27-11-2001, 01:56 | #1 |
عضو شعبيات
|
سلام رديّةٍ(محاوره للي يرغب المحاوره من الشعّار)
السلام عليكم يالربع والله يقبل منّا ومنكم الصيام والقيام وحياك الله يالشاعر الاول اللي تبي تلعب واستلم لاهنت واللي مايبي اللعب يحيي الصفوف سلام رديّة(ن)تطرح سؤال(ن)فيه نسبة ملام****من شاعر(ن)ساقها باللي بها...للي يشوفونها اشوف شعّارنا صاموا..ومعهم هاجس الشعر صام****والشعر صومه بشهر الصوم..بدعه..لاتسنونها |
27-11-2001, 02:26 | #2 |
شاعر
|
حياك الله يا ساري الليل دمت والله يعينا على مجاراتك يالشاعر اسمع يامرحبا يامهلي والعرب كلن يعرف الكلام وياساري الليل مع دار الخلا لاتامن جنونها الله يقبل من اللي صام مايعمل وطول القيام والشعر خيله طوارى ماهو ابدايم يعنونها |
27-11-2001, 05:28 | #3 |
عضو شعبيات
|
ياشاعر مبتدي نعذرك لا ماتلام هذي قصيدة تدور من يوزنونها اسهل طريقه تعد حروفها بالتمام واخبربها قبل نشرك من يعرفونها <IMG SRC="cwm15.gif" border="0"> |
27-11-2001, 06:22 | #4 |
شاعر
|
الاخ بردويل الله يحييك ويديمك والحقيقه لاادري من تقصد انا ولا ساري الليل لكن انا حاولت حسب امكناتي مجارات طاروق ساري الليل قدر الامكان وطاروق ساري الليل صعب واعترف انه تعبنى بردويل اتمنى ايضاح اكثر و كذلك ساري الليل نرجو منه التعليق وانا اقول لكم اذا كان المشكله في لبيلتي سوف انسحب ويمكنك يابردويل الاستمرار مع ساري الليل تحياتي للجميع اخو الجميع داهم |
27-11-2001, 10:07 | #5 |
عضو شعبيات
|
<font size="5"><font color="Blue"><font face="Tahoma"><center>ساري بليل داهم !! والله ونعمين بالثنين وسجلوا بالله عليكم متابع اون لاين </center></font></font></font> |
27-11-2001, 10:33 | #6 |
عضو شعبيات
|
داهم تحيةوشوق وقبلها لك سلام والمعذره في عبارة شفت مضمونها وشلون ترحل وانااللي جيتلك ياهمام اماتسامح او انحن نعلن اضعونها |
27-11-2001, 13:26 | #7 |
عضو شعبيات
|
هلا باللي احضروا كلٍ باسمه واحب اقول للاخ بردويل عسى ماشر !!!!!!!!؟؟؟ ورح انت اللي انشد من تاثق فيه وهو يعلّمك من المبتدي وانت ياخوي داهم بيوتك موزونه عشره على عشره ولانيب انا اللي يقيّم شاعر فحل مثلك ياولد عاصم واستلم يا داهم لاهنت اللّعب مع حضرتك فرصه سعيده يارفيع المقام***والدرب ابسريه ...وان جتني جنونه بعمي عيونها اّمين...مير الطريقه ذي بها صار المحلّل حرام***ومنوّل الشعر خيله فاللّزز دايم تلزونها |
27-11-2001, 14:32 | #8 |
سيـــف الســـيــف
|
ياسلام عليكم ياساري الليل وياداهم العصيمي وربي لحن يطرب وشعار مافيهم قولة اظنه 00 شعار شعار بمعنى الكلمه اخوي جزاء حياك الله لي مده ما شفتك عسى المانع خير 000 وصاير اخر ايامك تحب الصفوف 000 ليتك تسوي لك طاروق انتوبردويل 000 وتخلونا نطرب ومن قدم السبت لقا الاحد وعزالله انك ياساري الليل كلامك الاخير وشهادتك في محلها واسمحوا لي بس بهالبيت ولو انه من الواجب ما اقوله علشان ما اضيع القاف عليكم لكن اللي مثلكم ما تضيق قدامه ما يسلم المسلم اللي في طريقه متبع للنظام ********** لابد صكات بقعاء والصدور ايفيض مكنونها ************************************* اخوي بردويل اسمح لي بهالكلمه وانا اخوك ترى اخوانك مايزعلون من اي انتقاد او توجيه اذا جاء بمحله000 وانا اشوفك عذربت في طاروقهم وطاروقهم ان كان اني افهم في الشعر شي فهو سليم ميه بالميهوابا اذكرك بقصيده مشهوره على نفس الطرق للشاعر حبيب العازمي اللي يقول فيها ياطير ياطير ياطير السعد ياللي تهز الجناح **********لاواهنيك ليا ضاقت عليك الارض خليتها واسف على المداخله اخواني واسف للاطاله للجميع تحياتي |
27-11-2001, 23:51 | #9 |
الضغط العالي
|
ياالله حيهم عز الله انها محاوره تستاهل المتابعه ولكن لا اوصيك ياساري اليل اركد وخلك راكد ولا تستعجل |
28-11-2001, 02:39 | #10 |
شاعر
|
جزا تسرنا متابعتك بردويل حنا اخوان والحقيقه ماعندي والله فرق انت ولا انا ونحن جميعا نستمتع هنا وما شالله عليك واضح انك شاعر متمكن وكلن له رايه واتمنا ان ردي القادم على ساري الليل يكون اكثر جوده عكاشه شهادتك نعتز بها خاصة انها من شاعر بطول قامتك وانا اعتقد ان بردويل ما كان اعتراضه على الطاروق لانه مشهور لكن ربما اعتقاده اننا لم نتبع الطاروق بالضبط المهم اذا ثبت هذا فالغلط وارد وقل من يسلم وهناك شعراء اكثر خبره لم يخلوا من من مثل ذلك الضغط العالي شكرا على المتابعه بس ليش ساري فقط انا بعد احتاج لتوجيهاتك ساري الليل الفرصه العافيه وانه يجنبنا اليمن والشوام يامدور الجن مع روس الفلا ما ينعرف لونها الله كريم و يجنب ياعميلي ســـكة الاتهام ومن هاجه الشعر جر البيت لو نفسه يجرونها |
28-11-2001, 04:42 | #11 |
عضو شعبيات
|
هلا وغلا تو مانوّرت الملعبه بحضورك يابو عبيد حياك الله ياملح المحاورات كلها الغالي الضغط العالي اررررررررررررررررحب يالله حيّه والله المشكله رديّةٍ بين صفوفها شعّارٍ فحوول شرواك انت وابو عبيد تجبرنا انا واخوي داهم على انّا نجيب اقصانا علشان ينبسطون شعارنا اللي فالصفوف حياكم الله والله يقوينا انا وداهم اخوي داهم تعال ابيك اقرب اقرب استلم لاهنت كل(ن)حسب مستطاعه ياعميلي يحتزم بالحزام***والجن..دار(ن)نكون ابها..تراهم مايطبونها ياداهم السالفه ماودّي اعطيها حجم واهتمام***خص(ن)وانا عندي علومٍ وابي منكم توحونها |
28-11-2001, 06:54 | #12 |
شاعر
|
تعليق لنلق نظره على بداية ساري الليل: سلام رديّة(ن)تطرح سؤال(ن)فيه نسبة ملام من شاعر(ن)ساقها باللي بها...للي يشوفونها لنلق نظره على بدع بردويل: ياشاعر مبتدي نعذرك لا ماتلام هذي قصيدة تدور من يوزنونها والحقيقه استكمالا للنقاش ولو اني ماني خبير بتقطيع الشعر بس بدع ساري الليل على طاروق طويل شوي وقد اجاده عكاشه وذكر كثال عليه بيت حبيب العازمي \\\\ وهو يختلف عن بدع بردويل الذي هو مشابه ولاكن اقصر واريح لانه فقد القفله اللي في الوسط في بيت ساري الليل اللي انا احاول مجاراته فيها ولو كان يابردويل بدع ساري الليل مثل ماقلت كان كان اسهل من شرب الماء بالنسبة لنا بس اخونا حب يمدها شوي \\\ على العموم اعذروني اذا تعليقي ماهو في محله |
28-11-2001, 07:02 | #13 |
شاعر
|
ساري الليل : العالم اليوم يبغا واحدن يركع بدرب السلام والذل خلا الرجال اهل السيوف تمشط قرونها هنيكن بالرخا والمعذره يالابسات الزمام ماعندكن علم مثل اعلومنا تقادح شطونها |
29-11-2001, 16:55 | #14 |
عضو شعبيات
|
الاخ داهم عذراََ على التأخير الغير مقصود واستلم لاهنت الله عن الخوف من غيره نهانا ياسليل الكرام***ماعاد دون الحلوق الاّ اليدين وقوّة امتونها الروح والحال كلّه فدوةٍ لمرودعات الوشام***وعلومنا خلّها بهمومها للي يطيقونها |
30-11-2001, 07:07 | #15 |
شاعر
|
استلم ماكل من خاف يسلم يانديمي ويتحاش السهام وماكل منهو بغادرب السلامه سج بيبانها انا معك وين ماتبغا تحرفها واقدم وسام وسام الاشعار لك ياشاعر اصخيت باثمانها تسلم اخوي واظن اننا نكتفي بهالقدر لان الموضوع استكمل \\\ شكرا لك على طيب رديتك وسلاسة ابياتك اخوك داهم |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|