17-08-2009, 01:36
|
#1 |
|
شــاعر
|
عـــيون الـــثلـــج
السلام عليكم ورحمة الله وبركاته اولا احب ان اهنئ الجميع بلول شهر الخير سائلا العزيز القدير ان يعيننا على صيامه وقيامه. مشاركه بسيطه كل المنى ان تنال استحسانكم الشمس دارت وأثرت بالحراره ذابت عيون الثلج من قبل جسمه موقف اشوفه بين تاره وتاره والا الصحيح انه تعابير رسمه احيان أحس اني فهمت الاشاره وأقول قسمه بين قسمه وقسمه واحيان مدري والمراره مراره اما لزمت الصمت وان صحت باسمه شي يمرك وان تعدًى مداره لا ماسلمته والمشاريه دسمه ياصاحبي باس الحديد انصهاره مثل المطر لامن تعداه وسمه ماهي سوا درب الوعاره وعاره والا الرجا كلن وللكل قسمه هاك الجبل وان طال اصله حجاره ماعجًز الماء يوم بالامر حسمه اما اخذت من الصداره صداره والا رضيت الصمت من غير بسمه انا بدويً النفس قبل الحضاره يعني عزيز النفس والليل عسمه اهل الصقاره باخصين الصقاره واللي وسمها باخصن وين وسمه واللي على بالي وتملك وقاره تمر فيني بين نسمه ونسمه بين الضلوع هناك بأقصى مدراه محفور اسمه والمعاليق باسمه هناك بس هناك وقع الحراره يومن تذوب العين من قبل جسمه هناك كل الكون زاد انصهاره واللي بقى منها وبالعين رسمه |
|
|
|
29-08-2009, 14:26
|
#2 |
|
شــاعر
|
رد : عـــيون الـــثلـــج
هنا شعر يالطويلعي على مسؤليتي التامه انك مبدع الى حد الاتقان |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
