04-03-2002, 05:26 | #1 |
شاعر
|
دريت إني أمس بغيت أناديك \\\\
وأرخيتها ساعة نظرني حسودك \\\\\ اخواني: اتشرف بتسطير هذه الابيات متمنياان تنال شرف قراءتكم واستحسانكم اتمنى ان يكون في بعض الابيات ادناه حديث موفق وممتع \\ يكون قريب للمتلقي وانا اركز هنا على المتعه والعذوبه التي اتمنى ان تتجذر في هذا المنتدى الجميل \\\\ مع المشاركه اللتي اتمنى ان تحوز على اعجابكم جميعا : دريت إني أمس بغيت أناديك يوم انه اخلفني تبارق خدودك ورفعت لك خفيه يميني بحييك وأرخيتها ساعة نظرني حسودك الحاسد اللي بارع (ن) بالشرابيك لا تلتفت لي لا نظر \\\ يابرودك هم الحسود وهم والدك حاديك الشايب اللي في يساره يقودك الحب مطلوبي ومطلوبه الشيك هو يحسب انه زود مهرك يزودك إن مات بـ يوصي لقبره يوديك أمن الجشع لا يأخذ أحد (ن) نقودك مادامه مصمم يبيعك ابشريك اغلاك سوق الحب واعلا عمودك يا زاهي (ن) للزين والزين زاهيك اظهر بياضك بين (ن) سحر سودك ينلام مثلي من يحسد المساويك ومسواك في فمك ومسواك عودك لابد يالغالي تزين المساليك وبنود محبوبك تعانق بنودك لك عاشق (ن) بالجد ياصل حراويك أحق بك من كل منهو يرودك إن كان قصر ما وفى جعل يفديك ما يستحق من اجل وصله جهودك مادمت يا خلي تبيني وأنا أبيك بأوفى لك عهودي وتوفي عهودك راجيا ان تعذروني على القصور اخوكم داهم العصيمي |
04-03-2002, 05:40 | #2 |
مترجمة لغة المطر
|
شاعرنا القدير داهم العصيمي قصيدة جميلة سطرت القيمة الحقيقية للعواطف الإنسانية التي لايقدر صادقها بزيف الدنيا ولمعان الذهب ! صح لسانك وطابت أيامك |
04-03-2002, 06:16 | #3 |
عضو شعبيات
|
السلام عليكم أخوي الشاعر/ داهم العصيمي قصيدة ولا أروع يا أخوي ، صح الله لسانك وأبقاك لنا، مادامه مصمم يبيعك ابشريك ........اغلاك سوق الحب واعلا عمودك أي والله ياداهم ، أنا اشهد يا أخوي ، رائع رائع رائع. تحياتي/علي الحارثي |
04-03-2002, 06:41 | #4 |
عضو شعبيات
|
الشاعر داهم العصيمي صح لسانك على هالروعه والابيات الجميله.. ولاهنت اخوي.. |
04-03-2002, 08:44 | #5 |
موقوف
|
مادامه مصمم يبيعك ابشريك ......... اغلاك سوق الحب واعلا عمودك شاعرنا الرائع .. داهم العصيمي سلمت يمينك على هذه الرائعه قصيده جميله .. ومعاني أجمل صح لسانك ملايين ولاعدمناك لك اعذب التحيات عطر الخزامى |
04-03-2002, 20:58 | #6 |
شاعر
|
الاخت العذبه قهر يزيد صح بدنك 000 وسلمت يداك ومشكووره على كل حرف كتبتيه هنا وايضا شاكر لك مرورك من هنا وحسن اطلاعك فمرورك مازال يعطر المكان لك تحياتي داهم العصيمي |
04-03-2002, 23:50 | #7 |
شـــاعــر
|
أخوي داهم العصيمي عيدك مبارك وكل عام وانت بخير يا أخوي عساها من نصيبك وعساك انت من نصيبها والله يجمع بينكم على ما تتمنى . بيض الله وجهك ووجهها اللي خلتك تكتب هالرائعه يالرائع . صح لسانك يا داهم وأنت من اللي أتابعهم بشكل خاص في هذا المنتدى . فلا تبخل علينا بالجميل ولا تطول علينا . فنحن بانتظارك . والى لقاء قريب . أخوك / عبدالله مران (1)- http://www.eqla3.com/cgi-bin/sh3r/ul...c&f=5&t=000753 (2)- http://www.eqla3.com/cgi-bin/sh3r/ul...c&f=5&t=000864 |
05-03-2002, 22:47 | #8 |
شاعر
|
علي الحارثي صح بدنك 000 وسلمت يداك ومشكوور على كل حرف كتبته هنا وايضا شاكر لك مرورك من هنا لك تحياتي داهم العصيمي |
06-03-2002, 05:30 | #9 |
عضو شعبيات
|
اخوي / داهم العصيمي صح لسانك على القصيده الرائعه والصراحه اللا متناهيه؟؟ هم الحسود وهم والدك حاديك الشايب اللي في يساره يقودك مسكين الشايب دايم يلومونه..؟؟ قصيده تعالج موضوع حساس ومهم الله يسهلها عليك وعلى جميع المسلمين.. مادمت يا خلي تبيني وأنا أبيك بأوفى لك عهودي وتوفي عهودك هذا هو المهم.. تسلم ويعطيك العافيه |
06-03-2002, 08:28 | #10 |
عضو شعبيات
|
اخوي الشاعر الكبير / داهم العصيمي ... ارحب يابن عاصم ... كالعاده لا تخلو قصيدتك من التفاصيل الدقيقه المشوقه والصور الرائعه ... انت مدهش ...حقا .. الحاسد اللي بارع (ن) بالشرابيك لا تلتفت لي لا نظر \\\ يابرودك ويابرود القصيد بعدك ياداهم . وعلى الود نلتقي . |
07-03-2002, 00:08 | #11 |
شاعر
|
ازرق وابيض ازرق حاسدك وابيض قلبك اشكرك على التعليق الذي اسعدني سعيد جدا بتذوقك لما اكتب وفخور بذلك اشكرك على كلماتك الرقيقه |
07-03-2002, 00:14 | #12 |
سيـــف الســـيــف
|
الاخ/ داهم العصيمي صح لسانك 00 وسلم جنانك للمره الثانيه اقراها وتزداد روعه اكتشفت مواطن للجمال في كل مره وهذه ميزة الرائعين لك تحياتي لاعدمتك |
09-03-2002, 22:59 | #13 |
شاعر
|
عطر الخزامى كالعاده رد متالق اشكرك جدا اخوك داهم العصيمي |
12-03-2002, 00:35 | #14 |
شاعر
|
عبدالله مران لردودك وقع خاص في نفسي تدوم يا ابن مران اخوك داهم العصيمي |
12-03-2002, 17:48 | #15 |
شــاعر
|
اخوي الغالي داهم العصيمي: صح لسانك على القصيده الجميله.. مع اني لي ماخذ على معنى بيت واحد وهو ان ابوها يطلب عليها مهر ويبي يبيعها..فهذا ليس الا مسبه لاهلها فكيف تمنى ان تناسب من هذه صفاته. هذا مجرد رأي مع اعجابي بكل القصيده الا هذا البيت تمنيت انك لم تشير اليه لانه قد لا يشجعك على التمسك بها دام اهلها بهذه الاخلاق والجشع.وان تمسكت فقد تخليت عن شي عظيم وهو النسب الطيب. هم الحسود وهم والدك حاديك الشايب اللي في يساره يقودك ( اختيار غير جيد للكلمه يقودك) الحب مطلوبي ومطلوبه الشيك هو يحسب انه زود مهرك يزودك إن مات بـ يوصي لقبره يوديك أمن الجشع لا يأخذ أحد (ن) نقودك مادامه مصمم يبيعك ابشريك اغلاك سوق الحب واعلا عمودك صدقني اني اقصد من هذه الملاحظه تنبيهك الى ما قد يخلف معنى قصيدتك..وتأكد ان كلنا نقع في هذه الاخطاء واحيانا لا نوقع ماذا تعني للاحرين. تقبل تحيات اخوك البدوي |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|