19-02-2008, 15:31
|
#1 |
|
عضو شعبيات
|
مساجله شعرية رائعه
فقر ومشاكل والتزامات وديــون = تظغط على فليحان تخـــــرب مزاجه هرج الرجل لا طال حطـوه مجنون = وان طول بصمته يسمى دجــاجـــه حركت في احزان يا سواط وشجون = وجارك سماح اخلاق زين ابتهاجه له جـــيره تشــــرى بمليون مليون = وجهــه بشـوش ولابطبعه رجــاجـــه دقــتني الـــدنيا مثــل مايقــولــون = والمسلم الصابر بعكس الخـــواجـــه يا ربعـنا يـــا اصحابنا لاتلــومــون = شكــــوى لغــير الله ذل و سمــاجــه مير البلاء والحال من دون في دون = دربي طــــويل وصـــار فيه انعواجـــــه= اصبر واصابر واطلب من الله العون = والرجــــل يصبر مايعــقــــد حجاجـــــه واساير الايام وامشي على الهـــون = واضحك بصافي الجوء والا عجـــاجه ولـو طالت الايـــــام لابـــــدها تهــــون= ولابــــد من يــــوم يجـيـك انفــــراجــه ولهجتــــك يافليحان عندي لها الحــون = افــــهـــم معـــانيها بليا لجــــــــاجـــه والوقت يــافليحان جمـــره بغليـــــون = وعزي لمن جا له ورى القوم حاجـــه والناس يا فليحان من دون في دون = والربع كــــلا مشتقي في خـــراجــــه ولا تحسبــن الـناس مثــــلك يحـنـــون = لاشافوا المحتـــــاج فيهم صناجــــــه وعـن كسبة المعروف ربعك يصـــدون = وكلا يطفي عن لــزومــك اسراجـــــه الناس مثلك يافليحــــان يشكون = مـــن وقتــــهم كلن قليل خــراجــــه الرزق عند منزل الغيث بمزون = اللي عزل عذب البحـــر من هماجـــه ان قال كن لشيء يصير ويكون = ويشفي المريض اللي صعيب علاجــه هو الذي بأمره فرجها لذا نـــون = سمــع دعى عبده بغبة امــــــواجــه واقنع بحكم اللي لبيته يحجون = ومن يعمل المعروف يحصد انتاجــــه والنذل لو يملك كثر مال قارون = ماســــــــد يافليحان لناس حاجــــــــه |
|
|
|
19-02-2008, 16:40
|
#2 |
|
شــاعر
|
رد : مساجله شعرية رائعه
حضور أول يشرفني ذلك وصحت ألسنتهم على هذه الأبيات الرائعه والمجاره يبدو أنها كانت قمه في الحماسه سلمت على النقل الرائع تقبل تحياتي |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
