[سالم بن جلعان]

يا قلبي اركد تـراك اتعبتنـي جـدا = لو في يدي ما تركت آحب خلانـي
دامه على بعـدي وفرقـاي منحـدا = والهم يا قلـب فـي بعـده تعشانـي
فانا دخيلـك مهونهـا علـي واهـدا =طالبك بالله هد شـوي مـن شانـي
في درب فرقاه كن المـوت ممتـدا = ان سـرت توي واذا عودت ما أمداني
ولو هي على الكيف يوم اقفيت ما نـدَّا = جفنه .. ولا دمـع عيني بلل أجفـاني
اقفيت وانا التفت ياليت بـس امـدا = اني اعود واضمه حيل لاحضانـي
لكن حظي الـردي عـيا و يتحـدى = وقف مع الوقت في وجهي وخلاني
فرقاه لو هي بصم الصَّخْـر ينهـدا = وما ظنتي يحتمل لو ربع مـا جانـي
يا ليت وقت ٍ لفى به جـاب مـا ودا = ولا انْه ما جابه اصلا ً لي وعنانـي
لامن طرى في خيالي وقت قد عـدا = وانا بجنبه .. عرفت الحين حرمانـي
يا قلب هون علي ( والواحد الفردا ) = لارويك وصله لو ان الموت يحداني
ان قلت وفَّيـْت وانا رجل لي مبـدا = وانت تخبرني أثمـن كلمـة لسانـي
اهديتك لعينها .. واخبرك ما تهـدى = لكنها قد سـبت روحـي ووجدانـي
كنها على فارضتكـم جزيـة ٍ تـدا = ولو هي بكيفي لادور غـيركم عاني
ووالله لو هو حصل وابدلـك .. لابـدا = احبها من جديـد .. بقلبـي الثانـي