23-08-2002, 22:04 | #1 |
عضو شعبيات
|
رديه عمرها 80 سنه حدثت في القويعيه
يقول الشاعر سعود بن عبدالله البليهي رحمه الله .. كل الشعار في القويعيه تراديت معهم واقفهم بالمراد ما عدا الشاعر سعد ابو عبيد ولذك لانه اذا علم انني في الملعب بالقلطه لا يحضر وذلك خوفا من الانتصار عليه وفي يوم من الايام وقد كنت مسافرا للرياض ثم رجعت للقويعية ولم يكن يعلم ابو عبيد برجعتي وقد كان موقف جميع الشعار في الملعب (يتجيود عليهم ) وعندما سمعت صوته حضرت للملعب ويوم شافوني الحاضرين اوسعوا لي عشان ادخل الملعب وعند مشاهدته لي لم يكن امامه الا انه يرادني فحصلت الرديه التاليه قال ابو عبيد : انا مروح لي ريح عود *** جا من شمال وشمنا رد عليه سعود وقال : الا مروح ريح الاسود *** سيلك لا تعدله يمنا ترا السيل ما يرقى النفود *** كم انتم وحنا كمنا قال ابو عبيد: انا ياسعد وانت ياسعود *** ولا تلايمنا المنا حنا يالوقوف ويالقعود *** انت يالبليهي عمنا قال سعود : حنا مير بنزوي القيود ***واللي همكم ما همنا عقب شوي يالقطو الشرود *** تلعن اللي سرا بك يمنا عندها جلس ابو عبيد وقال لن انتظر الى عقب شوي بل سألعن اللي سرابي لكم من الان ورفض ان يكمل المراد وهو ما يعتبر وعرفا عند الناس انه انسحاب من الرديه امل ان تكون اعجبتكم ونالت استحسانكم تحياتي اخر تعديل كان بواسطة » مساير الود في يوم » 23-08-2002 عند الساعة » 22:45. |
24-08-2002, 16:11 | #2 |
سيـــف الســـيــف
|
[c]هلابك يامساااير الود ومشكوور على هالطرح الطيب والشاعر المرحووم سعوود البليهي من فحوول الشعراء ووصلنا الكثير من اشعاره ومازالوا اغلب اهل المنطقه يتناقلون اشعاره وهذا دلاله على جزالته رحمه الله وموتى المسلمين عامه شكرا يامساير الود 00 ولاتبخل علينا بمثل هذه المشاركات الطيبه تحياتي لك لاعدمتك[/c] |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|