17-02-2012, 18:14 | #1 |
شـــاعــر
|
~ فلسفـة النقــد ~
مع كثرة النقّاد في كل ميدان=لاتستمع للي يعذرب فعولك طبع العرب ماينهضم عند الألمان =بتشوف كم شخصٍ يحارب ميولك يمكن من النوماس حاقد وغضبان=ويمكن نقد لنّه توهق يطولك لاتستمع الاّ لحرٍ كحيــــلان=رأيه ونقده شال عنك حمولك تلقاه في كل المراقيب شيهان=رأيه يطابق بالتفاكير قولك بعض العرب للنقد مغرم وولهان =جالس يحسّب كيف قصرك وطولك مثله إذا تسّمعت له رأي غلطان=لاتعبّره مادام ماهو بحولك النقد ابده للعرب بس من شان=تبني ولاتهدم برغبة وصولك ابده إذا شاورك في امر انسان=او مؤتمن في شي /حارب فضولك ومن ماطلبك الشور لاتصير بلشان=لاقلت له رأيك تُصاب بذهولك ياصاحبي لاتصير ضايق وزعلان=سبّة حسودٍ يجتهد في ذبولك شمس العدالة نورها شرّف وبان =وشلك بظلمة ماتحقق حلولك |
21-02-2012, 18:08 | #2 |
متنبي الشعر الشعبي
|
رد : ~ فلسفـة النقــد ~
وهذه سمة الواثق من نفسه صح فكرك ياوليد |
21-02-2012, 20:20 | #3 |
شــاعر
|
رد : ~ فلسفـة النقــد ~
نص جميل ودعوه مميزه وصائبه للنقد من حيث التقبل والتوجيه سرني مروري اخي أخيك سالم |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|