23-12-2001, 12:32 | #1 |
عضو شعبيات
|
واحسد الشال والبرقع
اخواني واخواتي هذه المشاركه الاولى لي في منتداكم الموقرواتمنى ان تنال القبول والاعجاب لديكم : تصبّر يا خفوقي عل تاليها يجي خيره ******** ترى كثر التمني يا خفوقي يجلب الحسره ترى نفسي من اسبابك تعيش الليل في حيره ******* واذا جاني سواد الليل جالت بالصدرعبره أعرْف اني هويت اللي نقي الطبع والسيره ******* واعرْف الحظ ما جابه ايا قلبي فلا تشره أحبه واهتني قربه ونفسي تمتلي غيره *******اذا شفت الطفل يركض ويقعد في وسط حجره واحسْدْ الشال والبرقع وقطعه لفت خصيره ******* واحسْدْ الروج الى مني رأيته طابع بثغره كحيله من سلايل ناس لهم تاريخٍ وسيره ******* ولهاأصل وفصلٍ يفاخر بهاالرجال في عصره ولها زينٍ الى شفته سلب عقلي وتفكيره ****** تشوف الغيد من حوله وهو قايد يطاع امره عجزت انسى ضنين الروح عجزت اخلص لاحدغيره ****** بعيش العمر لحسابه ولو قالوا خسر عمره وابشكي حظي العاثر على ربٍّ عطى خيره ****** عسى المعبود ياويلي يفك العبد من عسره وسلامتكم تقبلوا تحيات *** الطارق *** [ ديسمبر 24, 2001: تم تعديل الموضوع بواسطة : الطارق ] |
23-12-2001, 12:59 | #2 |
عضو شعبيات
|
شاعرنا الطارق يا بعدي تسلم تسلم والله..الا وينك من زمان؟ قصيده ولا اروع الله لايهينك..صح لسانك مليون يالغالي..وغديك تكثر من هالقصايد الزينه |
23-12-2001, 15:31 | #3 |
العضوية الماسية للموقع
|
"أحبه واهتني قربه ونفسي تمتلي غيره *******اذا شفت الطفل يركض ويقعد في وسط حجره " " واحسْدْ الشال والبرقع وقطعه لفت خصيره ******* واحسْدْ الروج الى مني رأيته طابع بثغره " ماهي حكاية الروج معكم هذه الأيام !؟ قصيدة ماتعه و شاعر يعلن عن حضوره الأول بكل ثقة ... صح لسانك أخي الطارق و مرحبا بك في منتداك ... ــــ.. . |
23-12-2001, 15:51 | #4 |
عضو شعبيات
|
حياك الله اخوي الطارق... تسلم يمناك على هذا الابداع.. أعرْف اني هويت اللي نقي الطبع والسيره ******* واعرْف الحظ ما جابه ايا قلبي فلا تشره دائما هذه هي المشكله.. عجزت انسى ضنين الروح عجزت اخلص لاحدغيره ****** بعيش العمر لحسابه ولو قالوا خسر عمره هكذا يكون الاخلاص,,وان كنت لا احبذه. وابشكي حظي العاثر على ربٍّ عطى خيره ****** عسى المعبود ياويله يفك العبد من عسره اسمحلي هذا البيت ما فهمته يعني كيف ياويله,,الهاء ضمير يعود على مين... ويعطيك الف عافيه.. |
24-12-2001, 02:30 | #5 |
موقوف
|
اخوي الطارق .. حياك الله في منتداك بدايه قويه من شاعر متمكن نفخر جميعا بوجوده بيننا صح لسانك ملايين على هالرائعه تسلم الانامل اللي خطتها ويعطيك الف عافيه لاتحرمنا ابداعاتك ياشاعرنا ولك خالص تحياتي وتقديري أختك ..عطر الخزامى |
24-12-2001, 07:27 | #6 |
عضو شعبيات
|
أخوي .. الطارق ،، صح لسانك ويعطيك العافية .. قصيدة رائعة بالفعل كلمات عذبة وسلسة .. وقافية ولا أروع .. عجزت انسى ضنين الروح عجزت اخلص لاحدغيره ****** بعيش العمر لحسابه ولو قالوا خسر عمره ياسلام عليك .. ابداع والله .. بانتظار ابداع آخر .. وبالتوفيق .. |
24-12-2001, 11:01 | #7 |
عضو شعبيات
|
ازرق وابيض بيض الله وجهك على الكلام الجميل والقصيده اصبحت رائعه باعجابك بها . عزيزي ... ابشر بالقادم يكون احلى . صح بدنك ولاهنت يالغالي ..... اخوك.... *** الطارق *** |
24-12-2001, 12:02 | #8 |
عضو شعبيات
|
اخي الشاعر /الطارق .. لن نقول من الطارق ؟؟ فهبايب المسك ساقت لنا عطر قصيدك الفواح مرحبا بك شاعرا يشعل الليل بقصيده . |
24-12-2001, 13:10 | #9 |
رفيــق الحــزن
|
الاخ الطارق ياهلا بك وبما جبت من قصيدة رائعة جدا ومعانيها قويه وقافيتها احلى واحلى . تسلم يدينك يالطارق ياللي بالشعر فارق ومميز . تصبّر يا خفوقي عل تاليها يجي خيره ******** ترى كثر التمني يا خفوقي يجلب الحسره ترى نفسي من اسبابك تعيش الليل في حيره ******* واذا جاني سواد الليل جالت بالصدرعبره صح لسانك وكسبنا شاعر ذو شأن عظيم . |
24-12-2001, 23:16 | #10 |
عضو شعبيات
|
الاخت الشاعره .. عبير بنت احمد حياك الله ياعبير واسعدني تواجد اسمك في متصفحي عزيزتي ... بكل صدق لو وضعتي اسمك فقط لكفى بخصوص الروج لاتنسي ان الايام هذه ايام عيد شكراً لك ولحضورك ولاهنتي يالغاليه. ..... تقبلي تحيات *** الطارق *** |
24-12-2001, 23:26 | #11 |
شــاعــر
|
السلام عليكم اخي الكريم الشاعر الطارق ايعد الله اوقاتك بالخير هلا ومرحبا فيك في منتداك وتسلم على هذه الابيات الذي طرقت بها على ابواب قلوبنا واستحقت الاشاده والاعجاب اهنيك على هذا المستوى الراقي وتحياتي لك |
24-12-2001, 23:27 | #12 |
عضو شعبيات
|
اخوي الطارق حياك الله يالغالي ومرحبا فيك بين اخوانك وفي منتدى الجميع عجزت انسى ضنين الروح عجزت اخلص لاحدغيره ****** بعيش العمر لحسابه ولو قالوا خسر عمره وابشكي حظي العاثر على ربٍّ عطى خيره ****** عسى المعبود ياويلي يفك العبد من عسره والله وصح السانك مليون ياسنايدي تقبل تحيات اخوك هوى بلادي |
25-12-2001, 09:29 | #13 |
عضو شعبيات
|
الاخت ضمير حياك الله ياضمير واسعدني تحليلك للابيات .. بس الغريب انك لاتحبين هذا النوع من الاخلاص وانتي فتاة اما بخصوص الضمير ياضمير فالهاء كان غلطه مطبعيه. وكلمة ياويلي ( ياويله ) هنا ليست بمعنى الولوله انما بمعنى النظر بعين العطف ضمير .... مرحبا بك واشكرك على كل كلمه ذكرتيها بحقي . لاهنتي يالغاليه .... تقبلي تحيات *** الطارق *** |
25-12-2001, 12:45 | #14 |
العضوية الماسية للموقع
|
السلام عليكم و الرحمة ... شكراً على تعليقك اللطيف سلمت يمينك أخي الطارق ... بخصوص الخطأ المطبعي في كلمة ( يا ويله ) أرى بأن تقوم بتعديل القصيدة الأصليه كي تتضح الرؤية لدى القارى مستقبلاً ... هذا ما أردت قوله و صح لسانك مرّة أخرى ... ــــ.. . |
26-12-2001, 07:29 | #15 |
عضو شعبيات
|
عطر الخزامى صح بدنك ... ويعطيك العافيه على كلامك الطيب النابع من اخلاقك العاليه . انشاء الله القادم راح يكون اجمل شكراً لك ... ولاهنتي يالغاليه .... تقبلي تحيات *** الطارق *** |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|