01-02-2009, 11:08
|
#1 |
|
شــاعر
|
شعور ابلغ من انك تنطقة ومن انك تطوفة ( الابل )
اصوّر بالشعر وصف الابل واعــجز عن التصوير=واصير بعــيد عن سيفي وغـيري تقرب سـيوفة ذكـرها الله بوسط الـغاشـــية وبـداية التكــوير =وذكرت الله علي خلق الله : اللي ميّز وصوفة خلقها الله ووصى الادمي فيها عن التقصير=وعـسى اللي مايخاف الله بالابل يبشّر بخوفة رسول اللة صلّى الله علية اعداد فعل الخير =شرى الناقة من الصديق ابو بكـر وبلا حسوفة وتمنّى الشيخ ابن باز الكفـيف انة يشوف بعــير=وتـمنيت ان ربي ردّ شوف الشيخ ويـشوفــــة عسى الله يرحمك ياشيخ الاسلام وعساك تصير=بصير بداخل الجنة ،، وعندك نــوق مصفـوفة -مايعــرف قيمة الابل العـريقة غير رجـلً غــير=ربا - معــها وشبعـــها وطبعها على حــــروفة -يازين الابل قبل الشمس ماتشرق ويصحى الطير =تسولف مع بعضها عن بعـضها بروح مالوفة -تداحم عند حوض الما ويزقــح من ظماها الــبير =تقل حجاج اجانب عند باب الكـعــبة تحـــوفــــة -اشوف الحمر بالمفلا (شفق ملتّم وقت عصير)=وتشوف الصفر منها (شمس قبل تغـيب)مكسوفة -مسار الوضح : تقل امواج تطوي بعضها وتسير=وظهور الملح :روس بــيوت شعـر بمجد محفوفة -الى حطوا على البكرة شداد وزادوا التكــــبير =عروسة لابسة تــــاج وعلى العـريّس مزفـوفـة -وهي تمشي يوّصل خُـف رجليها يديها : مــــير =تقل تسبيح اصابع شيــــخ تلحق بعض بكـفــوفة -تجي لمراحها من كبد مرعاها ،، واجـي واحير =واقول بطـــونها مجلس كريـم مشبع ضيوفة -تقــول :عروقـــــها ليّات للتوريد والتــــصدير =واقول :عروقــــها ساقي على نخلة وملفــوفة -الابل ارقابها اقواس مسجد واكب التعـــمير =الابل الله طرح فيها بركة وانــفـــــاع مشيــوفة طبيعي تاكل الشوك ويلطّــخ خـفها الــنويّر =وتصبر صــــبر مايصبر علية الوقت وظروفة يابوك بعينها لـ أبن ادم من الحــب والتــــقدير=شعـور ابلغ من انك تنطقة ومن انك تطـوفة وصايفها الطبيعية تزود وتـقــبل التطـــــوير =كثر ماهــي بـــــمجهولة كثر ماهي بـــــمعـروفة من اول : يوم وقـت الفقر كان اللي مــعاه بعـير=مثل من يفخـر بهذا الزمن في كــثر مصروفة اخر تعديل كان بواسطة » عبدالله الراشد في يوم » 01-02-2009 عند الساعة » 11:13. |
|
|
|
01-02-2009, 14:40
|
#2 |
|
شــاعر
|
رد : شعور ابلغ من انك تنطقة ومن انك تطوفة ( الابل )
من اول : يوم وقت الفقر كان اللي معـاه بعيـر مثل من يفخر بهذا الزمن فـي كثـر مصروفـة الله الله ياسلام عليك مبدع ياعبدالله صح لسانك مليون ولا يكفون تقبل مروري لاعدمتك |
|
|
|
|
03-02-2009, 05:50
|
#3 |
|
شـــاعرة
|
رد : شعور ابلغ من انك تنطقة ومن انك تطوفة ( الابل )
من اول : يوم وقت الفقر كان اللي معـاه بعيـر مثل من يفخر بهذا الزمن فـي كثـر مصروفـة صح لسانك ياعبدالله التواصل المستمر مع قوافي البوح والتفاعل مع الآخرين من أسباب ألفة الآخرين مع متصفحاتك فلا تحرمهم ولا تحرم متصفحك من زيارة الآخرين له احترااماتي  |
|
|
|
|
14-02-2009, 20:56
|
#4 |
|
شــاعر
|
رد : شعور ابلغ من انك تنطقة ومن انك تطوفة ( الابل )
فهد بن عميان يا اخي اشكرك كثيرا وممتن لك |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
