07-03-2004, 16:03 | #1 |
عضو شعبيات
|
اشرب الفنجال واكب البياله.. ( قصه وقصيده )
شاعر ذا البيت المعروف هو راشد بن حسن بن رحيان العجمي - الله يرحمه ( ابن الذيب ) والقصه هي انه يوم من الايام أشرت له عجوز ومعها حمار قالت وصلني يا الأجودي قدام شوي قال ابشيلك بس الحمار .لا قالت له خلاص روح الله يستر عليك بيجي الذيب ويشيلني انشاْ الله تقصد راشد العجمي .. قال لها يا خاله انا راشد الذيب .. اركبي وابشري بالخير. وقال هذه القصيده : [poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""] قالها إبن الذيب من هاجوس باله=كلمةٍ يلعب بها والبال زيني قالها يومه طراله ما طراله=من هواجيسٍ تشيب المرضعيني غرّني بعض الرجال بكثر ماله=مادرى إن الموت في حبل الوتيني كيف ينفعني وبعض الناس خاله=ما يدوم البيت كان الساس طيني ماش وين اللي عوايده الشكاله=مثل إبن ظافر حمد ليته يجيني الثنا والجود دايم في خياله=علّمه ظافر سلوم الطيّبيني جوّد العليا ولزّمها عياله=وأدركوا من علمته دنيا وديني واهني من باع حظّه وإشتراله=سار في درب النبي وأخزا اللعيني موقفه ماكل رجّالٍ يناله=ومن بغا ممشاه يقعد مرّتيني وكم ذبح من حايلٍ من حر ماله=وعادته لطمة خشوم العايليني حالفٍ ماخذ على الطرقي رياله=وبالثلاث محرّم إنها ما تجيني لا لقيت اللي على السكّه لحاله=يلتفت ويقول : وين المستحيني أوقف الموتر حيا وأبغا الجماله=يوم ولد اللاش وجهه ما يليني والطمع في كرّوة الرجلي رذاله=خصّ به وإن جا مجال الغانميني والردي في حالةٍ ماهيب حاله=يا عوينه من كلام الطيّبيني الولد وإن طاب قالوا : من خواله=بالخوال يسال قبل الوالديني وأركبه لعيون من زينٍ دلاله=ما تحاكوا في قفاه الرامسيني ما بغى غيري وأنا مابغا بداله=قاعدٍ لي بالرجا مدّة سنيني ما قعدنا فالعمل نبغا الرزاله=ناخذ العليا طريق الفايزيني وأشرب الفنجال وأكب البياله=تابعٍ سلمي سلوم الأوليني [/poet] وسـامـحـوني على الـقـصـور وتقبلوا تحياتي الخويطري |
08-03-2004, 00:10 | #2 |
موقوف
|
تسلم اخي للقصه وهذه القصيده الرائعه غرّني بعض الرجال بكثر مالـه مادرى إن الموت في حبل الوتيني كيف ينفعني وبعض الناس خالـه ما يدوم البيت كان الساس طينـي انا اشهد فالموت حق ولكن اين المتعضون الولد وإن طاب قالوا : من خواله بالخوال يسـال قبـل الوالدينـي طيب ليش مو من الاعمام ؟! ما بغى غيري وأنا مابغـا بدالـه قاعدٍ لي بالرجـا مـدّة سنينـي آآآآه من الا نتظار وصح لسانك اخي مع تحيات اختك نبرة حزن |
09-03-2004, 00:14 | #3 |
عضو شعبيات
|
تسلم الخويطري على هالقصه والقصيده وصح لسان العجمي وسلم بنانك على تسطيرها تقبل تحيات اخوك المهبول |
09-03-2004, 15:24 | #4 |
عضو شعبيات
|
حياك الله يا نبرة حزن وولاهنتي ويامرحبا بك وبردك وتعقيبك ومرورك الطيب , واعتقد ان سبب ذكره لأن الاب صفاته واعلومه دائم مثل اخوانه الي هم اعمام الولد ولكن خاوله يختلف ووالله اعلم , وشكرا لك وتقبلي تحياتي الخويطري |
09-03-2004, 15:26 | #5 |
عضو شعبيات
|
حياك الله يالمهبول وولاهنت ويامرحبا بك وبردك وتعقيبك ومرورك الكريم , ووجودك يسعدني تقبل تحياتي الخويطري |
13-03-2004, 19:51 | #6 |
الـحـــرّاب
|
اخوي الخويطري.. طرح راق كما هي عادتك.. الولد وإن طاب قالوا : من خواله بالخوال يسـال قبـل الوالدينـي ذكرتني ببيت الشاعر شالح بن هدلان.: ابا انذر اللي من ربوعي يبا الطيب .... لا ياخذ الا من بيوت الشجاعه يجي ولدها مذربٍ كنه الذيب ... عزه لابوه و كل ما قال طاعه... لا هنت يا الخويطري.. و شكرا لجهودك.. |
13-03-2004, 23:47 | #7 |
عضو شعبيات
|
حياك الله يامحمد الحراب وولاهنت ويامرحبا بك وبردك وتعقيبك ووجودك الطيب , ولأعدمناك وعدمنا طلتك البهيه في الخيمه وتقبل تحياتي الخويطري |
22-03-2004, 09:47 | #8 |
عضو شعبيات
|
مرحبا تسلم والله يالخويطري على القصه والقصيده الرائعتين والله لايهينك ابو بنـــــدر najem29@hotmail.com |
23-03-2004, 01:19 | #9 |
شـــاعــر
|
الأخ العزيز / سعود الخويطري الله يعطيك العافيه على نقل هذهِ القصيده حقيقه قصيده جزله وراقيه وتحمل بين ابياتها كلامٍ طيب وعلوم طيبه علوم المراجل والكرم ... !! تسلم يمينك طال عمرك .. الله يرحم الشاعر ابن الذيب ويسكنه الجنه .. !! تقبل تحياتي وتقديري لشخصك الكريم ...!! اخوك احمد بن ديهان . |
24-03-2004, 03:16 | #10 |
شـــاعــر
|
مامن قصور يالخويطري عزالله انك كفيت ووفيت ونفعت وامتعت ... صح لسان ابن الذيب ورحمه الله ... قصيده جزله تحمل من الحكمه وعلوم الرجال الكثير .... لا هنت وتقبل تحياتي اخوك محمد بن حزام |
24-03-2004, 15:11 | #11 |
عضو شعبيات
|
حياك الله يــ ابوبندر وولاهنت ويامرحبا بك وبردك وتعقيبك ومرورك ووجودك الطيب تقبل تحياتي الخويطري |
24-03-2004, 15:12 | #12 |
عضو شعبيات
|
حياك الله يــ احمد الديهان وولاهنت ويامرحبا بك وبردك وتعقيبك ومرورك الكريم يشرفني تقبل تحياتي الخويطري |
24-03-2004, 15:16 | #13 |
عضو شعبيات
|
حياك الله يــ محمد بن حزام وولاهنت ويامرحبا بك وبردك وتعقيبك ومرورك المتميز تقبل تحياتي الخويطري |
01-04-2004, 08:29 | #14 |
عضو شعبيات
|
Re: اشرب الفنجال واكب البياله.. ( قصه وقصيده )
[QUOTE]كاتب الرسالة الأصلية : الخويطري [B]شاعر ذا البيت المعروف هو راشد بن حسن بن رحيان العجمي - الله يرحمه ( ابن الذيب ) والقصه هي انه يوم من الايام أشرت له عجوز ومعها حمار قالت وصلني يا الأجودي قدام شوي قال ابشيلك بس الحمار .لا قالت له خلاص روح الله يستر عليك بيجي الذيب ويشيلني انشاْ الله تقصد راشد العجمي .. قال لها يا خاله انا راشد الذيب .. اركبي وابشري بالخير. وقال هذه القصيده : [poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""] قالها إبن الذيب من هاجوس باله=كلمةٍ يلعب بها والبال زيني قالها يومه طراله ما طراله=من هواجيسٍ تشيب المرضعيني غرّني بعض الرجال بكثر ماله=مادرى إن الموت في حبل الوتيني كيف ينفعني وبعض الناس خاله=ما يدوم البيت كان الساس طيني ماش وين اللي عوايده الشكاله=مثل إبن ظافر حمد ليته يجيني الثنا والجود دايم في خياله=علّمه ظافر سلوم الطيّبيني جوّد العليا ولزّمها عياله=وأدركوا من علمته دنيا وديني واهني من باع حظّه وإشتراله=سار في درب النبي وأخزا اللعيني موقفه ماكل رجّالٍ يناله=ومن بغا ممشاه يقعد مرّتيني وكم ذبح من حايلٍ من حر ماله=وعادته لطمة خشوم العايليني حالفٍ ماخذ على الطرقي رياله=وبالثلاث محرّم إنها ما تجيني لا لقيت اللي على السكّه لحاله=يلتفت ويقول : وين المستحيني أوقف الموتر حياء وأبغا الجماله=يوم ولد اللاش وجهه ما يليني والطمع في كرّوة الرجلي رذاله=خصّ به وإن جا مجال الغانميني والردي في حالةٍ ماهيب حاله=يا عوينه من كلام الطيّبيني الولد وإن طاب قالوا : من خواله=بالخوال يسال قبل الوالديني وأركبه لعيون من زينٍ دلاله=ما تحاكوا في قفاه الرامسيني ما بغى غيري وأنا مابغا بداله=قاعدٍ لي بالرجا مدّة سنيني ما قعدنا فالعمل نبغا الرزاله=ناخذ العليا طريق الفايزيني وأشرب الفنجال وأكب البياله=تابعٍ سلمي سلوم الأوليني [/poet] وسـامـحـوني على الـقـصـور وتقبلوا تحياتي الخويطري تحياتي الحارة للأخ الكريم الخويطري ,, وأشكرك على مجهودك الطيب ,,ونعم في راشد الذيب كسب المعروف والطيب حي وميت ,, وعندي مشاركة بسيطة للأمانة التاريخية حيث إني سمعت حكاية في مجلس شيبان عن قصيدة راشد الذيب وأرجوا أن تتقبلها بصدر رحب ,, يقول الراوي عن هذا البيت :: الولد وإن طاب قالوا من خواله = بالخوال يسأل قبل الوالديني ,, بأنه كان ذات يوم حاضرآ في مجلس الأمير الشاعر (محمد السديري)رحمه الله وعنده الشاعر الطيب الذكر (راشد الذيب) رحمه الله ,, وطلب الأمير من الشاعر إلقاء القصيدة المشهورة أمامه ,,فلبى الطلب راشد الذيب وأللقاها كاملة ,, وعندما وصل الى البيت المذكور أعلاه سمعه الراوي بالصيغة الآتية :: الولد وإن طاب قالوا من خواله = وإن تردى فأن خواله خايبيني ,, وعندما إنتهت القصيدة أشاد بها الأمير السديري إشادة طيبة ولكن صار فيه نقاش ودي بين الأمير (محمد) والشاعر (راشد الذيب) حول هذا البيت من الشعر وإن الأمير الشاعر غير مقتنع به وليس بالضرورة أن ينطبق على واقع الحال ,,ويجب إعادة النظر فيه حتى تكتمل القصيدة بدون أي نقد عليها ,, ويقول الراوي وهو حاضر المجلس وشاهد عليه ,, بأنه بعد مدة من الزمن سمع القصيدة وتتداول بين الناس ومنها البيت المذكور أعلاه وقد عدل فيه :: الولد وإن طاب قالوا : من خواله=بالخوال يسال قبل الوالديني ,, الأختلاف لايفسد للود قضية ,,,,,,,,,,, وسلامتكممممممممممممممممممممممممم ... |
02-04-2004, 15:33 | #15 |
عضو شعبيات
|
مرحبا بك مليووون يالعبدلي وحياك الله يالعبدلي ووولاهنت ويامرحبا بك وبردك وتعقيبك ومرورك الكريم , ويشرفني ردك ونقشاك الطيب. وبالفعل كلامك كله صحيح لأنه قيل ان ابن الذيب اول شيء قال : الولد وإن طاب قالوا من خواله = وإن تردى فأن خواله خايبيني ,, - ولا اعرف السبب يمكن لـ قناعة في نفسه أو لسبب او سالفة ماا.. وقيل بعد الحاح الناس عليه عدلهاا الى : الولد وإن طاب قالوا : من خواله=بالخوال يسال قبل الوالديني ,, ---- وقيل انه بري من هذا القول السابق وانه قال فقط بيتهااا هذا : الولد وإن طاب قالوا : من خواله=بالخوال يسال قبل الوالديني ,, واسف جدا على الاطاله. وننتمى ان نراك دائما في الخيمه الشعبيه او كافة شعبيات. وتقبل تحياتي الخويطري |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|