[محمد السقاف]

ما عرفت اكتب قصيده آتغزّل في حلاك
فاق حسنك لحن قافي والحلا باد القصيد


شعرك بـ لونه خذاني للرمل وهلةْ لقاك
أمسح كْـفوفي بْحريره واشهق ابخوره واعيد


سلهمة عينك جنوني لو لمحتك يا ملاك
أشهق انفاس التغنّجْ واْزفره عمرٍ جديد


رمشك المغرور ظلّي والضحى تاه بـ سماك
ضحكتك طفلٍ بريءٍ مهتني في يوم عيد


لو وصفت الفمّ ذابت شمعة ن تضوي مساك
شي اكيد التوت الاحمر غار منّه شي أكيد


ليتني أقدر واجمّع شهد زهرك من شفاك
ليتني خاتم أناني باصبعك دايم وحيد


لو وصفت العين أآآه وآآهِ من ذبحة هواك
لو وصفت القدّ غارت ظبية الوادي البعيد


يا مهاةن في البراري تمشيَ المشي الرّويد
لا اقبلت لمي تعلق قلبي بْخصرٍ وجيد


إن طلبتك بيت شعر ٍفي غلاتي قلتي هاك
قاسي ٍ شعريْ ولاجلك لان يا حبيْ الوحيد


ويوم قلتي لي :محمد! فتنتي ..كلي فداك
قلت لك من زود ما بيْ: بسّ يكفي لا تزيد


خفت من عذب المواقف تسأليني وش بلاك
وينصهر فيني كلامي وآنا خابرني حديد


المنى ياليت رب الكون يجمعني معاك
أنعم بـ حسنك واناجي ربنا بـ عمر ٍ مديد


قبل اشوفك كنتي شعري والورق يطوي غلاك
ويوم شفتك ذابت الاشعار في دمّ الوريد


بعد ما شفت الملامح كيف ابوصف لك حلاك
ميّه بالميّه أبعجز أوصف الحسن بـ قصيد




محمد السقاف

[ثامر الشعيفان]

محمد السقاف

شاعرٌ عذب
وصديقٌ من أصدقاء " بوح قلوبنا "
يصافحنا بـ إحساسٍ جميلٍ وقلب محب

كن بخيرٍ يا صديقي

[محمد مدران اليامى]

ويوم قلتي لي :محمد! فتنتي ..كلي فداك
قلت لك من زود ما بيْ: بسّ يكفي لا تزيد

بيت جميل ياسمي

صح لسانك ولاهنت

[نورة العجمي]

ما اجمل المشاعر عندما يتحدث عنها الشاعر بصدق
كريمٌ هذا اليوم بأن منحنا قراءتك يامحمد
صافحتنا بقلبك المحب وإحساسك الرائع

تحية وشكر لأنضمامك لشعبيات

[ناصر الموركي]

الله عليك يا محمد




رائعه يا الغالي


صح لسااااااااانك وسلم بوحك العذب

دمت بكل ود

اخوك