29-10-2001, 08:23
|
#1 |
|
عضو شعبيات
|
سئمـت الصبــر والعـذر الـذي اقبـح من الفعلــــه .... ؟؟
سئمت الحظ وانصاف الحلول ولهفة الولهان 0 0 0 وسئمت الصبر والعذر الذي اقبح من الفعله ؟ سئمت اداري جروحي واهدّي ثورة الاحزان 0 0 0 سئمت اربت على كتف الامل وارضى على خذله سئمت الضحكه الصفرا بوجه ٍ مبهم العنوان 0 0 0 عليه اقرا نصف سطر وعليه اجهل مية جمله ؟ سئمت اجامل الكذبه واخفي ماظهر وان بان 0 0 0 سئمت اجامل الحسّاد من غيضه ومن عذله ؟ واكذّب صدة الوافي وابرّر طعنة الخوّان 0 0 0 واسوق الطيب في الثنتين لو قالوا بي الخمله ؟ دريت ان الرجل كلمه واعرف ان اللسان حصان 0 0 0 واجنّب غادي الهرجه وادوّر في رجا الجزله وسئمت الانتظار ولحظة الفرقا علي ازمان 0 0 0 وسئمت الساعه الي باللقا تقفي وهي عجله ؟ سئمت اداوي الذكرى وانادي بلسم النسيان 0 0 0 وسئمت اسمع صدى صوتي يجاوبني على مهله لك الله ياخفوق ٍ شال من حمل الهموم اطنان 0 0 0 لك الله ماخذيت من الزمن فرحه ولو وهله وسئمتك انت يامعنى الوجود ومنهل الوجدان 0 0 0 اشوف المقبل الموحش ظهر في عينك الخجله عرفتك من عرفت العلم غربه مالها اوطان 0 0 0 عشقتك فـ اول الرحله وعفتك تالي الرحله ؟ سئمتك وانت في عيني وحيد ٍ مامعاك انسان 0 0 0 سئمتك انت ؟ والعذر الذي اقبح من الفعله ؟؟ |
|
|
|
29-10-2001, 08:27
|
#2 |
|
موقوف
|
يا خوي ارحم قلوبنا وارحم عقولنا ما نقدر نتحمل كل ها الابداع الواحد صار خاف تجيه سكته قلبيه وهو يقرا قصايدك من قوة المعاني وجزالة المفردات ما شاء الله عليك انا قعدت اصفق يوم قريت قصيدتك بدون شعور عيني عليك بارده ما شاء الله تقبل تحياتي يا غالي |
|
|
|
|
29-10-2001, 08:28
|
#3 |
|
موقوف
|
اما تجي كذا القصايد او بلاش قصيد صح لسااااااااااااااااااااانك يا مبدع |
|
|
|
|
29-10-2001, 08:29
|
#4 |
|
عضو شعبيات
|
الله الله الله جـدا رائـعه000 ابـداع ابداع ابداع ! تسـلم ويعطيك الف عافيه 000 قصـيده في منتـهى الروعـه 000 [ نوفمبر 08, 2001: تم تعديل الموضوع بواسطة : دنيا من الوله ] |
|
|
|
|
29-10-2001, 08:30
|
#5 |
|
عضو شعبيات
|
 اخي / سلطان القحطاني ( هاوي قصيد ) صح بدنك ، والله يشرفني ردك بيض الله وجهك وردك بحد ذاته فخر تسلم لغاليك اخوك / سعد |
|
|
|
|
29-10-2001, 08:31
|
#6 |
|
عضو شعبيات
|
دنيا الوله جعلك والله تسلمين والروعه والله ردك تحياتي |
|
|
|
|
29-10-2001, 08:34
|
#7 |
|
موقوف
|
والله يا سعد حلف(ن) ما ينضحك به ولا ينمزح به اني اتشرف اقرا قصايدك يا اخي الواحد يقراها عشرين مره ولا يمل وكل مره يقراها يحس انه يقراها لاول مره ويكتشف اشياء جديده ما شاء الله عليك وبس |
|
|
|
|
29-10-2001, 08:35
|
#8 |
|
عضو شعبيات
|
اخوي(سعد).. هلا ورحب والله.. صح لسانك ويسلم بنانك ويعطيك العافيه.. بس ماتشوف انها كلها سئمت في سئمت..!!؟؟ وين الأمل وانا اخوك..؟؟ لكن بيني وبينك..معك حق باللي تقوله.. تحياتي لك.. اخوك.. همس الليل(عبدالسلام) |
|
|
|
|
29-10-2001, 08:37
|
#9 |
|
عضو شعبيات
|
اخوي سلطان الله يشرف مقدارك والشاهد الله ان الدافع للكتابه انت وشرواك ولو كنت انت بلحالك الي يقرا لي فهذا يكفيني وثق بالله ان حنا نتعلم منك الشعر والاخلاق معا لاهنت يا القحطاني تحياتي |
|
|
|
|
29-10-2001, 08:39
|
#10 |
|
عضو شعبيات
|
همس الليل هلا بك ومرحبا ، وسعيد جدا بمرورك وطال عمرك انت جاوبت على نفسك فعلا كل الي حولنا يدعو للملل والضجر ؟ والامل موجود يا السنافي تقبل تحياتي |
|
|
|
|
29-10-2001, 08:51
|
#11 |
|
موقوف
|
اخوي همس النسيم تكرار المفرده ليس عيبا اذا كان له ما يبرره وبالقصيده له ما يبرر تكرار المفرده واحيانا الحاله النفسيه للشاعر وقت كتابة القصيده تفرض هذا الشيء لتفريغ شحنه نفسيه بداخله وعموما سبق ان كرر كبار الشعراء مفردات في قصائدهم وليس عيبا على الشاعر تكرار المفرده انظر مثلا ماذا يقول مساعد الرشيدي حب(ن) جديد وقصيدة عشق مجنونه الله يحييك يا حب(ن) لفا توه حب(ن) لكله وحب(ن) بس لعيونه حبين باقصى الضماير بس له هوه كم مره كرر مساعد الرشيدي مفردة حب? هل اضر ذلك بقوة القصيده? طبعا لا فقط ضربت لك المثال للتدليل وتقبلوا تحياتي |
|
|
|
|
29-10-2001, 12:11
|
#12 |
|
عضو شعبيات
|
اخوي سلطان الله لايهينك وماقصرت ، واشكرك على التوضيح للاخ همس الليل ،، تقبل تحياتي ،، والله يجعلك ذخر ،، |
|
|
|
|
29-10-2001, 21:44
|
#13 |
|
عضو شعبيات
|
اسـمحـوا لي اضيف ان تكرار المفرده في القصيده يفيد ايضا التاكيد وخاصة تاكيد الحاله النفسيه للشاعر اثناء كتابة القصيده كما تفضلتم 000وبرايي انه ان لم يزيد القصيده قوة فانه لن يؤثر عليها 000 شكرا للقراءة00 |
|
|
|
|
30-10-2001, 06:53
|
#14 |
|
ينتظر التفعيل
|
ياخوي ابداع ايه ابداع ومااختلفنا تميز ايه تميز ومااختلفنا روعة ايه روعه ومااختلفنا تألق ايه تألق ومااختلفنا تميز أيه تميز ومااختلفنا لكن (سئمت) من لهفة (الولهان) نختلف فيها واقدم فيك شكوى لقلبك وحسبي الله عليك ياسعد وصح لسانك وبيض الله وجهك |
|
|
|
|
30-10-2001, 07:00
|
#15 |
|
عضو شعبيات
|
صح لسانك .. حقيقتا يعجز اللسان عن التعبير.. وقد لا افي بقدراتك.. وجمال ابداعك.. عساك عالقوه.. لاهنت يالذيب.. تقبل تحياتي اخوك المملوح,,  محمــد بن عبدالرحمـن(مساير الوقت) |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
