخم ولك سمعت طخوميه وهذا شين وجبهته كبيره وش يقولون الناس عنك اخاف يالفون عليكم اسم " الاطخم والوحش " |
13-11-2002, 20:48 | #14 |
شــاعر
|
خالد التميمي يانك نفخت راسي بهالشامه تقل ما احد عنده شامه الا انت وبعدين اول مره اشوف شامه كبر الخشم هذه وحمه ماهي شامه ههههههههههههههههههههههههههههههه |
14-11-2002, 11:47 | #15 |
عضو شعبيات
|
[c]الاخ ابو خالد ابشر بسعدك [/c] نبي تفزعلك ونبيض وجهك بالحضور ان زانت الظروف بس رجاء كل الرجاء خل حقين الشعبيات باخر الصفوف والا ترا يبي يفشلونك واحد مفاطيح واحد نظاره سوداء وجنبه ابو جبه لا بعد يبي يصوفر !!!!!!!!!! نصيحه اخوي فيصل لاتقول اني اعرفهم اذا احضرو والا ترا يبي يقطعون وجهك عند شاعرنا القدير الذي يحول بيننا وبين حضور امسيته المسافه وانت ادرا تقبل تحياتي واشواقي لك ولشاعرنا نواف الدبيخي اخوكم الجـــــــــــ((( وشكرا على الدعوه )))ــــــــــار |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|