02-06-2007, 22:43 | #1 |
شــاعر
|
فزعتك يافهد
في البدايه ابدي اعتذاري عن الانقطاع وذلك لكوني اتواجد في منطقه نائيه اما بالنسبه للمشاركه فهي قصيده موجهه للشاعر فهد اليامي ارجوا ان تحوز على رضاكم وعسى ابو عبدالله فاهم الوضـــــــــــــــع
لا وا هني اللي على البعد صبار = ماهو بمثلي والسهر في سيايير متوسد ذراعي وكني على نار = قالي ونومي شردته التفاكير ضايق وفي جوفي لهيبٍ وفوار= كن فيه من هو ينفخ الضو والكير مالي مداوي من عذابي ومحتار =وليلي صياح انفاس نوح وتحاسير ألد عيني ودي اشكي على الجار = والجار بسم الله يا هوية البير واصيح صيحة من طلب في هله ثار= متحزمٍ بحزام وابسيفٍ اشطير بالصاحب اللي كنه الطير لا طار = يكفخ يهد يصيد امجاد ويطير فهد ولد خالي إذا مدة اشبار = شبره طويل وفي حضى الازم كبير عقال للضنكه وللهم هجار= وعون الخوي ومسنده لا حصل ضير وآنا عليه اشكي من الذل والعار= ذل الغرام وعار حب المدابير بالله يا ذخري ويا نسل الأحرار= هو للهوي عندك حلولٍ وتغيير أشكي عليك أحبيبي وانته اختار = من مني ومنه نوى في الهوى خير الصاحب اللي غاب ما بين اعذار= أقفى وخلاني اذوق المعاسير أقفى وانا بعده عليلٍ ومنهار = وقلبي يقطعه الفراق بمناشير ما رجعه قلبه إلينا ولا دار = ولا حاكته نفسه ولا عاود السير لا بالله إلا خان بالعهد بوار= من بعد ما كنا حبايب عن الغير من بعد عشرة حب و أشواق وأشعار = ورسايل مغازل بخط المناكير ذيك الليالي في خلا الليل سمار= ما غير انا وياه نسري مداوير ان اشتكيت يقول نفداك ومجار = وان هو شكى لي ارتكي كني ابعير واشيل حمله وآتلقى للأضرار= وأظغط وأكابر من عنى الشيل وأسير من شان حبه قد بنا في الحشا دار = وانبت بساتين الربيع النواويير أضفى لعمري روح تجري بها انهار= وضحك وطرب والله ما عاشها الزير إغير آنا من هله دايم أغار= وحتى المرايه منها دايم أ غير إن غاب ليله جيت ناشد ودوار= ما احتمل يومٍ يجي فيه تأخير متوقعٍ ما فارقه صار ما صار = لكن دنيا تجعل الحاجه تصير خلا العرب تشمت وتهزى وتعتار = ولا شافني ذياك لوجهه يدير كبوه لأنه ضايع العقل خمار= يقضي لياليه بكاس وقوارير لأنهم يشوفوني بحزاة الأفجار = جالس وجر الصوت ورد ومصادير بذاك المكان اللي بقى فيه تذكار= تذكار خلٍ كسر القلب تكسير واليوم جيتك يا عسى عمرك اعمار = والقلب في حاجة غيارٍ وتغيير أفزع لي بقلبٍ على البعد صبار = إن كان عنك قلب لإمثالي سبير و سلامة الجميع @@@@@@@@@@@ اخر تعديل كان بواسطة » عبدالله بن حريش في يوم » 02-06-2007 عند الساعة » 23:09. |
02-06-2007, 23:22 | #2 |
شـــاعر
|
رد : فزعتك يافهد
. . صح لسانك ياعبدالله .. نص رائع ومعاناه واضحة في الأبيات ... سجل إعجابي بهذا النص .. تقبّل تحاتي |
03-06-2007, 08:52 | #3 |
شـــاعره
|
رد : فزعتك يافهد
الرائع عبدالله مستنير ابدعت في مكانة هذه القصيدة حيث السمة والجزالة من ابرزمقومات روعتها وحضورها ومنك للرائع فهد اليامي ننتظر الرد صح نبضك مدد بلاعدد ايها المبدع تحياتي وتقديري,,, |
03-06-2007, 14:37 | #4 |
شـــاعـر
|
رد : فزعتك يافهد
صح لساانك ياعبدالله قصيده مسنده لرجال كفوا .. ويستاهل.. أشكي عليك أحبيبـي وانتـه اختـار من مني ومنه نوى في الهوى خيـر الصاحب اللي غاب ما بيـن اعـذار أقفـى وخلانـي اذوق المعاسـيـر في إنتظار فهد وماتجود به نفسه.. لاهنت يالغالي |
09-06-2007, 03:29 | #5 |
شــاعر
|
رد : فزعتك يافهد
مرحبا يا احمد الحجاج صح بدنك يا الغالي وحضورك الاجمل وانت الصادق المعاناه ما فيها كلام @@@@@@@@@@ |
10-06-2007, 00:26 | #6 |
شــاعر
|
رد : فزعتك يافهد
صح لسانك ياعبدالله انت كفو وفهد كفو ويستاهل قصيده جزله من جزالة شاعرها خطيت الابداع والطاروق الممتاز تحياتي |
13-06-2007, 08:02 | #7 |
شـــاعر
|
رد : فزعتك يافهد
أرحب يابومحمد صح لساااااانك رائع بكل ماتعنيه الكلمة من معاني الروعة أبيات تعانق السحاب في وصفها قصيدة جزلة وموجهة إلى شاعر من العيار الثقيل لاهنت يابو محمد وفي انتظار أبو عبدالله قريبا |
13-06-2007, 16:38 | #8 |
شـــاعر
|
رد : فزعتك يافهد
عبد الله مستنير غيابك نقدم له العذر وحرصنا على تواجدك من معزة وتقدير قصيدة رائعة يا عبدالله وقريبة من القلب لـ صدقها شاعر وسندتها على شاعر كفو ... تحياتي لك وللـ غالي فهد اليامي والله لا يحرمنا هالتواجد |
13-06-2007, 17:46 | #9 |
شــاعر
|
رد : فزعتك يافهد
ارحب تراحيب المطر يا عبد الله... الله الله عليك عز الله انك ابدعت وما قصرت يالغالي قصيده مسنده من شاعر جزل الى شاعر جزل لا هنت اخوك / متعب |
13-06-2007, 21:26 | #10 |
شــاعر
|
رد : فزعتك يافهد
الاخ الشاعرالجميل عبدالله المستنير حضورك دائما جميل |
15-06-2007, 03:33 | #11 | |
شــاعر
|
رد : فزعتك يافهد
إقتباس:
هتون الشريف صح بدنك يا الغاليه الابداع المشهود هو حضورك طال عمرك مشكوره والله لايهينك تقبلي التحيه @@@@@@@@@@@@@ |
|
15-06-2007, 03:38 | #12 | |
شــاعر
|
رد : فزعتك يافهد
إقتباس:
محمد حليلان فديت راسك يا وجهه جشم ما عليك زود والنعم بحالك ولا انت ما تهون الشرف تواجدك في مشاركاتي وفالك الطيب @@@@@@@@@@@ |
|
16-06-2007, 10:22 | #13 |
الضغط العالي
|
رد : فزعتك يافهد
ارحب يابو محمد وابشر بعزك انت تامر على الروح وابشر بالرد انشاء الله والمعذره على التاخير انت خابر وبيش كان عندي ولا عليك زود وصح لسانك وتقبل خالص تحياتي |
19-06-2007, 22:40 | #14 | |
شــاعر
|
رد : فزعتك يافهد
إقتباس:
مهدي صح بدنك مهدي ما عليك زود مهدي تواضع منك وشهاده اعتز فيها مهدي تسلم يا الغالي @@@@@@@@@@ |
|
19-06-2007, 22:45 | #15 | |
شــاعر
|
رد : فزعتك يافهد
إقتباس:
البقا لك يا ابو حمد وصح بدنك مسرور جدا يا محمد بحضورك والله لا يهينك وكلامك وسام على على صدري اعتزفيه وافتخر سوالم @@@@@@@@@@ |
|
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|