[محمد الدحيمي]

((زنــوبيا تدمـــر))

	امانه .. يالنســيم اللي سـرى في هجعة الغدراء تبـاريـــحي .. لدار ٍ من ورى (الخفجي ) توديـها قبل ماتحضن (ابراج الكـــويت) .. وتنهي المســـرا دخيلك .. حطّــها في ذمــّة (الجهرا).. وخــليـــها وياخذها صبا ( الجـهراء) .. تراه ابخص بها وادرا يمّر بها على ابـــواب ( العـديليــّـة ) .. ويـهديـها هنـوفٍ .. جرّحتـني .. جعل ذاك الجـرح مايبرا سنين ومدهله روح ٍ .. زبن باقصى محانيـها خذت قلب الدحيــــــمي .. واقفت بوزر ٍ على وزرا على ماقالوا الشيبان .. حاميــــها .. حرامــــــيها طوتني .. مثل ما يطوي الخريف النبته الخضراء رمت باحلى سنيني .. للرياح وقالت .. اذريـها يقولون العرب .. من حبها .. بك علّةٍ قشـــــرا واقـــول .. الله لا يجعـــلني القى من يداويـها!!! على الله .. كم حفـــرْ لي حبّها بالغيب من قبرا وكم كانت تخطّــفني منـايا الشوق .. واخطيها على الله .. كم نسج لي من كفن واهدر دمي هدرا اشوف الموت وقّــف دونها بالسيـّـف .. واجيها بغيت أزعل عليـــــها مرّةٍ ... واسوقـــــها هجـــرا اثارينــي بدل مازعل عليــها ... رحت اراضيها!!! بجنـح الليــل مابيــها على بـالي ابد .. تطرا من الغيره .. احس انّه يشـاركني السـهر فيـها!! حسبت حساب صورتها.. معي عا.. الدّله الصفراء وبَرَد فنجال صورتها .. ولا ادري كيف اقهويها؟؟!!! لها بالعين .. شيخ ٍ لا طرت لي .. ساقني جبـرا ولها بالصدر طفل ٍ .. راح يشهقها .. ويبكيها أزيد لها وله .. وتزيدني هجر ٍ على هجرا وأروح ألعن حظوظي في هوااها وألعن ابيها أكابر .. واسفه اللي قال حذرا من الهوى حذرا واكذّب من يقول النار .. تحرق رجـل واطيـها رفيف البرق .. وخيوط الشفق .. وسهيل .. والقمرا تجدد ذكريــاتي ... تحســب انّي كنت ناسيـها!! تجي .. (زنـوبيا تدمر) .. واجيها .. (شاعر البتـراء) يشوف بسـمّ خاتمـها ... طـمـوح الموت بيديها!! فقيرٍ برجه العقرب .. عشق من برجها العذراء نثر همّ السنيــــن وقال ... تاليــها ... لواليـها رقى في برجها العاجي شوي .. شوي لين ازرا يكمّل كيف ؟؟؟ واحدث حاضره من بعض ماضيها!! مثل من جاء يبيع تمور( بيشه) عند اهل (شقرا) يســوم بسلعةٍ خسـران .. بايـعـها .. وشاريها!!!! نخـيت الصبر .. واثر الصبر لا يكتب .. ولا يقرا ويوم ٍ خانت الفزعه ..عطيت القـــوس باريــها امانه .. يا صبا الجـهرا .. قبل ماينتهي المسرا تبـاريـــحي لدار ٍ من ورى الخفـجي توديــها محمد الدحـــيمي