[بدر القبيان]

بسم الله الرحمن الرحيم

السلام عليكم

ادري مقصر بحقكم لكن اقسم بالله اني مشغووول جدا

وهذا ليس عذرا لان والله ليس لي عذر

لكن اقسم بالله اني احب هذا المنتدى والناس اللي فيه

واتمنى تقبلون هذه القصيده المتواضعه للتخفف من زعلكم على بسبب انقطاعي عنكم
.................................................. ..............................
قبل اسافر ادري انك حيل يالغالي مغبون
...وادري انك ليلة البارح من الضيقه بكيت

وادري انك ما سهرت الليل واتعبت الجفون
...الا من خوفك وتفكيرك تعذبت وشقيت

وادري انك تحسب اني لو بسافر راح اخون
...ليه اخونك وانت اول شخص بالدنيا هويت

كان ودك تخفي همومك وخانتك العيون
....اعرفك من نظرة عيونك وباحزانك دريت

لا تحاتي يا حبيبي ولاتساير هالظنون
....والله اني لو بدور شخص مثلك مالقيت

اقسم اني صدق احبك حب سبب لي جنون
...أأأه لو تدري شسوي كل مابالي طريت؟؟؟

لا طريت انسى جميع الناس لو معهم اكون
...وانتشيبك واغفى مع طيفك ولا مني وعيت؟؟

ألـتـفـت لـلـناس ولا بالنظر يتسائلون
...مع منو تسرح؟ علامك؟وين رحت؟وين جيت؟

وابتسم واغير الموضوع والدعوه تهون
...واكتم العبره بعيني وعن شعوري ما حكيت

وقبل مختم طالبك حاجه واعرف اني امون
...طالبك لاتهل دمع العين لامني مشيت

واعرف ان ذكرك بقلبي وصورتك وسط العيون
...واعرف اني لو اسافر عنك كني بالكويت

[هتون الشريف]

الرائع بدر القبيان..
للسفرعند العشاق لغةً لاتعترف بقيود الحذر, ولاتبقي ولاتذر, مهما كان العذر..
ولكن يبقى للوفاء النادر..غنوة تترنم عذوبة, لتسقي الذائقة رحيقاً وتهديها بريقاً..
من خلال هذه القصيدة الجميلة..
صح نبضك إلى مالاااااانهاااية..
دمت بخيروسلام..
تحياتي وتقديري..

[ثامر الشعيفان]

أخي الغالي / بدر القبيان
وودي بس إنك تتأكد إن لك من الغلا في صدر أخوك شيٍ كثير
ولا نقدر نزعل عليك أبد ... لكنّا نشفق عليك وعلى خوتك ونفتقد اخواننا لا غابوا عنّا

بدر كـ العادة " رومنسي حدّك " :

قبل اسافر ادري انك حيل يالغالي مغبون
................... وادري انك ليلة البارح من الضيقه بكيت

وادري انك ما سهرت الليل واتعبت الجفون
................... الا من خوفك وتفكيرك تعذبت وشـقـيت


السفر و آثاره على القلب والنفس
يُروى أن أحد التابعين كان يبكي لمفارقة رفاقه وإخوانه حتى يُخشى عليه
وهكذا يكون حال المُحب مع من أحب لا يُطيق فراقه ولا يقدر عليه ... وذاك من علامات الحب الصادق


وإعرف ان ذكرك بقلبي وصورتك وسط العيون
.................... وإعرف اني لو اسافر عنك كني بالكويت

ذكرٌ في الصدر وصورةٌ بـ العيون .. ويصبر المحب بها ويتصبر

لا عدمت هالتواجد يا بدر
تحياتي لك

[طلال الجهني]

على ماقالو من غاب جاب الغنايم وانت جيبتها غنيمه داسمه
صح لسانك لاهنت
ألـتـفـت لـلـناس ولا بالنظر يتسائلون
...مع منو تسرح؟ علامك؟وين رحت؟وين جيت؟

[محمد بن حليلان]

طلال

سافرت بنا على متن رحلة هذه الرائعه
وقبل مختم طالبك حاجه واعرف اني امون
...طالبك لاتهل دمع العين لامني مشيت

واعرف ان ذكرك بقلبي وصورتك وسط العيون
...واعرف اني لو اسافر عنك كني بالكويت

صح لسااانك يالغالي ودام بوحك الرائع الممتع..

محمد

[بدر القبيان]

هتون الشريف
اشكر مرورك العطر
وانا مشكور جدا على هذا المرور
صح بدنك
ودمتي بالف خير

[بدر القبيان]

ثامر الشعيفان
اقسم بالله ماني شاك بالغلا
واقسم بالله انك غالي واكثر

واشكر على مرورك
وصح بدنك
ودمت بخير

[بدر القبيان]

طلال الجهني

يا هلا وغلا
سعيد بهذا المرور

وصح بدنك يالغالي
ولك الود

[بدر القبيان]

محمد بن حليلان

هلا فيك وانت اظاهر مضيع
انا بدر


وصح بدنك يالغالي
واشكر مروك العطر
ولك الود

[صالح العبدالكريم]

دائماً ما يكون السفر عند الجنس الآخر مدعاة شك لذلك اعتقدت انك سافرت لمدينة ٍ ما رائع هذا الإحساس وهذا التداخل من بيت الى بيت آخر فلا توقّف ابداً تقديري و احترامي

[تأبط شعرا]

لا طريت انسى جميع الناس لو معهم اكون
...وانتشيبك واغفى مع طيفك ولا مني وعيت؟؟





بدر القبيان
الحمدلله على السلامه يابدر
صح الله لسانك وأنت على قدّ الإنتظار وأعلى بـ شوي !






تحيّاتي لك وتراها وداعتك .. لا تبطي !

[بدر القبيان]

هلا وغلا
اخوي
صالح العبدالكريم

من ناحية السفر الى مدينة ما
مليون بالميه ولا ما كتبت هذي القصيده


اشكر مرورك يالغالي
وصح بدنك

ولك الود والاحترام

[بدر القبيان]

تأبط شعرا
اشكر متابعتك لي

واشكر انتظارك لمشاركاتي



واكيد انك تعرف سبب الغياب وانقطاعي

تغيرنا حنا مو على خبرك

صح بدنك يالاديب
ولك الغلا والاحترام

[نوف الثنيان]

النقي / بدر القبيان ..
صح لسانك ..
عوداً حميداً ..
أسعدنا تواجدك مرة أخرى في شعبيات ..

كل التقدير .

[متعب فهد]

أتعبت خيول الكلمة وأنت تروضها

سلمت ودمت

اخوك / متعب