[صـدى الصـوت]

جدي الحجاج

أنا اللي علمتني دنيتي في هالحياة دروس =نضج فكري بعمري من قبل ما تنضج أيامي
دروس(ن) مالها منهج وأثرها داخلي مغروس =رسم فكري ومنطوقي وغير مجمل أحكامي
يقوم العالم التحتي ولا قد هزني ملحوس= يقول أهواك ياعمري وأشوفك مهرة أحلامي
حسبني صيدة سهلة ويغريني ذهب وفلوس= قلوله عــزتي فيني وخوف الله قــدامي
غروري لمتطيته أطرح أشناب(ن) واطيح رووس= لها عزن وشانن تنسحر من خطوة أقلامي
تميز طبعي العفة وغيري بالبغا متروس =شذا عـطـرالأنوثة فاح بثيابي و بانـسامي
أنا في عشقي العذري أسير بمنهج(ن) مدروس= أحب اللي كسا ثوب الرجوله بشته السامي
أنا من جدي الحجاج بأعوامي خذيت دروس =على التوحيد ربَّاني ونـوَّر موطن أقدامي

[سعيد بن مقبل الأكلبي]

حـسـبـنـي صــيــدة سـهـلــة ويـغـريـنـي ذهــــب وفــلـــوس
قــــلــــولــــه عــــــزتــــــي فــــيــــنــــي وخـــــــــــــوف الله قــــــدامـــــــي

ياسلام يالمبدأ وياسلام يالشعر
صح لسانك ياصدى الصوت

[يحيى ابن فالح الاحمري]

أنـا مـن جـدي الحجـاج بأعـوامـي خـذيـت دروس
عـلـى التوحـيـد ربَّـانـي ونـــوَّر مـوطــن أقـدامــي




صح لسانك



وبنت رجال والنعم فيهم

[عبدالله الســعيدي]

صدى عزالله انك بنت أحصان ...!!


صح ألســانك ..

[صـدى الصـوت]

صح بدنك أخوي سعيد ولاهنت على البصمة المشرقة
تحياتي لك

[صـدى الصـوت]

صح بدنك أخوي يحي وماعليك زود
ومشكور على مرورك العذب
تحياتي لك

[صـدى الصـوت]

صح بدنك أخوي عبدالله
ومشكور على مرورك العطر
تحياتي لك

[حمد البادي]

شاعرتنا
صدى الصمت
كفو والله يابنت الرجال
وصح لسانكِ
قصيدة كلها شموخ وعفة وعزة
لاهنتِ

[غارم العمري]

صدى الصوت

نص جميل مطرز بالعزه والكرامه ...

تشرفت بقرائتك

لك التقدير

[صـدى الصـوت]

صح بدنك أخوي حمد البادي وماعليك زود
ومشكور على مرورك العطر
تحياتي لك

[صـدى الصـوت]

الشرف لي أخوي غارم فقد أسعدني مرورك وبصمتك المشرقة
تحياتي لك