07-08-2002, 09:39 | #1 |
العضوية الماسية للموقع
|
بدوي في امريكا / ابو مهنا
[c] ( من اللبس عريانه ) _______________ شربت القهر يابومهنـا وشـاب الـراس من البعـد والايـام والحـب واشجانـه اصارع هموم في يديهـا رمـح جسـاس واكابر واقول الرمح ما توجـع اطعانـه ادوس المخاطر عمد لو كان مـا تنـداس وصلت الجدي والطير مامعـي جنحانـه اجنب عن المنقود وابعـد عـن البـلاس وحدد وش الرجال مـن منطـق لسانـه وجربت من حب العذارى شديـد البـاس واصـد النظـر لونهـا تغـري الدانـه بعد شفتها في حفلة فـي مدينـه فـاس بذاك المكان اللي بـه النـاس طربانـه على الحفل معزومه وانا في البلد عساس من سبانيا عنـق المهـا جـا لجيرانـه خذتني بسود من كثيـر الكسـل نعـاس تحلف انها من خمسة شهـور سهرانـه موار الترف يلعب على العنق عقد الماس وموار الفقر فيها مـن اللبـس عريانـه بدتني بهولا ثم كوباسر وكومـو ستـاس واجاوب واقول بييـن والنفـس تعبانـه حشى كيف اصير بيين من عودها المياس يعيي يصد القلـب لـو غمـض اعيانـه وودعتها في زحمة الناس في الاعـراس بعـد ماخـذت رقـم المعـذب وعنوانـه وجتني بعد شهرين قالت اعيـش بيـاس ابي اسكن بواشطن واقرب علـى شانـه وصارت زميله في بحـور العلـم درّاس اصبـح عليهـا كـل ماجـات فرحانـه تجر الامل معها وانـا عقبهـا محتـاس بـدت معركـة مـلاك قلبـي وشيطانـه اذاكر بدرسي وافهمه واحفـظ الكـراس ولا شفتهـا بالفصـل ضيعـت ميزانـه اطلع لها ثقلي وانا في البحـر غطـاس بحر حبها اللـي فيـه بالحيـل غرقانـه وراحت من الديره وانا اقفـل التربـاس على القلـب لا يفتـح لهـا كـل بيبانـه على الخط ماشي من واشنطن الى تكساس افجـر قـزوز البنـز لعيـون جومانـه تسوق الغلا لي سوق الاشقر بنص الكاس وانا اصد عنها عمـد والنفـس ولهانـه اجامل واحاول لاجرح قليبهـا الحساس وانا اشوفهـا فـي غبـة اليـم هيمانـه بمره شرحت الها تراني عريب السـاس وليد البـدو مـا يتـرك سلـوم جدانـه وحنا عرب ما نقبل طبوع نـاس ونـاس ولاني بلك.. روحي.. ترى الروح زهقانه وردت علي بعبرة في الحشـاء محمـاس على وجنة ينبـت بهـا الـورد خجلانـه وقالت بصوت من قهـر خافـت همـاس انا اصل العرب كانـه يمهـك وديوانـه انا بنتهم فرسان يثرب علـى الافـراس تحت رايـة الاسـلام يمشـون فرسانـه على دربهم في القاهره حطوا الفسطـاس لهم تاج حكم الاندلس فـي اول ازمانـه فوارس قريش اللي تقدم لهـا القرنـاس عليه السفن في دفـة الضلـع حرقانـه خذتني مع التاريخ والعلـم مـا ينقـاس انا بين حلـم وعلـم واخـلاق وديانـه اجاهد سلوم البدو لـو ابعـد الارمـاس على شان عود شيـد الطيـب باركانـه مع الوقت يرجي رجعة ادباس لبو دباس وانا له كما عبـد تحـت شـور عمانـه صحيح الغلا ما يعرف حدود والا اجنـاس وصدق الوفا فـي داخـل القلـب ديانـه الشاعر / بدوي في امريكا ______________________________________________ - - يقول ابومهنا هلا في هلا في مرحبا مالهن قياس ,, ردود المثايل لجل حشمتك عجلانه اخوي ابو سلطان _____________ راحت علي اكبر من جبال الهدى لا كنني تداركت الامر فأعذرني كان الاولى ان ارد وما بعد ياتي لاكن الطمع في كرمكم وكرم من حضر كبير _____________ هلا عد ما ذعذع من الغربي النسناس وعدد من يجي للبيت ويطوف بركانه وعدد ما نبت نبت السحايب من البس باس وعد النجوم وعد ما ترعد امزانه هلافي هلا من قلب يامبعد المرماس على قول من مثلك ترى النفس شفقانه هلا في هلا في مرحبا مالهن قياس ردود المثايل لجل حشمتك عجلانه تراقص على قلبي تقول الزم القرطاس ودوك القلم وكتب من القول مليانه ولا يا رفيقٍ من هوى البيض فيه إعماس غداء به من الحور المساجيع فتانه فتاة غدت بصاحب الفانع الفراس كريم السجايا مانسي قول شيبانه نشب بين هاذي ذيك وقياس ماش قياس ضلاعين نجد اكبر من الغرب وإيمانه ترى الجرح يبرى مار وش يبري الإنفاس عيونٍ بكتك العام بدمع دنانه تحرى ( ..... ) كل ماجأ الضلام وداس عليهم سكون الليل ولتموا اخوانه انا معرف ارطن مار نا ثنق للمجلاس وانا اعرفك مقنعها ويهي منك غضبانه ترى الزين عانه من صفانه ليا المرداس اليا بطن نجد وكل حيِ لعربانه ياذيب السعد ياذيب ياذيب يا النوماس سلايل شيوخٍ تعرف العلم وسمانه لهم يوم هاك الحين ما فا لبلد حراس فعولٍ ليا عسم من الموت ذخانه صدور المجالس مايجي دونهن الباس كرام السبال بمعترك نجد وكوانه ولهم حاضرٍ يبهج سنا المجد والأوناس رجال ماهي في مدت الطيب منانه وانا اعرفك من هاك العرب وش يبأالوسواس يحايلك وانت من حصاء الصلب صوانه وترى البيض هذه طبعنه شوط كهرب ماس ليا طعت قلبك فالهوى هزن أبدانه يخلن صاح العقل يضرب خماس سداس حقايق وانا اعرف مع هل العشق طغيانه هذه قول من يجن النوادر مهوب هلاس رفيقٍ يحط الطيب لا جوه ضيفانه ولا يتبع العلم الملولس مع الولاس ولاهوب طبع(ن) له ولا طبع حيانه عدلت السفينه شرق لاكن حضي هاس وعدلت السفينه غرب شغله وخربانه وولعت لنبة زر وأقرعت فالجراس وراحت على السالفه شغلت ميانه علومٍ تقاس إقياس وعلوم ما تنقاس يا حيف السوالف كني إصغير ورعانه وحولت منها واحمد الله علي لباس وسكنت بمحلي خل كلٍ وسكانه ولو يحطب الحطاب عندك يكل الفاس يبن الخراج وخل جوني لجويانه الشاعر / ابو مهنا مع تحياتي جمعت القصيدتين لجل اضيفها في ملف شعار ساحة الاقلاع اختكم / نادره [/c] |
07-08-2002, 10:08 | #2 |
عضو شعبيات
|
نــــــوادر نــــــادره
تسلمين يا نادرة دوم انشالله نلاقي الازين وما بعيد عنك عزيزتي نادرة بما انك تواصلين في جمع نوادرك في الشعبيات ونوادر اخواننا المشاركين والشعراء ليه ما يكون في ملف خاص له موقع خاص بره المنتدى يمكن الدخول منه والاطلاع على مافي وتحت اشراف الاخوة المشرفين وبالاخص القصايد اللي فيها المحاورة او الردود . اخوك وادي |
07-08-2002, 10:12 | #3 |
عضو شعبيات
|
الغاليه / نادره والله انك نادره فعلاً ولا تجمعين ألا النوادر تسلم اناملك اللواتي كتبنا لنا هذا القصيد الرائع . والله يعطيك العافيه. صح لسانك ولسان الشعراء (بدوي في امريكا) و ( ابو مهنا) اخوكم / هبوب الشمال |
07-08-2002, 10:13 | #4 |
شــاعرة
|
يا سلام عليك
الغاليه نادره السبـّـاقه دائما ً للروائع تسلم ايدك وما قصرتي وصح قلب بدوي في امريكا وصح قلب ابو مهنا شكرا لقلوبكم وتحياتي للجميع |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|