[صـالح العجمي]

هب عشق المدنية من سواد بعينك= وانبتت شوق في كل الطرق لجل لقياك
كل بسمة تمنت ترتسم في يدينك =وكل نسمة هواء صافي تعانق محياك
مرة اشعر بقربي لك وكاني جنينك =ودوم تسكن خيالي وانت لاهي بدنياك
اقسم اني شعورك اقسم اني حزينك= وانا طلة دموعك وانا ضايع بلا ياك
اعرف انك مقيد واعرف ما في يدينك= كل ما كان من فرقا سببها خوياك
بعتذر لك واسطر كل حرف بجبينك =واوعدك ما يخونك يوم حرفي وينساك
كل قصة حكتني في صداها حنينك =وكل فرحة غشتني سرها كان يمناك
لاتفكر حبيبي يوم برحل واهينك =والسرائر بجوفي كل لحظة تمناك

صالح العجمي