30-09-2002, 17:54
|
#1 |
|
عضو شعبيات
|
عضو جديد عساه مايلقى عليكم شي
السلام عليكم ورحمة الله وبركاته عضو جديد تكفون رحبوبي والله من يوم اشوف كثر هاللي يتنطلون كل شوي واحد منزل موضوع عضو جديد ولا يرد عليه الا اثنين والا ثلاثه غاديهم بعد من زين الطبايع ربعه والا يمكن بعد هو باسم ثاني وانها تخنقني العبره علي انا ووجهي اللي على قول واحد من الربع كنه قدر عزوبي  بس ماعليه سحنتي وعاجبتني الله يرضى عليكم رحبوابي ( حشى قمنا نطر) لأنكم ماتدرون فيه ناسن شماته واجد على قول الشاعر: ماكلما يتمنى المرء يدركه ـــــــــــــــــــــــــــــ واللي نبي عيّا البخت لايجيبه واوعدكم ياللي يرحب بي ماتعرضه بعياره (ايه هين ) |
|
|
|
30-09-2002, 19:28
|
#2 |
|
..
|
ارررررررررررررحب
[c][shdw] عيار الديره مرحبآ مليون الله يحييك بين اخوانك في شعبيات المحبه اخوي انكانك تدور للعياره فهي في شعبيات و انكانك تدور للجمبزه فهي موجوده وان بغيت علوم رجال موجوده وكل طلباتك موجوده وان بغيت نذاله موجوده وكل شئ موجود في شعبيات و انت و رايك و ماتختار واعلوم الطيبه دئمآ احسن من الرديه؟؟؟؟  هات ويش عندك ياعيار من علوم مسيرها من وين ومروح وين؟؟؟؟؟  كاين فاين محدر وإلا مسند؟؟؟  شمالي و إلا جنوبي؟؟؟؟ اخوي العتب مرفوع و الزعل ممنوع  تحياتي لك اخوك عبد الرحمن اليحيى (؟؟؟؟) [/shdw][/c] |
|
|
|
|
30-09-2002, 21:06
|
#3 |
|
عاشقة شعبيات
|
...... .............. ياهـــــــــــــــــــــــ مرحبا ــــــــــــــــلا .... ... فيك . يالسنافي .... .. الله يحييك بين اهلك وربعك .... ... وتستاهل من يرحب فيك .... بس انت تفكنا .. من عيارتك ... ..... عاد حنا رحبنا فيك ... ... ويالله انت بعد رد التحيه .. وعطنا جديدك ... ... ولا تصير مثل اللي يسجل ... ويحط رجله ولا عاد نشوف الا غبرته .. .. لك مليووووووون تحيه ... .... اختك ... ... سرووووووبه ... |
|
|
|
|
01-10-2002, 01:16
|
#4 |
|
رحمة الله عليه
|
السلام عليكم ......... ياهلا والله ومسهلا بك ياعيار الديره ..........................وشلونك وشلون اللي جيت منهم ,, وشفت وش قال عبدالرحمن اليحي ........فيه وفيه وفيه حشى هذي بنده ماهي شعبيات كل شي فيها ,,,,,, واول ماتبدا فيه عبدالرحمن الربيع ,,,,, تراه هو أقوانا وقراندايزر شعبيات أقربه كانك صاز والله ان تروح عيارتك بخبر طع ولاتنسى ترا كل اللي في شعبيات إسمهم عبدالرحمن حتى سروووووبه وريم وكل البنات إسمهن عبدات الرحمن ....إييييييييييييييه هذي الدنيا.. خبرك يقلدونن وياهلا بك يالعيار ................ مع تحيا1111111111تي .. |
|
|
|
|
01-10-2002, 08:33
|
#5 |
|
شــاعر
|
ياليحيى نسيت تقول فيه لحمة راس وكوارع هلا وغلا يالعيار والله يكفينا شرك فيه واحد بيجي يمشي مليون بعدي او بعد الي بعدي او بعد بعد الي بعدي يعني بيجي متى مادري اسمه خالد التميمي حط حيلك فيه وفيه واحد يلبس نظارات تقليد ويحسب انه كشخه اسمه العمري حط حيلك فيه وفيه واحد اسمه عكاشه يجي مره بالسنه حط حيلك فيه ==== يبي يورطه وفيه واحد مره حليل ولا يقول شي ولا يعيي اسمه ولد الهاص حط حيلك فيه واذا بقى فيك حيل قلي وانا اعطيك قائمة المطلوبين للعداله الجديده حياك الله ويالله شد وحيلك ورنا المواضيع السنعه تحياتي فيصل بن خالد |
|
|
|
|
01-10-2002, 10:02
|
#6 |
|
عضو شعبيات
|
اخوي عبدالرحمن مشكور يالغالي والردى والنذاله ماحنا ولا انتو انشاء الله من اهلها وتراك اخذت في (ابو سعباله) اجر.. هذا ابو سعباله واحد من الربع مخليه يراقب الجهاز من يرد علي عقب مابغيت اصيح وانا اتحرى احد يرد مادريت والا يوم جاء يناقز تقل بعرصي : ياعيّار.. ياعيّار واحد ٍ رد عليك ماعرفت اقرأ خطّه كنه حوش عماره عقب ماشطّبوها بقايا بويه مع خلطه لا وجايب عيال حارته معه والظاهر انه اللي لابس نظاره فيهم (يقصد ذا )وانا اجيك مكيم والجنط يحك بعد وانا والله اسفهل وافل حجاجي من يوم شفت هالقلوب اللي كنها شروخ طع طيع طاع لا وابو سعباله يناظر فيها ( وابو سعباله ذا عربجي عنده قصر نظر )ويقول : ووووووووووووش ذااااا ؟؟؟؟؟؟ .. زبيريااااااااات ؟؟؟؟ وانا اقول له : لا يالخبل ذي قلوووب حقت العيد جايبها من سوق الحمام. مشكور والله يابو داحم ( هين الوعد قدام ) |
|
|
|
|
01-10-2002, 10:09
|
#7 |
|
عضو شعبيات
|
اهلين اخيـــــــتي سرروبه مشكوووره والله على هالترحيب اما يحط رجله ماتشوفون الا غبرته بلاه من اللي شايف الظاهر وتوقيعك والله مميز احلى مافيه طالع عندي اسود فاضي كنه جبهة افريقي ادور فيه شي مالقيت مشكوره يالغاليه اما نفكك من العياره  ايه هين يافاكك) |
|
|
|
|
01-10-2002, 10:17
|
#8 |
|
عضو شعبيات
|
اخوي راعي العنود(والله ان ذا ماهو باسم شكله مسلسل بدوي) تسلم والله والله يحييك عووووووووذه كل اللي مسجلين هم عبدالرحمن اليحيا وانا متميلح من الصبح انا وخشتي احسب اني ارد على اللي يرحبون بي ومستانسين من جيتي هين قرانديزر والا بشّار اوريك فيهم كلهم عبدالرحمن اليحيا |
|
|
|
|
01-10-2002, 10:28
|
#9 |
|
عضو شعبيات
|
هلا والله اخوي فيصل بن خالد عزتي لك والله ان شكلهم مسوين فيك البلا بس ماعليك انت احلتهم علي واحد واحدوانا بالثمانيات الا ابو نظاره تقليد ذا اخاف يروح فيها مشكور والله ماقصّرت ( على طاري ماقصّرت: هذا واحد من الجماعه يحلق عند حلاق مصري توه جاي السعوديه ودبل كبده كلما ينشده الحلاّق :- هاه كويس كده يقول خوينا والله ماقصّرت ويجيك الحلاق يحشره بالفوطه : طب اعّد تاني... |
|
|
|
|
01-10-2002, 22:46
|
#10 |
|
شاعـر
|
هلا ومسهلا فيك اخوي.. ننتظر مساهماتك طال عمرك |
|
|
|
|
02-10-2002, 11:37
|
#11 |
|
عضو شعبيات
|
اخوي طراد هلا والله غلا حلوه مساهماتك ( حشى حملة تبرع ) مشكور عالترحيب |
|
|
|
|
03-10-2002, 06:09
|
#12 |
|
عضو شعبيات
|
حي الله عيّار الديره .... وأنا أقول وش النور اللي اجهرني وأنا داخله هنا أثرك فيذا  <<<<<< من التسذب ياهلا فيك والله ومرحبا وأهلا يامراحب خطوه عزيزه  شرفتنا ونورتنا وآنستنا وكثرتنا <<<<<<<<<< مرحبه فيه علشان لايطلع عليها عياره تمنياتي لك بطيب الاقامه في ربوع شعبيات وقهوتك القابله عندي حلفت عليك انك لاتجي تحياتي ،، على قولة راعي العنود عبدة الرحمن استغفر الله الريـــــــــــــــــــم اخر تعديل كان بواسطة » الرّيـــــم في يوم » 03-10-2002 عند الساعة » 06:19. |
|
|
|
|
07-10-2002, 04:47
|
#13 |
|
عضو شعبيات
|
مرحبا ياعيار الديره................................. ترى اخواك هاااااااااااااااااااااااادى ,مسااااااااااااااااااالم , يعنى فكنى فى شراك والى يرحم امك |
|
|
|
|
07-10-2002, 12:51
|
#14 |
|
عضو شعبيات
|
هلا اااااااا وغلاااااااااااااا اخيتي الريم ايه كذا الترحيب نور وحركات تسفهل منها خشتة الواحد لو انه تسذب قهوتك مشرررررروبه وعشانك متكلفه بالقهوه يقولون متسلفه الهيل من سراب الليل وراعي العنود فزع بوقيتين عويدي خلاص اعتبري نفسك من هلحين على هالتعب سالمه من عيارتي . (ايه هين والله لو تقهويني حاشي مافكك من العياره) هلا والله وغلا |
|
|
|
|
07-10-2002, 13:00
|
#15 |
|
عضو شعبيات
|
هلااااااااااااااااااا وغلااااااااااااا اخوي الشبيبي ياخوي اسمك ماهوب اسم غاديه فعل مير انت غافل عنه هاااااادي ومسااااالم ؟؟؟ طيب وشتبي اسويلك ؟ والله مادري وش تبي مير ابشر الا من الفكه من العياره بعدين اقولك تعال هنا انت تقول: يعنى فكنى فى شراك والى يرحم امك وشنهو ذا ؟ مافهمت ياخوي وشتبي؟ مافهمت الا يرحم والديك يلعن ابلسيك خنقتني العبره وانت تطلبني ودي اعرف وش تبي رحمتك وربي |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
