[ثواب زيدالحارثي]

مصافحه اتمنى ان تنال اعجابكم/



( احلى وامر قصائدي)

	ليش صارت نظرتك صاحبي نظرة عيوف=وفي حياتي صاحبي ما طعنتك فـي قفـاك كيف تسمع هرج واشي وهـذارٍ زهـوف=وانت ما شافت عيونك ولا لمسـت يـداك كنت أحسبك مسندي يوم تشتد الظـروف=بس يا ذيب الخلا وش ورا جـرة عـواك أعرف أنك لا بغيت العشا تقـدر تحـوف=وانتبه يا ذيب يوجعك بطنك مـن عشـاك جيت أدور حق مبغا شفاعـه ومعـروف=جيت أوضح ما حصل من خطا هـذا وذاك قلت شوف الحق واضح وكنك ما تشـوف=مير أنا مدري علامك ولا دري وش بـلاك وين ضحكات الثنايا وصفقـات الكفـوف=يوم أعبر عن شعوري وحسسـك ابغـلاك صرت في موقفك مثل النقاط ابلا حـروف=عرفتنـي مستـواي الكبيـر ومستـواك وشفت في موقفك عله وفي شمسك كسوف=وشفت في حاجبك تعبير واضح عن رضاك قلت أفارق عنك وأقفي بتعريض الكتـوف=بعد خابت هقوة اللي عنـا يمـك وجـاك وش شعورك يوم لفت الضلوع العوج لوف=وش شعورك تعترف في خطا ما هو خطاك ولا تضيع إلا حقوق الزلايب والضعـوف=ويلزمك تعرف ثواب ابطريقـه محتـراك لا تحسبني بتجريحـك القاسـي عـزوف=وقفتي هي وقفتـي مـا يغيّرهـا جفـاك ولا يداوا الجرح فيني شعورك بالحسـوف=مير يا جرحي تـرا البعـد والفرقـا دواك وخاطري يا هيه لا تحسبه خاطر هنـوف=تكسره أو تجبره مثـل مـا يبغـا هـواك خاطري خاطر بعيد المرامـي والشفـوف=واملك الرجال بالجـود والطيـب امتـلاك وجعل يبتر عظم ساقي من ارهاف السيوف=لو اشوف الموت ما خضع لمثلك أو سواك لو تفرشنـا الجريـد وسكنـا فالكهـوف=(عهد) يا قلبي لداويك وابـلا مـن بـلاك زود بعنـادك وزود التصـدي والوقـوف=يا بلغنـا قمـة العـز يـا نهلـك هـلاك ما نحّول مـن سنـام المعـزه للـردوف=ولا يخالط ريحة العود الأزرق عـود راك ولا نعيش أبذل والقلب ما يدخلـه خـوف=الفنـا والمـوت واحـد هنـا ولا هنـاك يالكتاب اللي جعلتك على الرف أمحـذوف=ويش تعني غير رسم الغلاف اللي زهـاك لا حقيقة واضحة لا معانـي لا وصـوف=من خطاي أني قريتك وأخطا مـن قـراك

---------------------------------
شعر\ ثواب بن زيد بن نجا الحارثي
thawab1398@hotmail.com

[يزيد بن غشيّان]

اشهد انك شاعر يا ثواب و سجلني من متابعينك


يالكتاب اللي جعلتك على الرف أمحـذوف
ويش تعني غير رسم الغلاف اللي زهـاك


الله الله
صح لسانك مدد بلا عدد و في انتظار الجديد

[نمرالعتيبي]

ابو زيد هلا بك والله ومراااااااحب


ويسلم راااسك على هالرااااااااااااااااااااااااااايعه وصح لسااانك من شااااعر
رااقي مميز له حضووور جمييل في السااحه الشعرييه
والله يجعلك على القوووووووه

اخوك نمر العتيبي

[سعدالجميلي]

يالكتاب اللي جعلتك على الرف أمحـذوف
ويش تعني غير رسم الغلاف اللي زهـاك

مبدع كعادتك اخوي الشاعر



الرائع ثواب الحارثي




صح لسانك

[أحمد الديهان]

.




أرحب يا بو زيد ..




خاطري خاطر بعيد المرامـي والشفـوف
..............واملك الرجال بالجـود والطيـب امتـلاك

كفو والله يا بو زيد ..


قصيده شامخه
جزله مفرداتها و رائعه صيغتها
ومعبره جداً ..


صح قلبك وسلم فكرك ..


و لله درك ..،،



تقبل تحيتي و تقديري ..



أخوك احمد بن ديهان ..




.

[فيصل التويجري]

صح لسانك قصيده جزله من راس جزل

ولا تضيع إلا حقوق الزلايـب والضعـوف
ويلزمك تعرف ثـواب ابطريقـه محتـراك

لا تحسبني بتجريحـك القاسـي عـزوف
وقفتي هي وقفتـي مـا يغيّرهـا جفـاك

ولا يداوا الجرح فيني شعورك بالحسـوف
مير يا جرحي تـرا البعـد والفرقـا دواك

وخاطري يا هيه لا تحسبه خاطر هنـوف
تكسره أو تجبره مثـل مـا يبغـا هـواك

خاطري خاطر بعيد المرامـي والشفـوف
واملك الرجال بالجـود والطيـب امتـلاك

يا سلام كفو الله يعزك

دمت بخير ان شاء الله

[الغريبه شوق]

الله الله الله

رائع جدا

صح قلبك

[متعب فهد]

السلام عليكم


اخى العزيز


صح لساانك ولا هنت


متعب