[اجتماعي]

اخواني.. مشرفي واعضاء وزوار شعبيات..

السلام عليكم..وكل عام وانتم بخير..

يسرني ويشرفني ان انتسب الى هذا الصرح (الانترنتي)...

اليكم هذه المشاركه المتواضعه..والتي اتمنى ان ترتقي الى مستوى طرحكم الفكري..

القصيده بعنوان الجنز...حيث تعج الاسواق بالملابس الاجنبيه....ويرتديها بعض الابناء من مرتادي المجمعات التجاريه....ولم تقتصر هذه الظاهره على الشباب فقط بل امتدت لتشمل العنصر النسائي......

قصيدة الجنز... تنتقد هذه الظاهره... مبينة اسباب النقد...





[poet font="Simplified Arabic,5,black,normal,normal" bkcolor="transparent" bkimage="backgrounds/1.gif" border="solid,6,black" type=0 line=350% align=center use=ex length=0 char="" num="0,black" filter=""]
بعد ذكر خالقنا نبي نكشـف الصفحـات=على مـدة التاريـخ هجـري وميـلادي
الا يا زمن يا كثر ما فيك مـن نكبـات=مشاكلك بعد العولمه صـارت جـدادي
نرى المجتمـع تابـع لغيـره بتاثيـرات=تاثـر بعـادات(ن) دخيلـه علـى بـلادي
سلوم العرب ضاعت على ذمة الكشخات=وحجتهم التطوير فـي كـل الابعـادي
يقولون عصر الجنز والكاب والبـدلات=وانا اقول هذا العصر فالـذل يـزدادي
لباس الولد.. يمكـن تلبـس بـه البنـات=ولباس البنات.. يصير في السـوق ولادي
وزود(ن) عليها.. يضيق بالجسـم ملبوسـات=لباس المياعه والدلـع لبـس الافسـادي
الا ياهل الشيمـه.. والا ياهـل النخـوات=حذاري.. حذاري.. لا يضيعـون الاحفـادي
ترى ديننا واضح.. يحذر مـن الشبهـات=ويمنع مـن التقليـد للـي لـه يعـادي
كلامي موجـه للـذي يفهـم القـالات=ويعرف سلوم اهل العروبه والاجـدادي
وانا شرهتي تبقى.. على اللي لهم عـادات=ولكن بعض النـاس.. سـرداد مـردادي
وصلوا على اللي وضح الدين بالايـات=نبـي(ن) بعـث للخلـق.. تبليـغ وارشـادي
عدد ما سمعنا للرعد في المزون اصوات=وعدد ما برق برق(ن).. وما سال مـن وادي
[/poet]

[خالد الذيابى]

اجتماعى

عزالله أنك أقديت



وصدقت بالجنز وبهله



المشكله أنه ماله سنع




مالك ألا الثوب تمحطر فيه والسعه لابارك الله بالضيق السعه




صح لسانك



ولاهنت





تحياتى

[سعيد بن مقبل الأكلبي]

سلوم العرب ضاعت على ذمة الكشخـات . وحجتهـم التطويـر فـي كـل الابعـادي
يقولون عصر الجنـز والكـاب والبـدلات . وانا اقول هـذا العصـر فالـذل يـزدادي
لباس الولـد.. يمكـن تلبـس بـه البنـات . ولباس البنات.. يصير فـي السـوق ولادي
وزود(ن) عليها.. يضيق بالجسم ملبوسـات . لباس المياعـه والدلـع لبـس الافسـادي



صح لسانك




وصحيح



انك اجتماعي



قصيده يعجبني نهجها



سلمت يمناك ولاعدمناك

[أحمد آل حارث]

ارررررررحب ياخ اجتماعي






البيت بيتك وهلابك بين اخوانك في بوح القوافي





وصح لسانك على هذه القصيده الاجتماعيه





وتقبل تحياتي:





أحمد,,,

[اجتماعي]

الاخ خالد الذيابي

صح ابدانك ولاهنت..

يشرفني مرورك.. وتعليقك..

نعم.. اوافقك بان (التمطرح ) والسعه مطلوبه....لكن المسأله.. اخلاق وذوق وتربيه...


شكرا" لك ولمرورك.




اجتماعي

[اجتماعي]

الغالي / سعيد الاكلبي


صح الله بدنك..

اعجابك شرف لي.... ورأيك يهمني..


شكرا" على تعليقك.... ومرورك


اخوك / اجتماعي