23-03-2002, 05:04
|
#1 |
|
عضو شعبيات
|
مسلسات الحب0000والحب الخالد 0000
السلام عليكم اخواني واخواتي اسف لانقطاعي عنكم فتره ولكن للظروف احكامها كنت في موقع تشات وكنت يومها في اجازه وكنت في قاعة الشعر وقد دخلت لها ونا متشوّق لاصحابي الشعراء وغير الشعراء سواءا محاورة أو سوالف وكان بالقاعه فتاة وفتى ذبحونا بسوالف الغرام واشغلونا عن محاوراتنا فقال احدنا ياليت تخفون علينا  بعد ذالك قالت البنت انا احبه وهو يحبّني فقلت الله يستر عليكم ويوفقكم فقالت ياليت يالجنّ تسمعنا قصيده غزليه بدل محاوراتكم قلت تبين قصيده غزليه قالت اكييييد قلت تبينها من قلب صادق والا فيها مراوغه قالت لا جب وحده من قلب قلت الحين ماني متذكر شي لكن برتجل والرّزق على الله بصراحه ارتجلت الكثير من هذه القصيده وكعادتي اطلع من النت ولااتذكر الا القليل اليوم الثاني دخلت واذا بنفس البنت تقول نفس الابيات وتقول انها كتبتها معي قلت بيّض الله وجهك يااوخيتي واخذتها واكملتهاتسمحون لي اهديها لاخي العزيز الغائب عنّا والحاضر في قلوبنا ولهان(مجنون الشعر) ماعاش حبٍّ كلّه اجروح والام$$ولادام حبٍّ غير حبّ الزّواجي لو الهوى ارزاق للناس واقسام$$غير الحلال الحبّ عصف العجاجي قلته ونا اللي شايلٍ حبّي اعوام$$وافي ووافيني ولاهو احتجاجي ولاباقيٍ بالحال يالايمي اعرام$$لِمْ واللي داخل مايعرف الخراجي ماهمّني بْدربي ملامات لوّام$$للقلب دون اللوم محكم سياجي واهني منهو مامشا دربي ونام$$ولاعاش في دنياه للهمّ لاجي دايم على حبٍّ مواليني صوّام$$ارعاه وسط الفكر والليل داجي طيري الى منّه كفخ وقت او حام$$ماهوب من سيّد حناياه ناجي حين التفتّ ولانظرته والاوهام$$تكسر فؤادي مثل كسر الزّجاجي قيّد خيولي وصرت للوجد رسّام$$من غاب طيفه طول ليلي اناجي اي باللّه انّي هايمٍ كلّي اهيام$$وِرْدِه قراح المَيِّ ماهو الهماجي هذا حبيبي طاهر الذكر والخام$$ماورّدوه وقلّبو بالحراجي بالغالي اللي يذخر الرّجْل سوّام$$وضح النّقا دربي وهاذا انتهاجي شمس البني والغيد افراد واكوام$$نورٍ يشعّ وبالليالي سراجي حزني وفرحي وين حطّن الاقدام$$غايب وحاضر او عطنّ الفجاجي لو كان قبله حبّ ياسامعي دام$$والله لخلّد بالهوى له نتاجي من حور عدْنٍ بالحلا ومن عرب سام$$في بيتها ياقف سنا الصّيت راجي تقطر حيا لامن عزف نبضي انغام$$ومن فوق ماحازته لبّست تاجي والجمرتين ابْوِلْع نيران الانسام$$تهمس كفا ياطلبتي واحتياجي يكفي وجودك وانت قربي بالايام$$ياللي قِدَر قلبٍ قفلت ابْرتاجي والله ماغيرك ولاكان ضرغام$$يطري عليّ ولا له الفكر ساجي وحدك معي لا لا تعنّيك الاقلام$$وتشقا حبيبي لجل نيل ابتهاجي هوّنها ياللي لو تأشّر بالابهام$$لبّيت راضي وشاهدٍ لك حجاجي قلت اقبلي ياقايدٍ كلّ الاريام$$ياللي خذيت القلب وانته علاجي هاذي تباريحٍ لها منك هندام$$فاضت بحبّك وانثى لك مزاجي 7777777777777وسلامتكم:فيصل الروقي 777777777 [ مارس 22, 2002: تم تعديل الموضوع بواسطة : الجنّ الازرق ] |
|
|
|
23-03-2002, 06:27
|
#2 |
|
موقوف
|
... اخر تعديل كان بواسطة » نوف الراشد في يوم » 01-08-2005 عند الساعة » 02:07. |
|
|
|
|
23-03-2002, 09:14
|
#3 |
|
سيـــف الســـيــف
|
طيري الى منّه كفخ وقت او حام$$ماهوب من سيّد حناياه ناجي طيري الى منّه كفخ وقت او حام$$ماهوب من سيّد حناياه ناجي طيري الى منّه كفخ وقت او حام$$ماهوب من سيّد حناياه ناجي طيري الى منّه كفخ وقت او حام$$ماهوب من سيّد حناياه ناجي طيري الى منّه كفخ وقت او حام$$ماهوب من سيّد حناياه ناجي طيري الى منّه كفخ وقت او حام$$ماهوب من سيّد حناياه ناجي طيري الى منّه كفخ وقت او حام$$ماهوب من سيّد حناياه ناجي طيري الى منّه كفخ وقت او حام$$ماهوب من سيّد حناياه ناجي طيري الى منّه كفخ وقت او حام$$ماهوب من سيّد حناياه ناجي اخوووي فيصل اقرب اقرب خلني ارجك بحبه على الخشم يانفدى خشم الشاعر وخشم القصيده صح لسانك يابعد وربي انها قصيده تبرد الجاش سلمت يمينك يافيصل 00 وعساها والله ماتشل تقبل تحيات اخووك سيف السيف |
|
|
|
|
23-03-2002, 10:21
|
#4 |
|
رحمة الله عليه
|
أخوي : الدكتور فيصل .........ياهلا والله ومسهلا فيك والساعه المباركه واي بالله فقيده وانااخوك وعساها ماهي من شر أخوي ... صح لسانك وبيض الله وجهك قصيده طيبه من وجهٍ طيب ويستاهل أبونواف حبيبنا الله يرده سالم غانم ... هوّنها ياللي لو تأشّر بالابهام$$لبّيت راضي وشاهدٍ لك حجاجي قلت اقبلي ياقايدٍ كلّ الاريام$$ياللي خذيت القلب وانته علاجي هاذي تباريحٍ لها منك هندام$$فاضت بحبّك((وانثى)) لك مزاجي فاضت بحبك وانثنى لك مزاجي ...الله الله الله قفله رائعه مع روعة طول النفس ماشاء الله عليك ... تسلم اخوي والله يوفقك ولا تقطع بنا يابعدي |
|
|
|
|
23-03-2002, 10:22
|
#5 |
|
رفيــق الحــزن
|
اخوي الجن الازرق الحمد لله على السلامة الا والله انت الاي خف علينا شوي بيض الله وجهك يالروقي على هالجزلة والحمد لله ان البنت كتبتها ولا كان ما امتعتنا بها من حور عدْنٍ بالحلا ومن عرب سام$$في بيتها ياقف سنا الصّيت راجي تقطر حيا لامن عزف نبضي انغام$$ومن فوق ماحازته لبّست تاجي والجمرتين ابْوِلْع نيران الانسام$$تهمس كفا ياطلبتي واحتياجي يكفي وجودك وانت قربي بالايام$$ياللي قِدَر قلبٍ قفلت ابْرتاجي الف شكر على الامتاع وصح لسانك ملايين يالجزل . تقبل تحيات اخوك وياهلا . |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
