22-11-2002, 00:55 | #1 |
عضو شعبيات
|
عبدالله بن تركي كلمة راس الله لا يهينك
ياابو تركي تراني جديد هنيا واسمك شد انتباهي وقلت ابتشرف بمحاورتك ومنك السموحه واستلم مرحبا بك يا ابو تركي ومسهلا ............... شاعرٍ تخضع لشعره القوافي جيت عاني يا بوتركي والغلا ...............يسبق الخطوه يبي منك المظافي |
22-11-2002, 07:13 | #2 |
عضو شعبيات
|
هلا وغلى أخوي : الفهد والساعة المباركة والله ..... ولي الشرف بالمحاورة معك ..... إستلم لاهنت: ياهــلا بــك ياهـلا بــك يـاهـلا ..........................ياهلابك في مكانك يالسنافي جيت عالي والشعر زادك علا ..........................والكريم إليا تصدق مايشافي |
22-11-2002, 17:20 | #3 |
عضو شعبيات
|
هلا والله ابو تركي وتسلم على سرعة ردك استلم يا غالي يا ابو تركي ودي اعلن للملا ............................. ودي اكشف كل امرٍ فيك خافي والزعل خله ياخلي للخلا ............................. الشعر مابه زعل والبال صافي |
23-11-2002, 08:26 | #4 |
عضو شعبيات
|
هلا وغلى أخوي الفهد ....... إستلم لاهنت..... الشــيــاكــة والتــصــنــع إنــجلا .............................والرجل عيب ٍ عليه إنه يخافي و(( العلى )) ماقلتها لك يا(( بلا )) ............................مير عكسي بالمراية كان (شافي) ومايحتاج أقولك إنها رغبتك فــــــــــــــــــــ لا تزعل تم التعديل بناء على رغبة العضو الاخ ابوتركي اخر تعديل كان بواسطة » ابونوت في يوم » 23-11-2002 عند الساعة » 19:41. |
23-11-2002, 10:24 | #5 |
عضو شعبيات
|
اي زعل يا ابو تركي سلم لي على الزعل استلم حبيبي الــمــرايا للــنــواعــم والـحـلا ............................. ياما جانا مثلك انتا ومتعافي مــانـي قـايـل يــاغشيم الشعر لا .............................مير خلك في غرور الحظ غافي |
23-11-2002, 11:29 | #6 |
عضو شعبيات
|
جاك الموت ياتارك الصلاة ( كلمتين ) و ( نفختين ) و ( بلبلا ) .....................................من غشيم ٍ ماقدر .... الله ياكافي والركـيـك إن قـال شـاعـر إزهــلا .................................... كود نــقصه يفـضحه لا قال وافي |
23-11-2002, 16:39 | #7 |
عضو شعبيات
|
خخخخخخخخخخخخخخخخخخخ طيب استلم يا عيوني وش بلا الجربوع بالقدر انقلا ..................................... شب ابو تركي وجيبوا له المطافي جففي دمعوك لا يا ريم الفلا ..................................... وولمي الزينه لعرسك والزفافي |
24-11-2002, 03:24 | #8 |
عضو شعبيات
|
[poet font="Simplified Arabic,7,black,normal,normal" bkcolor="transparent" bkimage="" border="inset,10,deeppink" type=0 line=200% align=center use=ex length=0 char="" num="0,black" filter=""] الفهد وعبدالله إ بن تركي واصلوا وحنّا متابعين بداية جيدة تشكرون عليها والكمال لله وحده سبحانه [/poet] |
24-11-2002, 08:26 | #9 |
عضو شعبيات
|
تسلم يا اخوي يا سعد وزي ما قلت بدايه ومنكم نستفيد المجال هذا شيق وشدني وودي اتمكن منه وياليت تساعدونا وتوجهونا باي ملاحظات تشوفنها ومنكم نستفيد يا ابو تركي وينك فيه غاطس نحتري ردك للتذكير وش بلا الجربوع بالقدر انقلا ..................................... شب ابو تركي وجيبوا له المطافي جففي دمعوك لا يا ريم الفلا ..................................... وولمي الزينه لعرسك والزفافي |
24-11-2002, 11:18 | #10 |
عضو شعبيات
|
هلا وغلى أبو مذكر يالله حييه ... وكلام الفهد هو عين الصواب ......... مشكور أخي العزيز أبونوت على مجهودك الجدير بالشكر الجزيل الفهد ياخوك الدوام ذبحن ولا قدرت أرد بسرعة ........ وأستلم لاهنت: الزفــاف إن قــالها الله إمـتــلى ...............................من جحوش ومن حمير ومن زرافي قابـلــوك وقـبـّـــلــــوك ولا سلا ............................. من ضحك في يوم عرسـك لين عافي ومثل ماإتفقنا يابيض الوجه |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|