[سند مطر]

لاتصيب القلب فالهجران = ليه بعدي دايمن تنويه
جوف خلك ممتلي بركان = حيث قربك دايمن يرجيه
في بحر حبك ترا غرقان = غاربي ضايع ولا لا قيه
عمت في بحر الهوى طربان = بس حسافه بالهجر تجزيه
شفت صدك ياعسا ماكان = واذكر الماضي وقوم ابكيه
ليت قلبي ماعشق انسان = ليت عمري منتهي مابيه
بير حبك يسقي الضميان = صرت من عقب الجفا ضاميه
ليه تشرق شمسنا بحزان = ليه نمسي والحزن نبقيه
خاطبن صوت الشعر رئفان = ليه خلك ذالشعر ناسيه
في حروفك تكتبه بتقان = دايمن دون الملا تبديه
في خيالك ترسمه بتقان = لا جل شوقك بالنظر يحييه
ليه دمع العين به مابان = وانت في صفحة وفا منشيه
قلها وضحى لبن عدوان = الوفا دربن وهي تمشيه
حبهم لهل الهوى عنوان = حبهم ماهو مصير التيه
يالغضي لاتلحقن نكران = عاذلي نار الوصل تصليه
يشتكي قربي بلا عرفان = هادمن حبي وانا بانيه
صاح شوقي منتخي يفلان = وين خلك خافقي يدعيه
بطلبه عله شفا المرضان = علته وصل الغضي تحييه
شاعلن في داخلي نيران = نار بعده بالوصل يطفيه
خافقي كنه شبه ميدان = جرح ساكن والحزن طاويه
وان بغى تركي فهو غلطان = كيف يترك من سعى يشريه
خبروه ان باعني خسران = عقبها في خافقي برثيه