[وحي القــلم]

	التجنيد الاجباري عندما لم يحصل هذا العسكري على اجازة لقضاء العيد قرر الهرب من المعسكر ولكنه كان بحاجة لرفيق يساعده على ذلك فأعلن عن رغبته لزملاءه عارضا تحمله لاي جزاء قد يصدر بحقه فقال منهو خويي نهار العيد = مرخوص والا على كيسي ومن قصائد التجنيد قول الشاعر مخاطبا عريفه المسمى حمود وش قولتك ياعريف حمود = بالطلعـــه اللي بغيناها اذا اتصل بي نعيم العــود =طوفتك هذي طمرناها ومن هذا القبيل قول الشاعر سعد الفعم علمونا مشية البط بالساحه = كل يومٍ لازم إنّا نسويها ----------------------------- تهرب مالي حاول الشاعر سليمان الطويل التهرب من دائنه المسمى شبيب بالالتجاء للمسجد وماترك فرض ولا نافله الا صلاها ليطيل في ذلك املا في ذهاب شبيب عنه ولكن دون جدوى .. وحين اتم صلاته قال صليت بالجـــامع وسبحت تسعين = مع كثــــرهن واتبعتهن بتهليله وقـــــريت عـــمّ والمـــدثر وياسين = ادخل على الله مايخيب دخيله وقريت وِردي عن جميع الشياطين = وشبيب ماسوى به الورد حيله ----------------------------- خطأ قاتل تعرض الشاعر راعي الملحا لاصابات بليغه بسبب ترديده لاسم محبوبته وهو نائم في فراش الزوجيه وهنا يشرح ماتعرض له ناديت باسـمك وانا مع زوجتي راقد = لين رفستني على بطني برجليها وسويت نفسي مثقـف واعي وناقد = واقول عـادي مصير الوقـت يرضيها ويم كفختني طراق وصحت انا حاقد = الله يلعــن غلاك ويكســــــر يديها واحترت انا وين ابلقى لي بدل فاقد = ولقيت وحــــده تهـــزز لي علابيها ----------------------------- سطو على البنك الشاعر حمود البغيلي فكر في سرقة البنك ولكنه احتار في النهاية .. لننظر ماذا يقول فكـــرت مرّه اســـــرق البنــك واعتاش -= وصممت من قلبي انفذ قراري وجهزت نفسي في مسدس ورشاش =- ثم استعديت لجميــع الطواري لكـــن قبل لا اســـــرق البنك وانحاش = احترت بين المركـزي والتجاري ----------------------------- سبانيش باباي عابرة سبيل تريد ان تعطي حبيبها سبانيش باباي ليصبح قويا ويفعل ماتأمره به .. انظر ماذا تريد ياناس وين سبانيش باباي -=- بعطيه خلٍ نقل همّـي حتى يصارع جميــع اعداي = واول مايذبـح ولد عمّي ----------------------------- انتقام بشع لا أحد يعلم مالذي دعا الشاعر عبدالرحمن الحربي الى الدعاء بكل هذه الامراض على حبيبته .. ولكن ربما لديه سببه شخــــــصٍ هويته جعل ربي يسلّه = أصعب شلل ويكون مايوجــــد دواه والا برص يضفي على الجسم كله = يبدا بوجهه ثم يمشي على اعضاه والا مرض طاعــــــــــون حتى يفله= يسمع علاجـــه بس من دون يلقاه ويصاب بالسكر وجســــــمه يسله =حتى المشي بالرجــل ماعاد يقواه اللي بلاني وانتقـــــــــل من محلّه= وأنكر عهودٍ كانت العـــــــام ممضاه ----------------------------- عابرة سبيل والريجيم رغم نجاح ريجيمها فان ذلك لم يؤثر على على نظرة محبوبها لها كثيرا جا يعيرني يقـــــــول انتي متين = حلقك المفتـــــوح لازم نغلقه هيـه يادبّــــــه لـــــزوم تخفّـفين = والا اثوّر فيك عشــرين فشقه وفي رجيمـي استمريت سنتين = جدي اللي مات قاربت الحقه ويش رايـك ؟ قلتها بصـوتٍ حزين = قال دبّـــــه وانقـلبتي لسلقه ----------------------------- شيخوخة الزوج كان زوجها يهددها بالزواج من اخرى ولكنها لم تلاحظ مقومات ذلك (افهموها عاد ) المهم هي انشدت وقالت العــــام تبغى لك من البيض ثنتين = ايضـــا وتبغى لك عليهــــن زياده ومثلك الى منّه وصل عام سبعين = يروح مخّـــــه مثـــــل مخ الجراده لايقضي الحاجـــه ولا يوفي الدين = وش عاد لو عطّرت فرش الوساده والله مالوم العـــود مير الكبر شين = العـــــــود جــــاته خلّته من زناده ----------------------------- ليلة الدخله تمر السنوات على الزواج وتبرد العواطف ولذا تفشل اغلب محاولات الزوجة لاعادة مامضى تقول شفني لبست الثوب = اللي علي ليــــــلة الدخله ابيك ترجـــــع معي وتذوب= يوم الاحاسيـــس مشتعله قلت الزمـن مايجي مقلوب = ودّعت الايـــــــــــام ياخبله ليلة أنس عقبـــــها متعوب= ويامصخهــــا تالي الرحــله ----------------------------- الحبيب الخبل لعابرة سبيل ايضا حيث يعجبها خبال حبيبها وتشتاق له وتقول ياخبلي الغايب متى تردّ للعين = متى أشوفك أو تجيني رساله صحيـــح بالدنيا خبــــولٍ كثيرين -= لكـــن خبـــالك ياحياتي لحاله ----------------------------- تيس مندي للشاعره مرام الشوق حبيب مزعج فهو بالاضافة الى غبائه شره ومتخلف ويتضح ذلك من قولها لي قصةٍ مع صاحبي فلــم هندي = دايــم انا ويّاه فـ هواش ودموع ودّه يســامرني على تيس مندي = وانا رقيقه ودي بازهار وشموع خلّي غبي والعقــل عنده مصدّي = وبفن التخلف حايزٍ شكر ودروع قلت له تطـور عيش باشا وافندي = الى متى وانت بتخلفك منزوع قـــام وتلفّت قـــــال قومي تغدي = هذرتك واجد يوم انا ميتٍ جوع ----------------------------- عيوب غريبه يصف الشاعر محبوبته التي تعاني من عيب خلقي غريب اضافة الى غباء في وضع المكياج ميّــــة هــلا باللي يكحّــل ثناياه - = اللي يحط الديرمه في عيونه اللي حدا نهديه من خلف علباه = والنهد الآخر روّحوا يطــردونه ----------------------------- حزن على النعال كم هو الحزن الذي ينتاب من فقد نعيلاته .. ياويلي عنه ويلاه .. خصوصا اذا صار له معها عشره طويله هكذا يعبر عنها الشاعر ياوجودي وجد من ضيّع نعوله = لاقيٍ وحــــده والاخرى مالقاها عايشٍ معها من ايام الطفوله = شاب راسه بس نعله مانساها ----------------------------- قصيد البنات احد الشعراء يتهم البنات بعدم مصداقية شعرهن .. اسمع اسمع يقولون والعهده على ذمّــــــــة الراوي = قصيد البنـــــــــات اللي تشوفون عاريّه بعضهن تفوّض عن قلمـــها قلم غاوي = له بكـــــل بيتٍ يكتبــــــــــــه منه ماريّه وبعضهن يجي ماتكــتبه غير متساوي = به من الغلط والعيب تسعيــــــن بالميّه قبل ينشرونه تلمســـه حرفة الحاوي = يصير اطيب من الطيب واصدق من النيّه وبعضهـن وراها سيّد الصفحــه العاوي = يلمّـــع عصــــايدها ويركــــض ورى غيّه وبعضهن تسوق افكار لو فكرها خاوي = تبي لمعــة الشهـره وهي قبل منسيه وبالخمسميّه وحـــــدةٍ تنعش الذاوي = قوية قصيـــــــــد وسبكٍ اطخم ونشميه ----------------------------- ارتكت للدركسون الشاعر سليمان الرشيدي يوصف بنيةٍ طخما تسوق سيارتها بهذه الابيات فلّت شعـــــرها وارتكت للدركسون = تضايـــقت كشناتها من شعرها غريبة المظهر على الحسن واللون = حوريــــةٍّ كن القمـر في نحرها كتــفٍ وردف وزول وحجاج وعيــــون = وآخر مديل الغانم ابيض شفرها لحقتها صاحــــــــي وعوّدت مجنون = ملهوف ماعرف برها من بحرها تم النقل لكم تحياتي لكم جميعاً

[بندر بن عبدالله]

ويم كفختني طراق وصحت انا حاقد …… الله يلعــن غلاك ويكســــــر يديها

آميين

العــــام تبغى لك من البيض ثنتين ------ ايضـــا وتبغى لك عليهــــن زياده
ومثلك الى منّه وصل عام سبعين ------ يروح مخّـــــه مثـــــل مخ الجراده
لايقضي الحاجـــه ولا يوفي الدين ------ وش عاد لو عطّرت فرش الوساده
والله مالوم العـــود مير الكبر شين ------ العـــــــود جــــاته خلّته من زناده

هههههههههههههههههههههههههه
tsh7

قلت الزمـن مايجي مقلوب ------ ودّعت الايـــــــــــام ياخبله
ليلة أنس عقبـــــها متعوب ------ ويامصخهــــا تالي الرحــله

ياعزتي له

ياخبلي الغايب متى تردّ للعين ------ متى أشوفك أو تجيني رساله
صحيـــح بالدنيا خبــــولٍ كثيرين ------ لكـــن خبـــالك ياحياتي لحاله

الف رحمه وغفران لعابرة سبيل .. والله يتجاوز عنها ويدخلها مدخلا كريما "آمين"



لاهنت يا وحي القلم ... وشاكر لك هالنقل الجميل

[سعود الخويطري]

وحي القلم


مرحبا بك وبـ الخيمة الشعبية وعموم شعبيات

حضور أول و حجز وتنسيق لـ هذة الدرر والابتسامات الشعرية


وتثبيت ولي عـودة

[وحي القــلم]

	هلا اخوي بندر لا شكر على واجب الف شكر على تشريفك واعتز بردك لا هنت

[وحي القــلم]

الرسالة الأصلية كتبت بواسطة سعود الخويطري

وحي القلم


مرحبا بك وبـ الخيمة الشعبية وعموم شعبيات

حضور أول و حجز وتنسيق لـ هذة الدرر والابتسامات الشعرية


وتثبيت ولي عـودة

	يا هلا ويا غلا يا سعوود اشكر لك مرورك وابداء رائيك ويشرفني ذلك وتنسيقك رايع وفي أنتظاررر عودتك ولك أرق التحايا وأعذبها

[عبدالرحمن الربيّع]

وحي القلم

مساك الله ك اطيب تحيه ودمت عاى الودبالخير ...


ياسلام عليك موضوع جدا شيق ورائع تسلم يدينك ..


لك اطيب تحيه .

[سعود الخويطري]

لاهنت مليون يـ السميري



وتسلم يمناك



أستراحة شعرية / أدبية / رائعة جدا جدا



لاهنت يالغالي ووننتظرك دائما



تقبل سلامي واشواقي

الخويطري

[نـويحـي البديري]

الله الله الله روووعة

تسلم اخوي جميل موضوعك ومشوق
فعلاً ولك هذا البيت ايضا



يالجتي لجة خلوج الجرابيع = ومن لامني جعل الخرينق توطاه
على حبيباً في ليال المرابيع = جاني مع الوادي يسحب ثناياه


حمد بن ناحي


الله يعطيك العافية على الموضوع الجميل

[محمد العجمي]

تسلم عزيزي//وحي القــلم

على هذااا الموضوع الرايق

والمقتطفات الجميله


دمت بخير

[وحي القــلم]

	هلا ابو ربيع والرايع حضورررررك لا هنت =========== هلا با الخويطري جيت عشانك غبت هناك سلامك وصل واشواقك يا الغلا .. تقبل خالص تحياتي ===================== نـويحـي البديري وانت سالم وغانم والاجمل من الموضوع حضوررك المميز يالجتي لجة خلوج الجرابيع = ومن لامني جعل الخرينق توطاه على حبيباً في ليال المرابيع = جاني مع الوادي يسحب ثناياه صح السان الشاعر حمد ناجي وسلمت يمناااااااااك تحياتي لك =================== محمد العجمي الله يسلمك ولاهنت يا العجمي

[قوت القلوب]

تسلم اخووي وحي القلم على ها الاشعار الحلووه

وتسلم ها الانامل الذهبيه الي سطرت لنا هذي الكلمات

في هذا المنتدى

ياناس وين سبانيش باباي -- بعطيه خلٍ نقـل همّـي

حتى يصارع جميع اعـداي ....واول مايذبـح ولـد عمّـي

ههههههههههههههههههه يذكرني هذا الشعر بأيام الطفوله

وباباي والسبانخ تبعه ...........