20-05-2008, 22:49
|
#1 |
|
شـــاعــر
|
على الله اعتمادي..واعتصامـــي.
وردت العد..تالي الليل ظامي=وكلا له نظام ولي.. نظامي. وردْت وخابر اني لي وردْته=تخطْفته..كما الحر القطامي. هلا يامرحبا مالاح بارق=وماحن الرعد.. شرق وشامي. على العليا يبو يمنى سمينه=ووجه النور جلاى الظلامي. خوي الطيب مايلحقْه شكه=لحيث انه من ربوع(ن)حشامي. اعرفك وانت فيما قلت صادق=شهادة حق.. مافيها كلامي. خويي في النفس والضيق دايم=ولا انت ب لا ردي ولا انهزامي. لاوالله غير كفو..وكفو غصبا=ولا فيها خوال ولا عمامي. وصلت بطيب راس وتستحق ال=نعم ..والدار بلغها سلامي. علي ميراد بقعا..شفْت بقعا=تخطف النوم..وتصحي النيامي. تلوذ بريح عنْبرها..وتنْفح=بليل فيه من مسك.. الختامي. ونحْيت الشعر واوْميت للي=لها وقع كما وقع الحسامي. تخطم الريح لي هاجت وماجت=وتسري بي على جنح الغمامي. ويممت الطريق السمح وجهي=علي الله اعتمادي..واعتصامي. بعروة حق تجلا كل ظلمه=وربع قدحهم حامي..بحامي. تبارينا علي طيب ومعزْه=ولا فيها انتقاد وْلا ملامي. تجاذبنا علي بوح القوافي=بشعبيات مدهال الروامي. سلام الله على هلها عدد ما=تهب النود..وينوح الحمامي. ولك مني تحيه وانت سالم=ملاها الشكر في مسك الختامي. وصلي الله علي محمد واله=شفيع الخلق في يوم الزحامي. |
|
|
|
20-05-2008, 23:15
|
#2 |
|
متنبي الشعر الشعبي
|
رد : على الله اعتمادي..واعتصامـــي.
الله الله الله الله الله عليك يامحمد وعليك السلام والله يابو مدران ياحي ذا النبا وهالطاري صح لسااااااااااانك يامحمد والله اني ضيعت وش اقتبس من هالجزله لكن والله اني جالس اصفق لك وانت ماتدري يالله يالله يالله يالله عليكم والله انكم كفو وعمالقه في رجلتكم وقصيدكم ومن لا لقى قولة كفو في شبابه حرام ماتنقاله لاغدى عود كفو ومليون كفو انت وسالم وكل المطاليق شرواكم وشرف لي اكون اول من يرد وعلى مثل هالقصيد نتسابق لاعدمتك |
|
|
|
|
21-05-2008, 02:34
|
#3 | |
|
شــاعـر
|
رد : على الله اعتمادي..واعتصامـــي.
إقتباس:
صباحك عود ازرق نص مذهل وجزل من شاعر كالمطر ياتى لينبت الورد صح لسانك ولك  |
|
|
|
|
|
21-05-2008, 03:25
|
#4 |
|
شـــاعر
|
رد : على الله اعتمادي..واعتصامـــي.
الله الله الله الله شعراء كبار ومبدعين ، كانت الرسالة من سالم وأتى هنا الردّ من محمّد هو درس لمن يبحثون عن القصائد الأخويّة لم يكن درساً فقط بالشعر وإنما بالأخلاق وبالمحبّة أمطرتمونا شعراً لله درّكم أدام الله المحبّة بينكم ولا حرمنا من ابداعاتكم |
|
|
|
|
21-05-2008, 06:09
|
#5 |
|
شــاعر
|
رد : على الله اعتمادي..واعتصامـــي.
صح لساااااااااااااااااااااااااااااانك انشهد ان به شعر وشااااااااااااعر ووووووووووووووونعم بكم لاهنت |
|
|
|
|
21-05-2008, 08:53
|
#6 |
|
رجّال أجودي / شــاعر
|
رد : على الله اعتمادي..واعتصامـــي.
سلام الله على هلهـا عـدد مـا تهب النود..وينـوح الحمامـي. وعليك السلام والرحمة محمد صح لسانك ولاهنت عز الله انها قصيدة تهول شكرا من القلب على هذه الجزاله دمت بود |
|
|
|
|
21-05-2008, 09:17
|
#7 |
|
شــاعر
|
رد : على الله اعتمادي..واعتصامـــي.
صباح الشعر والجزاله ... الله الله يامحمد ... . شاعر كفو وقصيده تجمل .. . وش بيوفي هالقصيده من رد .. . ما أقول الا الله يبيض وجهك ياشيخ .. . إعجــابي وتقديري لـ ــك. |
|
|
|
|
21-05-2008, 09:29
|
#8 |
|
شــاعر
|
رد : على الله اعتمادي..واعتصامـــي.
يا صباح الشعر يا بو علي ... ياخي انت تخلي اللي يوجه لك قصيده يراجع نفسه 1000 مره قبل لا يفكر يرسلها .... لجزالة الرد ... شاعر غير طبيعي يا محمد ... شهادتي فيك مجروحه ... ومدحي فيك مجروح .... لكن ... لولا صدق امثالك بالعتب النابع من الود ... لما تنبهنا لبعض الأخطاء... وانا مؤمن بأن ... صديقي من صدَقني لا من صدّقني ... تحياتي وتقديري الكبيرين لشخصك ... وقلمك اخيك سالم |
|
|
|
|
21-05-2008, 11:29
|
#9 |
|
شاعر
|
رد : على الله اعتمادي..واعتصامـــي.
,, كفـو والله يا ( بن مـدران ) ,, نـص شـامخ كـاصاحبه ,, لاهنـت , وواصـل ابداعك طـال عمرك ,, أخـوك / أحمـد الزعبـي |
|
|
|
|
21-05-2008, 12:19
|
#10 |
|
شـــاعـر
|
رد : على الله اعتمادي..واعتصامـــي.
وصلي الله علـي محمـد والـه شفيع الخلق في يـوم الزحامـي. عليه ألف الصلاة والتسليم.. محمد .. أنت مجنون شعر.. لله در الشعر والشاعر.. للأمانه صوت وصدى إستمتعنا فيه ولو هي علينا تمنينا إن مشاكلكم ما تنحل عشاااان نستمتع بالشعر وحضوره فقط لا غيره..  صح لسااانك وبيض الله وجهك ووجه أبو حمد .. وهو يستاهل النوماس والتقدير تحياتي للجميع |
|
|
|
|
21-05-2008, 18:34
|
#11 |
|
شـــاعــر
|
رد : على الله اعتمادي..واعتصامـــي.
ارحب يالدحيمي.. الله يحييك في متصفحي...وصح بدنك وانت ماعليك زود طال عمرك ...شرفتني بمرورك وردك وانت سباق للطيب يامحمد..شاعر علم ورايك وسام لاهنت ولا اخلا ولا اعدم منك ومن شرواك.. صح لسانك بيت مهوْل والله ..الله لايهينك |
|
|
|
|
21-05-2008, 18:36
|
#12 |
|
شـــاعــر
|
رد : على الله اعتمادي..واعتصامـــي.
ارحب يالذيابي... صباحك نور وعافيه ان شاء الله ياخالد.. صح بدنك ولاهنت على مرورك ياذرب |
|
|
|
|
23-05-2008, 21:16
|
#13 |
|
عسـ طرقي ـاااس / شــاعر
|
رد : على الله اعتمادي..واعتصامـــي.
. . محمد مدران اليامي صح لسانك ونبضك .. ويستاهل سالم عز الله انكم كفو |
|
|
|
|
24-05-2008, 00:20
|
#14 |
|
شـــاعــر
|
رد : على الله اعتمادي..واعتصامـــي.
الله الله يامحمد روعه حضورك هو حضور الشعر دام ابداعك |
|
|
|
|
25-05-2008, 18:53
|
#15 |
|
شـــاعــر
|
رد : على الله اعتمادي..واعتصامـــي.
ثامر الشعيفان.. صح بدنك ..ولا عليك زود وانتم امطرتمونا بحضوركم..ومتابعتكم اللى تشرفنا والله .. لاهنت |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
